ADG Balita

ADG Balita ADG Balita is the news delivering arm of Ang Dios Gugma Community.

KEVIN DURANT SANG NETS, NAGBAWI KONTRA PISTONS Naka-score si Kevin Durant sang 26 points sa third quarter para buligan a...
20/12/2022

KEVIN DURANT SANG NETS, NAGBAWI KONTRA PISTONS

Naka-score si Kevin Durant sang 26 points sa third quarter para buligan ang Brooklyn Nets nga makabangon halin sa 17-point halftime deficit kag agawon ang 124-121 nga kadalag-an sa Pistons.

Nagdugang man si Kyrie Irving sang 38 points para sa pito ka sunod-sunod nga pagpierde sang Nets sa Pistons.

Ginkuha sang Pistons ang 71-54 halftime lead, apang nagpasundayag si Durant sa 3rd quarter dugang pagid ang 3-pointer sini sa ulihi nga tatlo ka segundo sang hampang nga nagdala sa Nets sa 98-96 nga abanse.

Dugang pagid ang duwa ka free throws ni Durant nga naghatag sa Brooklyn sang three-point lead, kasunod ini sang awas ni Bogadonavic sa posisyon sang Pistons.

Sumatotal, may yara sang 43 career high points nga narekord si Kevin Durant sa kabilugan sang ini nga hampang.


IPANGAMUYO ANG PAGHUGPONG SA KALIBUTAN, PANGABAY NI POPE FRANCISGinapangabay sang Santo Papa Francisco sa mga tumuluo ng...
20/12/2022

IPANGAMUYO ANG PAGHUGPONG SA KALIBUTAN, PANGABAY NI POPE FRANCIS

Ginapangabay sang Santo Papa Francisco sa mga tumuluo nga maghugpong nga ipangamuyo ang pagbuyluganay sang kalibutan kag tapuson na ang anuman nga sahi sang kasingki.

Ini ang mensahe sang Santo Papa sa Angelus sa Vatican sang Disyembre 18.
Nahibaluan sang Santo Papa sang Simbahang Katolika ang nagapadayon nga kagamo sa Peru bangud sa krisis sa politika.

MAsobra na isa ka semana sang madakop si anay Peru President Pedro Castillo sa nagalala nga hublag protesta sa pungsod nga nagadala sang kasingki sa tunga sang pwersa sang gobyerno kag raliyista.

Nagalaum si Pope Francis nga paagyon sa insakti nga pag-istoryahanay ang anuman nga sahi sang kagamo agod makay-o ang indi pagintindihanay.

Nagapangatubang subong ang sa kaso nga rebelyon kag conspiracy ang anay Presidente sang Peru nga sa ulihi nga paghukom sang korte, ginpalawig tubtob sa 18 ka bulan ang pagkapriso.

Yara na sa 20 ka tawo ang napatay bangud sang nagapadayon nga kasingki rason nga ginpaidalum ang bilog nga pungsod sa state of emergency.

Liwat nga ginhatagan igtalupangod ni Pope Francis nga wala sang mayo nga madala ang kasingki kag away kundi mangin rason lang ini sang pagbinahin-bahin sang sosyodad, pagkapatay sang mga inosente nga indibidwal lakip na ang mga pamatan-on.

via Veritas


RUSSIA KAG CHINA MAGAHIWAT SANG JOINT NAVAL DRILL Magahiwat ang Russia kag China sang joint naval exercise sa East China...
20/12/2022

RUSSIA KAG CHINA MAGAHIWAT SANG JOINT NAVAL DRILL

Magahiwat ang Russia kag China sang joint naval exercise sa East China Sea.

Suno sa defense ministry sang Russia nga maga sugod ang nasambit nga drill sa Desyembre 21 tubtob Destembre 27 subong nga tuig.

Magapadala suno sa iya ang China sang duha nila ka nga destroyer kag pila ka mga war ships.

Kaupod sa naval exercise ang joint anti- submarine warfare kag training para sa missile launches.

Dugang pa sang Russian defense ministry nga tinutuyo nila nga mapabaskog ang kooperasyon sa tunga sang duha ka navies paagi sa padayun nga katawhayan kag kalinongan sa Asian Pacific Region.


