Matik News Gensan

  • Home
  • Matik News Gensan

Matik News Gensan 91.9 IFM NEWS GENSAN
Ang tinuod nga number 1! Matik sa balita, matik sa public service!

KAPIN SA 600 KA MGA TRICYCLE DRIVERS UG OPERATORS, NAKADAWAT SA ILANG FUEL SUBSIDY KARON ADLAWA General Santos City – Na...
20/04/2026

KAPIN SA 600 KA MGA TRICYCLE DRIVERS UG OPERATORS, NAKADAWAT SA ILANG FUEL SUBSIDY KARON ADLAWA

General Santos City – Nakadawat og 1500 ka pesos nga fuel subsidy ang mukabat sa 600 ka mga tricycle divers ug operators karong adlawa gikan sa LGU Gensan.

Nasayran nga kini na ang ika-tulo nga hugna sa pagrelease sa maong ayuda nga gihatag mismo sa LGU-GenSan human ang pagsaka sa presyo sa lana niadtong milabay nga mga semana diin labing naapektohan ang anaa sa transport sector.

Nasayran nga gipahigayon ang pay- out sa Purok Saway Gym, Barangay Labangal ning syudad.

Base sa gipagawas nga datos sa Public Safety Office kon PSO-GenSan anaa na sa 610 ka mga drivers ug operator ang makadawat sa maong ayuda.

Samtang alang sa dugang announcement sa LGU Gensan ang mamahimo matud pang makita sa official page sa PSO-GenSan nga Public Safety Office - General Santos City.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

HINAY NGA AKSYON SA PUBLIC HOSPITAL SA MAASIM, GIPALAGAN SA INAHAN SA BIKTIMA NGA NA HIT AND RUNMaasim, Sarangani - Tuma...
20/04/2026

HINAY NGA AKSYON SA PUBLIC HOSPITAL SA MAASIM, GIPALAGAN SA INAHAN SA BIKTIMA NGA NA HIT AND RUN

Maasim, Sarangani - Tumang kasubo ang gibati sa inahan ni Aljohn Licanda ang usa sa mga biktima sa hit-and-run sa Barangay Kabitiol, Maasim Sarangani Province human sa hinay nga aksyon sa staff sa usa ka pampubliko nga ospital sa maong munisipyo.

Sa pamahayag ni Alma Licanda, nga posible pa unta maluwas ang kinabuhi sa anak og paspas nga nabalhin sa ubang ospital sa syudad sa Gensan ang iyang anak alang sa mas nindot nga pasilidad, apan wala matud pa kini gibuhat sa mga staff sa pampublikong ospital sa Maasim tungod wala matud pay bakante nga ICU ang mga opsital san dakbayan sa gensan butang nga gipalagan sa nasangpit nga ginang.

Sumala pa niini nga imposible nga tanang ospital sa syudad sa Gensan ang puno ang mga ICU, gani aduna matud pa silay pang down ug kinahanglanon apan wala matud pa gibuhat sa mga staff sa ospital.

Pamahayag matud pa sa Maasim Hospital nga dili sila mamahimong ma refer sa laing ospital kung walay bakante nga ICU alang kanila.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

AMAHAN SA LGBTQ NGA GIBASTOS SA DRIVER, DILI NA MUPASANG-AT OG KASO General Santos City - Gibutyag sa amahan sa usa sa m...
20/04/2026

AMAHAN SA LGBTQ NGA GIBASTOS SA DRIVER, DILI NA MUPASANG-AT OG KASO

General Santos City - Gibutyag sa amahan sa usa sa mga myembro sa LGBTQ nga gikaingon nga gibastos sa tricycle driver niadtong milabay nga semana nga wala na kini plano nga magpasaka og kaso batok sa nasangpit.

Sa pamahayag ni alyas Bentong, amahan sa usa sa LGBTQ nga kon mamahimo nga ibalik na lang sa maong driver ang driver license niini lakip ang iyang tricycle aron nga subli kining maka pamasahero.

Pagbutyag pa niini wala na kini plano nga mureklamo tungod luoy matud pa ang maong driver ugaling nga mawad-an kini og panginabuhian labi pa nga aduna kini pamilya nga gibuhi.

