Ay Sil-lag

02/09/2025

04/08/2025

𝗕𝗔𝗟𝗜𝗧𝗔𝗡𝗚 𝗣𝗔𝗠𝗣𝗔𝗔𝗥𝗔𝗟𝗔𝗡 𝗜 𝗣𝗮𝗴𝘀𝗶𝘀𝗶𝗺𝘂𝗹𝗮 𝗻𝗴 𝗕𝘂𝘄𝗮𝗻 𝗻𝗴 𝗪𝗶𝗸𝗮: 𝗠𝗮𝘁𝗮𝗴𝘂𝗺𝗽𝗮𝘆 𝗻𝗮 𝗡𝗮𝗶𝗹𝘂𝗻𝘀𝗮𝗱 𝘀𝗮 𝗕𝗮𝘁𝗮𝗻𝗴-𝗕𝗮𝘁𝗮𝗻𝗴 𝗜𝗻𝘁𝗲𝗴𝗿𝗮𝘁𝗲𝗱 𝗦𝗰𝗵𝗼𝗼𝗹
ni Reezamanthaj Peralta

Batang-Batang, Tarlac — Pormal na sinimulan ng Batang-Batang Integrated School ang pagdiriwang ng Buwan ng Wika 2025 noong Agosto 1 sa pamamagitan ng isang simpleng kick-off program na ginanap sa multi-purpose hall ng paaralan.

Pinangunahan ito ni Gng. Erika V. De Vera, g**o sa Filipino at tagapagsagawa ng buong programa. Sa kabila ng kakulangan sa mga pagtatanghal sa araw ng pagbubukas, ramdam na ramdam ang sigla at pagkasabik ng mga mag-aaral at g**o.

Ayon kay Gng. De Vera, “Ang araw na ito ay simula pa lamang ng ating mas makulay na pagdiriwang sa mga darating na linggo. Abangan ninyo ang mga patimpalak, pagtatanghal, at iba pang aktibidad na tiyak na magpapakita ng galing at pagmamahal natin sa sariling wika.”

Sa mga susunod na linggo, inaasahang mas magiging masigla ang selebrasyon sa pamamagitan ng mga gawaing pampanitikan, paligsahan, at pagtatanghal na may temang, “Paglinang sa Filipino at Katutubong Wika: Makasaysayan sa Pagkakaisa ng Bansa.”

Muling pinatunayan ng BBIS na sa kabila ng simpleng paraan, basta’t may puso, ay sapat na upang simulan ang makabuluhang selebrasyon ng wikang Filipino.

12/02/2025

𝑨𝒚 𝑺𝒊𝒍-𝑳𝒂𝒈: 𝑷𝒊𝒏𝒂𝒓𝒂𝒏𝒈𝒂𝒍𝒂𝒏𝒈 𝑩𝒊𝒍𝒂𝒏𝒈 𝑰𝒔𝒂 𝒔𝒂 𝑷𝒊𝒏𝒂𝒌𝒂𝒎𝒂𝒉𝒖𝒔𝒂𝒚 𝒏𝒂 𝑷𝒂𝒉𝒂𝒚𝒂𝒈𝒂𝒏 𝒔𝒂 𝑻𝒂𝒓𝒍𝒂𝒄 𝑪𝒊𝒕𝒚

𝑻𝑨𝑹𝑳𝑨𝑪 𝑪𝑰𝑻𝒀 – Pinatunayan ng "Ay Sil-Lag," ang opisyal na pahayagang pampaaralan ng Batang-batang Integrated School (BIS), ang kanilang kahusayan matapos makuha ang ika-4 na puwesto sa Tarlac City Schools Division’s Best School Publications Competition sa kategoryang Filipino.

Bilang karagdagan sa pangkalahatang ika-4 na puwesto, nakamit din ng pahayagan ang mga sumusunod na parangal: 2nd Place para sa Science and Technology Page, 4th Place para sa Editorial Page, 5th Place para sa News Page, 7th Place para sa Page Layout and Design at Features Page, at 10th Place para sa Sports Page. Ang mga pagkilalang ito ay patunay ng dedikasyon at kakayahan ng mga mamamahayag ng Ay Sil-Lag sa pagbibigay ng makabuluhan at de-kalidad na balita para sa mga mag-aaral.

