29/03/2025
AGDAO MULTIPURPOSE COOPERATIVE- KINSAY NAGKULANG?
Dili tago sa mga followers aning akoang page mga usa ko sa mga media sa Dabaw nga unang naghisgot aning issUe may labot sa Agdao Multi Purpose Cooperative (AMPC). Gani sa paghisgot nako sa maong issue, gipagawas pa sa mga liders sa maong kooperatiba nga kuno bakak ang akoang issue hangtud sa naabot aa Chairman sa CDA ang akoang pagpaklaro. Sa pila ka higayon na akoang gisulayan ug tugkad ang tanan pinaagi sa pagtambong sa ilahang assembly nga gitambungan sab sa tag CDA ug pipila ka opisyales sa kooperatiba. Lalum ug daghan kahiwian ang tanan....
Sa panghitabo karon, murag makumpara sab nato ni sa People Power, pwerteng isuga sa mga member kung imuhang mabati sa video post ug gani duna pay mga kumo kay nanumbag, mga naglupad nga samin nga gipangbuak aron lamang makasulod ang mga katawhan sa gawas. Ultimo, pulis dili kaporma tungod sa kadaghan tao ug kung ugaling muarte sab sila, basi sila sab ang madelikado ug basi masamuk pag samut.
Apan kung imuhang buot sabton ang tanan, dili man lang ni sayop sa Members ug Opisyales sa Agdao Coop. Dakong sayop sab ni sa Cooperative Development Authority (CDA) tungod sa kadugay nga panahon, wala sila nakahatag ug kasulbaran sa problema sa kooperatiba ug gani puro atras abante ang lakang sa kahapsay ug kalambuan. Murag hapit nako mutuo sa istorya nga hadlok sila sa AMPC ug dunay nakadawat. Diba ang usa sa mga mandatu sa CDA kay panalipdan ang mga member sa kooperatiba ug sigurohon ang kahapsay, kalambuan ug malantaw ang sustainability, long plans (Corporate Governance) sa kooperatiba. Apan, pakyas sila na mabuhat ni ug napasagdan kuno ang mga kurap na lider o member nga makapahimulos sa kwarta sa katawhan sama sa gi-alegar. Dili man pwede na musulti sila na gubot kay kampo to ni Juan nga kalaban ni Pedro. Kay kung naa lang sa saktong pagdumala ug giya gikan sa regulating agency, WALAY KASAMOK unta.
Usa sa giingong malampuson ug dako nga Davao City grown cooperative, karon nahimo ng samuk ug nakaapekto sa tibuok industriya sa kooperatiba kay nawad-an ug salig ang katawhan kung makadungog sa pulong na COOP. CDA, unta mamahimo kining leksiyon kaninyo ug dili lang mga gagmay na kooperatiba ang makaya-kaya ug pasara, pugong ug taktak sa mga lider o member kong dunay kahiwian.
KASAYANG SA AGDAO COOP KUNG DILI MAN MATABANG!!!
゚viralシfypシ゚viralシalシ
