04/02/2026
“AH TEXT TEXT LANG!”
-Anonymous.
“Nano kay nanhahatag kamo? Makandidato ka?”
“Diin hali ina na iyo inapanhatag?”
“Sino na kandidato an naghatag sana?”
Pag maaraman naman ninda na FTCI (FANATXT TEXTERS CLUB INC. ) kag NGO kami, sasabihon naman san AH TEXT TEXT LANG.
mangangarat na maarman na Rehistrado sa YORP/NYC kag sa SEC. Biglang— nano an tuyo san iyo grupo? Sino man an naga sweldo saiyo? Diin man kamo nagakuha san Pundo?
Halos damo na akon nababati na magkon nanonano na storya. Na hindi man naka offend bagkus makakatawa ka san iba iba na rason pag sinabat na sinda tapos di ayon sa inda gusto mabati hali saamon. 🥹
“Nasanay na pan-o an tawo na pag maghatag ka may kabalyo.”
“Natural nano kay magahimo kamo sana kun wara kamo san tuyo.”
“Hamaki? Ta nano kay gatyaga kamo san kakapanghatag na wara man kamo san napapala?”
May mas malala pa na storya, pero anhon man kay
Mas masadya pano mabati an “SALAMAT” hali sa tawo na hugot sa boot an inda pagsabi. An makasugat ka san Random na tawo sa maski diin sa masbate kag magasabi san:
“Ay kamo an FTCI, inapahanap kamo sakon ni mama, mag intra daw ako saiyo. Usad ako sa bata na iyo inhatagan dati ddto sa (Lugar). Grabin lipay namon sadto!”
“Salamat kay nakaabot kamo dd saamon lugar, maski harayo kag delikado an agihan, bihira la kami dd mabisita san mga irog sani kag mapasadya an mga kabataan.”
“Salamat saiyo Grupo, wara kamo mahadlok sa amon baranggay, Grabi an pasalamat ko saiyo kay kun di dahil saiyo, dili magkakaarayos kag magkakaurusad an mga tawo dd sugad. Kamo an inpadara san Diyos para mahuman an di namon pagkakaintindihan.”
“Salamat sani na iyo inpanghatag, 3 an bata ko dako dako na bulig na di ko na babakalon pa ina na mga gamit pagskwela ninda kay kapos kapos gayod. Maiwat an pangwarta.”
May nagaturo an luha nagatunol san Saging, maski nano na matunol “Salamat gayod san iyo Bulig saamon, maayo pa kamo kay nadomdom kami.”
“Pag magklase kami sa masbate City, hanapon kamo namon, kay maupod man kami.”
Kag kun nano nano pa man na mas nagahatag saamon san Rason para ipadayon an amon pagbulig, pagpasadya na wara san inahandom na kapalit kundi kaayuhan para sa tanan.
Makapoy? Oo! Pero makita lang na malipay an mga tawo na nadapuan namon, nakawara na man lang san Kapoy kag bagan mas lalo nagakusog pa.
Nakaubos san kwarta pa ngani kay halos most of the fund hali mismo sa bulsa san mga myembro, kaya super thankful kami kag saludo sa amon mga Suki na DONATORS/ Partners kay dili sinda nagasawa na upodan kami sani na amon Misyon sa Grupo. 🖖
Amo lang kami sani, FANATXT TEXTERS CLUB INC. Nagtuna sa Text text na inhatagan san maayo na motibo an pagbuo san grupo para makahatag san inspirasyon sa kabataan, Gabayan kag ilayo sa malain na landas an mga kabataan.
Kay an Founder namon, dakilang mang aampon san maski sin-o na makilala sa agihan, an Rason “Kalooy Man, maayo nalang na agdahon ta saaton kaysa makadto sa mali na barkada kag mapahamak pa.”.-(ambush.)
2006- 2016- 2026 - 20 years na an grupo, mag-iba iba na pamayhon an nakasalamuha pero isad lang an gusto mangyari para sa grupo. Makahimo san maayo sa kapwa bag-o mawara sa mundo. 👏🏼✨
(PEOPLE MAY PASS AWAY BUT MEMORIES REMAINS FOREVER-FTCI MOTTO)
Buhay pa man intawon an grupo maski dili na uso an text text kag GM. Haha Hasta kaya, magahatag kag magahatag kasadya. An Diyos na an Bahala. ❤️
PS: Amo ina an kwentong FTCI ko, ikaw anong kwentong FTCI mo? 🥹
📸 Giftgiving project 2024 , Brgy. Magsalangi, Milagros Masbate.
