S'bang ka Marawi

Home
S'bang ka Marawi

A community media outfit that brings stories on peace & social justice from Marawi & the Bangsamoro

S'bang Ka Marawi is a community media outfit that brings stories on peace and social justice from Marawi City and the Bangsamoro. We are composed of communication practitioners, community journalists, and grassroots patrollers who believe in the power of the media to build peace, uphold human dignity, and enact meaningful social changes. S'bang Ka Marawi started as a radio program and was established back in 2017 as a humanitarian response to the Marawi Crisis. Several years after, S'bang Ka Marawi continues to amplify people's stories and underreported social issues. Our reportage is supported by the Initiatives for Dialogue and Empowerment through Alternative Legal Services (IDEALS) and its partners. For coverages, media releases, and collaborations, send a message to our page or email us at [email protected] and [email protected].

11/09/2026

𝗕𝗼𝘁𝗮𝗻𝘁𝗲 𝘀𝗮 𝗠𝗮𝗿𝗮𝘄𝗶 𝗻𝗮𝗻𝗮𝘄𝗮𝗴𝗮𝗻 𝗻𝗴 𝘁𝗮𝗽𝗮𝘁 𝗮𝘁 𝗺𝗮𝗽𝗮𝘆𝗮𝗽𝗮𝗻𝗴 𝗵𝗮𝗹𝗮𝗹𝗮𝗻

Nanawagan ang isang botante mula sa Area 2, Sagonsongan, Marawi City, para sa isang mapayapa at maayos na halalan, habang hinihikayat ang kapwa botante na piliin ang mga kandidatong tunay na handang maglingkod sa kanilang komunidad.

Si Emma Umpar, isang 30-taong-gulang na botante mula sa Marawi City, ay mahigit isang dekada nang rehistradong botante sa Barangay Bubong, Lilod Madaya. Bagama’t kasalukuyan siyang naninirahan sa Sagonsongan shelter, patuloy niyang sinusubaybayan ang mga kaganapan at impormasyon kaugnay ng nalalapit na halalan.

Ayon kay Umpar, nais niyang makita ang mga lider na may malasakit sa kapwa, may takot sa Allah at may tunay na hangaring maglingkod sa mga residente ng Marawi. Mas nais din niyang suportahan ang mga kandidatong taga-Marawi na nakakaalam at nakakaunawa sa kalagayan at pangangailangan ng lungsod.

Kasabay nito, nagpahayag siya ng pag-aalala sa mga naririnig nila tungkol sa posibleng kaguluhan sa panahon ng halalan. Para sa kanya, hindi na dapat maulit ang karahasang naranasan ng Marawi noong 2017, at dapat mapanatili ang kapayapaan sa lungsod bago, habang at pagkatapos ng halalan.

Binigyang-diin din niya ang kahalagahan ng hindi pagtanggap ng pera kapalit ng boto at ang pagpili sa mga kandidatong karapat-dapat at may malasakit sa kanilang kapwa.

“Huwag iboto dahil sa pera. Iboto ang karapat-dapat at mabuting tao—may takot sa Allah, may malasakit at puso para sa kapwa. Sana walang gulo at maging maayos at mapayapa ang halalan,” ani Umpar.

Umaasa si Umpar na magiging maayos ang proseso ng pagboto at ang pamamahala ng mga halal na lider, at ang resulta ng halalan ay magbibigay-daan sa mas maayos na paglilingkod para sa mga mamamayan ng Marawi City.

✍📷 Ulat at kuha ni Rizalyn Garlito, S'bang Ka Marawi Community Broadcaster

11/09/2026

𝗣𝗶𝗻𝗮𝗶𝗴𝘁𝗶𝗻𝗴 𝗻𝗮 𝘀𝗲𝗴𝘂𝗿𝗶𝗱𝗮𝗱 𝘀𝗮 𝗟𝗮𝗻𝗮𝗼 𝗱𝗲𝗹 𝗦𝘂𝗿, 𝗶𝘀𝗶𝗻𝗮𝗴𝗮𝘄𝗮 𝗯𝗮𝗴𝗼 𝗮𝗻𝗴 𝗕𝗔𝗥𝗠𝗠 𝗽𝗮𝗿𝗹𝗶𝗮𝗺𝗲𝗻𝘁𝗮𝗿𝘆 𝗲𝗹𝗲𝗰𝘁𝗶𝗼𝗻𝘀

Pinalalakas ng Armed Forces of the Philippines (AFP) at ng 1st Infantry (TABAK) Division ang seguridad sa Lanao del Sur bilang paghahanda sa unang Bangsamoro Parliamentary Election (BPE) na nakatakda sa Setyembre 14, 2026.

