07/11/2025
📌ORAS SA LEKSYON| Sabbath School Lesson 6 Nov 1-7| 📌The Enemy Within📌
Memory Text: “ ‘I the Lord search the heart and test the mind, to give every man according to his ways, according to the fruit of his deeds’ ” (Jeremiah 17:10, ESV).
Ang Josue 7, nakasinati ang Israel og usa ka makalilisang nga kapildihan. Human sa ilang kadaugan sa Jericho, nisalig sila sa ilang kaugalingon ug wala na nagpakisayod sa Dios sa ilang sunod nga gubat batok sa Ai.
Didto nila nasinati nga ang tinuod nga kaaway dili gikan sa gawas — dili ang mga sundalo sa Ai, apan ang sala nga naa sa ilang kaugalingong kampo.
Si Achan, usa sa mga Israelita, nagkuha sa butang nga gibalibaran sa Dios ug sa kahakog nagtago niini. Tungod niining sala, nawala ang pagpanalangin sa Israel ug napildi sila sa gubat.
Kini nga kasinatian nagtudlo nga ang kadaugan sa espiritwal nga kinabuhi dili masukod externally, apan sa pagkamatinumanon internally. Ang pagkadautan nga gitagoan mahimong magbungkag sa usa ka buhi nga relasyon sa Dios.
⛔️Punto sa Pagtoon•
1. Ang tinuod nga kaaway kasagaran o usahay gikan sa sulod.
Ang Israel wala napildi tungod sa ilang kakulang sa armas, apan tungod sa kakulang sa pagkamatinumanon.
2. Ang sala sa usa mahimong magdala og kadaot sa tanan.
Sama kang Achan, ang usa ka tinago nga kalapasan mahimong makapugong sa panalangin sa tibuok pamilya o iglesia.
3. Ang Dios tagdon ang sala bisan gamay pa kini.
Ang Langitnong hustisya mao ang pagtan-aw sa sulod sa kasingkasing, dili lang sa atong mga buhat sa gawas.
🔑Susi sa Pagsabot•
1. Kay ang Dios balaan, kinahanglan limpyo usab ang atong kasingkasing.
Dili kita mahimong blessing sa atong simbahan kung magpuyo ta nga adunay sekreto nga pagpakasala.
2. Kay ang sala makadaot bisan sa lig-on nga grupo, kinahanglan magbantay kita sa atong personal nga integridad.
Ang tinuod nga kalig-on sa katawhan sa Dios magagikan sa pagkamatinumanon, dili sa unsa kadaghan.
3. Kay ang Dios nagtan-aw sa sulod, kinahanglan nga atong isurender ang tanan nga aspeto sa atong kinabuhi.
Ang kalinaw ug kadaugan moabot kon walay butang nga gitagoan batok sa Ginoo.
Sama sa Israel nga naa sa ngilit sa Yutang Saad, kita usab karon nagpaabot sa gingharian sa Dios. Apan samtang naghulat, ang atong pagtoo ginasulayan. Ang pangutana dili lang kung andam na ba ta makig lantugi sa kaaway sa gawas, apan kung mapildi ba nato ang kaaway sa sulod — ang sala, garbo, ug pagkawalay pagtoo.
📮SUNDAY- Breach of the Covenant
(Joshua 7)
Pag-abot sa Israel sa lungsod sa Ai, gitoohan nila nga sayon ra kini daugon. Nagsalig sila sa ilang kaugalingon ug nakalimot sa pagsangpit Dios.
Apan napildi sila — usa ka kapakyasan nga nakapakurat sa tanang Israelitas.
Ang duha ka hinungdan sa kapildihan mao ang:
1. Ang sala ni Achan, nga nagkuha sa mga butang nga gibalibaran sa Dios, ug
2. Ang pagsalig sa kaugalingong kusog sa katawhan.
Ang Biblia nagtawag sa sala ni Achan nga “khata” — usa ka pulong nga nagpasabot sa pagliko gikan sa matarung nga dalan.
Si Achan:
• Milikoy sa Dios ang iyang kasingkasing,
• Nagkuha sa mga butang nga gibalibaran,
• Nanglimbong ug nagtago sa iyang sala.
Bisan usa ra siya, giisip sa Dios nga ang tibuok Israel nakasala. Nawala ang pagpanalangin, ug sa mata sa Ginoo, gibali ang kasabutan sa pag-alagad Kanita.
