The Blaze

26/08/2025

🏴‍☠️ Arghh! Mga Ateniano, handa na ba kayo na maging pirata o detektib? 🕵️‍♂️🕵️‍♀️

Sa dami ng nangyayari sa araw-araw sa paaralan, minsan hindi na natin napapansin ang mga bagay na nasa paligid. Pero ngayong araw, babaligtarin ‘yan ng The Blaze Scavenger Hunt! 🎉

Isipin mo: naglalakad ka lang sa campus, tapos boom—may makita kang logo na tila nagtatago sa’yo. :eyes: Hindi lang ito simpleng logo, kundi susi para makakuha ng premyo! Pero teka—tandaan, dahil bawat estudyante ay isa lang na logo ang pwedeng kuhain. 🍀

Kapag nahanap mo na ang logo, lapit agad sa staff ng The Blaze. Dito na magsisimula ang tunay na hamon: may tanong silang ihahagis sa’yo. 🤔 Kung masagot mo nang tama, congratulations—panalo ka ng premyo! 🎁 At para makuha ito, kailangan mong puntahan ang ating Publication Adviser na si Binibining Marielle B. Naz.

Kaya mga Ateniano, huwag palampasin ang pagkakataon! Tara na at maging campus explorer—upang mabansagan bilang Logo Hunter ng The Blaze Scavenger Hunt! 🔍🔥

𝙈𝙖𝙣𝙪𝙣𝙪𝙡𝙖𝙩: Sean Kenneth Usher M. Mateo
𝙇𝙖𝙮𝙤𝙪𝙩 𝙣𝙜 𝙋𝙪𝙗𝙢𝙖𝙩: Denielle Anne P. Coo at Rhovielle Therese R. Gonzaga

26/08/2025

𝗣𝗛𝗢𝗧𝗢 𝗘𝗦𝗦𝗔𝗬 | 𝑾𝒊𝒌𝒂𝒏𝒈 𝑫𝒂𝒌𝒊𝒍𝒂

Ang tunay na dignidad ng bayan ay nasusukat sa gawa ng bawat kamay ng Pilipino. Saad nina Herminigildo Cruz at Gabriel Beato Francisco mula sa tulang “Sa Aking mga Kabata” na “Ang hindi magmahal sa sariling wika ay higit pa sa hayop at malansang isda.” Binibigyang-diin nila ang kahalagahan ng wika ng ating bansa sapagkat ito ang kaluluwa ng bayan. Kabilang din dito ang mga sinaunang wika na ginagamit pa rin hanggang ngayon.

Ang ating bansa ay binubuo ng iba’t-ibang wika at diyalekto, at dahil dito, kailangan pagdesisyonan ang isang wika upang maging basehan ng ating pambansang wika. Noong 1935, ipinahayag ni Pangulong Manuel L. Quezon ang Tagalog o Filipino bilang batayan ng wikang pambansa sa pamamagitan ng Kautusang Tagapagpaganap Blg. 134. At noong 1987, naging opisyal na wika ng Pilipinas ang Filipino.

Tayong mga Pilipino ang may malalim na kaalaman sa ating mga katutubong wika, at kailangan nating panatilihin itong buhay. Ang paglinang ng katutubong wika ay nasa ating mga kamay—sa ating gawa, sa ating pagpili, at sa paggamit nito upang ipagtanggol ang isa’t isa.

Sa huli, sa ating mga 𝐾𝐴𝑀𝐴𝑌 nakasalalay ang paglinang at paglago ng ating sariling wika.

𝗠𝗮𝗻𝘂𝗻𝘂𝗹𝗮𝘁: Yuri Emmanuel T. Taño
𝗞𝘂𝗺𝘂𝗵𝗮 𝗻𝗴 𝗟𝗶𝘁𝗿𝗮𝘁𝗼: Rianne Angelique S. Calvo

25/08/2025

𝑲𝒂𝒈𝒊𝒕𝒊𝒏𝒈𝒂𝒏𝒈 𝑨𝒍𝒂𝒚 𝒔𝒂 𝑩𝒂𝒚𝒂𝒏 𝑻𝒖𝒏𝒈𝒐 𝒔𝒂 𝑲𝒂𝒍𝒂𝒚𝒂𝒂𝒏 𝒂𝒕 𝑲𝒂𝒔𝒂𝒓𝒊𝒏𝒍𝒂𝒏
Ngayong araw, ika-25 ng Agosto, ating ipinagdiriwang ang araw ng mga Bayani. Bilang pagtanaw sa kagitingang kanilang ipinamalas, tayo’y makiisa upang bigyang pagkilala ang kanilang ambag sa paghubog at paglinang ng ating bansa at kasarinlan. Ating bigyang pugay ang mga bayani na nagsakripisyo at nag-alay ng dugo’t pawis para sa kalayaan at kinabukasan ng Pilipinas.