Kabilang sa mga karagdagang kagamitang militar na ide-deploy sa lalawigan ang Sabrah light tanks at ATMOS 155mm self-propelled artillery systems, na magsisilbing dagdag na suporta sa mga armored at fire-support units na nakatalaga na sa lugar.

Bukod dito, magdadagdag din ng puwersang panlupa ang 29th at 30th Infantry Battalions. Samantala, gagamitin naman ang Black Hawk at T129 ATAK helicopters para sa air mobility, aerial surveillance, at mabilis na pagtugon sakaling magkaroon ng insidente sa panahon ng halalan.

Ayon kay Maj. Brigole, bahagi ng deployment ang preventive at protective measures ng militar upang matugunan ang posibleng banta mula sa Lawless Armed Elements (LAEs) at mapanatili ang kapayapaan at seguridad sa panahon ng halalan.

Binigyang-diin niya na hindi dapat ikabahala ng mga residente ang karagdagang kagamitang militar, dahil ang deployment ay nakatuon sa pagtiyak ng ligtas na kapaligiran para sa mga botante.

Layunin ng AFP na mapanatili ang kaayusan sa mga lugar na sakop ng operasyon upang malayang makalahok ang mga kwalipikadong botante sa halalan nang walang pangamba sa kanilang seguridad.

Tiniyak naman ng 1st Infantry (TABAK) Division na patuloy ang koordinasyon ng mga yunit ng militar at iba pang security forces upang mapanatili ang kapayapaan at kaayusan bago, habang, at pagkatapos ng halalan.

✍ Ulat ni Norhana Naik, S'bang Ka Marawi Reporter
📷 1st Infantry Tabak Division

Sanggunian:

Agonoy, L. D. (2026, September 10). More troops, tanks coming to beef up security for Bangsamoro polls. INQUIRER.net. https://www.inquirer.net/488196/more-troops-tanks-coming-to-beef-up-security-for-bangsamoro-polls/

11/09/2026

𝟰𝟬 𝗹𝘂𝗴𝗮𝗿 𝘀𝗮 𝗟𝗮𝗻𝗮𝗼 𝗱𝗲𝗹 𝗦𝘂𝗿, 𝗶𝘁𝗶𝗻𝗮𝗹𝗮𝗴𝗮 𝗯𝗶𝗹𝗮𝗻𝗴 𝗘𝗹𝗲𝗰𝘁𝗶𝗼𝗻 𝗔𝗿𝗲𝗮𝘀 𝗼𝗳 𝗖𝗼𝗻𝗰𝗲𝗿𝗻

Apatnapung (40) lugar sa Lanao del Sur ang isinailalim ng Commission on Elections (COMELEC) sa iba’t ibang kategorya ng Election Areas of Concern (EAC) para sa unang BARMM Parliamentary Election na nakatakda sa Setyembre 14, 2026.

Batay sa COMELEC classification as of July 15, 2026, 14 na lugar sa lalawigan ang nasa Yellow Category, lima sa Orange Category, at 21 naman sa Red Category. Walang lugar sa Lanao del Sur ang kabilang sa Green Category.

Kabilang sa Yellow Category ang Bacolod Kalawi, Balindong, Buadiposo-Buntong, Bubong, Bumabaran, Ditsaan-Ramain, Lumba Bayabao, Madalum, Madamba, Maguing, Marawi City, Tagoloan, Tugaya, at Wao.

Samantala, nasa Orange Category ang Balabagan, Calanogas, Kapatagan, Malabang, at Picong.

