GO Bulacan

29/10/2025

TRUCK, NAWALAN NG PRENO SA NORZAGARAY, BULACAN

TINGNAN: Isang aksidente ang naganap sa Norzagaray, Bulacan matapos diumano mawalan ng preno ang isang truck sa bahagi ng isang O-Save sa Upper Bigte ng nasabing bayan.

Dahil sa lakas ng impact ng bumanggang truck, damay sa aksidente ang ibang mga sasakyang nakaparada sa kahabaan ng daan.

Ilang indibidwal rin ang sugatan buhat ng nangharing aksidente. Patuloy ang imbestigasyon ng mga rumespondeng awtoridad

Source/Photo: Janizary San Pedro Cabrera (FB)

28/10/2025

THUNDERSTORM ADVISORY: MALAKAS NA THUNDERSTORM, NARAMDAMAN SA ILANG BAHAGI NG LUZON AT METRO MANILA

TINGNAN: Naglabas ng Thunderstorm Advisory No. 8 ang PAGASA-NCR PRSD ngayong 10:11 ng gabi, Oktubre 28, 2025 (Martes). Ayon sa ulat, asahan ang katamtaman hanggang sa malakas na pag-ulan na may kasamang pagkidlat at malalakas na hangin sa mga bahagi ng Zambales (Olongapo, Subic, San Antonio), Metro Manila (Valenzuela, Navotas, Malabon, Caloocan, Quezon City, Manila), Nueva Ecija (Pantabangan, Bongabon, Rizal), Tarlac (San Manuel, Moncada, Paniqui, Anao, Ramos, Pura, Gerona, Victoria, Tarlac City), Quezon (Sariaya, Lucban, Tayabas, Dolores, Candelaria, San Francisco, San Andres, Tagkawayan, San Narciso, Guinayangan, Mauban), at Laguna (Majayjay, Liliw, Nagcarlan, Rizal, San Pablo, Victoria) sa loob ng susunod na dalawang oras.

Samantala, matinding pag-ulan na may kasamang pagkulog, kidlat, at malalakas na hangin ang kasalukuyang nararanasan sa mga bahagi ng Bataan (Abucay, Balanga, Bagac, Mariveles, Orion, Pilar, Limay, Samal, Morong, Orani), Bulacan (Paombong, Malolos, Bulakan, Pandi, Guiguinto, Plaridel, Obando, Hagonoy), at Pampanga (Macabebe, Sasmuan). Inaasahang magpapatuloy ito sa loob ng dalawang oras at maaaring makaapekto sa mga karatig na lugar.

Pinapayuhan ang lahat na maging alerto at mag-ingat sa posibleng epekto ng malakas na ulan tulad ng biglaang pagbaha at pagguho ng lupa. Patuloy na mag-monitor para sa mga susunod na abiso mula sa PAGASA.

Source: PAGASA National Capital Region PRSD(facebook)

21/10/2025

16/10/2025

AKSIDENTE SA MEYCAUAYAN ⚠️

TINGNAN: Kita sa isang video ng isang concerned citizen ang isang aksidente sa Meycauayan, Bulacan kung saan nagkabanggaan ang isang motorsiklo at isang truck sa kahabaan ng NLEX exit malapit sa Toll Gate.

Pumailalim ang rider ng motorsiklo. Iniimbestigahan pa ng mga awtoridad ang dahilan ng aksidente. Inaalam pa rin ang kundisyon ng motorista.

Source: Liam Conferido Mijares (FB)

10/10/2025

Sunod-sunod ang pagyanig sa bansa — mula Baguio hanggang Davao.

Ingat lagi, mga kababayan, at maging handa pa rin sa ano mang posibleng mangyari! 🙏

09/10/2025

Kumpiskado ng anti-illegal drug operatives ang P1,000,000 halaga ng shabu mula sa dalawang High Value Individuals (HVI) sa dalawang magkaibang operasyon sa Bulacan at Nueva Ecija.

Sa Bulacan, arestado ng Bocaue Special Drug Enforcement Unit (SDEU) ang isang nagngangalang "Casper", 30 anyos, bandang 7 p.m. nitong Tuesday sa kahabaan ng MacArthur Highway sa Barangay Caingin, Bocaue.

Kumpiskado mula sa kanya ang 103 gramo ng shabu na may halagang P700,400.

Sa Nueva Ecija naman, arestado ang isang "Au", 44 anyos, sa isang buy-bust operation umaga nitong Wednesday sa Barangay San Mariano, San Antonio.

Kumpiskado naman sa kanya ang 55.75 gramo ng shabu na may halagang P379,100.

“These arrests send a strong message that PRO-3 remains steadfast in our commitment to rid Central Luzon of illegal drugs,” Pahayag ni Regional Director of CPO3 Brig. Gen. Ponce Rogelio Peñones Jr.

“This is not just a police accomplishment —it is a victory for the communities we serve."

Source: PNA

09/10/2025

REMULLA, PORMAL NANG NANUMPA BILANG BAGONG OMBUDSMAN NG PILIPINAS

TINGNAN: Pormal nang nanumpa si Jesus Crispin Remulla bilang ikapitong Ombudsman ng Republika ng Pilipinas ngayong Huwebes, sa isang seremonyang ginanap sa Korte Suprema.

