Bohol Balita Daily News

Bohol Balita Daily News UNA ug NAG-INUSARANG PAMANTALAAN SA BOHOL NGA MOGAWAS KADA ADLAW

sponsored
10/06/2025

sponsored

TAN-AWA
10/06/2025

TAN-AWA

Batang masuso nabalian og tiil, namatay kay gikuot sa doctor? PATAY ang usa ka batang masuso human giingong nabali ang ...
10/06/2025

Batang masuso nabalian og tiil, namatay kay gikuot sa doctor?

PATAY ang usa ka batang masuso human giingong nabali ang kamot kay gikuot sa doktor gikan sa sabakan sa inahan.

Nidangop sa tigbalita ang mga ginikanan sa bata nga sila si Mario Cantonese ug Herlita Bandibas, ug mireklamo batok sa nagdumala sa us aka Hospital sa lungsod sa Loon human namatay ang ilang anak.

Sumala sa ginikanan nga gisuwayan og salbar sa duha ka doktor nga nagpaanak human nanglagom ang ilang anak niadtong Hunyo 3 sa buntag.

Gisultian usab sila sa doktor nga posibleng nabali ang bukog sa ilang anak hinungdan nga gidala kini sa Governor Celestino Gallares Memorial Medical Center sa siyudad sa Tagbilaran.

Nahibal-an nalang sa ginikanan ang tinood nga kahimtang sa ilang anak nga bun-og, bali ang kamot, ug wa nay pulso human sila gisultian sa attending physician sa Govm Celestino Gallares Medical Center. ( AND )

Misuway og r**e sa babaye sa CR dakpan sa Carmen LALAKI nga buot untang molugos sa usa ka babaye sud sa usa ka pansayan,...
10/06/2025

Misuway og r**e sa babaye sa CR dakpan sa Carmen

LALAKI nga buot untang molugos sa usa ka babaye sud sa usa ka pansayan, nadakpan sa kapolisan didto sa Sitio Tukbas, Barangay La Libertad, lungsod sa Carmen niadtong Sabado sa hapon.

Ang suspetsado usa ka alyas Ronnie, 55 anyos.

Ang biktima si alyas Rowena, 44.

Sigun sa pakisusi sa Carmen Municipal Police Station nga samtang ang biktima didto kini sa sud sa pansayan kay sugo sa lawas. Dihang kalit usab misud ang suspek kinsa gikataho nga ubos sa impluwensiya sa ilimnong makahubog ug miabuso kaniya.

Matud sa taho nga nakaipsot ang maong biktima sa yawan-ong tinguha sa suspek human nakalugnot kini ug mikaratil og dagan ug nangayo og pakitabang.

Nasignit ang maong suspek sa nirespondeng kapolisan ug gipaslak na selda sa Carmen PNP.

Tukmang sumbong ang giandam nga ipasaka batok kaniya sa piskaliya. ( AND )

Lalaking nakatagay nahagbong sa tulay sa Loay GRABENG naangol ang usa ka lalaki nga giingong nakatagay og ilimnong makah...
09/06/2025

Lalaking nakatagay nahagbong sa tulay sa Loay

GRABENG naangol ang usa ka lalaki nga giingong nakatagay og ilimnong makahubog human aksidenteng nahagbong gikan sa barandilya padung sa ubos duol sa Clarin bridge sa Brgy. Poblacion Ubos, lungsod sa Loay mga alas 2:15 sa hapon kagahapon, Hunyo 8.

Ang biktima giila nga si Edgardo Tejano y Simbajon , 37 anyos, minyo lumolupyo sa Brgy. Sagnap sa maong lungsod.

Sigun sa pakisusi sa Loay Municipal Police Station nga samtang ang biktima luwan sa usa ka Honda Wave nga motorsiklo, nagdagan gikan sa Loay Public Market padung na untang mopauli. Dihang pag-abot sa maong dapit duol sa maong tulay, ni- overshoot sa karsada hinungdan nga nibangga sa barandilya dayong nalagpot ug natagak sa ubos.

"Gikan ni nipalit og isda, ning- overshoot kay medyo nakainom, " butyag ni PSSg Victor Obrero Jr. sa Loay PNP nga nahinabi sa BBDN.

