S'bang Ka Mindanao (2025)

20/07/2025

𝐓𝐈𝐆𝐍𝐀𝐍: Ipinalabas ngayong gabi ang dokumentaryong “The Transition: An Inside Look at the Bangsamoro Peace Process” sa Shangri-La Plaza Pasig City.

Dinaluhan ito ng ilang mga opisyal mula sa Bangsamoro Government, mga kinatawan mula sa mga pandaigdigang organisasyon gaya ng United Kingdom Embassy, at maging mga premyadong aktor at direktor.

Binigyang-diin sa dokumentaryo ang mahaba at mayamang kasaysayan ng pakikibaka ng mga mamamayan ng Bangsamoro mula pa noong panahong kolonyal hanggang sa kasalukuyang proseso ng paggiit nila sa tunay na kalayaan, sariling pagpapasya, at kapayapaan.

17/07/2025

📣 Panoorin ang ika-labing dalawang episode ng 𝑺𝒖𝒘𝒂𝒓𝒂 𝑲𝒂𝒎𝒃𝒂𝒚𝒂𝒃𝒂𝒚𝒂!

📻 Sa episode na ito ay pinagusapan ang mahalagang papel ng kabataan sa usaping eleksyon at sa mahusay na pamimili ng isang lider na magtataguyod ng inklusibong pagbabago sa komunidad.

🎯 Layunin ng episode na ito na palalimin ang kamalayan ng mga kabataan sa kanilang kapangyarihan bilang mga botante, at hikayatin silang maging mapanuri, mapagmasid, at makialam sa mga isyung panlipunan.

👥 Kasama natin sina Youth Patrollers Alliana Fiona Mamogcat at Haifa Bantas na nagbahagi ng kanilang pananaw tungkol sa liderato, integridad, at ang hinahanap ng kabataan sa susunod na mga pinuno ng BARMM.

🔊Makinig at maki-join tuwing sabado ng umaga, mula 10:00am hanggang 11:00am sa D’Empire 104.3 Radio DXBM.

👍I-follow at i-like ang S'bang Ka Mindanao and S'bang Ka Maguindanao upang maging updated sa mga susunod na episodes.

📲May mga gusto ka bang itanong o talakayin? Mag-text sa 0916-1605-597 o mag-chat sa aming page.
____________________________________________
Ang 𝑺𝒖𝒘𝒂𝒓𝒂 𝑲𝒂𝒎𝒃𝒂𝒚𝒂𝒃𝒂𝒚𝒂 radio broadcasting program sa North Cotabato ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

14/07/2025

𝗣𝗮𝗴𝘁𝘂𝘁𝘂𝗹𝘂𝗻𝗴𝗮𝗻 𝗮𝘁 𝗽𝗮𝗴𝗸𝗮𝗸𝗮𝗶𝘀𝗮, 𝗽𝗮𝗻𝗮𝘄𝗮𝗴𝗮𝗻 𝗻𝗴 𝗯𝗮𝗴𝗼𝗻𝗴 𝗮𝗱𝗺𝗶𝗻𝗶𝘀𝘁𝗿𝗮𝘆𝗼𝗻 𝗻𝗴 𝗕𝘂𝘁𝗶𝗴, 𝗟𝗗𝗦

Sa pamamagitan ng Induction at Turn-Over Ceremony para sa mga bagong halal na opisyal ng Butig, Lanao Del Sur noong Hulyo 1, 2025, isinagawa ang opisyal na pagpapasa ng posisyon mula sa dating administrasyon sa bagong halal na opisyal ng bayan ng Butig.

Sa talumpati ng bagong alkalde na si Hon. Bin Khalifa Lucman Pansar binigyang-diin niya ang kahalagahan ng pagkakaisa at pagtutulungan ng bawat isa sa kabila ng kinabibilangang partido. "Ngayon, hindi na mahalaga kung sino ang galing sa UBJP o SIAP. Ang mahalaga, lahat tayo ay I-butigen (taong naninirahan sa Butig). Panahon na para tayo'y magkaisa at magtulungan para sa ikauunlad ng ating mahal na bayan," pahayag ng alkalde. Panawagan rin niya na palakasin ang suporta at pakikiisa ng bawat mamamayan upang maisakatuparan ang mga layunin ng bagong pamunuan.
"Humihiling ako ng tulong mula sa bawat mamamayan ng Butig. Dahil kahit gaano kaganda ang mga plano at pagsisikap naming mga halal na opisyal, mananatili itong kulang kung wala ang inyong suporta. Sama-sama tayong maglingkod at magtagumpay bilang isang nagkakaisang Butig," dagdag niya.