Mula sa mga mandirigma sa ating kasaysayan, mga ninunong nakipagbuno upang isulong ang kalayaan, mga bayaning ginamit ang tinta’t pluma upang ihayag ang naisin ng bayan, at hanggang sa mga modernong bayaning patuloy na lumalaban para sa katotohanan at katarungan–mula noon hanggang ngayon, sa kabila ng anumang hamon, patuloy nilang isinusulong ang boses ng mga mamamayang Pilipino. Ang kanilang katapangan at dedikasyon sa pagsisilbi sa bansa ay isang ehemplo ng pagiging makabansa na dapat nating tularan.

Ang araw na ito ay hindi lamang paggunita sa ating mga magigiting na bayani. Ang araw na ito ay nagsisilbi ring paalala sa atin–na tayo, bilang mga mamamayang Pilipino, ay may tungkulin sa ating minamahal na Inang Bayan. Pinapaalala nito ang kahalagahan ng pakikiisa at pagkakaisa, pagsulong sa kung ano ang tama, at patuloy na pagsulong sa kalayaan ng bansa. Isapuso natin ang karakter ng isang bayani. Nawa’y ang kanilang kabayanihan ay magsilbing inspirasyon para sa ating mga mamamayan. Mabuhay ang mga bayaning Pilipino! Mula sa publikasyon ng The Blaze, binabati namin kayo ng maligayang Araw ng mga Bayani, mga Ateniano!

𝘾𝙖𝙥𝙩𝙞𝙤𝙣: Colyn Franxis B. Delos Santos

23/08/2025

🔥 𝙎𝙀𝙉𝙄𝙊𝙍 𝙃𝙄𝙂𝙃, 𝘼𝙍𝙀 𝙔𝙊𝙐 𝙍𝙀𝘼𝘿𝙔 𝙏𝙊 𝙏𝙍𝘼𝙑𝙀𝙇 𝘽𝘼𝘾𝙆 𝙄𝙉 𝙏𝙄𝙈𝙀? 🔥

It’s time to dust off your flared jeans, neon windbreakers, chokers, scrunchies, and 90s swag because this year’s Acquaintance Party is going to be an epic throwback you’ll never forget! 🎧✨

👕 Theme: 𝐓𝐡𝐫𝐨𝐰𝐛𝐚𝐜𝐤 𝐭𝐨 𝟗𝟎𝐬
📅 Date & Time: 𝐒𝐞𝐩𝐭𝐞𝐦𝐛𝐞𝐫 𝟑, 𝟐𝟎𝟐𝟓, 𝟓:𝟎𝟎 𝐏𝐌 – 𝟏𝟎:𝟎𝟎 𝐏𝐌
📍 Venue:𝐀𝐭𝐡𝐞𝐧𝐬 𝐀𝐜𝐚𝐝𝐞𝐦𝐲 𝐂𝐨𝐯𝐞𝐫𝐞𝐝 𝐂𝐨𝐮𝐫𝐭
💸 Ticket Price: 𝟑𝟎𝟎 𝐩𝐞𝐬𝐨𝐬 𝐨𝐧𝐥𝐲!

🎟 Ticket Inclusion: Entrance, food, prizes, souvenirs and an experience you won't forget!

Get ready for a night packed with:
🎤 𝗟𝗜𝗩𝗘 𝗽𝗲𝗿𝗳𝗼𝗿𝗺𝗮𝗻𝗰𝗲𝘀 that will make your heart kilig!
🎮 𝗥𝗲𝘁𝗿𝗼-𝘁𝗵𝗲𝗺𝗲𝗱 𝗴𝗮𝗺𝗲𝘀 𝗮𝗻𝗱 𝗰𝗵𝗮𝗹𝗹𝗲𝗻𝗴𝗲𝘀 for squads & barkadas!
🎶 𝗡𝗼𝗻-𝘀𝘁𝗼𝗽 𝟵𝟬𝘀 𝗵𝗶𝘁𝘀 that’ll make you sing and dance all night long!
🏆 𝗣𝗿𝗶𝘇𝗲𝘀 for Best Dressed and other surprise awards!
📸 𝗣𝗵𝗼𝘁𝗼 𝗯𝗼𝗼𝘁𝗵𝘀 & 𝗜𝗚-𝘄𝗼𝗿𝘁𝗵𝘆 𝘀𝗽𝗼𝘁𝘀 to capture your 90s look!