20/12/2022

LANTAWA: Sunog sa Compania, Molo, 1:32 subong nga hapon, Disyembre 20.

Sa subong, nagapadayon ang pagpatay sang kalayo sang BFP, FEDFIRE kag ICAG. Samtang nagapatigayon man sang breach entry ang CDRRMO USAR.

video from: CDRRMO USAR


INFLATION SA SYUDAD SANG ILOILO, NAGSAKA SA SIYAM PORYENTO SA ISA LAMANG KA TUIGNagsaka na ang inflation rates sang syud...
20/12/2022

INFLATION SA SYUDAD SANG ILOILO, NAGSAKA SA SIYAM PORYENTO SA ISA LAMANG KA TUIG

Nagsaka na ang inflation rates sang syudad sang Iloilo sa 12. 4 percent sang nakaligad nga Nobyembre 2022, ini santo sa datos sang Philippine Statistics Authority’s (PSA).

Ang Inflation ang isa ka typical broad measure, sa kabilogan nga pagsaka sang mga balor sang mga balaklon ukon pagsaka sang balor sang kabuhi sa bug-os nga pungsod.

Sa tion sang forum nahanungod sa inflation nga gin host sang Iloilo City Government sang nakaligad nga Byernes, ginpresentar sang PSA-Region 6 officer-in-charge Nelida Amolar ang datos sang inflation trends sang rehiyon kag sang syudad.

Ang Nobyembre 2022 inflation rate para sa Iloilo City ang nagtaas sa 1.1 percent mas mataas kumpara sang Oktubre nga rate nga (11.3 percent) kag 9.1 percent nga mas mataas kumpara sang Nobyembre 2021 nga (3.3 percent), base sa Retail Price Survey para sa Generation of Consumer Price Index (CPI).

Ang Inflation rate dips para sa sini nga tu-ig gin record sang Pebrero kag Setyembre nga mag 3.0 percent kag 6.3 percent kumpara sa mga nagliligad nga nga bulan.

via Daily Guardian


ISA KA LALAKI PATAY, MATAPOS MALUKPAN SANG PALUPOK SA IYA MISMO HITSURAIsa ka pamatan-on nga lalaki sa Netherlands ang n...
20/12/2022

ISA KA LALAKI PATAY, MATAPOS MALUKPAN SANG PALUPOK SA IYA MISMO HITSURA

Isa ka pamatan-on nga lalaki sa Netherlands ang napatay sa hospital matapos nga naglupok ang mabaskog nga palupok sa iya mismo hitsura.

Ini ang gin-anunsyo sang mga polisya.

Ang rason amo ang duwa ka lalaki nga nagpalupok sang palupok sa banwa sang Ridderkerk lapit sa Rotterdam sang nagligad nga Sabado sang kaagahon.

“A heavy explosive went off in the 24-year-old victim’s face,” pahayag sang Rotterdam police.

Ginaresto naman sang mga polisya ang 29-anyos kag 62-anyos kag ginkuha ang duwa ka heavy duty fireworks.

Mahibaloan nga bantog ukon kilala sa ila fireworks ang Netherlands sa tion sang paskwa kag bag-ong tuig, nga kalabanan ginaselebrar sang massive crescendo explosion.

Gindumilian naman ang nasambit nga pungsod sa heavy-duty fireworks kag sa karon 12 na ka mga kabanwahanan lakip ang Amsterdam kag Rotterdam ang nagpatigayon sang total ban sa fireworks.

|via Manila Bulletin


CBCP, NAGDEKLARAR SANG NATIONAL DAY OF PRAYER BATOK SA HUMAN TRAFFICKING Gindeklarar sang Catholic Bishops’ Conference o...
20/12/2022

CBCP, NAGDEKLARAR SANG NATIONAL DAY OF PRAYER BATOK SA HUMAN TRAFFICKING

Gindeklarar sang Catholic Bishops’ Conference of the Philippines (CBCP) ang Pebrero 5, 2023 bilang National Day of Prayer and Awareness batok sa Human Trafficking or NDPAAHT.