Sinaksihan ng iba’t ibang sektor ng munisipalidad, kabilang ang mga opisyal ng munisipyo, mga lider ng barangay, at mga mamamayan ng Butig ang seremonyang ito. Ang nasabing okasyon ay nagsilbing simbolo ng bagong simula, pag-asa, at pagkakaisa para sa mas progresibong Butig.

✍️Sittie Rasnah M. Samsoden, S'bang Ka Mindanao Patroller

14/07/2025

𝗕𝘂𝘁𝗶𝗴, 𝗟𝗮𝗻𝗮𝗼 𝗗𝗲𝗹 𝗦𝘂𝗿, 𝗜𝗽𝗶𝗻𝗮𝗴𝗱𝗶𝘄𝗮𝗻𝗴 𝗮𝗻𝗴 𝗜𝗸𝗮-𝟲𝟮 𝗔𝗿𝗮𝘄 𝗻𝗴 𝗕𝘂𝘁𝗶𝗴

Pagbabahagi ng serbisyo publiko ang naging sentro ng pagdiriwang ng ika-62 Araw ng Butig nitong Hunyo 30, na naghatid ng direktang tulong para sa mga residente ng munisipalidad.

Sinimulan ang selebrasyon sa pamamagitan ng isang Qur’an Recitation Exhibition, kung saan ipinamalas ng mga piling Qāri’ o ng mga taong may kakayahang mag-basa ng buong Qur-an ang kanilang kahusayan sa pagbigkas ng Banal na Qur’an. Ayon sa mga dumalo, ang espirituwal na bahaging ito ay nagbigay-diin sa matibay na pananampalataya ng mga Butigueño.

Sinundan ito ng isang masiglang fun run na nilahukan ng mga miyembro ng Armed Forces of the Philippines (AFP), Philippine National Police (PNP), Rural Health Unit (RHU)-Butig, at iba pang panauhin. Sa kabila ng matinding init, kitang-kita ang pagkakaisa at adbokasiya para sa kalusugan ng komunidad.

Nagkaroon rin ng Youth Leadership Training para sa mga kabataan na pinangunahan nina SK President Jehan R. Ronda at LYDO Hedaya M. Mamaon, sa pakikipagtulungan ng MSU-Inspired Youth Optimist Guild (IYOG). Layunin nitong hubugin ang kasanayan ng mga kabataan sa pamumuno at pagiging tagapagtaguyod ng kapayapaan para sa kinabukasan ng Butig.

Nakatulong din ang paglulunsad ng isang Government Services Caravan na nagdala ng iba't ibang serbisyong pampubliko para sa ika-62 Araw ng Butig. Kabilang dito ang isang medical mission na nagbigay ng libreng konsultasyon at gamot, mga serbisyo mula sa PhilHealth para sa pagpaparehistro at pagproseso ng benepisyo, ang Bureau of Internal Revenue (BIR) para sa tulong sa pagbubuwis at pagpaparehistro ng taxpayer, ang Department of Trade and Industry (DTI) na nagbigay ng livelihood orientation at suporta para sa mga negosyo at iba pang legal at cultural services. Layunin ng inisyatibong ito na mailapit ang mahahalagang pampublikong serbisyo sa mga mamamayan ng mas mabilis at hindi na kailangan ng karagdagang gastos.

Nagtapos ang mga aktibidad sa isang Libreng Medical Mission na isinagawa sa pakikipagtulungan ng Provincial Health Office (PHO)-Lanao del Sur, Integrated Provincial Health Office (IPHO)-BARMM, at 5th Infantry Battalion-Philippine Army. Daan-daang residente ang dumalo at nakilahok sa libreng konsultasyon, gamot, at serbisyong dental upang biyang prayoridad ang kalusugan ng mga bata, buntis at matatanda.