This is your chance to meet new friends, bond with fellow Athenians, and vibe to the golden era of mixtapes, Walkmans, and MTV hits! 💿

So mark your calendars, grab your tickets, and bring your 90s energy—because this party will be ALL THAT and a BAG OF CHIPS! 💥

Tag your friends now and let’s make this a night of nostalgia and neon lights!

More updates coming soon, so make sure to stick around!!

21/08/2025

20/08/2025

𝗞𝗢𝗠𝗜𝗞𝗦 | Mula sa ‘huh?’ hanggang sa ‘ahh!’ — ganyan ang lakas ng wikang Filipino! Ang dayo noon ay kababayan na ngayon. Dito ipinapakita ang mahika ng wika at pagkakaibigan.

𝘾𝙖𝙥𝙩𝙞𝙤𝙣 𝙣𝙞: Sean Kenneth Usher M. Mateo
𝙆𝙤𝙣𝙨𝙚𝙥𝙩𝙤 𝙢𝙪𝙡𝙖 𝙠𝙖𝙮: Asha S. Tercero
𝙂𝙪𝙢𝙪𝙝𝙞𝙩 𝙣𝙜 𝙡𝙖𝙧𝙖𝙬𝙖𝙣: Rhovielle Therese R. Gonzaga

18/08/2025

📣 𝐏𝐚𝐠𝐛𝐚𝐭𝐢 𝐦𝐠𝐚 𝐀𝐭𝐞𝐧𝐢𝐚𝐧𝐨, 𝐩𝐞𝐫𝐢𝐨𝐝𝐢𝐜𝐚𝐥 𝐞𝐱𝐚𝐦𝐬 𝐧𝐚! ✨📚

Ngayong Agosto 19, 20, at 22 (Martes, Miyerkules, at Biyernes) ay magaganap na ang unang periodical exams ng taong-panuruan✨. Mag-aral, maghanda, at huwag kakalimutang magdasal.🙏🏻 Huwag lang subukan ang iyong makakaya — ibigay mo ang iyong buong makakaya. Kaya mo ‘yan! Ikaw pa ba? Kaya mag-aral ng mabuti at ibigay ang buong kaluwalhatian sa Panginoon! God bless, mga Ateniano! 🔥

🖼: Alexander Kyle Jr. K. Gerasmio (President)
✍: Jacob Lucas M. Ordoñez (Grade 12 Rep.)

17/08/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝑴𝒈𝒂 𝑩𝒂𝒈𝒐𝒏𝒈 𝑳𝒊𝒅𝒆𝒓 𝒏𝒈 𝑪𝑨𝑻, 𝑷𝒐𝒓𝒎𝒂𝒍 𝒏𝒂 𝑰𝒕𝒊𝒏𝒂𝒍𝒂𝒈𝒂 𝒑𝒂𝒓𝒂 𝒔𝒂 𝑻𝒂𝒐𝒏𝒈 2025-2026

Athens Academy, Agosto 15, 2025 – Sa isang makulay at makabuluhang seremonya, pormal na itinalaga ang mga bagong opisyal ng Citizenship Advancement Training (C.A.T.) para sa taong panuruan 2025-2026.

Nagbukas ang programa sa pagpasok ng mga platoon at kanilang mga pinuno: sina Ginoong Vidallon (Unang Platoon), Ginoong Clorado (Ikalawang Platoon), Ginoong Dianela (Ikatlong Platoon), Ginoong Espiritu (Ikaapat na Platoon), Binibining Pimentel (Ikalimang Platoon), Binibining Obrero (Ikaanim na Platoon), at Binibining Domingo para sa COCC (Cadet Officer Candidacy Course). Sinundan ito ng pagpasok ng kawal ng watawat na pinangunahan ng National Student Convention (NSC) Color Guards ng Athens Academy.

Isinagawa ang pambungad na panalangin sa pamumuno ni Kadet Legaspi at ang pagkanta ng Lupang Hinirang na pinangunahan ni Kidet Baltazar. Nagbigay naman ng inspirasyonal na pananalita ang kagalang-galang na punong-g**o ng Athens Academy, Inc. na si Ginang Josefe T. Taño, na nagpahayag ng kanyang paghanga sa sipag at tiyaga ng mga opisyal na nagsimula pa bilang mga COCC noong nakaraang taon. Ang kanilang walang kasawaan na paglilingkod para sa mga Ateniano ay hindi kailanman kumukupas.

Pinangunahan ng CAT Commandant na si Ginoong Chester C. Badong, kasama sina Pangulong Joean C. Bieren at Pastor Neil Q. Miña, ang pinakahinihintay na bahagi ng programa—ang pagtatalaga ng mga bagong opisyal ng C.A.T.

Itinalagang Mga Opisyal:
Corps Commander
Lt. Col. Carullo, Khayecia Giermaeh B.

