Antique News & Events

24/01/2026

https://www.facebook.com/share/v/17eyCnvmZP/

13/01/2026

GRADE 6 STUDENT, GINKUGA SANG IYA KLASMEYT, NATUMBA KAG NABALI ANG TUL-AN SA IYA WALA NGA SIKO

Nabalian sang siko ang Grade 6 student matapos kug-on sang iya klasmeyt nga nagdahom nga ginsipa siya sini sa sulod mismo sang ila classroom sadtong Miyerkules, Enero 7.

Suno kay P/Capt. Alfonso Precia, officer-in-charge sang Bugasong Municipal Police Station (MPS), nga sadtong Miyerkules, Enero 7, sang matabu ang insidente sa Bugasong Central Elementary School.

Base sa nakuha nga CCTV footage sang kapulisan, hinali na lamang ginsaruso ang biktima sang iya klasmeyt, ginkuga tubtob mitumba, nagpanukod kabangdanan nga na-dislocate ang tul-an sa iya siko.

Bangud wala pa ang ila manunudlo, nagtambag na ang iban pa nga mga klasmeyt kag nagpangayo sang bulig kag gindala sa ospital ang biktima matapos ma-dislocate ang wala nga siko nga kinahanglan nga operahan.

Nagbulig naman ang pamunuan sang eskwelahan para sa mga galastuhon sang naospital nila nga estudyante.

Ginapa-eksplikar na ang principal kag district supervisor sang Bugasong sang DepEd Schools Division Office sa natabu nga insidente.

Ginpatawag na man ang mga ginikanan sang biktima kag sang estudyante nga nagpangkuga.

Angot sini, nahibaluan sa Bugasong MPS, nga naghiwat na ang ila kapulisan sang lecture tuhoy sa anti-bulllying sa grade 6 pupils sa mismo nga section sang biktima kag sang estudyante nga nagpangkuga.

13/01/2026

LINTA, GINDASUK SANG 23-ANYOS NGA SOLTERO SA IYA KINATAWO PAAGI SA ALAGYAN SANG IHI
https://www.facebook.com/share/p/14UnqVfeLuo/

13/01/2026

26-ANYOS NGA BABAYE, NAKAAGOM SANG BALATIAN SA TUTUNLAN BANGUD MAHUYUGON MAGPANG-OS SANG HOTDOG SANG IYA NOBYO NGA NAGAPANG-TURBO SANG DYOGI
https://www.facebook.com/share/p/1HR4cxmfiK/

26-ANYOS NGA BABAYE, NAKAAGOM SANG BALATIAN SA TUTUNLAN BANGUD MAHUYUGON MAGPANG-OS SANG HOTDOG SANG IYA NOBYO NGA NAGAPANG-TURBO SANG DYOGI

Nakaagom sang throat infection ang babaye nga mahilig mag-mukbang sang hotdog sang iya nobyo.

Tuman ang paghinulsol sang isa ka dalaga nga ginkilala kay April Labong, 26-anyos, matapos siya nga makaangkon sang throat infection.

Suno sa iya, hobby niya ang mag-mukbang sa hotdog sang iya boyfriend nga wala siya kahibalo nga nagapakighilawas man sa mga dyogi.

Halos adlaw-adlaw nga nagapa-booking sa dyogi ang iya nobyo kabangdanan nga nalatnan siya sang virus.

Usisaa ang imo nobyo, basi mahilig magpapang-os sang iya tubo sa mga dyogi ukon basi masaku ang kasta kag pangturbo sa mga dyogi.

Pahanumdom ini nga dapat lubos nga maghalong kag mangin kuntento sa isa ka partner.

Kon bugana ang nobyo, garboso, damo kwarta pero wala obra, angay na nga magduda basi nagapa-booking kag ginapa-usar ang iya kargada para sa kalipayan sang iban kag nagatipon sang balatian kag ikaw ang malatnan.

10/01/2026

6 ANG DEDO SA HIV SA ANTIQUE; 591 ANG KABUG-USAN NGA KASO SANG TUIG 2025

Nagdangat na sa 6 ang na-dedo sa tuig 2025 bangud sa Human Immunodeficiency Virus (HIV) suno sa Antique Provincial Health Office (APHO).

