Mama G & Papa K

  • Home
  • Mama G & Papa K

Mama G & Papa K Hello mga langga! We're i Ken with Grace đŸŒ» "I can with Grace"
A husband-and-wife team sharing vlogs, commentaries, and marriage talks!

We're mama G đŸ©· and papa K đŸ©¶ Couple content creator, furparents of Apollo the Bully, and your friendly neighbor 💑

For inquiries:
[email protected] Get ready for a blend of love, laughter, and loads of real talk. Come be a part of our story! Hit that like and follow button and let's share our rays of sunshine together🌞

WHEN “NO” BECOMES AN ACT OF FAITH ♄Kumusta ang schedule mo?Puno ba ng meetings, obligations, at mga “yes” na hindi mo n...
20/10/2025

WHEN “NO” BECOMES AN ACT OF FAITH ♄

Kumusta ang schedule mo?

Puno ba ng meetings, obligations, at mga “yes” na hindi mo naman talaga kayang panindigan?

Minsan, hindi lang gamit ang kalat sa buhay natin. Kalat din ang sobrang daming gawain at expectations lalo na kapag ginagawa mo lang lahat para hindi ka makasakit ng iba o mapagbigyan ang lahat.

Pero tandaan: kapag puno na ang oras mo, ubos din ang puso mo. Ubos din ang lakas mo.

Ang pagiging minimalist sa commitments ay hindi pagiging tamad o maramot.

Ito ay paraan ng pagbibigay ng halaga sa kapayapaan na galing sa Diyos sapagkat hindi lahat ng pinto ay kailangang pasukin, at hindi lahat ng paanyaya ay kailangang tanggapin.

Ecclesiastes 4:6 says,
“Better one handful with tranquility than two handfuls with toil and chasing after the wind.”

May mga “no” na may kasamang grasya kasi pinipili mong alagaan ang kalusugan mo, kapayapaan mo, at relasyon mo sa Panginoon at sa mga mahal mo sa buhay.

From Joshua Becker:

“Minimalism isn’t just about less stuff. It’s about making room for what matters most.”

Kaya minsan, kailangan mo ring linisin ang schedule mo at commitments mo. This way natuturuan mo din ang iba na tumayo sa sarili at maging responsable sa mga bagay na kaya naman nilang gawin.

Hindi ka nilikha ni Lord para ubusin ang sarili mo sa kakasunod sa lahat ng tao. Na bawat pabor ay oo ka nalang ng oo kahit hindi mo na talaga kaya.

Ang tawag doon ay people-pleasing, hindi Christ-pleasing.

Kapag puno na ang kalendaryo mo, baka wala nang espasyo si Lord. Kahit busy ka sa simbahan pero wala ka namang oras talaga para sa Kanya.

Sabi nga ni Becker, “When your hands are full, you can’t receive.”

Ganoon din sa oras — kapag puno ka ng gawaing paano mo maririnig ang tinig ng Diyos?

Ask yourself today:

1. May mga bagay ba akong ginagawa dahil lang sa guilt o pressure?

2. Sino o ano ang pwede kong i-let go para mas magkaroon ako ng space para sa kapahingahan at panalangin?

Prayer ♄

Panginoon, turuan Mo akong magsabi ng “hindi” sa mga bagay na umaagaw sa kapayapaan ko.
Tulungan Mo akong maging tapat sa mga “oo” ko at marunong ding magpahinga kapag kailangan. Bigyan Mo ako ng lakas na pumili ng buhay na simple, mapayapa, at nakatuon sa Iyo.
Amen.

✹ Action Step
‱ Review your week’s schedule.
‱ Piliin ang tatlong bagay na pwede mong i-let go o i- deligate.
‱ Then replace that space with quiet time, rest, or one meaningful moment with God and family.

Continuation of my short reflections from Joshua Becker’s Book)
(c) Pastor Grace M.

“It’s not easy to care for a dog; it’s a daily act of love, patience, and responsibility. Yet it’s always worth it, beca...
19/10/2025

“It’s not easy to care for a dog; it’s a daily act of love, patience, and responsibility. Yet it’s always worth it, because they love you more than you can ever love yourself.” ♄

19/10/2025

Dog Food Recommendation for Super Sensitive American Bully?

Morning Reflection: October 19, 2025 “SALE, FREE SHIPPING, ADD TO CART = IMPULSIVE AND COMPULSIVE BUYING?”Sa panahon nga...
19/10/2025

Morning Reflection: October 19, 2025
“SALE, FREE SHIPPING, ADD TO CART = IMPULSIVE AND COMPULSIVE BUYING?”