S3 / Executive Officer (Vice Corps Commander, Regular Activities & Duties)
Maj. Espiritu, Robbie G.

COCC Commander
Maj. Domingo, Shekinah

S1 (Records)
Capt. Pimentel, Lyana Kirsten

S2 (Exams)
Capt. Tomas, Dharric Reece D.

S4 (Supply)
Capt. Maagma, Matthew Ezekiel C.

Platoon Leaders (1st Lieutenant)
Remolazo, Tristan S.
Ballares, Matthew P.
Maghinay, Adriel John C.
Nemenzo, Sean John S.
Vidallon, Aldwayne B.
Clorado, Charles Lawrence A.

Assistant Platoon Leaders (2nd Lieutenant)
Basco, Eryza Patrice
Castillo, Trisha Nicole C.
Obrero, Jasmine Leigh M.
Dianela, Jerald D.
Gutierrez, Chris Yuri P.
Lozano, Earl A.

Matapos ang pagtatalaga, nagbigay ng isang mensaheng pandedikasyon ang pangulo ng institusyon na si Dr. Bieren. Nag-iwan ito ng insipirasyon sa mga bagong halal na opisyales; tampok dito ang pagiging matapang at pagkakaroon ng maayos na pamumuno, na mas lalong nagpatibay at nagbigay ng katatagan sa mga opisyales.

Isinagawa naman ang panunumpa ng isang sundalong Pilipino na pinamunuan ni 1st Lieutenant Ginoong Ballares. Agad naman itong sinundan ng pangwakas na pananalita na ibinigay naman ng kagalang-galang na si Pastor Neil; itinampok niya rin ang paglilingkod para sa Diyos, bansa, at sangkatauhan na dapat lagi maghari sa bawat puso. Aniya, ang tunay na pagmamahal sa bayan ay nakikita sa pagtupad ng tungkulin araw-araw.

Nagwakas ang programa sa paglabas ng kawal ng watawat sa pangunguna ng NSC Color Guards, kasunod ang pangwakas na panalangin ni Kidet Cardenas. Dagdag pa rito ay lumisan na rin ang bawat opisyales at mga kadete sa pagmamartsa.

Ang pagtatapos ng kanilang paglalakbay bilang isang COCC ay isang malaking simbolo ng sipag at tiyaga ng isang taong puno ng determinasyon at dedikasyon na maglingkod para sa bayan. Muli ay binabati namin ang mga bagong halal na opisyales ng CAT.

𝙈𝙖𝙣𝙪𝙣𝙪𝙡𝙖𝙩: Robbie G. Espiritu
𝙈𝙜𝙖 𝙆𝙪𝙢𝙪𝙝𝙖 𝙣𝙜 𝙇𝙞𝙩𝙧𝙖𝙩𝙤: Jamila Rich P. Ojastro at Gabriel Julian S. Remolazo

15/08/2025

𝗘𝗗𝗜𝗧𝗢𝗥𝗬𝗔𝗟 | 𝑨𝒏𝒈 𝑩𝑰𝑮𝒂𝒕 𝒏𝒂 𝑲𝒂𝒂𝒌𝒊𝒃𝒂𝒕 𝒏𝒈 𝑷𝒂𝒔𝒂𝒏𝒊𝒏𝒈 𝑴𝒆𝒅𝒂𝒍𝒚𝒂
Sa bawat medalya na ating natatanggap, kaakibat nito ang isang bigat na madalas hindi nakikita ng madla. Ang medalya ay simbolo ng tagumpay, pagkilala, at pagsusumikap, ngunit sa likod ng kinang nito ay ang pasaning dala ng mataas na inaasahan, 𝑝𝑟𝑒𝑠𝑠𝑢𝑟𝑒, at minsan ay ang takot na mabigo. Ang “pasaning medalya” ay hindi lamang pisikal na bagay. Ito ay representasyon ng mga responsibilidad at hamon na sumusunod sa bawat tagumpay.

Maraming mag-aaral at indibiduwal ang nagsusumikap upang makamit ang medalya, bilang patunay ng kanilang husay at sipag. Ngunit sa kabila ng pagkamit sa tagumpay, hindi mawawala ang mga tanong. "Paano ko mapananatili ang kinang ng mga bakal na ito?" "Ikatutuwa na ba ng mga tao sa paligid ko kung ito lamang ang makakaya ko?" Ang medalya ay nagiging panibagong pasanin—ang pangangailangang patunayan pa ang sarili, ang takot sa pagkakamali, at ang pagharap sa mga hamon na mas mataas ang antas.