Nahibaluan nga naglab-ot sa 591 ang kabug-usan nga kaso base sa monitoring sang APHO.

Suno kay Ms. Irene Dulduco sang APHO, kadamuan sa mga nagpositibo mga kalalakihan nga ginabug-usan sang 97% ukon 573 ka indibidwal. Samtang, ang mga babaye yara sa 3% ukon 18 ka kaso.

Pinakadamo nga kaso ang amo ang paagi sa sexual in*******se nga nagdangat sa 98% tubtob 99%. Mataas man ang porsyento sa kaso sang male to male to female / bisexual transmission.

May isa ka kaso sang mother-to-child transmission kon sa diin 2-anyos nga bata nga babaye ang nagpositibo.

Naglab-ot sa 313 ka kaso ang nabalhag sa age group nga 25-34; 167 sa 15-24; 94 sa 35-49; 16 sa 50-anyos pasaka.

10/01/2026

Tibiao (Antique)
Magnitude 2.4
https://www.facebook.com/share/p/1D3AgnqSk2/

Earthquake Information No.1
Date and Time: 10 January 2026 - 10:26 PM
Magnitude = 2.4
Depth = 013 km
Location = 11.27°N, 121.67°E - 040 km S 86° W of Tibiao (Antique)

04/01/2026

P300K NGA BALOR SANG ILEGAL NGA PALUPOK, NAKUMPISKAR SANG KAPULISAN

Nakumpiskar sang Antique Provincial Police Office (APPO) ang masobra PHP300,000 nga balor sang nanari-sari nga palupok nga ilegal nga ginabaligya, lakip ang gin-abandonar nga “boga” sa duha ka mga banwa.

Ginpahayag ni Maj. Mona Guia Meñez, officer-in-charge sang provincial Police Community Affairs and Development Unit, sadtong Biernes nga nakumpiskar sang kapulisan sa Hamtic ang nanari-sari nga palupok nga ilegal nga ginabaligya nga wala sang special business permit.

Narekober man sang San Jose Municipal Police Station ang apat ka improvised cannons nga ginahampangan sang mga kabataan nga nagpalalagyo sang ila makita nga nagapadulong ang kapulisan.

Ginsiling ni Meñez nga nagahulat sila sang instruksyon gikan sa Police Regional Office - Western Visayas kon hiwaton sa syudad sang Iloilo ukon sa APPO ang mass destruction sang mga nakumpiskar nga mga palupok.
via PNA

30/12/2025

TRICYCLE DRIVER NGA GINPALAPITAN SANG BABAYE SA BAR, GINBUNO SANG CONSTRUCTION WORKER NGA NAINSULTO BANGUD WALA GINSAPAK SANG BABAYE

Nakaagom sang pilas tuga sang pagbuno sa idalom nga bahin sang tuo nga likod ang tricycle driver kag nalab-ot ang iya kidney kabangdanan nga padayon pa siya nga ginabulong sa ospital.

Natabu ang insidente sa isa ka resto bar sa Brgy. District III, Sibalom, Antique, sang Lunes sang gab-i, Disyembre 29, 2025.

Wala nagdahum ang biktima nga ginkilala kay alyas Budong, 22-anyos, soltero, tricycle driver, kag residente sang Brgy. District IV, Sibalom, Antique nga bun-on siya sang suspek nga ginkilala kay alyas Toto, 29-anyos, construction worker, kag residente sang Brgy. San Rafael, San Remigio, Antique.

Suno sa Sibalom Municipal Police Station, naga-inom-inom ang sa nasambit nga bar ang suspek kag biktima, apang hinali nga ginbuno sang suspek ang biktima gamit ang kapin sa 10 ka pulgada nga kutsilyo.

Suno sa suspek, nainsulto siya bangud sa iya nagapangayo sang sigarilyo ang babaye apang wala siya gina-istorya. Didto nagapalapit ang babaye sa biktima kag mag-istorya.

Bangud sa nakita nga sitwasyon, kag sa kaugot nga nabatyagan, ginbuno sang suspek ang biktima.

Gilayon nga nadakpan ang suspek sa resto bar kag yara na sa paghinakop sang Sibalom MPS.

