https://www.facebook.com/502081746318244/

Ang Agos, Inocencio V. Ferrer Memorial School of Fisheries, Talisay (2026)

Q: What is the address?

Inocencio V. Ferrer Memorial School Of Fisheries

28/01/2026

𝗔𝗚𝗢𝗦 𝗡𝗔 𝗛𝗜𝗡𝗗𝗜 𝗠𝗔𝗣𝗜𝗚𝗜𝗟𝗔𝗡

Umani ng tagumpay ang publikasyong Ang Agos sa naganap na kauna-unahang Division Schools Press Conference (DSPC) ng SDO Talisay, noong Enero 27–28, na ginanap sa Rafael B. Lacson Memorial High School.

Sa patimpalak na dinaluhan ng iba’t ibang paaralan sa dibisyon, ipinamalas ng mga kabataang mamamahayag ang husay, talino, at paninindigan sa larangan ng pamamahayag sa gabay ng mga tagapayong sina Gng. Ma. Yolanda Diongon at Dr. Angelo John Palma.

Hindi napigil ang agos ng tagumpay nang maiuwi ng publikasyon ang parangal sa iba't-ibang kategorya, na siyang naghatid ng puri hindi lamang sa Ang Agos kundi sa buong paaralan.

Mainit na pagbati sa mga sumusunod:
Christian Jhay Vinson – 𝗨𝗻𝗮𝗻𝗴 𝗣𝘄𝗲𝘀𝘁𝗼 (Pagsulat ng Kolum)
Mylene Nicole Saavedra – 𝗜𝗸𝗮𝗹𝗮𝘄𝗮𝗻𝗴 𝗣𝘄𝗲𝘀𝘁𝗼 (Pagsulat ng Lathalain)
Roniel John Morales – 𝗜𝗸𝗮𝗹𝗮𝘄𝗮𝗻𝗴 𝗣𝘄𝗲𝘀𝘁𝗼 (Photojournalism)
Alexandra Maliper – 𝗜𝗸𝗮𝘁𝗹𝗼𝗻𝗴 𝗣𝘄𝗲𝘀𝘁𝗼 (Pagsulat ng Pangulong-Tudling)
Krystel Mae Marcos – 𝗜𝗸𝗮𝘁𝗹𝗼𝗻𝗴 𝗣𝘄𝗲𝘀𝘁𝗼 (Photojournalism)
Deynelyn Padonio – 𝗜𝗸𝗮𝘁𝗹𝗼𝗻𝗴 𝗣𝘄𝗲𝘀𝘁𝗼 (Pagsulat ng Agham at Teknolohiya)
Cailegh Hisona – 𝗜𝗸𝗮-𝗮𝗽𝗮𝘁 𝗻𝗮 𝗣𝘄𝗲𝘀𝘁𝗼 (Copyreading and Headline Writing)
Danica Lozano – 𝗜𝗸𝗮-𝗮𝗽𝗮𝘁 𝗻𝗮 𝗣𝘄𝗲𝘀𝘁𝗼 (Pagsulat ng Agham at Teknolohiya)
Miggy Abordo – 𝗜𝗸𝗮𝗹𝗶𝗺𝗮𝗻𝗴 𝗣𝘄𝗲𝘀𝘁𝗼 (Pagsulat ng Balitang Isports)
Gerald Bravo – 𝗜𝗸𝗮𝗹𝗶𝗺𝗮𝗻𝗴 𝗣𝘄𝗲𝘀𝘁𝗼 (Paglalarawang Tudling)

Bukod dito, nagkamit din ng 𝗨𝗻𝗮𝗻𝗴 𝗣𝘄𝗲𝘀𝘁𝗼 sa Collaborative Online Publishing (Filipino) ang pangkat na binubuo nina:

Krystel Mae Marcos
Alexandra Maliper
Miggy Abordo
Deynelyn Padonio
Gerald Bravo

Hindi rito nagtatapos ang karangalan sapagkat ang publikasyon ay kabilang sa Regional Schools Press Conference (RSPC) bilang kinatawan ng SDO Talisay.