Hindi maikakaila na ang 𝑝𝑟𝑒𝑠𝑠𝑢𝑟𝑒 na ito ay maaaring magdulot ng pagkabalisa at minsan ay pagod sa pisikal, emosyonal, at mental na pangkalusugan. Ang mga mag-aaral na may mataas na marka o mga atleta na may medalya ay madalas na nahaharap sa mga inaasahan hindi lamang mula sa kanilang sarili kundi pati na rin sa kanilang pamilya, g**o, at komunidad. Ang bigat ng medalya ay hindi lamang sa leeg nararamdaman, kundi maging sa puso at isipan ng may suot nito.

Sa kabila nito, mahalaga ring tandaan na ang medalya ay hindi sukatan ng buong pagkatao. Hindi dapat ito maging dahilan upang mawala ang balanse sa buhay o ang kaligayahan sa mga simpleng bagay. Ang tunay na tagumpay ay ang kakayahang harapin ang mga hamon ng may tapang, panatilihin ang integridad, at maging inspirasyon sa iba nang hindi nawawala ang sarili.

Ang paaralan, pamilya, at komunidad ay may malaking papel upang suportahan ang mga indibiduwal na may pasaning medalya. Dapat silang bigyan ng sapat na gabay, pag-unawa, at espasyo upang maipahayag ang kanilang damdamin. Hindi sapat na purihin lamang ang mga nagwagi; kailangan ding alalayan sila sa mga pagsubok na kanilang kinahaharap.

Sa huli, ang medalya ay isang paalala ng tagumpay; ngunit ang tunay na sukatan ng ating pagkatao ay ang paraan ng ating pagharap sa mga bigat na kaakibat nito. Nawa ay maging inspirasyon ang bawat medalya hindi lamang bilang simbolo ng tagumpay, kundi bilang lakas upang magpatuloy sa pag-abot ng mga pangarap nang may puso at tapang.

𝙏𝙖𝙜𝙖𝙥𝙖𝙜𝙡𝙞𝙠𝙝𝙖: Nadine F. Carlos

13/08/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝑨𝒕𝒉𝒆𝒏𝒔 𝑨𝒄𝒂𝒅𝒆𝒎𝒚 𝑴𝒂𝒕𝒂𝒈𝒖𝒎𝒑𝒂𝒚 𝒏𝒂 𝑵𝒂𝒈𝒔𝒂𝒈𝒂𝒘𝒂 𝒏𝒈 𝑬𝒂𝒓𝒕𝒉𝒒𝒖𝒂𝒌𝒆 𝑫𝒓𝒊𝒍𝒍

Pagsapit ng alas-nuwebe ng umaga nitong Agosto 13, 2025, umalingawngaw ang kampana sa buong Athens Academy—hudyat ng pagsisimula ng taunang earthquake drill. Mabilis ngunit maayos na tumayo ang mga mag-aaral mula sa kanilang mga upuan, at sa gabay ng kanilang mga g**o, tinahak ang itinakdang ruta patungo sa ligtas na lugar.
Paglipas ng tatlong minuto, nakapuwesto na ang lahat ng mag-aaral sa loob ng bakuran ng paaralan. Tahimik at nakikinig, sinundan nila ang bawat tagubilin habang sinusuri ng mga g**o at staff ang kaayusan ng pila at kaligtasan ng bawat isa. Nagdaan ang sampung minuto, opisyal na nagtapos ang drill.

Bilang bahagi ng pagsasanay, nagbigay ng mahahalagang paalala at gabay si Dr. Joean C. Bieren kung ano ang nararapat gawin sa oras ng lindol. Mula sa tamang “duck, cover, and hold” hanggang sa mabilis at ligtas na paglisan, tiniyak niyang malinaw at madaling maunawaan ang bawat hakbang.

Ipinakita ng drill na ito hindi lamang ang bilis at disiplina ng mga mag-aaral, kundi pati ang kahandaan ng paaralan sa pagtugon sa mga sakuna. Isa itong patunay ng matibay na pangako ng Athens Academy sa kaligtasan at kapakanan ng bawat Athenian.

𝙈𝙖𝙣𝙪𝙣𝙪𝙡𝙖𝙩: Sean Kenneth Usher M. Mateo
𝙆𝙪𝙢𝙪𝙝𝙖 𝙣𝙜 𝙇𝙞𝙩𝙧𝙖𝙩𝙤: Alexander Kyle Jr. K. Gerasmio

10/08/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝑲𝒂𝒎𝒑𝒂𝒏𝒚𝒂 𝒔𝒂 𝑷𝒂𝒈𝒑𝒖𝒈𝒂𝒚 𝒔𝒂 𝑷𝒂𝒏𝒈𝒊𝒏𝒐𝒐𝒏 𝒂𝒕 𝑷𝒂𝒈-𝒊𝒘𝒂𝒔 𝒔𝒂 𝑷𝒂𝒏𝒈-𝒂𝒂𝒑𝒊