Matud ni Obrero nga nabali ang toong tiil sa biktima ug nakaanggkon og samad sa agtang kay nutshell nga helmet ang gisuot.

Daling gihatud ang nasampit nga biktima didto sa Gov. Celestino Gallares Memorial Medical Center sa dakbayan sa Tagbilaran. Ug gikatahong anaa na sa luwas nga kahimtang. ( AND)

P3.4M shabu nasakmit sa buy-bust sa Tagbilaran, 2 ka suspek dakpan DUHA ka mga gidudahang tigpamaligya og ginadiling dru...
09/06/2025

P3.4M shabu nasakmit sa buy-bust sa Tagbilaran, 2 ka suspek dakpan

DUHA ka mga gidudahang tigpamaligya og ginadiling drugas nga kanhi nabilanggo sa kasong drugas, nadakpan ug nakuhaan og minilyon ka pesos nga kantidad sa gituohang shabu atol sa buy-bust operation didto sa Purok-4, Barangay Cabawan, siyudad sa Tagbilaran City mga alas 6:08 sa gabii niadtong Sabado, Hunyo 7.

Ang mga dinakpan giila nga sila si Climaco Luzon y Cinconiegue, alias “Proco”, 39 anyos, mekaniko, lumolupyo sa Purok 3, Brgy. Biking, lungsod sa Dauis ug Wilbert Veloso y Ladeza, alias “Doking”, 48, way trabaho ug taga Brgy. Anislag, lungsod sa Maribojoc.

Ang ginsakpan sa City Drug Enforcement Team (CDET) sa Tagbilaran City Police Station ubos sa kamandoan ni PLT Col John Kareen Oliveros-Escober, Hepe sa kapolisan, pinaagi sa koordinasyon sa PDEA-7 Bohol, nagpahigayon og anti-illegal drug operation didto sa maong dapit ug niresulta sa pagkasikop sa maong suspek.

Nabawi gikan kanila ang upat ka mga dagkong putos nga gidudahang shabu ug duha ka medium-sized nga gidak-ong putos nga gituohang drugas.

Ang narekober nga gituohang gibanabanaang motimbang ngadto sa 500 gramos ug may Standard Drug Price nga mokabat ngadto sa PHP 3,400,000.

Gipaslak na sa selda sa City PNP ang maong mga dinakpan ug pasakaan og sumbong paglapas sa Akta Republika 9165 kun Comprehensive Dangerous Drugs Act didto sa piskaliya. ( AND)

Bag- ong nahimogso nga bata gilabog sa baybayon sa JagnaPADAYON pang gisusi sa kapolisan kun kinsa ang responsable sa pa...
09/06/2025

Bag- ong nahimogso nga bata gilabog sa baybayon sa Jagna

PADAYON pang gisusi sa kapolisan kun kinsa ang responsable sa paglabay sa usa bag- ong nahimogso nga bata nga napalgan sa baybayon sa Brgy. Pangdan, lungsod sa Jagna niadtong Sabado sa hapon.

Matud sa inisyal nga taho nga usa ka babaye ang maong biktima ug gikatahong wala nay kinabuhi atol sa pagkadiskobre niini.

Gisulod ang maong biktima sa ecobag ug gikatahong nagtaban pa ang sumpay sa pusod niini. Ug gi- rescue sa ginsakpan sa Tarsier 117 Jagna

Gisubay pa sa kapolisan ug sa Barangay Council sa maong dapit ang kuha sa CCTV aron mailhan ang responsableng suspek. ( AND)

SPONSORED
08/06/2025

SPONSORED

Lalaki giluba sa katagay sa Loay HINGSAMDAN ang usa ka lalaki human gidunggab sa silingan nga katagay niini didto sa Pur...
08/06/2025

Lalaki giluba sa katagay sa Loay

HINGSAMDAN ang usa ka lalaki human gidunggab sa silingan nga katagay niini didto sa Purok-Bayong, Barangay Palo, lungsod sa Loay mga alas 2:30 sa sayong kabuntagon kagahapon, Hunyo 5.