Sa panahon ngayon, parang normal na ang online shopping na minsan kahit hindi kailangan, “add to cart” pa rin.

Bibili tayo ng bagong gamit, tulad ng kotse o cellphone kahit maayos pa naman at nagagamit pa o ng bagong damit kahit puno pa ang cabinet. May iba magsasabing wala na akong maisuot kahit halos sumabog na ang laman ng damitan.

Why? Di naman din kailangan ng sobra pero itatambak lang din naman. Bibili kasi natuwa pero ang ending nasayang ang pera. Ang gusto lang natin ay yung pakiramdam ng may bago, makasunod sa trend at sympre ang paghanga ng tao na capable kang bumili.

May iba din na wala naman talagang pera dahil malungkot at stress eh ang moto, DASURV KO TO! Gagastos para ma feel good kahit walang budget.

Marami sa tao ngayon ay mayroong “FEAR OF MISSING OUT”.

Pero hindi lang consumerism ang nagpo-push sa atin bumili. Minsan, pressure ng paligid, kaibigan, pamilya o kamag anak. Kaya nga kahit gipit na gipit, napipilitan ka bumili o mangutang para lang hindi mapahiya, o para mapasaya ang iba.

Pero kadalasan, pagkatapos ng ilang araw, balik ulit tayo sa pakiramdam na kulang parin. Babalik sa reality na ikaw parin ang mahihirapang imanage ang resources mo dahil sa hindi pinag iisipang purchases. Ikaw parin ang malulubog at ikaw lang din ang mahihirapan.

Ganito gumagana ang consumerism sa mundo na pinapaniwala tayo na kung bibili tayo ng mas marami, magiging mas masaya tayo. Pero sabi ni Jesus, ang tunay na buhay ay hindi nakikita sa dami ng pag-aari kundi sa lalim ng ating relasyon sa Diyos.

Mag-ingat kayo laban sa lahat ng uri ng kasakiman; sapagkat ang buhay ng tao ay hindi nasusukat sa dami ng kanyang ari-arian.” — Lukas 12:15

Sa teolohiya, ito ang tinatawag na stewardship o pagiging katiwala, hindi pagiging alipin ng mga materyal na bagay, kundi pagiging tagapangalaga ng mga ito para sa layunin ng Diyos.

Sabi ni Joshua Becker:

“The promise of consumerism is always more, but its fulfillment is always less.”

Minsan, akala natin makukumpleto tayo ng bagong gamit pero ang kulang pala ay pahinga, pasasalamat, o pakikipag-ugnay sa Panginoon.

Ang minimalism ay hindi pagiging cheap skate or kuripot, kundi pagpili ng “essential” o mahalaga.

It teaches us to say, “Okay na ako. Meron na akong sapat, magagamit pa, ayos pa, at higit sa lahat, meron akong Diyos sa buhay, therefore I am grateful. Ang mundo ay pinupwersa tayo na bumili ng bumili at magkaroon ng bago kahit di naman mahalaga o di pa naman kailangan subalit si Cristo ay tinuturuan tayong makontento.

Magandang pagnilayan:

1. Bumibili ba ako dahil kailangan, o dahil may gusto lang akong maramdaman?

2. Ano ang sinusubukan kong punan sa loob ko? Healing inner child at the expense of responsible spending?

3. Kaya ko bang pahalagahan kung anong mayroon ako ngayon?

Tandaan na ang tunay na kasiyahan ay hindi nakukuha sa pagkakaroon ng marami, kundi sa pagtanggap na sapat na ang mayroon tayo lalo na kung kasama natin ang Diyos.

Panalangin:
Panginoon, patahimikin Mo ang ingay ng labis na pagnanais sa puso ko. Turuan Mo akong makita ang kagandahan sa pagiging simple at ang saya sa kasapatan ng buhay. Palayain Mo ako mula sa kasinungalingang kailangan kong magkaroon ng higit para maging maligaya. Amen!

✹ Hamon para sa Araw na Ito:

Sa tuwing may gusto kang bilhin online, huminto muna at manalangin:

“Panginoon, kailangan ko ba talaga ito, o sinusubukan ko lang punan ang puwang na Ikaw lang ang makakapuno?”

Subukan mo din ang “buy nothing day” o isang araw o isang Linggo na wala kang binibili at ichecheckout.