Ang ika-62 Araw ng Butig ay hindi lamang paggunita sa kasaysayan kundi isang pagpupugay sa pagkakaisa, pananampalataya, kalusugan, at tapat na serbisyo. Nagsilbi rin magandang oportunidad ang selebrasyon para mailapit ng iba’t ibang ahensya at opisina ang kanilang serbisyo para sa mga mamamayan ng munisipalidad.

✍️Sittie Rasnah M. Samsoden, S'bang Ka Mindanao Patroller

09/07/2025

📣 Panoorin ang ika-labing isang episode ng 𝑺𝒖𝒘𝒂𝒓𝒂 𝑲𝒂𝒎𝒃𝒂𝒚𝒂𝒃𝒂𝒚𝒂!

Sa episode na ito ay sinamahan tayo ni Muhidin Daokay Kadilon, RCE, isang youth leader upang ibahagi ang kanyang pananaw bilang isang kabataan sa nalalapit na parliamentary election 2025.

📻Ibinahagi ni Kadilon ang mahalagang papel ng kabataan sa usaping eleksyon at sa mahusay na pamimili ng isang lider na magtataguyod ng inklusibong pagbabago sa komunidad.

📻Tinalakay rin ang mga mahahalagang plataporma na dapat na bigyang pansin ng mga kabataang Bangsamoro sa pagpili at pagboto ng lider o kandidato sa nalalapit na eleksyon na gaganapin sa Oktubre ngayong taon.

🔊Makinig at maki-join tuwing sabado ng umaga, mula 10:00am hanggang 11:00am sa D’Empire 104.3 Radio DXBM.

👍I-follow at i-like ang S'bang Ka Mindanao and S'bang Ka Maguindanao upang maging updated sa mga susunod na episodes.

📲May mga gusto ka bang itanong o talakayin? Mag-text sa 0916-1605-597 o mag-chat sa aming page.
____________________________________________
Ang 𝑺𝒖𝒘𝒂𝒓𝒂 𝑲𝒂𝒎𝒃𝒂𝒚𝒂𝒃𝒂𝒚𝒂 radio broadcasting program sa North Cotabato ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

04/07/2025

Panoorin ang ika-sampong episode ng Suwara Kambayabaya!

📻Sa episode na ito, sinamahan tayo ni Sir Joharie Esmail isang g**o ng Silik High School at community leader mula sa Brgy. Rajamuda, Ligawasan, SGA-BARMM, upang Ibahagi ang mga pangunahing isyu at concerns ng kanilang komunidad.

📻Layunin ng episode na ito na mabigyang boses ang mga hinaing, panawagan, at inaasahan ng mga nasa komunidad, partikular ng mga kabataan, kababaihan, at iba pang sektor.

📻Tinalakay ang mga usaping ito upang mabigyang plataporma ang mga lokal na mamayan na maipahayag ng mga ang kalagayan ng edukasyon, serbisyong pangkalusugan, at seguridad sa mga liblib at conflict-affected areas, partikular ang mga isyung matagal nang kinakaharap ngunit madalas ay hindi nabibigyang pansin.

🔊Makinig at maki-join tuwing sabado ng umaga, mula 10:00am to 11:00am sa D’Empire 104.3 Radio DXBM.

💬I-follow at i-like and S’bang Ka Mindanao upang maging updated sa mga susunod na episodes.

📲May mga gusto ka bang itanong o talakayin? Mag-text sa 0916-1605-597 o mag chat sa aming page.
___________________
Ang Suwara Kambayabaya radio broadcasting program sa North Cotabato ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

03/07/2025

Panoorin ang ika-siyam na episode ng Suwara Kambayabay!

📻Sa gitna ng patuloy na pagtaas ng kaso ng HIV sa BARMM, naging higit na mahalaga ang pagbibigay ng tamang impormasyon at pagpapalawak ng kamalayan, lalo na sa sektor ng kabataan. Kaya naman, sa ika-siyam na episode ng Suwara Kambayabaya, tampok si Ms. Bai Princess Allyssa Baraguir-Akmad, HIV Program Coordinator mula sa Ministry of Health - BARMM, upang bigyang-linaw ang mga mahahalagang isyu kaugnay ng HIV at kung paano ito epektibong matutugunan.