Nasa Red Category naman ang 21 lugar na kinabibilangan ng Bayang, Binidayan, Butig, Ganassi, Kapai, Lumbaca Unayan, Lumbatan, Lumbayanague, Marantao, Marogong, Masiu, Mulondo, Pagayawan, Piagapo, Poona Bayabao, Pualas, Saguiaran, Sultan Dumalondong, Tamparan, Taraka, at Tubaran.

Ayon sa COMELEC classification, ang Green Category ay tumutukoy sa mga lugar na walang security concerns o relatibong mapayapa at maayos ang sitwasyon.

Ang Yellow Category naman ay maaaring ipataw sa mga lugar na may naitalang hinihinalang election-related incident sa nakalipas na dalawang halalan, politically motivated election-related incident sa kasalukuyang election period, matinding partisan political rivalry, o dating isinailalim sa COMELEC control.

Para naman sa Orange Category, kabilang dito ang mga lugar na may dalawa o higit pang salik na sakop ng Yellow Category o may seryosong banta mula sa armadong grupo.

Samantala, ang Red Category ay tumutukoy sa mga lugar na may isa o higit pang salik mula sa Yellow at/o Orange Category, kasabay ng seryosong armadong banta o may batayan para sa deklarasyon ng COMELEC control.

Mahalagang tandaan na ang July 15 classification ay hindi nangangahulugang lahat ng lugar na ito ay kasalukuyang may aktuwal na karahasan. Ipinaliwanag ni COMELEC Chairman George Erwin Garcia na ang ilang red-category areas ay nakabatay sa kasaysayan ng election-related violence at patuloy na mino-monitor para sa seguridad ng halalan.

Ang classification ay bahagi ng security preparations ng COMELEC at mga law enforcement agencies para sa ligtas, maayos, at mapayapang pagsasagawa ng kauna-unahang parliamentary election sa rehiyon.

✍🎨 Ulat at Likha ni Fahad Mauyag, S'bang Ka Marawi Patroller

Sanggunian:

Official COMELEC. (2026, July 15). BARMM ELECTION AREAS OF CONCERN as of 15 July 2026 [Status update]. Facebook. https://www.facebook.com/share/p/1FQuecKk3D/

10/09/2026

𝗔𝗖𝗠𝘀 𝗮𝘁 𝗺𝗴𝗮 𝗲𝗹𝗲𝗰𝘁𝗶𝗼𝗻 𝗽𝗮𝗿𝗮𝗽𝗵𝗲𝗿𝗻𝗮𝗹𝗶𝗮, 𝗽𝗮𝘁𝘂𝗹𝗼𝘆 𝗻𝗮 𝗶𝗻𝗶𝗵𝗮𝗵𝗮𝘁𝗶𝗱 𝘀𝗮 𝗺𝗴𝗮 𝗺𝘂𝗻𝗶𝘀𝗶𝗽𝗮𝗹𝗶𝗱𝗮𝗱 𝗻𝗴 𝗟𝗮𝗻𝗮𝗼 𝗱𝗲𝗹 𝗦𝘂𝗿

Apat na araw na lamang bago ang makasaysayang kauna-unahang Bangsamoro Autonomous Region in Muslim Mindanao (BARMM) Parliamentary Elections ngayong Setyembre 14, mas pinalakas pa ang paghahanda sa lalawigan ng Lanao del Sur.

Patuloy ang paghahatid ng mga Automated Counting Machines (ACMs) sa iba’t ibang munisipalidad ng Lanao del Sur bilang paghahanda sa kauna-unahang Bangsamoro Parliamentary Elections na nakatakda sa Setyembre 14, 2026.
Nauna nang naihatid at natanggap ng Munisipalidad ng Maguing noong Setyembre 3 ang mga ACM na nakalaan para sa kanilang lugar. Sinundan naman ito ng delivery sa Munisipalidad ng Tamparan noong Setyembre 5.

Minonitor ng NAMFREL Lanao del Sur ang paghahatid ng mga ACM noong Setyembre 5 sa Marawi City bilang bahagi ng kanilang pagbabantay sa mga paghahanda para sa halalan.