Pinangunahan ni Senior Associate Justice Marvic Leonen ang panunumpa ni Remulla, na kasalukuyang humalili sa posisyon matapos ang pagtatapos ng termino ng dating Ombudsman.
Saksi sa nasabing panunumpa sina Associate Justice Antonio Kho Jr. at asawa ni Remulla, na kapwa dumalo upang saksihan ang makasaysayang sandali.

Si Remulla, na dating DOJ Secretary, ay inaasahang magdadala ng mahigpit na reporma sa tanggapan upang mapabilis ang pagresolba ng mga kasong may kinalaman sa katiwalian at pag-abuso sa kapangyarihan.

Photo: GMA News (Facebook)

07/10/2025

Inihayag ng Malacañang na opisyal na itinalaga ni Pangulong Ferdinand “Bongbong” Marcos Jr. si DOJ Secretary Jesus Crispin “Boying” Remulla bilang bagong Ombudsman ng bansa, isang araw matapos ilabas ang shortlist para sa posisyon.

Papapalitan ni Remulla si dating Ombudsman Samuel Martires, na nagwakas ang termino noong Hulyo 27.

Ang tanggapan ng Ombudsman ay may tungkuling tumanggap at mag-imbestiga ng mga reklamo laban sa mga mataas na opisyal ng gobyerno, mga nakaupong nasa supervisory positions, at mga kaso na may kinalaman sa malalalang paglabag o malaking halaga ng pera at ari-arian.

Bago ang kanyang pagtatalaga, ipinahayag ni Remulla na hindi gagamitin ang Tanodbayan’s office bilang sandata sa politika. Ani niya, “too much politics” ang nagaganap sa loob ng opisina at nangangako siyang panatilihin ang integridad ng ahensya.

02/10/2025

THUNDERSTORM ADVISORY: MALAKAS NA THUNDERSTORM, NAGBABADYA SA KALAKHANG MAYNILA AT KALAPIT-LALAWIGAN

TINGNAN: Inilabas ng PAGASA ang Thunderstorm Advisory No. 8 ngayong Huwebes, Oktubre 2, 2025, ganap na alas-8:18 ng gabi.

Ayon sa ulat, inaasahan ang katamtaman hanggang malakas na pag-ulan na may kasamang pagkidlat at malalakas na hangin sa mga susunod na dalawang oras sa mga lalawigan ng Laguna, Rizal, Tarlac, Nueva Ecija, Zambales, Pampanga, Bulacan, Bataan, Quezon at Batangas.

Samantala, kasalukuyan namang nararanasan ang malakas hanggang matinding buhos ng ulan na may kasamang pagkidlat at malalakas na hangin sa ilang bahagi ng Cavite (Imus, Bacoor, General Trias, Tanza, Kawit, Rosario, Noveleta, Cavite City, at Dasmariñas) at Metro Manila (Muntinlupa, Las Piñas, Parañaque). Inaasahan na magpapatuloy ito sa loob ng dalawang oras at posibleng makaapekto rin sa mga karatig na lugar.

Pinaaalalahanan ang lahat na mag-ingat laban sa posibleng epekto ng malakas na pag-ulan gaya ng biglaang pagbaha at pagguho ng lupa.

Source: PAGASA-National Capital Region PRSD (facebook)

02/10/2025

DTI, NAKASAMSAM NG P13.2-M HALAGA NG HINDI CERTIFIED NA APPLIANCES SA BULACAN

Nakumpiska ng Department of Trade and Industry (DTI) ang mahigit P13.217-milyong halaga ng mga hindi certified na appliances na ibinebenta online, sa isinagawang operation nitong Lunes sa Bulacan.

Ayon sa DTI, kabilang sa nasamsam na higit 3,000 pirasong appliances ang electric kettles, bentilador, pressure cookers, rice cookers, multi-cookers, induction cookers, at blenders. Ang mga produkto ay sakop ng Mandatory Certification ng Bureau of Philippine Standards ngunit walang Philippine Standard (PS) mark at Import Commodity Clearance (ICC) stickers.

Hindi pinangalanan ng DTI ang may-ari ng establishment sa Bulacan, ngunit nabigyan sila ng Notice of Violation (NOV) at inatasang magsubmit ng paliwanag sa loob ng 48 oras. Sa pahayag ng DTI, ipinunto nitong patuloy ang kanilang nationwide E-Kalasag operations sa ilalim ng Fair Trade Enhancement Bureau (FTEB) upang alisin ang mga substandard at hindi ligtas na appliances sa merkado at maprotektahan ang mga mamimiling Pilipino.

Nauna nang inanunsyo ni Trade Secretary Maria Cristina Roque na hanggang Setyembre 30 ang palugit para sa mga online sellers na iparehistro at ipasuri ang kanilang produkto para makakuha ng E-Commerce Philippine Trustmark, isang certificate guarantee na pumasa ito sa quality control and safety.

Bahagi ang inspection ng kampanya ng DTI laban sa mga hindi ligtas na produkto na patuloy na kumakalat sa online marketplace.

Source/Photos: GMA Network

01/10/2025

WEATHER UPDATE | BAGYONG ☔🌀

30/09/2025

LIVES LOST IN CEBU'S QUAKE 😞