📻Layunin ng episode na ito na palalimin ang kaalaman ng kabataan tungkol sa HIV at AIDS, itaguyod ang maagang pagpapa-test at palakasin ang pagpapalaganap ng tamang impormasyon upang hikayatin ang aktibong partisipasyon ng kabataan sa mga kampanya para sa usaping ito. Isa rin sa mga pangunahing layunin ng episode ay ang labanan ang stigma at diskriminasyon na patuloy na kinahaharap ng mga taong apektado ng HIV sa ating mga komunidad.

🔊Makinig at maki-join tuwing sabado ng umaga, mula 10:00am to 11:00am sa D’Empire 104.3 Radio DXBM.

💬I-follow at i-like and S'bang Ka Mindanao and S'bang Ka Maguindanao upang maging updated sa mga susunod na episodes.

📲May mga gusto ka bang itanong o talakayin? Mag-text sa 0916-1605-597 o mag chat sa aming page.
___________________
Ang Suwara Kambayabaya radio broadcasting program sa North Cotabato ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict

02/07/2025

Paghahanda para sa unang halalan ng Bangsamoro Parliament, inilunsad
✍️ Saada Alipulo, S’bang Ka Mindanao Core Producer

Maguindanao Del Norte – Sinimulan na ang paghahanda para sa kauna-unahang parliamentary elections sa Bangsamoro Autonomous Region in Muslim Mindanao (BARMM), sa pangunguna ng Commission on Election (Comelec) katuwang ang Philippine National Police (PNP) at Armed Forces of the Philippines (AFP) upang matiyak ang mapayapang halalan sa darating na Oktubre 13, 2025.

Sa isinagawang regional coordinating conference noong Hunyo 25, kinumpirma ni Comelec Chairperson George Erwin Garcia na tuloy na tuloy na ang eleksyon kung saan 73 miyembro ng Bangsamoro Parliament ang ihahalal.

Ayon kay Garcia, tuloy ang halalan sa kabila ng kawalan ng reallocation para sa pitong upuang dating para sa Sulu, na nabakante matapos ang desisyon ng Korte Suprema.

Ibinahagi rin ng mga provincial election supervisor ang kanilang mga naging karanasan at kasalukuyang kinakaharap na isyu sa halalan, upang masig**o ang malinis, tapat, at mapayapang eleksyon sa rehiyon.

Ayon sa Comelec, inaprubahan na ng Department of Budget and Management (DBM) ang ₱2.5 bilyong pondo para sa nalalapit na halalan. Mula rito kukunin ang gastusin para sa mga electoral board members at iba pang kakailanganing kagamitan at serbisyo para sa eleksyon.

Samantala, tiniyak naman ng PNP-BARMM ang seguridad sa buong rehiyon. Patuloy rin ang pagsusuri sa mga personnel na itatalaga sa mga presinto upang mapanatili ang kaayusan sa araw ng halalan.

27/06/2025

📣Pakinggan ang 𝗶𝗸𝗮-𝟭𝟱 𝗻𝗮 𝗲𝗽𝗶𝘀𝗼𝗱𝗲 𝗻𝗴 𝗦𝗼𝘄𝗮𝗿𝗮 𝗞𝗮𝗹𝗶𝗹𝗶𝗻𝘁𝗮𝗱: 𝗧𝘄𝗼-𝑾𝗮𝘆 𝗥𝗮𝗱𝗶𝗼 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗣𝗿𝗼𝗴𝗿𝗮𝗺, kasama sina S'bang Ka Mindanao Patroller Hanzala Hadjimusa at Jalil Macabinta. Nakapanayam nila si Ma’am Aminah U. Salic, Municipal Link at Case Manager ng Ministry of Social Services Development- Butig, Lanao del Sur upang pag-usapan ang 𝙋𝙖𝙣𝙩𝙖𝙬𝙞𝙙 𝙋𝙖𝙢𝙞𝙡𝙮𝙖𝙣𝙜 𝙋𝙞𝙡𝙞𝙥𝙞𝙣𝙤 𝙋𝙧𝙤𝙜𝙧𝙖𝙢 𝙤 4𝙋𝙨 𝙥𝙖𝙧𝙖 𝙨𝙖 𝙢𝙜𝙖 𝙧𝙚𝙨𝙞𝙙𝙚𝙣𝙩𝙚 𝙣𝙜 𝘽𝙪𝙩𝙞𝙜 𝙣𝙖 𝙣𝙖𝙜𝙣𝙖𝙣𝙖𝙞𝙨 𝙢𝙖𝙜𝙞𝙣𝙜 𝙗𝙚𝙣𝙚𝙥𝙞𝙨𝙮𝙖𝙧𝙮𝙤 𝙣𝙜 𝙥𝙧𝙤𝙜𝙧𝙖𝙢𝙖𝙣𝙜 𝙞𝙩𝙤.

