GO Manila

GO Manila Contact information, map and directions, contact form, opening hours, services, ratings, photos, videos and announcements from GO Manila, Media/News Company, .

LTO SA MGA MOTORISTA: MAG MENOR SA PED XINGBASAHIN: Opisyal nang ipinatutupad ngayong October 5 ang memorandum ng Land T...
05/10/2026

LTO SA MGA MOTORISTA: MAG MENOR SA PED XING

BASAHIN: Opisyal nang ipinatutupad ngayong October 5 ang memorandum ng Land Transportation Office (LTO) na naglalayong higpitan ang sanctions laban sa mga motoristang sangkot sa insidente sa pedestrian lanes.

Sa ilalim ng bagong guidelines, perpetual revocation ng driver’s license ang maaaring ipataw sa mga insidenteng nauwi sa pagkamatay ng pedestrian. Para naman sa mga insidenteng nagdulot ng injury, maaari ring magkaroon ng one-year revocation, lalo na kung mapatunayang may kapabayaan ang driver.

Ayon kay LTO chief Assistant Secretary Markus Lacanilao, hindi sapat ang simpleng multa para sa mga motoristang lumalabag sa pedestrian lanes. “Hindi lang po namatay, kung ang pedestrian ay binangga at nasugatan, yun ay ground na po para tuluyan nang ma-revoke ang kanyang driver’s license,” ani Lacanilao.

Sinabi naman ng LTO na may pagkakataon pa ring mag-appeal ang motorista bago maging final ang resolution. Samantala, sinuportahan ng Automobile Association of the Philippines president Joe Ferreria ang mas mahigpit na polisiya, ngunit iginiit na dapat pa ring nakaayon ang parusa sa gravity ng offense.







50°C HEAT INDEX, POSIBLENG MARANASAN BUNSOD NG SUPER EL NIÑOBASAHIN: Maaaring umabot sa 45 hanggang 50°C ang heat index ...
02/10/2026

50°C HEAT INDEX, POSIBLENG MARANASAN BUNSOD NG SUPER EL NIÑO

BASAHIN: Maaaring umabot sa 45 hanggang 50°C ang heat index sa mga lungsod at bayan na kakaunti ang puno at green spaces kapag sumapit ang inaasahang Super El Niño, ayon sa Climate Change Commission.

Ayon kay Climate Change Commissioner Albert Dela Cruz, ang phenomenon na inaasahang magsisimula ngayong Oktubre ay maaaring maging isa sa pinakamalubhang El Niño na mararanasan ng Pilipinas. Posible ring tumaas ng hanggang 1.5°C ang sea surface temperature, na maaaring magpalala sa init at atmospheric conditions.

Binigyang-diin ni Dela Cruz ang kahalagahan ng pagpapanatili ng mga natitirang halaman, damo at maging lumot sa urban areas. “Kapag walang puno, walang grasses, walang lumot at walang tubig, walang sasalo. Ang sasalo diyan ay mga tao at mga animals,” aniya.

Iminungkahi rin ang paglalagay ng misting systems, public cooling at hydration stations sa mataong lugar. Pinag-aaralan din ang shifting schedules sa klase at trabaho upang maiwasan ang peak heat hours, habang pinayuhan ang senior citizens at vulnerable sectors na manatili sa loob ng bahay mula 10 a.m. hanggang 3 p.m.





NCAP, IPATUTUPAD MULI SA ILANG LUNGSOD NG METRO MANILA SIMULA OCTOBER 5BASAHIN: Muling ipatutupad ang No Contact Apprehe...
30/09/2026

NCAP, IPATUTUPAD MULI SA ILANG LUNGSOD NG METRO MANILA SIMULA OCTOBER 5

BASAHIN: Muling ipatutupad ang No Contact Apprehension Policy (NCAP) sa ilang lungsod sa Metro Manila simula Oktubre 5, 2026, ayon sa mga opisyal.

Isasagawa ang pagpapatupad sa ilalim ng Metro Manila Traffic Code of 2023, na naglalayong magkaroon ng mas uniform at consistent na sistema sa traffic enforcement sa buong Metro Manila.