Luyo pa man niini malaumon ang nasampit nga unta dili na usbon sa maong driver ug maghatag na kaniya og pagtulon-an ang iyang gibuhat.

Samtang nanawagan usab si Tatay Bentong sa uban nga mga tricycle driver nga manginabuhi og tarong ug dili magbinastos sa mga pasahero aron nga dili makulban og kaldero.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

RESULTA SA MOTU PROPRIO INVESTIGATION SA CIAS GIPAABOT NALANG SA GSCPO General Santos City - Gipaabot nalang karon sa op...
20/04/2026

RESULTA SA MOTU PROPRIO INVESTIGATION SA CIAS GIPAABOT NALANG SA GSCPO

General Santos City - Gipaabot nalang karon sa opisina ni Police Col. Nicomedes Olaivar Jr. ang City Director sa General Santos City Police Office ang resulta sa imbistigasyon nga gipahigayon sa City Internal Affairs Services kon CIAS kabahin na sa pagkamatay sa usa ka 12 anyos nga batang babaye nga napagan sa binayloay og bala tali sa mga pulis ug suspek sa Purok Pandian, Barangay Labangal ning syudad sa Gensan.

Samtang gawas sa imbistigasyon nga gihimo sa CIAS nagpahigayon usab og kaugalinbgong imbistigasyon ang pamunuan sa GSCPO sa pag panguna ni P/LTC Rexor Canoy human nga giadtuan sa kapulisan ang crime scene ug nakighinabi sa mga tawo sa maong lugar aron nga masayran gayud ang tinuod nga sitwasyon.

Gipaniguro ni Pcol. Olaivar nga mamahimong patas ang ilang imbistigasyon ug manubag gayud ang kinahanglan manubag ug mapamatud-an nga adunay pagpasagad sa ilang trabaho.

Una na matud pang giangkon sa kabanay sa nasangpit nga biktima nga dili gikan sa mga pulis ang bala nga naka igo sa nasangpit apan dili gihapon muhukom ang kapulisan kabahin niini hangtod nga wala nahuman ang ilang imbistigasyon.

Sa karon padayon matud pa ang ilang imbistigasyon ug gipaabot nalang ang mga gikinahanglan sama sa laboratory, interview sa witness ug pipila ka mga test nga ilang gipahigayon.

Una na matud pang nag panic firing sa iyang armas ang suspek human makita nga paduol na ang kapulisan mga miresponde sa taho sa mga residente sa maong lugar.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

SUGYOT NGA SERTIPIKAHANG URGENT ANG BIOFUELS ACT UG WASTE TO ENERGY ACT GIDUSO NI REP. POE Nanawagan si FPJ Bayanihan Pa...
20/04/2026

SUGYOT NGA SERTIPIKAHANG URGENT ANG BIOFUELS ACT UG WASTE TO ENERGY ACT GIDUSO NI REP. POE

Nanawagan si FPJ Bayanihan Party-list Rep. Brian Poe kay Pangulong Ferdinand Marcos Jr. nga sertipikahang urgent ang sugyot nga Biofuels Act ug Waste to Energy Act.

Matud pa ni Poe, mahinungdanon ang nasangpit nga mga sugyot balaodnon aron mahimong andam ang Pilipinas sa mga umaabot pang problema sa enerhiya o sa suplay ug presyo sa lana.

Sigon pa kay Poe ang biofuels kon ang basura managsamang tinubdan kon source sa enerhiya nga siguradong mapahimuslan sa nasud.

Dugang pa ni Poe nga sa kasamtangan napahimuslan lamang ang state of national energy emergency apan mas makatabang kung mahimong hingpit nga balaod ang nasangpit nga sugyot gumikan kay makatabang kini og dako sa nasud ilabina sa mga sitwasyon nga susama niini nga adunay nasinatiang krisis sa lana.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

MAKAR PNP NA SUBO SA PAGKAPAGAN SA 12 ANYOS SA ENGKWENTRO TALI SA PULIS UG SUSPEK General Santos City - Gikasubo ni Pma...
20/04/2026

MAKAR PNP NA SUBO SA PAGKAPAGAN SA 12 ANYOS SA ENGKWENTRO TALI SA PULIS UG SUSPEK

General Santos City - Gikasubo ni Pmaj Ari Noel Cardos ang k*matayon sa 12 anyos nga batang babaye sa nahitabong engkwentro tali sa sakop sa Police Station 2 ug sa usa ka suspek nga si Alyas Ryan, mekaniko ug nanimuyo ning syudad human nga misukol matud pa kini sa mirespondeng pulis niadtong milabay nga adlaw sa Purok Pandian Barangay Labangal ning syudad sa Gensan.