Sa ikalawang bahagi ng programa, pagkatapos ng seremonya ng Buwan ng Nutrisyon noong ika-8 ng Agosto, nagsimula naman ang kampanya para sa A3G (All for the Greater Glory of God) at Anti-Bullying. Nagkaroon ito ng dance flash mob sa pangunguna ng Pangunahing Pamahalaang Mag-aaral ng Mataas na Antas ng Sekondaryang Paaralan. Naging magandang panimula ito para sa launching ng A3G campaign dahil nagbigay sigla ito sa mga mag-aaral. Sunod naman na umakyat ng entablado ang chaplain ng institusyon na si Pastor Neil Q. Miña, at siya’y nagbahagi ng mensahe patungkol sa importansya ng pag-ibig sa Diyos at kapwa tao.

Pinangunahan naman ng presidente ng institusyon na si Dr. Joean C. Bieren ang pagsulong ng panunumpa sa A3G Campaign. Matapos nito ay nagbahagi naman ng mga importanteng paalala at salita ang guidance advocate na si Ginang Lani Grace L. Ariem tungkol sa anti-bullying; ipinakilala rin ni Ginang Lani Grace ang mga kasangga ng pagsulong sa kampanya, na pinangunahan nila Ginoong Toppie Bucasas at Ginoong Orlan Z. Lumaban. Ang dalawang nabanggit na mga g**o ay ang mga tagapayo ng Pangunahing Pamahalaang Mag-aaral ng Mababa at Mataas na Antas ng Paaralang Sekondarya.

Sinimulan ni Ginoong Toppie ang kaniyang maikling talumpati tungkol sa organisasyon ng Pangunahing Pamahalaang Mag-aaral ng Mababang Antas ng Sekondaryang Paaralan sa opisina ng guidance upang sugpuin ang mga kaso ng bullying at bigyang seguridad ang bawat mag-aaral ng institusyon. Sunod nito ay kaniyang tinawag sa entablado ang mga kinatawan ng Junior High School SSG na sina Shekinah Domingo, presidente, bise presidente na si Nicole Ramos, kalihim na si Robbie G. Espiritu, at kinatawan ng ika-sampung baitang na si Aliza Cloe C. Feras.

Unang naghayag ng pambukas na mensahe ang presidente ng organisasyon na si Shekinah Domingo. Binigyan diin niya ang paggamit ng boses ng bawat isa upang huwag matakot na ihayag ang katotohanan at tama. Layunin ng kanilang organisasyon na panatalihin ang pagkakaroon ng respeto sa bawat isa, pagiging responsable, at pagkakaroon ng puso't isipan na bukas at malawak ang pagkakaintindi. Hinikayat niya ang bawat isa na tumayo at maging kasangga ng mga inaapi at hindi ng mga nang-aapi.

Sinundan naman ito ng pagbabasa ng misyon at pangitain na pinangunahan ng kinatawan ng ika-sampung baitang na si Aliza Cloe C. Feras. Pagkatapos nito ay ang pagpapakilala sa mga proyekto ng nasabing organisasyon na pinangunahan muli ni Shekinah Domingo: ang kanilang proyekto ay may pamagat na "Tayo-tayo." Sumunod naman ang pagbibigay karagdagang impormasyon tungkol sa iba pang mga proyekto ng organisasyon na nilathala ng kalihim na si Robbie G. Espiritu. Sumasailalim dito ang kanilang mga proyekto tulad ng pagkakaroon ng kahon kung saan maaaring maghulog ng mga bullying reports ang mga mag-aaral, ito ay ang tinatawag na "Voice Box." Sumunod ay ang proyektong pakikisangga sa mga kadete at kidet ng programang C.A.T. (Citizenship Advancement Training) at C.O.C.C. (Cadet Officer Candidate Course). Dito ay magguguwardya at ronda ang mga kadete at kidet upang masig**o ang seguridad ng bawat isa sa ano mang sulok ng paaralan. Nagbigay wakas mensahe naman ang bise presidente na si Nicole Ramos, at ibinahagi niya na kasama ng mga nakakaranas ng bullying situation ang kanilang organisasyon, at magsisimula ang pagsugpo sa pamamagitan ng "Isang boses, Isang aksyon, at Isang pagbabago."

Sumunod ay ang pagbibigay suporta ng Pangunahing Pamahalaang Mag-aaral ng Mataas na Antas ng Sekondaryong Paaralan sa pangunguna ng kanilang tagapayo na si Ginoong Orlan. Kaniyang ipinakilala ang presidente na si Alexander Kyle Jr. K. Gerasmio at bise presidente na si Colyn Franxis B. Delos Santos.