Ipatutupad ang NCAP sa mga sumusunod na lungsod sa Metro Manila:

•Maynila
•Muntinlupa
•Parañaque
•Quezon City
•San Juan
•Valenzuela

Ayon kay Manila Mayor Isko Moreno, layunin ng expanded NCAP implementation na mapalakas ang road safety at disiplina ng mga motorista. “Simula October 5, 2026 muling ipapatupad ang No Contact Apprehension Policy (NCAP), para makatulong sa pagpapanatili ng kaligtasan at disiplina sa kalsada,” ani Moreno.

Sa ilalim ng polisiya, maaaring i-check online ng mga motorista ang kanilang traffic violation alerts at magsumite ng protesta online. Standardized rin ang mga multa sa mga lungsod na sakop ng NCAP, habang magiging available din online ang payment channels ng mga lokal na pamahalaan para mas madali ang pagbabayad ng fines.







'MONEYBELA ✌🏻💸'BASAHIN: Umani ng batikos ang Chairman ng transport group na MANIBELA na si Mar Valbuena matapos nitong s...
30/09/2026

'MONEYBELA ✌🏻💸'

BASAHIN: Umani ng batikos ang Chairman ng transport group na MANIBELA na si Mar Valbuena matapos nitong sabihin na hindi na sila magsasagawa ng malawakang transport strike kasunod ng kanilang interaksyon kay First Lady Liza Araneta-Marcos sa isang pagtitipon.

Sa viral na video, maririnig ang pakiusap ng First Lady kay Valbuena: “Wag ka na mag-strike ah.” Tugon naman ni Valbuena: “Hindi na po. I love you… Sama-sama po tayo. BBM po kami.”

Dahil dito, ilang netizens ang nag-question sa paninindigan ng grupo at sinabing tila nawala umano ang prinsipyo ng MANIBELA, lalo na matapos umanong makatanggap ng ayuda o pera mula sa administrasyon. Naglabas naman ng pormal na pahayag ang grupo upang linawin ang kanilang political stance.

“WE ARE NOT PRO-PBBM NOR ANTI-PBBM. WE ARE NOT PRO-DUTERTE NOR ANTI-DUTERTE,” saad ng MANIBELA. Iginiit nilang isa silang non-partisan organization at nakabatay sa mga isyung kinakaharap ng mga public transport workers ang kanilang mga posisyon.

“Hindi kulay po ang ipinaglalaban namin kundi kabuhayan, karapatan, at kapakanan ng mga Pilipino,” pahayag ng grupo. Dagdag pa nila, hindi nila layuning pabagsakin ang gobyerno at suportado nila ang mga tamang layunin nito para sa kapakanan ng bawat Pilipino.






27/09/2026

The Department of Transportation (DOTr) and the Muntinlupa City Government inaugurated new bicycle and public transport facilities aimed at improving mobility, supporting commuters, and promoting active and sustainable transportation in the city.

The newly inaugurated facilities include a long-term end-of-trip cycling facility at the Alabang Public Market, equipped with bicycle parking spaces, showers, and lockers. The facility is designed to provide cyclists with convenient amenities upon reaching their destination, particularly those who travel by bicycle for work and other daily activities.

DOTr Secretary Giovanni Lopez said the facility was developed to address common challenges faced by cyclists, particularly the lack of facilities where they can freshen up after cycling.

“Kaunti po ang nagba-bicycle kasi nga pagdating nila sa kanilang trabaho o destinasyon, pawis na pawis na po sila. Kaya po nagtayo tayo ng end-of-trip facility para puwede na rin silang mag-shower,” Lopez said.

The project also includes three public transport stops located at the Alabang City Terminal, Sitio Masagana, and the Muntinlupa City Police Station. These facilities feature seating areas, bollards, charging stations, and bicycle maps intended to provide commuters with safer and more convenient transport connections.

Muntinlupa Mayor Ruffy Biazon emphasized the city's continuing efforts to improve its transportation environment and create a more pedestrian-friendly urban setting.