Sa episode na ito:
📢 Ipinaliwanag ni Ma’am Aminah ang tungkol sa Pantawid Pamilyang Pilipino Program (4Ps). Layunin ng programang ito ng gobyerno na tulungan ang mga mahihirap na pamilya sa kanilang pangangailangan sa edukasyon at kalusugan, bukod pa sa pagdalo sa mga Family Development Session.
📢 Nilinaw niya na hindi direkta ang aplikasyon para sa 4Ps. Sa halip, ang mga kwalipikadong benepisyaryo ay ibinabase sa Listahanan na nanggagaling sa bawat lugar. Pinayuhan din ni Ma’am Salic ang mga interesadong pamilya na makipag-ugnayan sa mga municipal link ng bawat munisipalidad upang malaman kung sila ay kuwalipikado. Mahalaga ring ihanda ang mga kumpletong dokumento tulad ng birth certificate, PSA, at valid IDs para sa mabilis na pagsumite.

👍 I-follow at i-like ang S’bang Ka Mindanao at S’bang Ka Marawi upang maging updated sa mga susunod pang balita at episodes.
📻Maki-join tuwing 5:30 AM at :800 PM ng Lunes at Miyerkules.
📝Para naman sa mga suhestiyon at komento, maaaring mag-text sa
0917-579-0667 o mag-chat sa aming page.

’bangkaMindanao
’bangkaMarawi

—

Ang episode na ito ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

27/06/2025

📣Pakinggan ang 𝗶𝗸𝗮-𝟭𝟰 𝗻𝗮 𝗲𝗽𝗶𝘀𝗼𝗱𝗲 𝗻𝗴 𝗦𝗼𝘄𝗮𝗿𝗮 𝗞𝗮𝗹𝗶𝗹𝗶𝗻𝘁𝗮𝗱: 𝗧𝘄𝗼-𝑾𝗮𝘆 𝗥𝗮𝗱𝗶𝗼 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗣𝗿𝗼𝗴𝗿𝗮𝗺, kasama sina S'bang Ka Mindanao Patroller Amalhaya Batalo at Aina Mama kung saan nakapanayam nila si Engineer Ahmad M. Macod, Municipal Engineer ng Butig, Lanao Del Sur upang 𝙩𝙖𝙡𝙖𝙠𝙖𝙮𝙞𝙣 𝙖𝙣𝙜 𝙢𝙜𝙖 𝙥𝙡𝙖𝙣𝙤 𝙥𝙖𝙧𝙖 𝙨𝙖 𝙢𝙜𝙖 𝙧𝙤𝙖𝙙 𝙞𝙣f𝙧𝙖𝙨𝙩𝙧𝙪𝙘𝙩𝙪𝙧𝙚 𝙣𝙜 𝙢𝙪𝙣𝙞𝙨𝙞𝙥𝙖𝙡𝙞𝙙𝙖𝙙.

Sa episode na ito:
📢 Binigyang-diin ni Engineer Macod, ang kasalukuyang sitwasyon ng mga road infrastructure sa Butig, Lanao Del Sur, kabilang ang mga naisagawang proyekto, mga hamon, at mga kasalukuyang plano ng kanilang ahensya.
📢 Nabanggit rin niya ang ilan sa mga hamon na kanilang kinakaharap sa pagsasagawa ng mga kalsada, tulad ng pagtutol ng iilan dahil sa maaring epekto ng road infrastructure sa mga daanan ng mga bahay sa Butig at ang pabago-bagong panahon sa lugar na nagiging sanhi ng pagka-antala sa pagtatapos ng road repairs.
📢 Ibinahagi rin niya ang kasalukuyang plano ng kanilang opisina sa pagsasaayos ng mga kalsada at drainages upang mawala na ang mga lubak-lubak na daanan at hindi na masyadong bahain ang ilang lugar sa Butig. Nais nilang walang kalsada sa Butig ang hindi sementado sa pagtatapos ng taon para sa maayos na pagdaan ng mga sasakyan.