Sa pamumuno ng Editor-in-Chief na si Isabel Phelia Mangubat, patuloy ang pahayagan sa pagbibigay ng impormasyon at pagsusulong ng malayang pamamahayag sa paaralan. Ang tagumpay na ito ay hindi magiging posible kung wala ang patnubay ng School Paper Adviser na si Gng. Erika V. De Vera at ang suporta ng Punong-Guro na si Dr. Venus Canlas Yumul.

"Isang malaking karangalan para sa amin ang makatanggap ng ganitong pagkilala. Ito ay bunga ng sipag, tiyaga, at dedikasyon ng buong patnugot ng Ay Sil-Lag," pahayag ni Mangubat.

Patuloy na magsisikap ang Ay Sil-Lag upang paunlarin ang kanilang pagsusulat at paghatid ng makabuluhang balita, hindi lamang para sa paaralan kundi para rin sa mas malawak na mambabasa.

06/11/2024

Muling lumiwanag ang tinta at mukha ng balita

Isanagawa ngayong araw ang School-Based Press Conference 2024 sa Batangbatang Integrated School na nilahukan ng mga mag-aaral mula elementarya hanggang sekondarya.

Nagkaroon ng training-workshop ang naturang gawain partikular sa pagsulat ng lathalain, isports, copy reading and headline writing, at photo journalism sa iba't ibang larangan.

Matagumpay na tinapos ang unang araw na punong-puno ng kaalaman at taglay ay sigasig upang saliksikin ang mga susunod pang dunong na matagal nang nag-aalab sa puso't isipan ng mga CJs ng BBIS.

04/11/2024

𝐏𝐫𝐨𝐤𝐥𝐚𝐦𝐚𝐬𝐲𝐨𝐧 𝐁𝐥𝐠. 𝟕𝟐𝟖: 𝐈𝐩𝐢𝐧𝐚𝐡𝐚𝐲𝐚𝐠 𝐧𝐠 𝐌𝐚𝐥𝐚𝐜𝐚ñ𝐚𝐧𝐠 𝐚𝐧𝐠 𝐍𝐨𝐛𝐲𝐞𝐦𝐛𝐫𝐞 𝟒, 𝟐𝟎𝟐𝟒 𝐛𝐢𝐥𝐚𝐧𝐠 𝐏𝐚𝐦𝐛𝐚𝐧𝐬𝐚𝐧𝐠 𝐀𝐫𝐚𝐰 𝐧𝐠 𝐏𝐚𝐠𝐥𝐮𝐥𝐮𝐤𝐬𝐚 𝐩𝐚𝐫𝐚 𝐬𝐚 𝐦𝐠𝐚 𝐛𝐢𝐤𝐭𝐢𝐦𝐚 𝐧𝐠 𝐦𝐚𝐥𝐚𝐤𝐚𝐬 𝐧𝐚 𝐛𝐚𝐠𝐲𝐨𝐧𝐠 '𝐊𝐫𝐢𝐬𝐭𝐢𝐧𝐞.'

Maawaing Ama, Pakinggan mo ang aming panalangin atpagsusumamo. Panginoon, para sa mga yumao at naglakbay na dala ang tanda ng pananampalataya, lalo na sa mga taong ipinagdarasal namin ngayon. Idinadalangin namin na makita ng kanilang mga kaluluwa ang kasiyahan at kaligayahan sa Iyong piling. Ipinapaabot namin ang aming pakikiramay sa lahat ng biktima ng bagyong Kristine. Nawa'y sila'y magpahinga/mabuhay nang may pananampalataya sa Diyos. Idinadalangin namin na basbasan ang kanilang mga kaluluwa sa makapangyarihang pangalan mo, Panginoong Hesukristo. Amen.

