10/05/2026
πππππ§ππ‘π πππ¬ππ‘
TINGNAN: β±292.8-M Supplemental Budget ng Nueva Vizcaya, Aprubado na para sa Serbisyo at mga Prayoridad na Programa
Nagkaisang inaprubahan ng Sangguniang Panlalawigan ng Nueva Vizcaya ang kauna-unahang Supplemental Budget para sa 2026 na nagkakahalaga ng β±292.8 milyon upang pondohan ang dagdag na serbisyo, imprastraktura, kalusugan, at ayuda ng pamahalaang panlalawigan sa ilalim ni Jose V. Gambito.
Ayon kay Eunice Galima-Gambol, chairperson ng Committee on Appropriations, Budget and Finance, nagpapakita ang pag-apruba ng buong suporta ng Sangguniang Panlalawigan sa mga prayoridad na programa ng administrasyong Gambito.
Aniya, ang pondo ay nagmula sa sobrang koleksyon ng kita ng lalawigan, partikular sa mining taxes, at sa natipid na pondo mula noong 2025.
Kabilang sa pinakamalalaking pondong inaprubahan ay ang:
β’ β±65 milyon para sa mga programang pangkalusugan, kabilang ang gamot, medical at laboratory supplies, at hospital information system ng mga provincial hospitals;
β’ β±45 milyon para sa pagbili ng mga dump truck na gagamitin ng ibaβt ibang barangay;
β’ β±40 milyon para sa pagbili ng lupa at pagpapatitulo para sa planong motor pool at cultural center ng lalawigan;
β’ β±30 milyon para sa upgrading ng PoblacionβAmbaguioβLabangβNansiakan Road;
β’ β±30 milyon dagdag na pondo para sa Assistance to Individuals in Crisis Situation o AICS;
β’ β±20 milyon para sa Project GAYYEM o βGobierno a naAYat iYEg kadagiti Marigrigatβ; at
β’ mahigit β±11 milyon para sa βBagas ti Umili,β ang lokal na bersyon ng β±20 kada kilo na bigas program.
Kasama rin sa supplemental budget ang pondo para sa mga bagong permanenteng posisyon sa mga ospital ng lalawigan, terminal leave benefits ng mga empleyado, at pagbili ng office equipment ng ibaβt ibang tanggapan ng provincial government.
Nagpasalamat naman si Gov. Gambito sa Sangguniang Panlalawigan sa mabilis na pag-apruba ng supplemental budget, at sinabing malaking tulong ito upang mas mapalawak pa ang serbisyo at programa para sa mga Novo Vizcayano.
Photo courtesy of Rachel Magday