⛔️Punto sa Pagtoon•
1. Ang sala sa usa mahimong kalisdanan sa tanan.
Ang pagka-makasasala dili pribado — kini adunay epekto sa pamilya, iglesia, ug komunidad.
2. Ang pagsalig sa kaugalingon makapawala sa presensya sa Dios.
Ang kalampusan dili gikan sa talento, apan tungod sa pakig-uban sa Ginoo.
3. Ang covenant tali sa Dios labaw pa sa tam-is nga pulong — kini ang pagkinabuhi nga matinumanon.
Ang paglapas sa usa ka sugo, usa ka paglapas sa tibuok kasabutan.
🔑Susi sa Pagsabot
1. Kay ang sala makapahimulag sa Dios, kinahanglan atong isugilon ug ihinulsol kini dayon.
Ang tinago nga sala nagdala ug kadaugan sa kaaway.
2. Kay ang Dios magtan-aw sa kasingkasing, kinahanglan magpuyo kitang matinud-anon bisan walay makakita.
Ang tinuod nga integridad mao ang pagkamatinumanon bisan walay saksi.
3. Kay ang covenant usa ka halangdon nga relasyon, atong bantayan kini pinaagi sa pagsalig ug pagtoo.
Dili panagsabot nga papel, apan kasabutan sa gugma ug pagtuman.
Sama sa Israel, daghan usab nato karon ang nag-antos sa resulta sa sala sa uban — usa ka amahan nga bakakon, usa ka lider nga nagpasagad, usa ka Kristohanon nga wala magtuman.
Apan sa Dios, ang covenant gihimo aron ma-reconcile, dili aron silotan.
Kung mobiya kita, maghulat gihapon Siya. Kung maghinulsol kita, Iya kitang pasayloon.
📮MONDAY- The Sin of Achan
(Josue 7:16–19)
Human sa kapildihan sa Ai, gipahibalo sa Dios ponaagi kang Josue nga adunay sala ang Israel. Wala dayon gipakita sa Dios kinsa ang nakasala; apan gusto Niya nga ang katawhan maghinulsol una ug maghinlo sa ilang kasingkasing.
Si Achan gitagaan og panahon nga moangkon. Apan nagpabilin siyang mapahitas-on ug tikasan.
Wala niya masabti nga bisan unsang tinagoan nga sala makita sa Dios. Ang Biblia nag-ingon:
“Ang mga mata sa Ginoo nagtan-aw sa tibuok yuta.” (2 Cronicas 16:9)
Pag-abot sa panahon, gipatawag ang tribo, pamilya, ug balay — hangtod nga ang sala nagtumbok ngadto kang Achan.
Ang Iyang kapakyasan dili lang mao ang kawat, apa pagbali sa kasabutan sa Dios.
⛔️Punto sa Pagtoon•
1. Ang hustisya sa Dios naghiusa sa kalooy.
Wala dayon gipahamtang sa Dios ang silot kay gusto Niya nga makapili og paghinulsol ang makasasala.
2. Ang tinago nga sala dili mahimong ilaron ang Dios.
Ang tawo makatago-tago sa uban, apan dili sa Dios nga nakakita sa kasingkasing.
3. Ang lider nga matinud-anon magdala og tinuod nga pagtul-id.
Si Josue wala magpasagad, apan may kalooy ug katarungan sa pag-atubang sa sala.
🔑Susi sa Pagsabot•
1. Kay ang Dios matarung, dili nato pasipalaan ang Iyang pasensya.
Ang dugay nga paghulat sa Dios usa ka imbitasyon, dili usa ka permission.
2. Kay ang sala mahimong matagoan, bantayi ang kasingkasing nga lisud usahay masabtan.
Ang sala nagsugod sa hunahuna pinaagi sa walay pagsalig.
3. Kay ang Dios magtan-aw sa sulod, atong pangitaon ang limpyo nga motibo kaysa external attraction.
Ang Dios mas interesado sa kasingkasing kaysa sa reputasyon.
Ang leksyon ni Achan usa ka pahimangno nga ang sala sa usa mahimong makadaot sa tanan.
Apan usa usab kini ka pahinumdum nga ang Dios malumo ug pasensyoso, bisan pa sa sala.