Tipirin mo ang pera mo at ipunin sa mas mahalagang bagay, who knows mas makakaipon ka pala kung babawasan ang impulsive at compulsive buying. Magugulat ka nalang na may extra ka na 🙂

Gamitin ang oras na ’yon para magpasalamat, maglakad, manalangin, o mag spend ng araw kasama ang mahal mo sa buhay. ♄

18/10/2025

Sagutin muna natin ang tanong ng isa nating follower.

Good morning!😍
18/10/2025

Good morning!😍

Pause, Read, ReflectMorning Devotion: October 18, 2025“PAKAWALAN MO NA YAN”Makalat ba ang bahay mo? 😬Mahilig ka bang mag...
18/10/2025

Pause, Read, Reflect
Morning Devotion: October 18, 2025
“PAKAWALAN MO NA YAN”

Makalat ba ang bahay mo? 😬

Mahilig ka bang mag-hoard o magtago ng mga bagay na matagal mo nang hindi nagagamit?Mga lumang damit, lumang gamit, mga bagay na “sayang itapon” kasi may sentimental value kahit inaamag na sa kalumaan at di kana makahinga sa sama ng amoy?

Marami sa atin ang ganyan kasi feeling natin, may connection tayo sa gamit na yon at nagpapaalala ng maraming “memories”. Pero minsan, habang dumarami ang mga gamit, mas bumibigat din ang buhay at bahay.

At hindi lang bahay ang nagiging makalat ha, kundi pati isip at puso natin.

Sa aklat na The More of Less, sinabi ni Joshua Becker: (Which I am currently reading)

“The more we own, the more our possessions demand from us — our time, energy, and attention.”

The more possessions you have, the more they have power over you.

Totoo ito na habang dumarami ang pag-aari, mas lumiliit ang space para sa kapayapaan. Kaya nga pag makalat diba ay nakakadama ng inis ang mga nanay kasi parang di na naubusan ng kalat sa lahat ng sulok ng bahay. Kahit nga sa ref minsan, inamag na ang mga lumang pagkain na inabutan na ng 2025.

Yung mga mahahalagang gamit na “need” talaga eh syang hindi makita pag kailangang kailangan.

Parang mga Israelita na nag-iipon ng manna sa disyerto, may ilan na nagho-hoard para bukas, pero ang natira napanis at nasayang.

Tulad nito, kapag sobra ang gamit o attachment natin, hindi ito nagdadala ng peace o seguridad sa halip, nagiging pabigat.

Letting go is not simply decluttering; it’s a spiritual act of surrender. In theology, this mirrors kenosis — the self-emptying love of Christ (Philippians 2:5–8).

Jesus emptied Himself not because He had nothing to offer, but because He knew what truly mattered. Si Jesus ay hindi kumapit sa lahat ng karapatan at kapangyarihan Niya. Pinili Niyang maging servant, simple, mapagkumbaba, at handang magbigay.

In the same way, when we release what clutters our hearts, schedule and homes, we are not losing but we are making room for what lasts: peace, presence, and purpose. Hamon ito sa atin na bitawan din ang sobrang gamit, ugali, at attachment na nagpapabigat sa buhay natin.

Tandaan na kapag puno ang kamay mo, hindi ka makakatanggap ng bago to make room for important things.

Minsan hindi lang gamit ang dapat bitawan sa buhay kundi:

Mga gawain o commitments na nagpapagod sa atin lalo sa ating kalusugan. Yung kahit di mo na kaya ay hirap kang tumanggi. If you continue that people pleasing attitude, you are a ticking time bomb. Ngayon palang empower yourself to set boundaries and say NO if necessary. A cluttered schedule can become as burdensome as a cluttered home.

Challenge for us Today: ♄

‱ Simulan muna natin sa pinaka simple:

Pumili ka ng isang bagay sa bahay mo na hindi mo na ginagamit at di mo naman na talaga kailangan. Baka nakatambak yan ng ilang dekada na.

Bago mo ito itapon (huwag mo ng ipamigay kung di naman na magagamit kasi ipapasa mo lang ang kalat mo sa iba), huminto ka sandali at sabihin:

“Panginoon, salamat sa panahong nagamit ko ito. Ngayon, binibitawan ko ito para magkaroon ng puwang sa bago Mong plano sa akin hindi man materyal kundi ang pagkakaroon ng “kasapatan” sa meron ako at kung ano lang ang kailangan ko”.