Mabuhay ang Ang Agos! Mabuhay ang IVFMSF!
Mabuhay ang kabataang mamahayag! 🏆

18/01/2026

𝗛𝗔𝗦𝗔: 𝗔𝗻𝗴 𝗔𝗴𝗼𝘀, 𝗵𝗶𝗻𝘂𝗯𝗼𝗴 𝗮𝗻𝗴 𝗵𝘂𝘀𝗮𝘆 𝗻𝗴 𝗸𝗮𝗯𝗮𝘁𝗮𝗮𝗻𝗴 𝗺𝗮𝗺𝗮𝗺𝗮𝗵𝗮𝘆𝗮𝗴

Matagumpay na isinagawa ng Ang Agos ang isang-araw na Campus Journalism Workshop noong Enero 9, 2026 sa Inocencio V. Ferrer Memorial School of Fisheries na layong linangin ang kakayahan ng mga mag-aaral sa pagsusulat at pamamahayag sa Filipino.

Lubos na nagpapasalamat ang Ang Agos sa mga panauhing tagapagsalita na sina Bb. Ma. Nadeil D. Rivera at Bb. Myra E. Alangre sa pagbabahagi ng kanilang kaalaman at karanasan na nagsilbing gabay at inspirasyon sa mga kalahok.

17/12/2025

𝗣𝗮𝗴𝗯𝗮𝘁𝗶 𝗽𝗮𝗿𝗮 𝘀𝗮 𝘁𝗮𝗴𝗮𝗽𝗮𝘆𝗼 𝗻𝗴 𝗽𝘂𝗯𝗹𝗶𝗸𝗮𝘀𝘆𝗼𝗻𝗴 𝗔𝗻𝗴 𝗔𝗴𝗼𝘀— 𝗚𝗻𝗴. 𝗠𝗮. 𝗬𝗼𝗹𝗮𝗻𝗱𝗮 𝗗𝗶𝗼𝗻𝗴𝗼𝗻!

Maraming salamat sa patuloy na pag-agos ng inspirasyon at lakas ng loob na ibinibigay ninyo sa aming mga manunulat sa pamamagitan ng inyong tahimik ngunit matatag na paggabay.

Nawa’y manatiling masigla ang inyong diwa at patuloy na maging daluyan ng liwanag sa larangan ng pamamahayag ng kabataan.

30/10/2025

“𝗞𝗮𝘆𝗮𝗻𝗴 𝗮𝗹𝗮𝗴𝗮𝗮𝗻 𝗻𝗴 𝗺𝘂𝗻𝗱𝗼 𝗮𝗻𝗴 𝘀𝗮𝗿𝗶𝗹𝗶 𝗻𝗶𝘁𝗼; 𝘁𝗮𝘆𝗼 𝗮𝗻𝗴 𝗸𝗮𝗶𝗹𝗮𝗻𝗴𝗮𝗻𝗴 𝗺𝗮𝗴𝗶𝗻𝗴 𝗵𝗮𝗻𝗱𝗮 𝗵𝗮𝗯𝗮𝗻𝗴 𝗴𝗶𝗻𝗮𝗴𝗮𝘄𝗮 𝗶𝘆𝗼𝗻 𝗻𝗴 𝗱𝗮𝗶𝗴𝗱𝗶𝗴.”

Sa diwa ng panawagang ito, limang piling kinatawan ng mga mag-aaral mula sa Inocencio V. Ferrer Memorial School of Fisheries ang lumahok ngayong Oktubre 30, 2025 sa “Roots & Reboot: Empowering Student Leaders for Climate Action,” isang workshop na inorganisa ng Carlos Hilado Memorial State University (CHMSU) katuwang ang WeGeneration Initiative na ginanap sa ETG Building, Function Hall ng CHMSU Main Campus.