“Bahagi ng aming vision for the city ay yung aming pagiging walkable city at bahagi na siyempre yung pamamaraan ng pag-travel ng tao,” Biazon said.

The project has a total cost of ₱16.121 million and is expected to benefit more than 152 unique cyclists and approximately 11,000 commuters daily.

The initiative reflects the continued efforts of the DOTr and the Muntinlupa City Government to strengthen public transportation infrastructure while encouraging alternative modes of mobility, including cycling and walking. Through improved facilities and commuter-oriented infrastructure, the project seeks to contribute to a safer, more accessible, and more sustainable transportation system in the city.

Source: ABS-CBN News (Facebook)


ROLLBACK SA PRESYO NG LANGIS, INAASAHAN NEXT WEEKBASAHIN: Posibleng bumaba ang presyo ng fuel products sa susunod na lin...
26/09/2026

ROLLBACK SA PRESYO NG LANGIS, INAASAHAN NEXT WEEK

BASAHIN: Posibleng bumaba ang presyo ng fuel products sa susunod na linggo, ayon sa initial estimate ng Department of Energy (DOE). Batay sa unang apat na trading days ng Mean of Platts Singapore (MOPS), maaaring magkaroon ng rollback na nasa ₱8 kada litro sa diesel, ₱6 sa kerosene, at ₱0.90 sa gasolina.

Ayon kay DOE Oil Industry Management Bureau Director Rino Abad, nagsimulang humupa ang presyo ng langis matapos ibalik ng Saudi Arabia ang oil exports nito, kabilang ang mga shipment na dumadaan sa Strait of Hormuz. Nakatulong umano ito para mabawasan ang pangamba sa posibleng malaking supply shortfall.

“Prices eased as Saudi Arabia began restoring oil exports, including shipments through the Strait of Hormuz,” ayon kay Abad.

Gayunman, hindi pa final ang projected rollback. Maaari pa itong magbago depende sa magiging galaw ng international oil prices at sa kumpletong trading data para sa buong linggo.

Source: DOLE






P60 DAGDAG-SAHOD SA NCR, EPEKTIBO NA NGAYONG SABADOBASAHIN: Epektibo ngayong Setyembre 26, 2026, ang Wage Order No. NCR-...
26/09/2026

P60 DAGDAG-SAHOD SA NCR, EPEKTIBO NA NGAYONG SABADO

BASAHIN: Epektibo ngayong Setyembre 26, 2026, ang Wage Order No. NCR-28, na nagbibigay ng ₱60 dagdag-sahod kada araw para sa mga kwalipikadong minimum wage earners sa Metro Manila. Dahil dito, magiging ₱755 ang minimum wage para sa non-agricultural workers mula sa dating ₱695. Para naman sa lower-tier establishments, magiging ₱718 ang minimum wage mula ₱658.

Ang bagong wage order ay ipinatupad habang nananatiling naka-hold ang naunang Wage Order No. NCR-27, na nagkakaloob sana ng kabuuang ₱85 wage increase. Noong Hulyo, naglabas ang Pasig Regional Trial Court Branch 152 ng Temporary Restraining Order (TRO), na pumigil sa pagpapatupad ng nasabing ₱85 dagdag-sahod.

Ayon sa DOLE, ang ₱60 increase sa NCR-28 ay hindi deduction mula sa ₱85 ng NCR-27 dahil hindi naman ito naipatupad. Patuloy pa ring may legal proceedings kaugnay ng naunang wage order.

Samantala, inaasahang mahigpit na ipatutupad ang NCR-28 sa mga covered employers. Para sa mga manggagawa, dagdag-kita ito sa araw-araw; para naman sa employers, obligasyon ang pagsunod sa bagong minimum wage rate.

Source: DOLE






TAAS-PASAHE SA ILANG PUBLIC TRANSPORT, IPATUTUPAD NA SIMULA LUNESBASAHIN: Aprubado na ang bagong fare rates para sa ilan...
26/09/2026

TAAS-PASAHE SA ILANG PUBLIC TRANSPORT, IPATUTUPAD NA SIMULA LUNES

BASAHIN: Aprubado na ang bagong fare rates para sa ilang public transportation services na ipatutupad simula Lunes, September 28, 2026.