Sumala pa ni PMaj. Cardos nga sa maong matang nga lugar taas gayud ang risgo nga adunay madamay sa binayluanay og bala tali sa suspek ug mga pulis apan gibuhat lang matud pa sa kapulisan ilang trabaho tungod ug gipasagdan nila kini daghan pang kinabuhi ang posibleng maangin sa maong panghitabo.

Hinuon gipaniguro ni Major Cardos nga walay angay kabalak-an ang pamilya sa nasangpit nga 12 anyos tungod kay magpahigayon man usab ug motu propio investigation ang internal affairs sa kapulisan aron nga sayron kung aduna bay sayop ang mga pulis sa gihimong operasyon.

Kung mapamatud-an nga wala sila misunod sa rules of engagement mamahimo silang manubag sa balaod ug sa organisasyon sa Philippine National Police.

Kahinumduman nga naka dawat ug report ang kapulisan kabahin na sa maong panghitabo kung asa nag pabuto matud pa og armas ang suspek tungod sa selos hinungdan nga girespondihan sa kapulisan, apan inay nga mutahan sa mga pulis nagpabuto man hinoon kini hinungdan nga mibalos ang otoridad.

Nakuha sa posisyon sa n*matay nga suspek ang kalbre 45 nga armas nga adunay buhing bala ug duha ka mga sachet sa gikatahapang shabu.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

COMELEC, PADAYON GIHAPON ANG PAGPANGANDAMN ALANG SA BSKE 2026 LUYO SA SUGYOT NGA ISIBOG UNAGikumpirma sa Commission on E...
20/04/2026

COMELEC, PADAYON GIHAPON ANG PAGPANGANDAMN ALANG SA BSKE 2026 LUYO SA SUGYOT NGA ISIBOG UNA

Gikumpirma sa Commission on Elections (Comelec) nga padayon ang ilang pagpangandam alang sa Barangay ug Sangguniang Kabataan Elections (BSKE) 2026.

Luyo kini sa giduso sa pipila ka mga magbabalaod nga isibog una ang piniliay nga gitakdang ipahigayon sa umaabot nga bulan sa Nobyembre 2, 2026.

Alayon niini, gipaniguro ni George Erwin Garcia nga sundon sa Comelec ang bisan unsang kamanduan sa Kongreso.

Sigon pa kay Garcia,subay sa naunang desisyon sa Korte Suprema dihang isibog ang nasangpit nga eleksyon, gikinahanglan matud pa nga adunay “legitimate government interest.”

Nagtuo usab si Garcia nga ang kasamtangan krisis nga nasinatian sa nasud nga dili matud pa hinimuan sa Pilipinas mamahimong ilhon nga lehitimong government interest, ilabina na nga naapektuhan ang panginabuhian sa baggang duot sa katawhang Pilipino gumikan sa kagubot sa Middle East.

Matud pa ni Garcia, ang pagsibog sa piniliay anaa ang gahum ug hingpit nga katungod anaa sa Kongreso,hinungdan nga dili mamahimong manghilabot ang Comelec.

Pagtin-aw pa ni Garcia, mamahimong maghatag og suhestyon o rekomendasyon ang Comelec, apan ang pinal nga desisyon kung isibog ang piniliay bugtong ang makahimo niini ang Kongreso lamang.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

DOE, GIPANIGURO NGA DAPAYON NGA MAKIG-ALAYON SA MGA OIL COMPANIES ARON PALAPDAN PA ANG DISCOUNT PROGRAMSGipaniguro sa De...
20/04/2026

DOE, GIPANIGURO NGA DAPAYON NGA MAKIG-ALAYON SA MGA OIL COMPANIES ARON PALAPDAN PA ANG DISCOUNT PROGRAMS

Gipaniguro sa Department of Energy (DOE) sa padayong pakig-alayon sa padayong pakig-alayon niini sa oil companies aron mapalapdan pa ang fuel discount programs sa mga drayber.