Layunin ng aktibidad na palawakin ang kamalayan at aksyon ng mga kabataang lider sa pangangalaga ng kalikasan at sa pagpapatupad ng mga layunin ng Sustainable Development, kung saan ipinamalas ng mga delegado ng IVFMSF ang tunay na diwa ng kabataang handang kumilos para sa planeta.

30/09/2025

𝗕𝗔𝗟𝗜𝗧𝗔𝗡𝗚 𝗜𝗦𝗣𝗢𝗥𝗧𝗦 | 𝗜𝗩𝗙𝗠𝗦𝗙, 𝗡𝗮𝗺𝗮𝘆𝗮𝗴𝗽𝗮𝗴 𝘀𝗮 𝗦𝗲𝗽𝗮𝗸 𝗧𝗮𝗸𝗿𝗮𝘄 𝗖𝗶𝘁𝘆 𝗠𝗲𝗲𝘁 𝗠𝗮𝘁𝗮𝗽𝗼𝘀 𝗗𝗼𝗺𝗶𝗻𝗮𝗵𝗶𝗻 𝗮𝗻𝗴 𝗗𝗔𝗔𝗟𝗠𝗛𝗦
Ni Miggy Abordo

Umarangkada ang IVFMSF Sepak Takraw matapos nilang sungkitin ang panalo kontra DAALMHS sa tatlong set, 15-5, 12-15, at dikitang 17-15, sa City Meet na idinaos sa Inocencio V. Ferrer Memorial School of Fisheries Multipurpose Hall nitong Setyembre 29, 2025.

Unang sumiklab ang laban sa pagbukas ng unang yugto kung saan nagpakawala ng malalakas na pasa at matitinding smash sina Cervantes, Amor, at Dote para sa IVFMSF. Hindi nakapalag ang tropa ng DAALMHS na kinabibilangan nina Dizon, Junas, at Dequilla, kaya’t nagtapos ang yugto sa dominanteng 15-5.

Gayunman, bumawi ang DAALMHS sa ikalawang yugto. Sa mas sistematikong depensa at matitinding sipa ni Junas, unti-unting umusad ang nasabing koponan. Sa kabila ng matitinding serbisyo ng IVFMSF, tuluyang isinara ng DAALMHS ang set sa iskor na 12-15, dahilan para tumabla ang laban sa tig-iisang panalo.

Sa huling yugto, ramdam ang tensyon ng dalawang koponan. Palitan ng puntos ang naganap hanggang sa umabot sa 15-all. Dito na nagpakitang-gilas si Cervantes ng IVFMSF matapos kumasa ng matinding kick back na naging dahilan upang mapabilib ang madla at tuluyang mapabagsak ang depensa ng DAALMHS. Sa huli, nakabuo ng 17-15 na iskor ang IVFMSF, tinuldukan ang laban sa matinding panalo.

“Hindi kami bumitaw kahit dikit ang laban. Ginawa namin ang lahat para sa panalo,” ani Cervantes, kinilala bilang MVP ng laro.

Ipinahayag ni Coach Karenne Kim Sumagaysay ng IVFMSF na malaking bagay ang tiwala at disiplina ng kanyang mga manlalaro, kaya’t sa kabila ng presyur, napanatili nila ang pokus hanggang dulo.

Sa huli, pinatunayan ng IVFMSF Sepak Takraw Team na ang matinding puso at tapang sa court ang tunay na sandata para masungkit ang panalo. Sila'y inaasahang magbabalik ensayo upang paghandaan ang susunod na laban kontra DHGGMHS.

29/09/2025

𝗟𝗔𝗧𝗛𝗔𝗟𝗔𝗜𝗡 | 𝗮𝗕𝗘𝗟𝗟𝗜𝗘𝗱𝗮𝗱 𝗜𝗽𝗶𝗻𝗮𝗺𝗮𝗹𝗮𝘀
Ni Mylene Nicole B. Saavedra

Sa isang maliit na bulwagan ng Inocencio V. Ferrer Memorial School of Fisheries ay nag-uumpukan ang mga atleta, tagapagsanay, estudyante, g**o at mga manonood upang saksihan ang patimpalak. Tila isang ordinaryong hapon ngunit makikita ang mga kakaibang kakayahan at abilidad ng ipinamamalas ng natatanging manlalaro. Sa igkas ng kanyang nga paa ay tila namamalikmata at natutulala ang lahat. Kahanga-hangang talento sa larong Sepak Takraw, isang laro na sumasalamin sa PUSO ng Pilipino: liksi, diskarte, husay, determinasyon.