Para sa traditional jeepney, magiging ₱14 ang unang 4 kilometro at ₱2 sa bawat susunod na kilometro. Samantala, ₱17 naman ang unang 4 kilometro para sa modern jeepney, at ₱2.40 sa bawat karagdagang kilometro.

May fare increase din sa provincial buses, airport taxis, TNVS, at point-to-point buses.

Sa provincial bus, ₱12 ang unang 5 kilometro ng ordinary bus, habang ₱2.20 hanggang ₱3.35 ang dagdag kada kilometro depende sa uri ng bus. Sa airport taxi, magiging ₱115 ang unang 500 metro, habang walang pagbabago sa succeeding charges.

Para naman sa TNVS, magiging ₱65 ang base fare ng sedan, ₱75 para sa AUV/SUV, ₱55 para sa hatchback at ₱165 para sa premium, habang ₱15 kada kilometro ang pick-up fare. Sa P2P buses, magkakaroon ng 15% fare increase batay sa kasalukuyang pamasahe sa bawat ruta.

Source: LTFRB






BSKE, TULUYANG IPINAGPALIBAN; OPISYALES NG BARANGAY AT SK, 5 YEARS FIX TERM NABREAKING NEWS: Nilagdaan ni Pangulong Ferd...
25/09/2026

BSKE, TULUYANG IPINAGPALIBAN;
OPISYALES NG BARANGAY AT SK, 5 YEARS FIX TERM NA

BREAKING NEWS: Nilagdaan ni Pangulong Ferdinand Marcos Jr. ang Republic Act No. 12326, na nagtatakda ng limang taong termino para sa mga opisyal ng barangay at Sangguniang Kabataan (SK).
Dahil dito, hindi matutuloy ang nakatakdang Barangay at Sangguniang Kabataan Elections (BSKE) sa Nobyembre 2, 2026.

Sa ilalim ng bagong batas, gaganapin na ang susunod na BSKE sa ikalawang Lunes ng Nobyembre 2028. Ibig sabihin, madadagdagan ng dalawang taon ang termino ng mga barangay at SK officials na nahalal noong 2023.

Ayon kay Marcos, dapat gamitin ng mga kasalukuyang opisyal ang dagdag na panahon para pagbutihin ang serbisyo at tapusin ang mga nasimulang programa sa kanilang mga komunidad.

“Hindi ito dagdag na panahon sa puwesto. Dagdag itong panahon ng pananagutan sa taumbayan,” ani Marcos.

Hinikayat din ng Pangulo ang mga opisyal na mas tutukan ang pangangailangan ng bawat komunidad, pamilya at kabataan habang nagpapatuloy ang kanilang termino.





25/09/2026

YORME, ANO BA 'TONG MGA CROCS MO! 🐊

PANOORIN: Viral sa social media ang insidente kung saan isang MotoLite rider ang sinita at inisyuhan ng ticket ng mga enforcer ng Manila Traffic and Parking Bureau (MTPB) habang tumutulong sa isang tumirik na sasakyan sa tapat ng Florentino Torres High School, sa kahabaan ng Mabuhay Lane sa Maynila.

Ayon kay Mark Nadonga, ang rider na nag-rescue, ginagawa lamang niya nang maayos ang kanyang trabaho matapos silang tawagan ng may-ari ng sasakyan para humingi ng assistance. Aniya, imbes na tulungan silang maayos ang sitwasyon sa kalsada, inuna umano ng mga enforcer ang pag-isyu ng ticket.

Umani naman ng batikos mula sa netizens ang dalawang enforcer dahil sa umano’y naging aksyon nila laban sa rider na tumutulong lamang sa isang motorista na nangangailangan ng assistance.

Video courtesy: Mark Nadonga






Address


Website

,

Alerts

Be the first to know and let us send you an email when GO Manila posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed media company?

Share