29/12/2025

ESTUDYANTE GIKAN SA ILOILO, INDI NA MAKA-GRADUATE MATAPOS NALUMOS SA ANTIQUE

Wala nasalbar sa Justice Calixto O. Zaldivar Memorial Hospital ang kabuhi sang 22-anyos nga estudyante matapos magluntad ang masubo nga trahedya sa Dumagat Cold Spring Resort and Adventure sa Brgy. Guia, Pandan, Antique, takna ala 1:00 sang Domingo sang hapon, December 28, 2025.

Gikan sa syudad sang Iloilo ang biktima nga graduating student ka residente sang Brgy. San Isidro, Jaro, Iloilo City. Nagpadulong sila sa nasambit nga lugar kaupod ang iya tiyo, tiya kag mga pakaisahan.

Gilayon nga sila nga nagpaligo sa nasambit nga lugar kag nagpaanod siya sa tubig, nakadangat siya sa kalayuon nga kapin sa 50 metros kag hinali nga nadula.

Sang ila namutikan, gilayon nga nagpangayo sang bulig kag nagsalom ang lifeguard. Nakita ang biktima sa idalom sang tubig.

Nahibaluan nga indi masyado makahibalo maglangoy ang biktima kag mabaskog ang ilig sang tubig kon sa diin siya nalumos.

16/12/2025

12 KA MGA BANWA SA ANTIQUE, MAY BAG-O NGA PATROL CAR

Nakabaton sang 12 ka bag-o nga patrol car kag 19 ka Informed Technology (IT) equipment ang pinili nga municipal police stations (MPS) sa idalom sang Antique Police Provincial Office (APPO).

Gintugyan ini sa mga natunod nga MPS sa ginhiwat nga seremonya sa provincial headquarters sa San Jose de Buenavista sang Martes, Disyembre 16.

Ang mga tagbaton ginalakipan sang mga MPS sang Barbaza, Bugasong, Belison, Caluya, Hamtic, Patnongon, Sebaste, Sibalom, Tibiao, Tobias Fornier, Valderrama kag Libertad.

Ginpahayag ni APPO Director Col. Lea Rose Peña nga ang bag-o nga patrol cars kag computers gikan sa Philippine National Police (PNP) national headquarters, nga ginalauman nga makapasanyog sa anti-criminality campaign sa probinsya.

14/12/2025

PAGTUKOD SANG ECOTOURISM SPECIAL ECONOMIC ZONE (ESEZ), GINAHINGYO SANG BANWA SANG SAN REMIGIO SA DENR

Nagahingyo ang banwa sang San Remigio sa probinsya sang Antique sang suporta gikan sa Department of Environment and Natural Resources (DENR) para sa pagtukod sang Ecotourism Special Economic Zone (ESEZ) sa tatlo ka barangay sini.

Nagpakigsapol sanday Mayor Margarito Mission Jr. kag Municipal Environment and Natural Resources Office chief Ruth Martinez kay DENR Secretary Raphael Lotilla sa Quezon City agud iduso ang ESEZ.

Suno kay Martinez, ang tatlo ka barangay—Aningalan, Osorio II, kag Bulan-bulan—ginakabig nga mga “gateways” sa Sibalom Natural Park (SNP) kag bahin sang Central Panay Mountain Range.

Ang Aningalan kilala bilang “Baguio of Panay” bangud sa malamig nga klima.

Nagpasugot ang DENR nga magkooperar sa Philippine Economic Zone Authority (PEZA) para maghatag sang technical assistance sa pagtukod sang ESEZ, samtang ang PEZA naman ang maga-imbitar sang mga investor nga magtukod sang tourist amenities.

Ang lokal nga gobyerno sang San Remigio naman ang magapreparar sang land use plan kag magamentinar sang ESEZ. Suno kay Martinez, makakuha man sang dugang nga kita ang LGU gikan sa buhis kon matukod na ang ESEZ.

05/12/2025

Para sa kasayuran sang mga Antiqueño.

Allocable per district congressman in the 19th Congress
Allocables are district congressmen’s pork barrel allocations lodged in the National Expenditure Program or the “president’s budget.” It was determined by former DPWH undersecretary Maria Catalina Cabral at the onset of the Marcos administration, and has been effective since 2023.