21/08/2025
Marami akong natutunan nitong mga nakaraang buwan gaya ng mas mabuting balewalain na lang ang mga negatibong bagay sa paligid ko.
May mga sitwasyon na hindi na kailangan pang ipaliwanag, lalo na kung wala naman akong ginagawang masama at tahimik lang akong namumuhay. Mas kilala ko ang sarili ko, mga kalakasan at kahinaan ko kaysa sa pagkakakilala nila sa akin. Kaya hindi ko inuubos ang oras at enerhiya ko sa mga bagay o taong hindi naman nakakatulong sa ikatatahimik ng isipan ko.
Mas payapa at mas simple ang buhay kapag natututo kang piliin lang ang mga bagay at taong karapat-dapat sa atensyon mo.