Panalangin:

Panginoon, tulungan Mo akong bitawan ang mga bagay na nagpapabigat sa aking buhay at puso, gamit man, emosyon, o obligasyon o expectation na di ko naman talaga kaya. Palitan Mo ito ng Iyong kapayapaan at presensya. Turuan Mo akong magsabi ng “hindi” kung hindi na ito ayon sa kalooban Mo at lalo lang magpapabaon sa aking kinalalagyan. Nawa’y matutunan kong maging simple, gaya ng halimbawa ni Jesus.

“I make room, Lord, for Your peace and purpose in this space.” Amen


Good morning! Mag declutter kana at maglinis! Isa yang spiritual act of worship. Put that theology into praxis! 💕

(c) Pastor Grace M.

17/10/2025

You taught me to live for today

The here and now ♄
- Caramelo

17/10/2025

Popo watching . Bakit daw iniwan ng owner ang dog? Halaaaa

Morning Devotion: “I CAN DO ALL THINGS BUT NOT ALL THINGS”October 17, 2025Bible Verse:“I can do all things through Chris...
17/10/2025

Morning Devotion:
“I CAN DO ALL THINGS BUT NOT ALL THINGS”
October 17, 2025

Bible Verse:
“I can do all things through Christ who strengthens me.” - Philippians 4:13

Reflection:
Isa ito sa pinakapaboritong talata ng maraming Kristiyano. Madalas itong gamitin bilang panawagan ng tagumpay, “Kaya ko lahat dahil kay Lord!” Magagawa natin ang lahat ng bagay sa mundo kasi nasa atin si Lord! Sounds familiar right?

Pero kung susuriin ang konteksto, hindi ito tungkol sa pag-abot ng lahat ng pangarap or personal desire, kundi tungkol sa pagharap sa anumang kalagayan sa tulong ni Cristo.

Bago ito sinabi ni Apostol Pablo, binanggit niya muna sa Philippians 4:11–12:

“Natutuhan kong masiyahan sa anumang kalagayan
 marunong akong mabuhay sa kasaganaan at marunong din akong mabuhay sa kakulangan.”

Ibig sabihin, nasubukan ni Pablo ang gutom at kabusugan, kalayaan at pagkabilanggo, tagumpay at pagkabigo. At sa lahat ng iyon, natutunan niyang ang lakas ni Cristo ay sapat hindi para makuha lahat ng gusto niya, kundi para makayanan lahat ng dumarating gaano man kabigat.

Kaya mabuting ayusin ang lumang pag unawa na ang talatang ito ay nagsasabing “kaya mong abutin lahat ng gusto mo dahil kay Lord.” Dahil sa totoo lang, hindi lahat ng gusto natin ay makakamtan natin sa buhay.

At kapag ang pagkaunawa natin sa talatang ito ay tagumpay lang at katuparan ng sariling layunin (dahil sinasabi ng iba na yan ang sign na ikaw ay blessed at favored) ay madali tayong madismaya kapag tayo ay nabigo na parang hindi totoo ang lakas ni Cristo. Hindi ito prosperity Gospel o isang magic verse to declare para maassure ang sarili na makakamit mo lahat ng nais mo.

Ngunit ang tunay na kahulugan ng Philippians 4:13 ay ito:

“Kaya kong harapin ang lahat ng dumarating mabuti man o masakit dahil kay Cristo na nagbibigay sa akin ng lakas.”

Ang lakas na kaloob ni Cristo ay hindi garantiya ng tagumpay sa lahat ng plano natin kundi katiyakan ng biyaya sa bawat panahon lalo na sa mga panahon ng kabiguan at kasawian.

Life Application:
Hindi mo kailangang makuha ang lahat para masabing pinagpala ka. Ang tunay na pagpapala ay ‘yung kaya mong manatiling payapa at matatag kahit hindi mo nakamtan ang gusto mo sapagkat alam mong si Cristo pa rin ang sapat.

Prayer:
Panginoon, turuan Mo akong maunawaan ang lakas na nanggagaling sa Iyo hindi para abutin lahat ng gusto ko, kundi para tanggapin ang lahat ng kalooban Mo. Sa tagumpay man o sa pagkabigo, ipaalala Mo na sapat ang Iyong biyaya at tapat ang Iyong lakas. Amen. 💕

Address


Telephone

+639495031837

Website

Alerts

Be the first to know and let us send you an email when Mama G & Papa K posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mama G & Papa K:

Shortcuts

  • Want your business to be the top-listed Media Company?

Share