07/07/2026
Well said, Mameeh!
Nakalakihan namin na kung ano lang yung kaya, yun lang yung pinagkakasya. Minsan hindi na nga ako nagtatanong o nanghihingi kay Mama kasi alam ko sa simula palang wala naman talaga. Naging kontento nalang ako. Pero naging tulong din sya sa pagkatao ko na nabaon ko up until now, ang marunong makontento. Hindi rin naman kami yung palahingi kasi nakakahiya. Kaya kapag nakakatanggap kami ng blessing galing sa ibang tao madalas nahihiya pa kaming tanggapin kahit sa totoo lang kailangan talaga namin at sa sobrang grateful ng puso ko sa kabutihan ng mga taong ito, pinagpepray ko sila na sana mas yumaman at maging successful pa sila kasi hindi sila madamot magbahagi ng biyaya.
Isang paalala na kung may kaibigan, magulang, kapatid, kamag anak ka na palaging walang pagdadalawang isip tumulong, magpasalamat tayo! Sila mismo ay blessing na ginawang daan ni Lord para makarating satin yung biyaya. Hindi lahat may kakayahang gumawa nyan. Kaya sabay sabay tayong magpasalamat at ipagdasal ang kalusugan at tagumpay nila.