Inaasahan namang bago ang araw ng eleksyon ay maihahatid na ang lahat ng kinakailangang election materials, kabilang ang mga ACM, sa bawat munisipalidad sa lalawigan.

Ang patuloy na distribution ng ACMs at iba pang election materials ay bahagi ng paghahanda ng mga awtoridad para matiyak na magiging maayos ang daloy ng halalan sa bawat lugar sa Lanao del Sur.

Sa Setyembre 14, kauna-unahang pipili ang mga botante sa Bangsamoro ng kanilang mga kinatawan sa Bangsamoro Parliament, isang mahalagang yugto sa pagpapatatag ng parliamentary form of government sa rehiyon.

✍ Ulat ni Nosaira Gasmala, S'bang Ka Marawi Reporter

Sanggunian

National Movement for Free Elections. (2025, September 6). in action. NAMFREL Lanao del Sur observed the delivery of Automated Counting Machines (ACMs) on September 5 at the Municipal [Status update]. Facebook. https://www.facebook.com/100064472482903/posts/1536588121833589/

10/09/2026

𝗠𝗴𝗮 𝗦𝗰𝗵𝗼𝗼𝗹 𝗣𝗿𝗶𝗻𝗰𝗶𝗽𝗮𝗹 𝘀𝗮 𝗠𝗮𝗴𝘂𝗶𝗻𝗴, 𝗽𝗶𝗻𝘂𝗹𝗼𝗻𝗴 𝗯𝗶𝗹𝗮𝗻𝗴 𝗯𝗮𝗵𝗮𝗴𝗶 𝗻𝗴 𝗽𝗮𝗴𝗵𝗮𝗵𝗮𝗻𝗱𝗮 𝘀𝗮 𝗕𝗔𝗥𝗠𝗠 𝗘𝗹𝗲𝗰𝘁𝗶𝗼𝗻

MAGUING, LANAO DEL SUR — Pinulong ng Commission on Elections (COMELEC) sa Maguing ang mga school principal sa munisipalidad bilang bahagi ng patuloy na paghahanda para sa nalalapit na BARMM Parliamentary Election.

Pinangunahan ni Election Officer Amera M. Hadji Sarip ang pagpupulong na nakatuon sa mga kinakailangang paghahanda ng mga paaralang magsisilbing voting centers sa araw ng halalan.

Kabilang sa mga tinalakay ang kahandaan ng mga paaralan, maayos na paggamit at pag-aayos ng mga voting precinct, koordinasyon sa pagitan ng school officials at election personnel, gayundin ang iba pang mga usaping may kaugnayan sa ligtas at maayos na daloy ng halalan.

Binigyang-diin ni Hadji Sarip ang mahalagang papel ng mga school principal at iba pang stakeholders sa pagtiyak na magiging handa ang bawat voting center bago ang araw ng halalan.

Samantala, inaasahang magpapatuloy ang koordinasyon ng COMELEC, mga paaralan, lokal na pamahalaan, at mga security personnel habang papalapit ang halalan upang matugunan ang mga kinakailangang paghahanda at mapanatili ang kaayusan sa mga voting center.

Hinihikayat naman ang mga botante na manatiling nakatutok sa mga opisyal na anunsyo at abiso ng COMELEC para sa mga napapanahong impormasyon kaugnay ng halalan.

✍📷 Ulat at kuha ni Pidi Panondi, S'bang Ka Marawi Patroller

09/09/2026

𝗣𝗮𝗺𝗶𝗹𝘆𝗮𝗿 𝗸𝗮 𝗻𝗮 𝗯𝗮 𝘀𝗮 𝗺𝗴𝗮 𝗸𝗮𝗻𝗱𝗶𝗱𝗮𝘁𝗼 𝘀𝗮 𝗶𝘆𝗼𝗻𝗴 𝗣𝗮𝗿𝗹𝗶𝗮𝗺𝗲𝗻𝘁𝗮𝗿𝘆 𝗗𝗶𝘀𝘁𝗿𝗶𝗰𝘁?

