Konsehal Rafael “APE” Reyes

18/08/2026

#𝐖𝐀𝐋𝐀𝐍𝐆𝐏𝐀𝐒𝐎𝐊 | 𝐀𝐔𝐆𝐔𝐒𝐓 𝟏𝟗, 𝟐𝟎𝟐𝟔 (𝐖𝐄𝐃𝐍𝐄𝐒𝐃𝐀𝐘)

Ayon sa Memorandum Circular No. 129 ng Office of the President, 𝐤𝐚𝐛𝐢𝐥𝐚𝐧𝐠 𝐚𝐧𝐠 𝐍𝐮𝐞𝐯𝐚 𝐄𝐜𝐢𝐣𝐚 𝐬𝐚 𝐦𝐠𝐚 𝐥𝐮𝐠𝐚𝐫 𝐧𝐚 𝐬𝐚𝐤𝐨𝐩 𝐧𝐠 𝐩𝐚𝐠𝐩𝐚𝐩𝐚𝐭𝐮𝐩𝐚𝐝 𝐧𝐠 𝐚𝐥𝐭𝐞𝐫𝐧𝐚𝐭𝐢𝐯𝐞 𝐰𝐨𝐫𝐤 𝐚𝐫𝐫𝐚𝐧𝐠𝐞𝐦𝐞𝐧𝐭𝐬 𝐬𝐚 𝐦𝐠𝐚 𝐭𝐚𝐧𝐠𝐠𝐚𝐩𝐚𝐧 𝐧𝐠 𝐩𝐚𝐦𝐚𝐡𝐚𝐥𝐚𝐚𝐧 𝐚𝐭 𝐚𝐥𝐭𝐞𝐫𝐧𝐚𝐭𝐢𝐯𝐞 𝐥𝐞𝐚𝐫𝐧𝐢𝐧𝐠 𝐦𝐨𝐝𝐞𝐬 𝐬𝐚 𝐦𝐠𝐚 𝐩𝐚𝐚𝐫𝐚𝐥𝐚𝐧 𝐬𝐚 𝐀𝐠𝐨𝐬𝐭𝐨 𝟏𝟗, 𝟐𝟎𝟐𝟔, bilang paghahanda sa inaasahang patuloy na malakas na pag-ulan dulot ng pinalakas na Southwest Monsoon (Habagat) na maaaring magdulot ng pagbaha at panganib.

Ang mga ahensyang nagbibigay ng pangunahing serbisyo, serbisyong pangkalusugan, disaster preparedness and response, at iba pang mahahalagang serbisyo ay magpapatuloy sa kanilang operasyon upang matiyak ang patuloy na paghahatid ng kinakailangang serbisyo.

Samantala, ang mga paaralan sa pampubliko at pribadong sektor ay inaasahang magpatupad ng mga nararapat na learning continuity measures, alinsunod sa direktiba ng mga kinauukulang Local Chief Executives.

Pinapayuhan ang lahat na manatiling alerto, sumubaybay sa mga opisyal na abiso, at unahin ang kaligtasan sa harap ng masamang panahon.

Mag-ingat at manatiling ligtas, Novo Ecijanos! 💙

18/08/2026

LINGKOD LINGAP, HATID SA MGA TALAVERAÑO; FORMER GOV. CHERRY UMALI, MAINIT NA SINALUBONG

TALAVERA, NUEVA ECIJA — Mainit na sinalubong ng mga Talaveraño si dating Gobernador Cherry Domingo Umali sa pag-iikot nito sa ilang barangay ng bayan upang ihatid ang programang Lingkod Lingap, isa sa mga programang patuloy na isinusulong ng Pamahalaang Panlalawigan ng Nueva Ecija sa ilalim nina Governor Aurelio “Oyie” Matias Umali at Vice Governor Gil Raymond “Lemon” Umali.

Matapos ang pamamahagi ng bigas sa San Jose City, nagtungo si dating Gov. Cherry sa Talavera at personal na nakipag-ugnayan sa mga residente sa mga barangay ng Pantoc Bulac, Tagaytay, Bulac, Barangay Basang Hamog, Casulucan Este, Tabacao, Sicsican Matanda, Lomboy at San Pascual.