Ang Iyang gusto mao nga kita maghinulsol, dili mapahamtangan sa silot.
📮TUESDAY- Fateful Choices
(Josue 7:19–21)
Gisugo ni Josue si Achan nga buhaton ang duha ka butang:
1. Ihatag ang himaya sa Dios, ug
2. Isugid ang iyang sala.
Apan bisan pa nga iyang giangkon ang sala, wala kini nagpasabot nga tinuod siyang naghinulsol. Ang iyang pag-angkon dili gikan sa pagmahay, apan gikan sa kahadlok.
Ang Biblia nag-ingon nga iyang nakita (“ra’ah”) ang maanyag nga coat, iyang giila nga makapahimuot (“khamad”), ug iyang gikuha (“laqakh”).
Kini nga tulo ka pulong pareho sa hulagway sa sala ni Eva sa Eden — nakakita, nangandoy, ug gikuha.
Ang tulo ka paglihok mao gihapon ang dalan sa tanang sala: mata – kasingkasing – kamot.
Ang problema ni Achan dili lang ang coat, kwarta, ug bulawan; ang iyang tinuod nga problema mao ang kasingkasing nga hakog ug wala nagsalig sa Dios.
Nagtoo siya nga gitagoan sa Dios ang “mas maayo,” nga mga butang sama kang Adan ug Eva nga nagtoo nga adunay butang nga wala gihatag ang Dios kanila.
⛔️Punto sa Pagtoo•
1. Ang sala kasagaran magsugod sa pagtan-aw.
Ang pagtan-aw nga walay pagpugong mahimong tinguha; ug ang tinguha nga dili matuman mahimong sala kun kini nagadala sa kahakog (selfishness, greediness).
2. Ang hakog nga kasingkasing nagtoo nga ang Dios adunay kakulangon sa paghatag.
Si Achan wala mosalig nga ang Dios makahatag labaw pa sa iyang nakita.
3. Ang pag-angkon sa sala nga walay paghinulsol dili makalimpyo sa kalag.
Dili igo ang pag-ingon “nasayop ko,” kung ang kasingkasing nagpabilin sa kahakog ug garbo.
🔑Susi sa Pagsabot•
1. Kay ang sala magsugod sa mata, bantayi ang imong makita.
Ang kasagaran nga tinguha magsugod sa butang nga makita — sa cellphone, salapi, o relasyon.
2. Kay ang Dios enough sa tanan, magpuyo kita nga kontento ug matinud-anon.
Ang usa ka kontentong kasingkasing mao ang pinakadako nga bahandi.
3. Kay ang tinuod nga paghinulsol magdala sa kausaban, dili nato ipabilin ang daang batasan.
Ang pagbag-o dili makuha pinaagi sa kahadlok, apan sa pagtoo nga ang Dios nagahatag og kapasayloan.
Ang kasaysayan ni Achan usa ka pahimangno nga ang gamay nga pagpangawat mahimong makaguba sa kinabuhi .
Apan kini usab usa ka pahimangno nga ang kalinaw gikan aa pagsalig nga ang panalangin sa Dios pa-igo.
Ang tawo nga matinumanon, bisan gamay lang ang naa, mabulahan pa gihapon dili pinaagi sa pagkupot sa bulawan.
📮WEDNESDAY- The Door of Hope
(Josue 8:1–29)
Ang pulong “Achor” sa Hebreohanon nagpasabot og kasamok o kasakit. Apan sa kamot sa Dios, kini nga “walog sa kasamok” nahimong “ganghaan sa paglaum.”
(Hosea 2:15)
Pagkahuman sa kapildihan tungod sa sala ni Achan, gihimo sa Dios nga ang parehas nga lugar sa kapakyasan mahimong lugar sa kadaugan.
Ang lungsod sa Ai nahimong timaan sa bag-ong pagsugod.
Ang plano ni Josue simple apan puno sa pagtoo:
• Ang pipila ka mga Israelita nagpaingon nga daw modaug ang Ai.
• Samtang gilutos sila, ang 30,000 nga mga sundalo nga nagpahili likod sa lungsod nisunog niini.
• Nawala ang kusog sa Ai, ug ang Israel nakadaug pinaagi sa paggiya sa Dios.
Kini nga kadaugan dili tungod sa estratehiya ni Josue, apan tungod sa pagsalig nga gihimo sa Dios.