Ang ginhalinan sang deklarasyon amu ang pagpangabay sang CBCP Cluster Against Human Trafficking (CCAHT) agod mapabakod ang kampanya sang simbahan batok sa modern-day slavery.

Ginaprubahan man sang CBCP Permanent Council ang petisyon sa tion sang ila meeting sa Manila sang nagligad nga Nobyembre 23. Gintukod ang CCAHT sang tuig 2017 nga ginalakipan sang nagakalain-lain nga CBCP Commission nga ginapangunahan sang Episcopal Commission for the Pastoral Care of Migrants and Itinerant People (ECMI).

Base sa isa ka sulat nga ginpasa sa Obispo, ginsambit ni ECMI executive secretary Fr. Roger Manalo ang nga mas kinahanglan sang mas maid-id nga tikang sa pagpangampanya batok sa human trafficking.

“Other than national celebrations, the declaration can also facilitate diocesan and sub-regional celebrations or observances,” pahayag ni Manalo.

Pagahiwaton sa EDSA Shrine sa Quezon City ang National Day of Prayer and Awareness batok sa Human Trafficking ukon NDPAAHT.

|via CBCP News


MISS ILOILO 2023, MAY KAHIGAYUNAN NGA MAGREPRESENTAR SANG PILIPINAS SA TATLO KA NATIONAL PAGEANTS May kahigayunan nga ma...
20/12/2022

MISS ILOILO 2023, MAY KAHIGAYUNAN NGA MAGREPRESENTAR SANG PILIPINAS SA TATLO KA NATIONAL PAGEANTS

May kahigayunan nga magarepresentar ang mga pumalasakop nga mangibabaw sa Miss Iloilo 2023 sa tatlo ka dalagku nga national pageants kaangay sang Miss Universe-Philippines, Miss World-Philippines kag Binibining Pilipinas.

Suno kay Miss Iloilo 2023 pageant director, Prof. Kevin Piamonte, mahibaloan ini sa tion sang sashing ceremony nga pagahiwaton sa Festive Walk Mall sa distrito sang Mandurriao sa maabot nga Enero 19, isa ka adlaw matapos ang Miss Iloilo 2023 coronation night nga pagahiwaton sa Enero 18.

Ginpaathag man ni Piamonte nga pagtapos sang pageant kag coronation night nga matabo sa Enero 18, hatagan sang tinion ang mga hukom nga paminsaran kon sin-o sa Miss Iloilo 2023, first runner-up kag second runner-up ang magarepresentar sang Iloilo City sa nasambit nga tatlo ka national pageants nga kon sa diin pagapilion ang magatiglawas sang pungsod sa international competition.

Dugang ni Piamonte, indi pagkoronahan ang tatlo ka national pageants.

Ang titulo nga Miss Iloilo 2023 lamang ang koronahan sa tion sang Miss Iloilo coronation night, lakip ang first kag second runner up.

Ang Miss Iloilo ang isa sa pinakadako nga events sa Dinagyang Festival, mismo ang Iloilo Festivals Foundation, Inc. (IFFI) kag city government ang nag-organisar paagi man sa suporta sang nagakalain-lain nga stakeholders, lakip ang SM City Iloilo.

via Panay News


LARAGWAY: Paghiwat sang 5th Annniversary sang Casay Antique kag labing-una nga anibersaryo sa Youth Ministry sa Antique...
20/12/2022

LARAGWAY: Paghiwat sang 5th Annniversary sang Casay Antique kag labing-una nga anibersaryo sa Youth Ministry sa Antique sa Casay Antique Parish, kahapon, Disyembre 19, 2022.

Makita nga nangin madinalag-on kag napun-an sang presensya kag paghigugma sang Dios ang nasambit nga pagtililipon.

Padayon, mga utod kay Kristo sa Antique. Happy anniversary kag kabay bugayan pa kamo sang dugang nga kusog kag kabakod sa pagpalapnag sang Pulong sang Dios.


