11/08/2025
Maayong adlaw sa tanan nga follower sang Being Ilonggo page.
Luyag ko lang ipakigbahin ang kon kasaysayan. Tawga lang ako sa ngalan nga Lando, 30-anyos, kag nagapuyo sa isa ka banwa sa second district sang probinsya sang Iloilo.
Kasado ako kay alyas Zenia, 20-anyos, sa sulod sang tatlo ka tuig.
Medyo nahuya man ako kuntani nga magpadala sang akon kasaysayan tungod nahuya ako pero nagapangibabaw ang akon kabalaka tungod daw gina-torture ako kag masakit sa ulo ang ini nga palaligban.
Gusto ko lang mangayo sang giya kon ano ang angay nga himuon. May bata na kami. Sa una nga tuig sang amon pag-updanay, maayo man ang amon relasyon, sweet siya kag sexually active, may pagtahod sa kada isa.
Gina-aku ko nga medyo bad boy ako sadto. May mga barkada ako, naga-inom, nagapanigarilyo, apang ina tanan sang wala pa ako nakasal.
Ginpasalig ko sa kaugalingon ko nga kon maakabata na kami, magabag-o na gid ako.
Ginapabugal ko nga nagbag-o gid man ako. Madayaw ka gid sa akon tungod balay-trabaho na lang ako. Kon gusto ko mag-inom, sa balay na lang kag masami nga sa kwarto na lang kag nagahampang upod sa mga anak ko.
Naglikaw na ako sa mga barkada.
Yara kami sa poder sang akon ugangan pero sa lain nga balay bisan sa isa lang ka compound.
Nagbag-o ang tanan sa iya sang nabun-ag na ang ikaduha ko nga bata nga babaye. Naglas-ay na siya, indi na siya sweet, kag malaka na lang kami mag-bembang.
Nangin palawakal na. Magansal ang sungad.
Sa sobra kagahod sang iya sungad, nagabatyag ako sang anxiety tungod nagapakisama lang ako sa mga ugangan ko, basi paminsaron nila nga wala ako sang may ginabulig.
Wala na sang bag-o sa mga ginahimo namon magluwas na lang kon hagaron ko siya nga mag-date. Pagkatapos mag-date, balik man kami dayon sa balay.
Balay-trabaho man siya. Pag-abot niya sa balay gikan sa trabaho, nagahigda na lang siya, naga-cellphone, nagagwa lang sa kwarto para magkaon, pagkatapos sina masaylo siya didto sa nanay niya agud maglantaw sang tv ukon Koreanovela tubtob mag-gab-i.
Masulod lang siya sa kwarto kag matulog na, kag patulugon ang mga bata.
Adlaw-adlaw ini nga nagakatabo sa sulod sang duha ka tuig. Malaka ang amon bembangan. Daw nahuya pa ako manguhit sa iya. Kon kaisa, indi kuno pwede tungod may regla siya ukon basi magbusong siya.
Yut, deputa!
Daw gina-torture ako kon amo sina. Amo na nga mas daw nalas-ayan pa gid ako. Nawad-an man siya sang respeto sa akon. Masyado na siya ka hambog, mainiton ang ulo. Daw si bilat-kahang na!
Ambot kon may iban siya nga lalaki. Kon may ara man, wala ko kahibalo.
Sang mga nakalipas, wala ako nagatingog sa sina nga mga bagay. May bes nga gin-open ko ina sa iya. Kon kaisa, kon naugot ako, wala na ako nagahambal. Silingan lang niya ako nga ginaabot na naman.
Tubton sa daw natipon na ang tanan-tanan, siling ko sa kaugalingon ko, husto na ini. Palangga ko ang mga bata ko pero sa sulod sang halos 3 ka tuig nga pag-agwanta, ginpili ko karon ang peace of mind ko.
Nagpauli ako sa akon ginikanan, wala ako naglisensya sa iya.
Sa pila ka semana nga pagtenir ko diri sa amon, nabatyagan ko ang kalinong sa paminsaron. Pero syempre, nahidlaw ako sa mga anak ko.
Pero ano ang himuon ko? Daw mabuang ako didto ko magpauli ako. Kon diri ako sa amon, nahidlaw ako sa mga bata ko.