Isang nakakabinging katahimikan nang magsimula ang laro. Nagpalitan ng liksi, diskarte at husay ang magkatunggali. Sa bawat igkas ng paa, hindi nagpapatinag si Bellie. Nanatiling buo ang puso, nagiging sandigan ng kanyang mga kasamahan, nagpapalakas ng loob at nagdaragdag ng determinasyon.

Ang laro ay nagsimula. Ang kalaban ay malakas, ngunit hindi nagpatinag si Bellie. Sa bawat sipa, bawat harang, ipinakita niya ang kanyang galing. Ang kanyang mga kasamahan koponan ay nagtulungan, nagbigay ng suporta, at nagpakita ng determinasyon.

Naging dikdikan ang laro, bawat puntos ay tagatak ang pawis ng bawat manlalaro. Puntos ay pinaghihirapan. Mararamdaman ang tensyon sa paligid, ngunit isang huling makapangyarihan sipa ang pinakawalan ni Bellie. Pumaibabaw ang bola, parang bulalakaw at biglang bumagsak sa court ng katunggali! YEHEY!

Ang kanyang dedikasyon ay naging rason upang magpatuloy sa agos ng buhay. Si Bellie ay hindi lamang isang manlalaro ng Sepak Takraw. Siya ay simbolo ng pag-asa, ng pagsisikap, at ng tagumpay. Ang kanyang kwento ay nagpapatunay na walang imposible kung mayroon tayong pangarap at determinasyon.

29/09/2025

𝗕𝗔𝗟𝗜𝗧𝗔 | 𝗣𝗮𝗹𝗮𝗿𝗼𝗻𝗴 𝗣𝗮𝗻𝗹𝘂𝗻𝗴𝘀𝗼𝗱 𝟮𝟬𝟮𝟱, 𝗽𝗼𝗿𝗺𝗮𝗹 𝗻𝗮𝗻𝗴 𝗯𝗶𝗻𝘂𝗸𝘀𝗮𝗻
“One Mission, One Vision, We Are One”

Pormal nang binuksan ngayong araw, Setyembre 29, 2025, ang Talisay City Sports Meet 2025, isang dalawang-araw na palaro na nagtataguyod ng “Sports that Promote Positive Values and Excellent Health.” sa Talisay City oval na itinampok hindi lamang ang husay sa palakasan kundi ang mahahalagang aspetong taglay ng bawat atleta—disiplina, pagkakaisa, at malusog na pangangatawan, isipan, at pamumuhay.

Sa ilalim ng programa, pinagsama-sama ng palaro ang mga kabataan mula sa iba’t ibang paaralan ng lungsod na nakatakdang idaos sa loob ng dalawang araw, tampok ang talento at dedikasyon ng mga batang Talisaynon.

Sa pagpapatuloy bukas, inaasahang masisilayan ang hindi matatawarang husay, sigla, at diwa ng pagkakaisa ng buong Talisay—isang patunay ng One Mission, One Vision, We Are One.

19/09/2025

𝗕𝗔𝗟𝗜𝗧𝗔 | 𝗜𝗩𝗙𝗠𝗦𝗙, 𝗻𝗮𝗸𝗶𝗯𝗮𝗵𝗮𝗴𝗶 𝘀𝗮 𝗧𝗮𝗹𝗶𝘀𝗮𝘆 𝗖𝗶𝘁𝘆 𝗗𝗶𝗴𝗶𝗪𝗼𝗿𝗸 𝗘𝘅𝗽𝗼 𝟮𝟬𝟮𝟱

Lumahok ang mga mag-aaral ng ICT–Computer Programming, ICT–Computer System Servicing, at Science, Technology, Engineering, and Mathematics (STEM) mula sa Inocencio V. Ferrer Memorial School of Fisheries sa prestihiyosong Talisay City, Negros Occidental DigiWork Expo 2025, na ginanap ngayong ika-19 ng Setyembre sa Carlos Hilado Memorial State University kabilang ang iba’t ibang paaralan at kolehiyo sa lungsod.