Nabanggit nila sa kanilang talumpati na ang kanilang pamumuno ay nakatuon sa pagpapalakas ng mga mag-aaral, kung saan gagamitin nila ang kanilang mga plataporma upang marinig ang boses ng mga estudyante, makita sila, at magkaroon sila ng lugar sa paaralan. Ang una sa dalawang proyekto na kanilang ibinahagi ay ang tinatawag na "Safe Space Station." Ito ay isang lugar kung saan maaaring magbahagi ang mga mag-aaral ang anumang nais nilang sabihin; nabanggit nila na sisikapin nilang tugunan ang kanilang mga kasalukuyang isyu nang walang takot sa paghatol. Katuwang nito ng guidance office upang matulungan ang mga mag-aaral, at ang bawat sitwasyon ay mananatiling kumpidensyal. Ikalawang proyekto naman ay ang "Anong Say Mo?" na isang seminar talk kung saan ang mga Ateniano ay maglalagay ng kanilang mga tanong sa isang kahon sa ilalim ng ilang araw bago ang programa, at isang grupo ng mga panelista ang sasagot at tatalakay sa kanilang mga alalahanin. Ito ay magiging isang positibo at ligtas na talakayan kung saan maaaring magbigay ng payo ang mga estudyante sa kapwa nila estudyante.

Sa huling bahagi ng pagsulong ng anti-bullying campaign ay nagkaroon ng taimtim na panunumpa ang bawat kabahagi ng institusyong Athens Academy, Inc. na pinangunahan ni Ginang Lani Grace. Nagtapos ang programa sa pamamagitan ng pangwakas na panalangin ni Binibining Alette Maristella Quebec.

𝙈𝙜𝙖 𝙈𝙖𝙣𝙪𝙣𝙪𝙡𝙖𝙩: Aliana Aaron Gonzaga at Shekinah Domingo
𝙈𝙜𝙖 𝙆𝙪𝙢𝙪𝙝𝙖 𝙣𝙜 𝙇𝙞𝙩𝙧𝙖𝙩𝙤: Rianne Angelique S. Calvo, Melaine Clazel Cabañez, at Jamila Rich P. Ojastro

10/08/2025

𝗦𝗔 𝗠𝗚𝗔 𝗟𝗔𝗥𝗔𝗪𝗔𝗡 | 𝑷𝒂𝒈𝒅𝒊𝒓𝒊𝒘𝒂𝒏𝒈 𝒏𝒈 𝑩𝒖𝒘𝒂𝒏 𝒏𝒈 𝑵𝒖𝒕𝒓𝒊𝒔𝒚𝒐𝒏: 𝑲𝒂𝒉𝒂𝒍𝒂𝒈𝒂𝒉𝒂𝒏 𝒏𝒈 𝑲𝒂𝒓𝒂𝒑𝒂𝒕𝒂𝒏 𝒂𝒕 𝑺𝒆𝒈𝒖𝒓𝒊𝒅𝒂𝒅 𝒔𝒂 𝑷𝒂𝒈𝒌𝒂𝒊𝒏 𝒂𝒕 𝑵𝒖𝒕𝒓𝒊𝒔𝒚𝒐𝒏

Ika-8 ng Agosto, taong 2025, naganap ang pagdiriwang ng Nutrition Month sa temang “Food and Nutrition Security, Maging Priority! Sapat na Pagkain, Karapatan Natin!” Pagkatapos ng seremonya ng bandila, simulan na ang programa kasama ang mga tagapangasiwa ng seremonya na sina Ginoong Emmanuelle Salvador at Binibining Sheila May G. Lucero. Upang sumigla ang umaga ng lahat, sinimulan ang zumba, kung saan sumayaw lahat ng mga mag-aaral sa pangunguna ng mga opisyal ng Pangunahing Pamahalaang Mag-aaral ng Mababa at Mataas na Paaralang Sekondarya sa harapan ng bawat pila.

Pagtapos nito ay nagbigay mensahe naman ang nars ng paaralan na si Nars Corazon Mae G. Follero; ito ay pinamagatang "Pagsisimula sa Iyong Araw nang Tama: Ang Kahalagahan ng Pagkain ng Almusal,” na tungkol sa kahalagahan ng pagkain ng almusal at sa mga problema na kaugnay ng hindi pagkain ng umagahan.

Nang matapos ang talumpati, sinundan naman ito ng pagbibigay karangalan sa mga mag-aaral na nagwagi sa mga patimpalak para sa nagdaang Buwan ng Nutrisyon.