Sakop niini ang PUV ug TNVS drivers, delivery riders ug ubang pang mga motorista.

Samtang gipaniguro sa DOE ang padayong koordinasyon sa gobyerno sa pribadong sektor.

Tumong niini nga makatabang sa pagkunhod sa gastuhunon sa mga drayber sa suliran sa petrolyo ug ilang masuportahan ang pipila na ka adlaw nga wala kabiyahe.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

MGA PAHAYAG NI MADRIAGA SA IMPEACHMENT HEARING, TUGMA SA REKORD Gibutyag ni Terry Ridon, Chairperson sa House Committe...
20/04/2026

MGA PAHAYAG NI MADRIAGA SA IMPEACHMENT HEARING, TUGMA SA REKORD

Gibutyag ni Terry Ridon, Chairperson sa House Committee on Public Accounts ug representante sa Bicol Saro Party-list, nagka tugma ang nahimong pamahayag ni Madriaga sa nakuhang rekord sa Land Transportation Office (LTO) sa mga sakyanan sa nakalabayang impeachment hearing nga iya matud pang gipaliy gamit ang P25 milyon nga gihatag ni kanhing Pangulong Rodrigo Duterte kaniadtong 2021.

Kahinumduman atol sa impeachment hearing kaniadtong April 14, gibasa ni Madriaga ang iyang supplemental affidavit nga nagkalatid nga gimandu siya ni Duterte nga mupalit og mga sakyanan aron magamit ni Bise Presidente Sara Duterte matag higayon nga anaa kini sa Metro Manila.

Sigon pa Madriaga, gigamit usa ang mga nasangpit nga sakyanan sa operasyon ni Inday Sara Is My President Pilipinas movement, nga nitabang sa kampanya kaniadtong tuig 2022.

Dugang pa Madriaga niini nga iyang gibutang nga pangalan ang iyang pangalan og sa iyang mga anak ang mga sakyanan.

Kalakip sa mga gihinganlan ni Madriaga ang duha 2021 Ducati motorcycle nga nagkantidad og P3.5 milyon ug P2.3 milyon, kung asaa mikabat sa P500,000 ang nagasto sa motorcycle accessories.

Kabahin niini usa kini sa supplemental affidavit alang sa duha ka 2021 Harley-Davidson motorcycle nga nagkantidad sa P4.5 milyon, pitong Yamaha NMAX motorcyclen ug us aka isang Toyota FJ Cruiser nga gigamit matud pa sa usa sa pagkuha og mga lwarta nga gibutang sa mga duffel bag ug gidala sa nagkadaiyang lokasyon.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

DUGANG HIMAN ALANG SA MGA PASYENTENG NAGA DIALYSIS NADUNGAGAN NA Personal nga gi adtuan ni City Mayor, Hon. Lorelie Ge...
20/04/2026

DUGANG HIMAN ALANG SA MGA PASYENTENG NAGA DIALYSIS NADUNGAGAN NA

Personal nga gi adtuan ni City Mayor, Hon. Lorelie Geronimo Pacquiao sa Doctor Jorge P. Royeca City Hospital (DJPRCH), sa pagpanguna ni Dr. Ryan Aplicador, ang pag abre sa 7 ka dugang hemodialysis machines, nga inisyatiba sa Mayor Sa dakbayan.

Tumong sa maong pagpalambo aron mapalapad pa ang kapasidad sa dialysis unit gikan sa 13 hangtod sa 20 ka machines ug mas masilbihan niini ang mas daghang pasyente.
Sa personal niining gikumusta ni Mayor Pacquiao ang mga dialysis patients ug gi-awhag nga sila makapadayon sa pakigbatok sa sakit ug sila musalig sa Diyos.

Nagpasalamat usab ang mga pasyente sa dugang serbisyong nga nahatag gumikan sa mga bag-ong makina.

Paminaw kanunay sa 91.9 iFM News Gensan for more
updates-iFM - unsa pa'y answer? Matik!

Address

National Highway, Barrio Obrero, Brgy. North

9500

Telephone

+639050357664

Website

Alerts

Be the first to know and let us send you an email when Matik News Gensan posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share