Aktibong lumahok ang mga mag-aaral sa iba’t ibang aktibidad at sesyong pangkaalaman na idinaos ng mga ahensya ng pamahalaan at mga katuwang mula sa pribadong sektor, kung saan ipinakilala ang makabagong teknolohiya, makinaryang digital, at iba’t ibang oportunidad sa mundo ng trabaho.

Layunin ng expo na palalimin ang kaalaman ng mga kabataan tungkol sa kahalagahan ng inobasyong digital at kahandaan sa hinaharap na hanapbuhay. Sa kanilang pakikilahok, nabigyan ng pagkakataon ang mga mag-aaral ng IVFMSF na tuklasin ang pinakabagong teknolohiya, makabagong ideya, at mga landas pangkarera na magiging gabay sa kanilang paghubog ng kinabukasan.

31/08/2025

𝗕𝗔𝗟𝗜𝗧𝗔 | 𝗞𝗮𝗴𝗮𝘄𝗮𝗿𝗮𝗻 𝘀𝗮 𝗙𝗶𝗹𝗶𝗽𝗶𝗻𝗼, 𝗽𝗶𝗻𝗮𝗻𝗴𝘂𝗻𝗮𝗵𝗮𝗻 𝗮𝗻𝗴 𝗽𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗕𝘂𝘄𝗮𝗻 𝗻𝗴 𝗪𝗶𝗸𝗮 𝟮𝟬𝟮𝟱 𝘀𝗮 𝗜𝗩𝗙𝗠𝗦𝗙

Puno ng kulay at kasiglahan ang bulwagang pantanghalan ng Inocencio V. Ferrer Memorial School of Fisheries nang idaos ang Buwan ng Wika 2025–2026 noong ika-28 ng Agosto 2025. Pinangunahan ito ng Kagawaran ng Filipino ng paaralan na may temang “Paglinang sa Filipino at Katutubong Wika: Makasaysayan sa Pagkakaisa ng Bansa.”

Mula sa mga pagtatanghal sa entablado hanggang sa mga laro ng lahi, nagsilbing pagkakataon ang selebrasyon para maipakita ng mga mag-aaral ang kanilang talento at diwa ng pagkakaisa. Hindi rin nagpahuli ang makukulay na pinagsamang tradisyonal at modernong kasuotang Pilipino na suot ng mga estudyante, na wari’y isang parada ng tradisyon at kultura. Sa kabuuan, ang pagdiriwang ay nagpaalala na ang wika at kultura ay buhay at patuloy na umuusbong sa bawat henerasyon.

02/07/2025

𝗞𝗔𝗦𝗔𝗟𝗨𝗞𝗨𝗬𝗔𝗡𝗚 𝗡𝗔𝗚𝗔𝗚𝗔𝗡𝗔𝗣 | Pagtalaga sa katungkulan ni Gng. Susie A. Araneta bilang bagong Punongg**o

Kasalukuyang isinasagawa ang seremonya ng pagtalaga kay Dr. Susie A. Araneta bilang bagong punongg**o ng Inocencio V. Ferrer Memorial School of Fisheries ngayong araw, Hulyo 2, 2025, sa bulwagang pantanghalan ng paaralan

Ang makasaysayang okasyong ito ay dinaluhan ng mga iginagalang na panauhin mula sa Division of Negros Occidental, mga Punongg**o mula sa iba't ibang distrito ng Lungsod ng Talisay, pati na rin ng mga miyembro ng kaguruan, kawani, at mga mag-aaral.

Binabati ka namin, Gng. Susie A. Araneta!