Limang araw na lamang bago ang 2026 BARMM Parliamentary Election sa Setyembre 14, 2026. Sa unang parliamentary election ng BARMM, boboto ang mga rehistradong botante para sa kanilang kinatawan sa parliamentary district.

May 32 single-member parliamentary districts sa BARMM, kung saan bawat distrito ay may ihahalal na isang District Representative.

📌 Bago bumoto, alamin muna:
• Anong parliamentary district ang kinabibilangan mo;
• Sino-sino ang mga kandidato sa iyong distrito; at
• Ano ang kanilang mga plataporma, kwalipikasyon, at rekord sa paglilingkod.

Tandaan: District Representative lamang mula sa iyong sariling distrito ang maaari mong piliin para sa posisyong ito. Kaya mahalagang maging mapanuri at kumuha ng impormasyon mula sa mapagkakatiwalaang sources bago bumoto.

✍🎨Sulat at Likha ni Ayesha Tale, S'bang Ka Marawi Reporter

Sanggunian:

Commission on Elections. (2026, May 13). Tentative list of candidates in connection with the 2026 the Bangsamoro Autonomous Region of Muslim Mindanao (BARMM) parliamentary elections (2026 BPE). Republic of the Philippines Commission on Elections. https://www.comelec.gov.ph/?r=2025BARMMPE/260513_BARMMPE_TentativeCLC

09/09/2026

𝗣𝗮𝗸𝗮𝗯𝗮𝗴𝗲𝗿𝗲𝗻 𝘀𝗼 𝗼𝗴𝗼𝗽 𝗸𝗼 𝗸𝗮𝗺𝗯𝗮𝗹𝗶𝗻𝗴𝗮𝗻 𝗮𝗴𝗼 𝗺𝗮𝗿𝗮𝘁𝗮𝗯𝗮𝘁 𝗼 𝗺𝗴𝗮 𝘁𝗮𝘄 𝘀𝗮 𝗠𝗮𝗿𝗮𝘄𝗶

Patuloy na umaapela ng tulong ang mga residenteng bakwit sa Pamayandeg Ranao Residences at Dansalan (PRRD) Permanent Shelter sa Mipantao Gadongan dahil sa kawalan ng sapat at permanenteng suplay ng tubig sa kanilang relocation site.

Ayon kay Nashiba Usman, kilala bilang "Ate Flower" at kasalukuyang Presidente ng PRRD Permanent Shelter, dahil sa matinding pangangailangan ng shelter, napilitan silang lumipat at tirhan ang mga ipinagkaloob na pabahay—kahit wala itong akses sa malinis na tubig.

Binigyang-diin ni Ate Flower na napakahalaga ng tubig sa kanilang pang-araw-araw na buhay, lalo na sa pagsasagawa ng ablution (abdas) at mga gawaing-bahay.

Paliwanag niya, dating may water reservoir na ibinigay ang Provincial Government ng Lanao del Sur noong 2024 ngunit dalawang taon na itong hindi nagagamit mula nang masira. Umaabot sa humigit-kumulang ₱100,000 ang kinakailangang pondong pampaayos dito—halagang hindi kayang likumin ng mga residente.

Bagama’t mayroong pampublikong water rationing na nakararating sa lugar, iginiit ng pamunuan ng shelter na hindi ito sapat upang matugunan ang pangangailangan ng buong komunidad.

Nawawalan man ng pag-asa dahil sa mahabang panahon ng pagtitiis, patuloy na nanawagan ang mga IDPs katulad ni Ate Flower sa mga kinauukulan na maayos ang kanilang sistema ng tubig upang maipagtanggol at maitaguyod ang dignidad ng bawat pamilya sa Marawi.

This video is produced by IDEALS, Inc., in partnership with
S'bang ka Marawi and S'bang Ka Mindanao, and supported by Brot für die Welt.