Ang biktima giila nga si Marvin Soy, 29 anyos, minyo.

Ang suspetsado nailhan nga si Joseph Panto, 36, ulitawo, pulos lumolupyo sa maong dapit.

Sa pasiunang imbestigasyon sa Loay Municipal Police Station nasayran ang biktima ug ang suspek nagtagay og ilimnong makahubog kauban ang ilang higala nga sila si Manuel Loma ug Frances Jay Canda sa balay sa suspek. Apan sa dihang niepekto na ang agua de pataranta, nagkalalis ang suspek ug ang biktima nga niresulta sa pagpanunggab.

Giduslak sa maong suspek ang biktima sa makaduhang higayon sa toong bahin sa iyang lawas gamit ang usa ka hunting knife.

Daling gihatud ang nasampit nga biktima didto sa Gov. Celestino Gallares Memorial Medical Center sa siyudad sa Tagbilaran.

Samtang ang suspek boluntaryong nisurender ngadto kang Barangay Kagawad Jocelyn Canda sa Barangay Palo, Loay. Ug gi-turn-over sa nirespondeng kapolisan. ( AND )

Nagmotor, angkas ang tulo ka bata gipusil sa CatigbianHINGSAMDAN ang usa ka lalaki human gipusil sa wa mailhing armadong...
08/06/2025

Nagmotor, angkas ang tulo ka bata gipusil sa Catigbian

HINGSAMDAN ang usa ka lalaki human gipusil sa wa mailhing armadong suspetsado sa utlanan nga bahin sa Barangay Baang ug Barangay Bagtic sa lungsod sa Catigbian mga alas 3:00 sa hapon niadtong Merkules.

Ang biktima giila nga si Raymond Losa, 40 anyos, taga Phase 1, Capitol Valley, Barangay Dao, siyudad sa Tagbilaran.

Sigun sa taho nagbutyag nga ang biktima gikan naghatud og lubong didto sa Barangay Bagtic ug padung na untang mouli luwan sa usa ka motorsiklo sakay ang tulo ka mga batang menor de edad. Dihang pag-abot sa likoon nga bahin sa maong dapit, wala nakabantay sa usa ka wa mailhing suspek nga nag- motorsiklo, nga nakabonnet ug gipusil ang biktima.

Naaigo ang kilid nga nilagbas ug ang ikaduhang bala naa pa sa lawas niini.

Daling gihatud ang biktima sa tambalanan sa Catigbian apan gibalhin sa Gov. Celestino Gallares Memorial Medical Center sa siyudad sa Tagbilaran.

Dugang pakisusi nasuta nga naigo usab ang parte sa tungol ug atay niini ug padayon pang giatiman sa mga doktor. ( AND

Isolation Facility para sa natakbuyan sa Mpox giandam na sa Mpox Task Force GIANDAM na ang isolation facility sa MPox T...
08/06/2025

Isolation Facility para sa natakbuyan sa Mpox giandam na sa Mpox Task Force

GIANDAM na ang isolation facility sa MPox Task Force nga nahimotang sa Old Tagbilaran City Airport aron maoy kabutangan sa mga tawo nga gidudahang adunay sakit nga monkeypox kun Mpox.

Sigun ni Bohol Provincial Officer Dr. Fruserma Mary "Em Em" Uy nga ang makagamit sa isolation facility sa old airport kadtong dili taga Bohol nga gidudahang dunay MPox sama sa mga bisita ug turista nga way laing kadangpan o aron ma-quarantine.

Sa pagkakaron, kasamtangang gigamit isip temporaryong opisina sa Bureau of Fire Protection Provincial Headquarters apan gikatakda usab nga mabalhin ang mga personahe sa kabomberohan ngadto sa ilang bag-ong buhatan sa lungsod sa Cortes.

Ang Isolation facility sa old airport nga gigamit kaniadto sa COVID-19 pandemic, pagabutangan usab og mga health personnel ang maong pasilidad. ( AND )

Address

Purok 4
Trinidad
6324

Website

Alerts

Be the first to know and let us send you an email when Bohol Balita Daily News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bohol Balita Daily News:

Shortcuts

Share

Category