30/07/2026
PANGYAYARI SA TABACO NATIN!
APAT NA KAGAWAD NG BARANGAY SAN ROQUE SA TABACO CITY, SINUSPINDE NG SANGGUNIANG PANLUNGSOD
Tabaco City — Sinuspinde ng Sangguniang Panlungsod ng Tabaco City ang apat na kagawad ng Barangay San Roque matapos silang mapatunayang nagkasala ng simple misconduct.
Ang mga sinuspinde ay sina Cherrel Binalla, Rodel Bonaobra, Mark Anthony Balingbing, at Jonathan Broqueza. Batay sa naging desisyon ng Sangguniang Panlungsod, sila ay pinatawan ng isang buwan at isang araw na suspensiyon na walang kaukulang kompensasyon.
Nag-ugat ang kaso sa reklamong inihain ni Elias 'Toto' Bobiles Jr., Punong Barangay ng San Roque. Ayon sa reklamo, ang apat na kagawad ay hindi na dumadalo sa mga flag raising ceremony ng barangay at hindi rin tumutupad sa kanilang nakatakdang tungkulin bilang Officer of the Day.
Ayon sa Sangguniang Panlungsod, ang kaparusahan ay ipinataw matapos mapatunayan sa isinagawang pagdinig na nagkaroon ng paglabag ang mga respondent sa kanilang mga tungkulin bilang mga halal na opisyal ng barangay.
//Joemar Bien | Tune in to DZGB-am for more updates