👍I-follow at i-like ang S’bang Ka Mindanao at S’bang Ka Marawi upang maging updated sa mga susunod pang balita at episodes.
📻Maki-join tuwing 5:30 AM at :800 PM ng Lunes at Miyerkules.
📝Para naman sa mga suhestiyon at komento, maaaring mag-text sa 0917-579-0667 o mag-chat sa aming page.

’bangkaMindanao
’bangkaMarawi

—
Ang episode na ito ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

26/06/2025

📣Pakinggan ang 𝗶𝗸𝗮-𝟭𝟯 𝗻𝗮 𝗲𝗽𝗶𝘀𝗼𝗱𝗲 𝗻𝗴 𝗦𝗼𝘄𝗮𝗿𝗮 𝗞𝗮𝗹𝗶𝗹𝗶𝗻𝘁𝗮𝗱: 𝗧𝘄𝗼-𝑾𝗮𝘆 𝗥𝗮𝗱𝗶𝗼 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗣𝗿𝗼𝗴𝗿𝗮𝗺, kasama sina S'bang Ka Mindanao Patroller, Saliha D. Mama at Amerah Maulana, kasama ang panauhing si Councilor Alkhyre P. Caderan, Municipal Coordinator ng Peace Youth Movement at Butig Youth Movement for Peace sa Butig, Lanao Del Sur upang pag-usapan ang 𝙢𝙖𝙝𝙖𝙝𝙖𝙡𝙖𝙜𝙖𝙣𝙜 𝙥𝙪𝙣𝙩𝙤 𝙝𝙞𝙣𝙜𝙜𝙞𝙡 𝙨𝙖 𝙠𝙖𝙡𝙖𝙜𝙖𝙮𝙖𝙣 𝙣𝙜 𝙠𝙖𝙗𝙖𝙩𝙖𝙖𝙣 𝙨𝙖 𝘽𝙪𝙩𝙞𝙜 𝙖𝙩 𝙖𝙣𝙜 𝙠𝙖𝙣𝙞𝙡𝙖𝙣𝙜 𝙥𝙖𝙥𝙚𝙡 𝙨𝙖 𝙥𝙖𝙜𝙥𝙖𝙥𝙖𝙣𝙖𝙩𝙞𝙡𝙞 𝙣𝙜 𝙠𝙖𝙥𝙖𝙮𝙖𝙥𝙖𝙖𝙣 𝙨𝙖 𝙡𝙪𝙜𝙖𝙧.

Sa episode na ito:
📢 Binigyang-diin ni Councilor Caderan ang kasalukuyang sitwasyon ng mga kabataan sa Butig at ang kanilang malaking partisipasyon sa pagpapanatili ng kapayapaan sa lugar. Ipinaliwanag niya kung gaano kahalaga ang kanilang aktibong pakikilahok.
📢 Nabanggit rin niya ang mga hamon na patuloy na nakakaapekto sa hindi aktibong partisipasyon at pakikilahok ng mga kabataan ng Butig sa pagtataguyod ng kapayapaan. Kabilang dito ang kahirapan at kakulangan sa information drive o sapat na impormasyon.
📢Ibinahagi rin ni Councilor Caderan ang ilan sa mga programa ng lokal na pamahalaan upang matulungan ang mga kabataang ito na makilahok sa mga inisyatibo para sa youth leadership. Binigyang-diin din niya ang kahalagahan ng pagiging isang mabuting ehemplo upang magamit ng mga kabataan ang kanilang kakayahan sa pagpo-promote ng kapayapaan sa Butig.

👍 I-follow at i-like ang S’bang Ka Mindanao at S’bang Ka Marawi upang maging updated sa mga susunod pang b:alita at episodes.
📻Maki-join tuwing 5:30 AM at 8:00 PM ng Lunes at Miyerkules.
📝Para naman sa mga suhestiyon at komento, maaaring mag-text sa 0917-579-0667 o mag-chat sa aming page.