21/06/2025

𝗣𝗔𝗟𝗠𝗔 𝗔𝗡𝗚 𝗣𝗔𝗠𝗔𝗡𝗧𝗔𝗬𝗔𝗡

🎓ISANG TAOS-PUSONG PAGBATI MULA SA PAMPAARALANG PUBLIKASYONG ANG AGOS PARA KAY DR. ANGELO JOHN C. PALMA!

𝗔𝗻𝗴𝗲𝗹𝗼 𝗝𝗼𝗵𝗻 𝗖. 𝗣𝗮𝗹𝗺𝗮, 𝗟𝗣𝗧, 𝗘𝗱𝗗
𝘿𝙤𝙠𝙩𝙤𝙧 𝙣𝙜 𝙀𝙙𝙪𝙠𝙖𝙨𝙮𝙤𝙣 𝙨𝙖 𝙋𝙖𝙜𝙩𝙪𝙩𝙪𝙧𝙤 𝙣𝙜 𝙒𝙞𝙠𝙖𝙣𝙜 𝙄𝙣𝙜𝙡𝙚𝙨 (Doctor of Education, Major in English Language Teaching)

Buong galak naming ipinagdiriwang ang inyong natatanging tagumpay sa pagtatamo ng inyong doktorado—isang patunay ng inyong sipag, tiyaga, at matibay na paninindigan sa larangan ng edukasyon.

Lubos ang aming pasasalamat sa inyo bilang g**o, gabay at huwaran ng kahusayan at kababaang-loob bilang katuwang na tagapayo ng publikasyong Ang Agos.

01/02/2025

𝗟𝗔𝗧𝗛𝗔𝗟𝗔𝗜𝗡 | 𝗔𝗻𝗴 𝗣𝗮𝗴𝘀𝗶𝗽𝗮 𝗻𝗴 𝗕𝗼𝗹𝗮: 𝗚𝗶𝗻𝘁𝗼 𝗮𝗻𝗴 𝗱𝗮𝗹𝗮
Ni Mylene Nicole B. Saavedra

Ang pagsipa ng bola na may dedikasyon, pagsisikap at pangarap ay naging malaking inspirasyon sa mga estudyanteng atleta. Sa maliit na bulwagan ng paaralan ang piping saksi sa puspusang pagsasanay. Dugo't pawis ay di alintana dahil sa saya nitong dala.

Araw at gabi patuloy sa pag ensayo, ang kanilang mga sinasanay na taktika at plano upang ang tuktok ng tagumpay ay mapasakamay ng grupo. Hindi naging hadlang para sumuko sa mga pangarap nila, ang mga pinsalang dulot ng kanilang pag- eehersisyo. Mahigpit na alituntunin sa pagkain upang matamo ang tamang nutrisyon at tamang hubog ng katawan ay plakado.

Pagbibilad sa matiding init ng haring araw tinitiis para lamang makapag-ensayo nang maigi at mabuti. Iba't-ibang alaala ng pagkatalo at pagkapanalo ay pinaghugutan nang lakas para mas mapabuti pa ang kasanayan sa pagsipa.

Isang grupo ng kababaihan na hindi magpapaapi kapag pagsipa ng bola ang usapan. Mabilis, tantyado, maagap at makapangyarihan ang pinapakita sa bawat laban na gustong maipanalo.

Sa huli ang mga sakripisyo ay nagbunga at naging rason tungo sa pagbibigay pugay at pansin. Nawari, naipakita at napatunayan na karapat-dapat silang gatimpalaan. Dahil sa taglay nilang paninindigan "Gintong Medalya" na pawang pangarap lang nung simula ay tinatamasa na sa kasalukuyan. Higit na maningning ang kasanayan nang Sepak Takraw Girls.

Ang Agos

28/01/2026

18/01/2026

17/12/2025

30/10/2025

30/09/2025

29/09/2025

29/09/2025

19/09/2025

31/08/2025

02/07/2025

21/06/2025

01/02/2025

Address

Website

Alerts

Shortcuts

Share

Category