May mga parangal:
(Elementarya: Paggawa ng Post-Slogan)

Ika-apat na baitang:
1st - Keisha Zaina T. Mozo (4-Lavosier)
2nd - Liana Feliz A. Marcelino (4-Lavosier)
2nd - Avery Sky M. Bertulfo (4-Lavosier)
3rd - Zayva Nicole Gimeno (4-Lavosier)

Ika-limang baitang:
1st - Chadrik Lucas C. Pacia (5-Newton)
2nd - Nathan F. Carlos (5-Newton)
2nd - Ainsley A. Cabentoy (5-Newton)
3rd - Gavril Ysabel D. Radana (5-Sumaria A.C.E.)
3rd - Blessie Paler (5-Sumaria A.C.E.)

Ika-anim na baitang:
1st - Hannah Shayne D. Sibal (6-Rutherford)
2nd - Kiera Maxene Graziella M. Maruggay (6-Rutherford)
3rd- Samantha Angeline M. Laher (6-Rutherford)

(Mababa at Mataas na Antas ng Paaralang Sekondarya: Paggawa ng Post-Slogan)

Kategorya A:

Ika-pitong baitang:
1st - Jamaica de Ocampo (7-Spencer)
2nd - Elisha Faith Caldera (7-Spencer)
2nd - Mykhaila Anne Completo (7-Aristotle)
3rd - Liam Lyl Dasas (7-Spencer)
3rd - Callie Amery Bagacina (7-Aristotle)

Ika-walong baitang:
1st- Camille Anne Medina (8-Curie)
2nd - Danielle Padilla (8-Democritus)
2nd - Alison Rivera (8-Democritus)
3rd - Louren Francisco (8-Democritus)
3rd - Bryle Matthew Nacario (8-Einstein)

Kategorya B:

Ika-siyam na baitang:
1st - Venice Kendra Sumangil (9-Joule)
2nd- Nicole Shin Anoran (9-Joule)
3rd- Mon Era Belle Mangilit (9-Joule)
3rd - Marc Andre Canoy (9-Moseley)

Ika-sampung baitang:
1st - Robbie Espiritu (10-Plato)
2nd - Airies Mae Lomuntad (10-Plato)
3rd - Tiyara Serantes (10-Nobel)
3rd - Rian Ayesha Villarico (10-Socrates)

Kategorya C:

Ika-labing isang baitang:
1st place - Karl Adon Consorte (11-Galen)
2nd - Job Pagal (11-Euclid)
2nd - Sheerromae Sabala (11-Euclid)
3rd - Raya Lamberte (11-Archimedes)
3rd - Hiezha-Amor Albani (11-Galen)

Ika-labindalawang baitang:
1st - Romeo Nobio (12-Pascal)
2nd - Nicolah Louise Ortuyo (12-Pascal)
2nd - Jen Lorraine Elcano (12-Pascal)
3rd - Cluie Jhen Barrantes (12-Pascal)
3rd - Jzei Rhim Athalia Ramos (12-Homer)

(Mababa at Mataas na Antas ng Paaralang Sekondarya: Tagisan ng Talino)

Kategorya A:
1st - Yhin M. Rull at Joaquine Amber Rodriguez (7-Becquerel)
2nd - Jody Arianne C. Rodriguez at King Francis J. Ferma (8-Democritus)
3rd - Aristotle A. Diamse Jr. at Ma. Sofia W. Odulio (8-Curie)

Kategorya B:
1st - Ayesha Rhian Villarico at Gabriel Taniegra (10-Socrates)
1st - Robbie Espiritu at Alleyn Jeanxelle Ortega (10-Plato)
2nd - Miguel Jihan Ilustre at Matthew Ballares (10-Nobel)
3rd - Mon Era Belle Mangilit at Jhon Mark Anthony Barrantes (9-Joule)

Kategorya C:
1st - Sherlene Julao at Sam Narvas (12-Oppenheimer)
2nd - Anton Karl Benemerito at Kristen Mariel Fernandez (11-Euclid)
3rd- John Kervy Bagasbas at Xyrus Clyde Banaag (11-Archimedes)

Natapos ang seremonya ng Buwan ng Nutrisyon at nagbigay ng ilang minutong pagitan upang simulan naman ang kampanya para sa A3G (All For The Greater Glory of God) at Anti-Bullying.

𝙈𝙖𝙣𝙪𝙣𝙪𝙡𝙖𝙩: Aristotle A. Diamse Jr.
𝙈𝙜𝙖 𝙆𝙪𝙢𝙪𝙝𝙖 𝙣𝙜 𝙇𝙞𝙩𝙧𝙖𝙩𝙤: Rianne Angelique S. Calvo, Melaine Clazel Cabañez, at Jamila Rich P. Ojastro