’bangkaMindanao
’bangkaMarawi

—

Ang episode na ito ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

25/06/2025

📣Pakinggan ang ika-12 na episode ng 𝗦𝗼𝘄𝗮𝗿𝗮 𝗞𝗮𝗹𝗶𝗹𝗶𝗻𝘁𝗮𝗱: 𝗧𝘄𝗼-𝑾𝗮𝘆 𝗥𝗮𝗱𝗶𝗼 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗣𝗿𝗼𝗴𝗿𝗮𝗺, kung saan tampok sina S'bang Ka Mindanao Patroller Mohammad Ryan Mona at Sohairy Ibrahim. Sa episode na ito, nakasama nila si Ms. Noaima Imam Mama, ang Business Permit and Licensing Officer (BPLO) ng Butig, upang talakayin ang 𝙠𝙖𝙡𝙖𝙜𝙖𝙮𝙖𝙣 𝙣𝙜 𝙠𝙤𝙢𝙪𝙣𝙞𝙠𝙖𝙨𝙮𝙤𝙣 𝙖𝙩 𝙞𝙣𝙩𝙚𝙧𝙣𝙚𝙩 𝙨𝙖 𝙠𝙖𝙣𝙞𝙡𝙖𝙣𝙜 𝙢𝙪𝙣𝙞𝙨𝙞𝙥𝙖𝙡𝙞𝙙𝙖𝙙 𝙖𝙩 𝙖𝙣𝙜 𝙚𝙥𝙚𝙠𝙩𝙤 𝙣𝙞𝙩𝙤 𝙨𝙖 𝙥𝙖𝙣𝙜-𝙖𝙧𝙖𝙬-𝙖𝙧𝙖𝙬 𝙣𝙖 𝙗𝙪𝙝𝙖𝙮 𝙣𝙜 𝙢𝙜𝙖 𝙧𝙚𝙨𝙞𝙙𝙚𝙣𝙩𝙚.

Sa episode na ito:
📢 Inilahad ni Ms. Noaima Mama ang kasalukuyang sitwasyon at mga hamon sa internet sa Butig. Ipinaliwanag niya na sa kasaysayan, limitado talaga ang access sa internet at komunikasyon sa Butig.
📢 Tinalakay din niya ang mga programa at proyektong ipinagkaloob sa kanilang munisipalidad upang tugunan ang problema sa internet. Ibinahagi rin niya ang mga plano ng Butig upang mapanatili at mapalawak pa ang mga inisyatibong ito.
📢 Binigyang-diin din ni Ms. Mama ang malaking tulong ng pagpapalawak at pagsasaayos ng internet sa Butig. Ito ay nakapag pabuti ng access sa mga serbisyo publiko, at nakatulong din sa mga g**o, estudyante, at iba pang stakeholder sa Butig.
📢Nagbigay siya ng mensahe ng panawagan para sa suporta mula sa mga residente ng Butig upang mas mapalawak pa ang estado ng transformative digitalization sa kanilang lugar.

👍 I-follow at i-like ang S’bang Ka Mindanao at S’bang Ka Marawi upang maging updated sa mga susunod pang balita at episodes.
📻Maki-join tuwing 5:30 AM at :800 PM ng Lunes at Miyerkules.
📝Para naman sa mga suhestiyon at komento, maaaring mag-text sa 0917-579-0667 o mag-chat sa aming page.

’bangkaMindanao
’bangkaMarawi

—

Ang episode na ito ay parte ng proyektong na nagsusulong ng kapayapaan sa BARMM sa pamamagitan ng pagpapalakas ng mga boses, pagsig**o ng pag-unlad, at pagbibigay ng dialogue platforms para sa mga komunidad na apektado ng conflict.

S'bang Ka Mindanao

20/07/2025

17/07/2025

14/07/2025

14/07/2025

09/07/2025

04/07/2025

03/07/2025

02/07/2025

27/06/2025

27/06/2025

26/06/2025

25/06/2025

Address

Telephone

Website

Alerts

Contact The Business

Shortcuts

Share