04/11/2024

𝐎𝐩𝐢𝐬𝐲𝐚𝐥 𝐧𝐚𝐧𝐠 𝐍𝐚𝐠𝐬𝐢𝐦𝐮𝐥𝐚 𝐚𝐧𝐠 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐏𝐚𝐦𝐛𝐚𝐧𝐬𝐚𝐧𝐠 𝐁𝐮𝐰𝐚𝐧 𝐧𝐠 𝐏𝐚𝐠𝐛𝐚𝐬𝐚!

Ngayong araw, sinimulan na natin ang pagdiriwang ng Pambansang Buwan ng Pagbasa, at nagsimula tayo sa pagtalakay sa layunin ng espesyal na buwang ito—pagpapausbong ng pagmamahal sa pagbabasa, pagpapalakas ng kuryusidad, at pagkilala sa iba't ibang uri ng kuwento. Mababakas sa mga mag-aaral ang kasiyahan at pananabik (at medyo palaban!) sa kanilang pagsabak sa Spelling Bee, pagsubok sa kanilang kakayahan sa Phonetic Play-Off, at pagpapamalas ng kanilang kaalaman sa mga aklat sa Literary Trivia. 📖👏

Ngunit simula pa lang ito! Hindi pa tapos ang kasiyahan. Abangan lamang ang iba pang mga kapana-panabik na gawain ngayong Nobyembre na magdadala ng mga kuwento sa buhay.

Kayo, anong kuwentong Buwan ng Pagbasa ang dala ninyo? Ibahagi sa amin kung anong aktibidad ang pinakahihintay ninyo sa komento sa ibaba! 📩📩📩

23/10/2024

PAMPAARALANG BALITA

Handa ka na bang basagin ang iyong katahimikan tungo sa liwanag at sinag ng panibagong pagbabago?

Nalalapit na ang aming School-based Press Conference 2024 na may temang: "BREAKING BOUNDARIES: Challenging Social Norms and Exploring Underrepresented Voices through Campus Journalism." Ito ang iyong pagkakataon na maging bahagi ng isang samahan na naglalahad at nagbibigay liwanag sa mga napapanahong katotohanan.

Halina't samahan kami sa paggalugad sa kapangyarihan ng panulat habang tinutuklasan natin ang mga boses na kadalasang hindi naririnig at ang mga kuwentong lumalampas sa mga nakaraang pamantayan ng lipunan. Panahon na upang lumaya mula sa mga limitasyon at lumikha ng mga bagong salaysay!

Kung mayroon kang mga katanungan, huwag mag-atubiling humingi ng tulong mula sa iyong mga tagapayo o makipag-ugnayan sa aming mga Paper Adviser ng paaralan: sina Ma’am Paulaine Lising, Ma’am Erika De Vera, Ma’am Joselyn A. Gonzales, at Ma’am Lady Camille Mallari, para sa karagdagang detalye.

Huwag palampasin ang pagkakataong ito na muling tukuyin ang mga hangganan ng campus journalism! Magkita-kita tayo, mga CJ!

24/05/2023

ANUNSYO📢📢📢
Walang pasok sa ika-26 ng Mayo (Biyernes) bilang paghahanda, pakiki-isa at paggunita sa "Araw ng Lalawigan ng Tarlac" sa ika-28 ng Mayo.

18/05/2023

Ginalingan!
School Paper Advisers, hakot parangal

School Paper Advisers na sina Paulaine M. Bondoc, Secondary School Paper Adviser-English(SPA-English) at Katherine S. Mapa, Elementary School Paper Adviser-Filipino(SPA-Filipino), nakakuha ng iba't ibang parangal sa nagdaang School Publication Contest sa Tarlac City Schools Division, 2023.
Pinagpuyatan, pinagpaguran at pinaglaanan ng oras ang pagbuo ng School Publication na kung saan naman ay humakot ng parangal mula sa iba't ibang kategorya ang mga School SPAs ng Batangbatang Integrated School(BIS) sa naturang paligsahan nito lamang nagdaang Abril.
"Congratulations sa inyong dalawa! Proud kami sa inyo"mainit na pagbati ni Dr. Venus C. Yumul, Punong-g**o ng BIS.
Pagbati! Mula sa pahayagan ng Ay Sil-lag ang nais iparating sa mga naggagalingang SPAs ng BIS.