⛔️Punto sa Pagtoon•
1. Ang kapildihan mahimong pamaagi sa pagbag-o.
Ang Dios gigamit ang kapakyasan aron matudloan kita nga ang kalampusan maggikan Kaniya, dili sa atong kusog.
2. Ang Dios nagahatag og ikaduhang higayon sa matinumanon nga kasingkasing.
Human sa paghinulsol sa Israel, gipasig-uli sa Dios ang ilang dungog ug panalangin.
3. Ang kalampusan naggikan sa pagtoo, dili sa plano.
Ang kalampusan sa Ai dili tungod sa espada, apan tungod kay nagtoo sila nga ang Dios gihapon ang ilang Commander -in-chief.
🔑Susi sa Pagsabot•
1. Kay ang Dios makahimo sa tanan, ang kapildihan dili mao ang katapusan.
Ang Dios nga nagpasig-uli sa Israel mao gihapon ang Dios nga makausab sa imong kapakyasan.
2. Kay ang Dios ang tinubdan sa kadaugan, magpabilin kitang masaligon bisan kung kita napakyas.
Ang pagtoo sa Dios mao ang atong sandata batok sa kaulaw ug kahadlok.
3. Kay ang Dios maga-lihok pinaagi sa pagtoo kinahanglan maglakaw kita uban Kaniya, dili mag-una-una sa Iyang mga plano.
Ang kadaugan mo-abot kung ang tawo magpuyo uban sa plano sa Dios.
Sa walog sa Achor, naghunahuna ang Israel nga katapusan na nila — apan ang Dios nag-ingon, “Dili pa!”
Ang parehas nga lugar sa kapakyasan nahimong dalangpanan sa paglaum.
Kung ang imong kinabuhi karon nag-atubang sa kapakyasan o sala, ang Dios makahimo gihapon nga usbon kini ngadto sa kalampusan.
📮THURSDAY- A Witness to God’s Power (Josue 7:6–9)
Human sa kapildihan sa Ai, mihapa si Josue sa yuta sa atubangan sa Arka sa Kasabutan. Ang iyang mga pulong sa Dios sa una daw reklamo, apan sa kamatuoran, usa kini ka pagpahayag sa kasakit ug kabalaka alang sa dungog sa Dios.
“Ginoo, ngano man nga imo kaming gidala dinhi aron lang papason kami sa mga Amorita?” (Josue 7:7)
Wala magduda si Josue sa gahum sa Dios, apan nasubo siya tungod kay ang dungog sa Ginoo mahimong maulawan sa mga nasud nga nagpalibot sa Israel.
Ang iyang kasingkasing wala maghunahuna sa iyang dungog isip lider, apan sa kadungganan sa ngalan sa Dios.
“Unsa man ang buhaton aron mapanalipdan ang Imong halangdon nga ngalan?” (Josue 7:9)
Kini nagpahinumdum kanato nga ang Israel gitawag aron mahimong saksi sa gahum ug pagkamatinumanon sa Dios.
Apan kung sila mapakyas ug magrebelde, ang mga nasud sa palibot maghunahuna nga ang Dios sa Israel dili lig-on.
⛔️Punto sa Pagtoon•
1. Ang lider nga matinud-anon magdala sa kasubo sa kapakyasan ngadto sa pag-ampo, dili sa pagka-reklamador.
Si Josue wala nagpasangil, apan nag-paubos atubangan sa Dios ug nangayo sa Iyang paggiya.
2. Ang dungog sa Dios mas labaw pa kaysa dungog sa tawo.
Ang pagpasidungo sa Ginoo mao ang sentro sa matag kalampusan ug kapildihan.
3. Ang kapakyasan mahimong pamaagi aron mas maila sa uban ang pagkamatarung sa Dios.
Ang Dios gamiton ang kapakyasan aron ipakita nga Siya makapasaylo.
🔑Susi sa Pagsabot•
1. Kay kita mga saksi sa Dios, kinahanglan magpuyo kitang matinumanon ug matinud-anon.
Ang kalibutan nagtan-aw kanato, ug pinaagi sa atong pagkinabuhi ilang makita ang Dios.