Pinangunahan naman ni Talavera Vice Mayor JR Santos, kasama si dating Mayor Nerivi Santos Martinez, ang pagtanggap at paghahatid ng programa sa mga benepisyaryo. Nakiisa rin sina Board Member Rai Rai Villanueva at mga konsehal ng bayan na sina Ryan Arellano, Ape Reyes, Ver Tayao at Rap-Rap Villanueva.

Sa kanyang mensahe, ipinaabot ni Vice Mayor Santos ang kanyang matinding pasasalamat sa pamilya Umali sa patuloy na pagbibigay ng mga proyekto at programa sa Talavera, partikular ang mga serbisyong direktang nakararating sa mga mamamayan.

Nagpasalamat din si San Pascual Barangay Captain Dindo Lopez sa taunang pagdalaw ni Gov. Cherry sa kanilang barangay at sa patuloy nitong paghahatid ng serbisyo at tulong sa mga residente.

Samantala, ibinahagi ni Former Gov. Cherry ang isang bagong programang nakatakdang ilunsad ng Pamahalaang Panlalawigan sa pangunguna ni Gov. Oyie Umali, na aniya’y lalo pang makatutulong sa mga Novo Ecijano.

Patuloy namang ipinapakita ng programang Lingkod Lingap ang layunin ng Pamahalaang Panlalawigan na mailapit ang mga serbisyo at programa sa mga komunidad, lalo na sa mga pamilyang higit na nangangailangan ng tulong.

18/08/2026

17/08/2026

TALAVERA SB, INAPRUBAHAN ANG ₱37.2-MILYONG KARAGDAGANG PONDO PARA SA 2026 AIP

TALAVERA, NUEVA ECIJA — Pinangunahan ni Vice Mayor JR Santos bilang Presiding Officer ang ika-59 Regular Session ng Sangguniang Bayan ng Talavera ngayong Agosto 17, 2026, kung saan tinalakay at inaprubahan ang mahahalagang panukala para sa pagpapaunlad ng bayan.

Kabilang sa mga pangunahing inaprubahan ang AIP Addendum No. 6 na nagkakahalaga ng ₱15,975,600, at AIP Addendum No. 5 na may karagdagang ₱21,303,502.15, kasama ang mga kaukulang pagbabago sa Annual Investment Program ng iba’t ibang tanggapan.

Tinalakay din ang Supplemental Budget No. 2 na naglalaan ng ₱428,500, gayundin ang Revised AIP 2026, Revised Annual Plans 2027 at rebisyon sa plantilla ng mga kawani ng munisipyo.

Isa sa mga tampok na proyekto ang paglalaan ng pondo para sa pagbili ng dalawang mobile clinic na gagamitin ng Rural Health Units ng Talavera upang mapalawak ang serbisyong pangkalusugan sa mga komunidad.

Inaprubahan din ang mga variation order para sa MENRO Multi-Purpose Building, NEUST Talavera Off-Campus comfort room sa Barangay Pag-asa, at pagpapahusay ng bubong ng Municipal Executive Building.

Kasama rin sa agenda ang pag-endorso at pagpapatibay sa Barangay Calipahan Development Plan 2027–2029, gayundin ang mga ordinansa ng Barangay Bagong Silang hinggil sa wastong segregasyon at pagtatapon ng basura.

Dumalo sa sesyon sina mga Konsehal Michael Fausto, Ryan Arellano, “Rap Rap” Villanueva, Virgilio Tayao, Erwin Chioco, Joel Del Rosario, Ape Reyes at Angie Soleta, kasama sina ABC President Benjamin Tiangco III at SK President Armin Marc Ayson.

Patuloy na isinusulong ng Sangguniang Bayan ang mga panukalang nakatuon sa serbisyo publiko, kalusugan, imprastraktura, environmental management at pangkalahatang pag-unlad ng Talavera.

Sangguniang Bayan ng Talavera

17/08/2026

17/08/2026

27/07/2026

July 27, 2026
Araw ng Lunes

Tayo po ay naghandog ng assistive device na cane sa ating kababayan na mula sa Barangay Mamandil na si Josephine Guillermo.

Yan po ay sa kahilingan ng ating butihing Kapitan Roy Diamsay
Hangad po namen na ito ay makatulong sa inyo sa araw araw nyong gawain

Dalangin ko po ng inyong dagliang pag galing

Umasa po kayo na ako ay patuloy na naka alalay para sa mamamayan ng Bayan ng Talavera. Pagpalain po tayo ng PoongMaykapal