10/10/2025
TAKE THE RISK OR SAVE THE FRIENDSHIP?
Paano kapag kapwa niyong iniibig ang isa't isa?
Ngunit kapwa kayong nangangamba na baka pagdating ng araw, ay mawala ring bigla ang inyong pinagsamahan at pagkakaibigan?
Handa ka bang itaya kung ano ang mayroon kayo para sa sinisigaw ng damdamin mo?
O hahayaan mo nalang itong lumago nang hindi sinasabi sa kanya ang tunay na nararamdaman nito alang-alang sa pagkakaibigan niyo?
TAKE THE RISK, OR SAVE THE FRIENDSHIP?
Tanong na napaka simple lang naman ngunit ang hirap tugunan
Para kang sumasagot ng pagsusulit na dalawa lang ang pagpipilian
Pipiliin mo ba 'yung nauna dahil ito ang pinapahayag ng iyong kalooban?
O mas pipiliin mo 'yong pangalawa dahil mas makabubuti kung kayo ay magkaibigan na lamang?
TAKE THE RISK, OR SAVE THE FRIENDSHIP?
Hindi mo tiyak ang iyong itutugon dahil sa iyong sapantaha ay pareho silang tama
Nagdadalawang isip ka sapagkat hindi ka talaga sigurado kung alin sa dalawa
Dahil nais mong pangalagaan kung ano ang mayroon kayo
At nang sa gano'n ay hindi kayo tuluyang mabuwag at magkalayo
Sa kabilang dako naman, paano naman ang iyong nararamdaman?
Hindi mo ba ito ipaglalaban? Iyo na lamang ba itong hahayaan?
Iibigin at tatanawin mo na lamang ba siya sa malayuan?
Hindi mo ba bibigyan ang iyong sarili ng karapatan?
Karapatan na mahalin at ibigin siya sa malapitan,
Nang walang pinagpipilian,
Nang hindi nasisira ang pagkakaibigan
Nang walang pagaalinlangan
Ngunit sadyang mapaglaro nga talaga ang tadhana
Kung kailan nais mo na sanang ipagtapat ang iyong nararamdaman at sumugal sa kanya,
Doon mo pa natuklasan na mayroon na pala siyang ibang sinisinta
Ang daya naman kasi talaga
Pero ayos lang yan, marahil ay nais ng tadhana na kayo ay mag'kaibigan' na lamang
Kahit papaano ay sinubukan mong maging matapang
Ang pagtatapat sana ay isa nang malaking hakbang
Naudlot man, ngunit ang mahalaga ay hindi ka nagkulang
Wala kang ibang magagawa kundi maging masaya para sa kanya
Suportahan siya sa kung saan siya masaya
Ipaubaya siya sa kanyang sinisinta
Kasi ganun naman talaga diba
Sabi pa nga, kung mahal mo palayain mo
Maging kaibigan ka pa rin para sa kanya, sa kanila
Hindi pa naman katapusan ng mundo
Marami ka pang makikilala
Mas mabuti na sigurong kayo ay magkaibigan na lamang
Nang sa ganun ay mapanatili ang inyong pinagsamahan
KUNDIMAN by: Silent Sanctuary
Kung hindi man tayo hanggang dulo
Huwag mong kalimutan nandito lang ako
Laging umaalalay hindi ako lalayo
Dahil ang tanging panalangin ko ay ikaw 🎶
(c) photo is not mine, credits to the rightful owner
~ gwendolyn claire
゚viralシfypシ゚