RED CROSS-ILOILO, GINAPALIG-ON ANG MGA TAWO NGA MAGDONAR SANG DUGO Ginapalig-on sang Philippine Red Cross (PRC) – Iloilo...
20/12/2022

RED CROSS-ILOILO, GINAPALIG-ON ANG MGA TAWO NGA MAGDONAR SANG DUGO

Ginapalig-on sang Philippine Red Cross (PRC) – Iloilo Chapter ang publiko sa pagdonar sang dugo.

Suno kay Dr. Carlo Nolan Carado, blood center manager sang PRC-Iloilo, nakatipon ang PRC-Iloilo sang 24, 400 blood units halin Enero 1 tubtob Nobyembre 27 nga nakabulig sa 33, 000 ka mga indibidwal.

Nagapasalig naman si Carado nga malab-ot nila ang ila target blood collection nga 25, 700 blood units subong nga tuig.

Madamo nga mga local government units (LGUs) sa probinsya sang Iloilo ang nagkoordinar sa PRC-Iloilo sa paghiwat sang blood letting activity subong nga Disyembre.

Ang top two LGUs sa blood donation amu ang Passi City kag Cabatuan.

Sa mga LGUs nga luyag maghiwat sang bloodletting mahimo nga magpakig-angot sa PRC-Iloilo agod mabuligan sang mga nurses kag medical technologist.

Nagapanawagan man ang PRC-Iloilo indi lamang sa LGUs kundi pati man sa national government agencies, non-government organizations, private companies, kag sa komunidad sa pagdonar sang dugo.

via Panay News


CPP, INDI MAGDEKLARAR SANG CEASEFIRE SA TION SANG PASKWA Ginpahayag sang Communist Party of the Philippines (CPP) kahapo...
20/12/2022

CPP, INDI MAGDEKLARAR SANG CEASEFIRE SA TION SANG PASKWA

Ginpahayag sang Communist Party of the Philippines (CPP) kahapon, Disyembre 19, 2022 nga indi sila magdeklarar sang ceasefire sa sini nga paskwa kasunod sang pagtaliwan sang founding chairman nga si Jose Maria “Joma” Sison.

Suno sa information bureau sang CPP, wala sang may nakita nga rason ang central committee sa pagdeklarar sang ceasefire bangod padayon sa gihapon ang deployment sang combat troops sang Armed Forces.

Ginsambit man ni AFP spokesperson Col. Medel Aguilar sang nagligad nga semana nga wala ginakonsiderar ang ceasefire sa communists rebels sa subong nga paskwa.

Ginpaathag man sang CPP nga ang ila armado nga grupo nga New People’s Army handa naman sa anuman nga pag-atake batok sa militar.

Matandaan man nga ginduso ni anay Presidente Rodrigo Duterte ang peace talks sa una nga tuig sang iya pagpungko, apang gintapos ini sang Nobyembre 2017, bangod sa “lack of accountability” sang mga rebelde sa mga krimen nga ila ginhimo.

via Pilipino Star Ngayon


IN A SKY FULL OF STARS, YOU'RE THE ONE THAT SHINES THE BRIGHTEST🌟Nagpakigbahin ang National Aeronautics and Space Admini...
20/12/2022

IN A SKY FULL OF STARS, YOU'RE THE ONE THAT SHINES THE BRIGHTEST🌟

Nagpakigbahin ang National Aeronautics and Space Administration (NASA) sang isa ka laragway sang NGC 6956's bright blue spiral galaxy nga may makasililaw nga mga bituon, gas kag dust.

"These bright blue swirls are the spiral galaxy NGC 6956, located 214 million light-years away in the constellation Delphinus. Scientists used our NASA Hubble Space Telescope to image and study the galaxy’s Cepheid variable stars, which are stars that brighten and dim at regular periods," pahayag sang NASA.

Photo by: (Instagram/NASA)


Address


Opening Hours

Monday 03:15 - 00:00
Tuesday 08:00 - 00:00
Wednesday 08:00 - 00:00
Thursday 08:00 - 00:00
Friday 08:00 - 00:00
Saturday 08:00 - 00:00
Sunday 03:15 - 00:00

Telephone

+639988505387

Website

Alerts

Be the first to know and let us send you an email when ADG Balita posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ADG Balita:

Shortcuts

  • Address
  • Telephone
  • Opening Hours
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share