2. Kay ang dungog sa Dios nagadala sa himaya sa Iyang katawhan, busa bantayi ang imong integridad.
Ang imong kinabuhi mahimong usa ka sinulat nga ebanghelyo nga ginabasa sa uban aflaw-adlaw.
3. Kay ang Dios nagatubag sa atong mga pag-ampo uban ang pagka- mapainubsanon, isugilon gyud Kaniya ang imong kasubo ug kapakyasan.
Dili gusto sa Dios nga magdala-dala ka sa imong mga problema nga mag-inusara .
Si Josue nahimong modelo sa tinuod nga lider — dili perpekto, apan mapainubsanon.
Sa diha ang ang Israel napildi, wala siya namalikas, manikas o naghatag og daghang pasangil.
Iyang gihigugma ang dungog sa Dios labaw pa sa iyang kaugalingon. Kini usa ka reminder sa tanan nga magbubuhat ug mga membro sa iglesia:
Ang atong mga binuhatan mahimong makapahimaya o makapahugaw sa ngalan sa Dios.
📮FRIDAY- Further Thought
Ellen G. White, Patriarchs and Prophets, pp. 493–498 — “The Fall of Jericho.”
Teksto: Josue 7:16–26
Ang sala ni Achan nagsugod sa gamay nga kahakog, apan natapos sa dagkung kadaut.
Si Achan nakahibalo nga nakasala siya — nakakita, nangandoy, ug nagkuha.
Apan bisan oh nasayud na siya nga sayop, nagpabilin siya nga nagpakahilum.
Nakakita siya sa kasakit ni Josue ug sa mga lider sa Israel nga mihapa sa yuta nga puno sa kasubo, apan nagpabilin siyang walay pulong.
Kung lamang siya nitug-an dayon sa iyang sala, basin ang iyang paghinulsol mahimong tinud-anay ug ang iyang pamilya maluwas pa.
Apan iyang gitago kini hangtod nga ang Diyos mismo nagpadayag sa iyang sala.
Hinundumi kini: Daghang tawo karon sama kang Achan — moangkon lamang kon wala na’y laing dalan sa pagpanalipod. Wala sila maghinulsol tungod kay sila nasubo sa sala, apan tungod kay nahadlok na sa silot.
Ang sala ni Achan dili lamang ang pagpangawat, apan sa pagtoo nga ang Dios dili pa-igo.
Wala siya maghinulsol tungod kay wala pa mabag-o ang iyang kasingkasing. Ang iyang mga pulong sa katapusan nagsulti nga iya gayud giila ang sala, apan ang iyang kasingkasing wala magmahay.
⛔️Punto sa Pagtoon•
1. Ang tinud-anay nga paghinulsol wala nagpasabot nga paka-ulawan.
Ang tawong matinud-anon wala magpaabot nga maabtan og silot aron mobati nga nakasala siya.
2. Ang sala nga gitagoan nagapauga sa espiritu.
Ang kalipay mawala kung ang kalag magpabilin nga puno sa tinago nga pagpakasala.
3. Ang pag-ako sa sala nga walay kausaban mao ang tinago nga paglimbong.
Ang Dios dili malimbongan sa luha nga walay pagbag-o.
🔑Susi sa Pagsabot•
1. Kay ang Dios nagtan-aw sa kasingkasing, kinahanglan nga ang paghinulsol maggikan sa sulod.
Ang tinuod nga paghinulsol dili lang pag-angkon, apan kabag-ohan.
2. Kay ang kasal-anan magsugod sa tinguha, bantayi ang imong mga pangandoy.
Dili tanan nga nindot nimong tan-awon maayo alang sa imong kalag.
3. Kay ang kaluwasan maghatid sa reconciliation, busa walay sala nga dili mapasaylo kon buot kang maghinulsol.
Ang grasya ni Kristo mas lapad pa kaysa sala ni Achan.
Ang leksyon ni Achan nagapahinumdum kanato nga ang pinakadaku nga kaaway dili ang naa sa gawas, apan ang naa sa sulod — ang makasasala nga kasingkasing.
Apan ang parehas nga Dios nga naghatag ug silot sa Ai mao usab ang Dios nga naghatag pagpasaylo ug bag-ong pagsugod.
Ang kaluwasan dili mahitabo pinaagi sa pagpanalipud sa atong dungog, apan sa pag-abli sa tanan ngadto sa Dios.
Happy Sabbath‼️