Filmed by Dada Grifon/Griply Multimedia Productions
Edited by Ronald M. Sayson/S’bang Ka Marawi

09/09/2026

𝗣𝗼𝗹𝗹 𝗪𝗮𝘁𝗰𝗵𝗲𝗿𝘀, 𝗸𝗮𝘁𝘂𝘄𝗮𝗻𝗴 𝘀𝗮 𝗽𝗮𝗴𝗯𝗮𝗯𝗮𝗻𝘁𝗮𝘆 𝘀𝗮 𝗶𝗻𝘁𝗲𝗴𝗿𝗶𝗱𝗮𝗱 𝗻𝗴 𝗕𝗔𝗥𝗠𝗠 𝗘𝗹𝗲𝗰𝘁𝗶𝗼𝗻

Inaasahang magiging mahalagang bahagi ng pagbabantay sa integridad ng unang Bangsamoro Autonomous Region in Muslim Mindanao (BARMM) Parliamentary Election ang mga duly accredited poll watchers na itatalaga sa mga polling place sa Setyembre 14.

Ang mga watcher ang nagsisilbing kinatawan ng mga kandidato, political party o coalition, participating organizations at accredited citizens' arms upang direktang maobserbahan ang mga proceedings ng Electoral Board at matukoy ang mga posibleng iregularidad sa araw ng halalan.

Sa ilalim ng Bangsamoro Electoral Code, maaaring magtalaga ng dalawang watcher sa bawat polling place na magsisilbing alternately. Nangangahulugan ito na hindi awtomatikong sabay na mananatili sa loob ng polling place ang dalawang watcher na itinalaga ng isang kandidato, partido o kwalipikadong grupo.

May karapatan ang mga watcher na manatili sa itinalagang lugar para sa kanila, obserbahan ang proceedings ng Electoral Board at gumawa ng notes tungkol sa kanilang nakikita o naririnig. Maaari rin silang maghain ng protesta laban sa anumang iregularidad o paglabag sa batas na kanilang napansin.
Ngunit may mga malinaw ding limitasyon sa kanilang pagkilos.

Habang isinasagawa ang voting, hindi maaaring pumasok ang watcher sa lugar na nakalaan para sa mga botante at Electoral Board, o makihalubilo at makipag-usap sa mga botante. Layunin nito na maiwasan ang anumang panghihimasok o impluwensiya habang isinasagawa ang pagboto.

Maaari ring magmasid ang watchers sa ilang election proceedings at kumuha ng larawan o video kung pinahihintulutan ng rules, kabilang ang Final Testing and Sealing, counting of votes, transmission at printing ng election returns. Gayunman, kailangang mapanatili sa lahat ng pagkakataon ang secrecy of the ballot.

Partikular na ipinagbabawal ang pagkuha ng larawan, image o video habang nagsha-shade ang botante ng kanyang balota at habang ipinapasok ito sa Vote Counting Machine (VCM). Ang paglabag sa probisyong ito ay itinuturing na election offense.

Kabilang sa mga dapat bantayan ng watchers ang posibleng hindi awtorisadong pakikialam sa balota, hindi wastong pag-assist sa botante, panghihimasok sa trabaho ng Electoral Board, at iba pang kilos na maaaring makaapekto sa malaya at patas na proseso ng pagboto.

Gayunpaman, hindi nangangahulugang dapat makipagtalo o makipagkomprontasyon ang watcher kapag may napansing problema. Sa halip, dapat nilang idokumento ang insidente at gamitin ang itinakdang proseso ng paghahain ng protesta. Sa ilalim ng rules, may karapatan ang watcher na maghain ng protesta at humingi sa Electoral Board ng certificate tungkol sa naturang protesta at sa magiging resolusyon dito.

Sa unang parliamentary election ng BARMM, mahalaga ang papel ng mga watcher bilang karagdagang mata sa loob ng polling place. Ngunit kasabay ng kanilang karapatan ay ang responsibilidad na manatiling maayos, neutral sa proseso ng pagboto at hindi makagambala sa mga botante at Electoral Board.

✍Ulat ni Norhana Naik, S'bang Ka Marawi Reporter

Mga Sanggunian:

Commission on Elections. (2026, March 6). Resolution No. 11203: The 2026 implementing rules and regulations of the Bangsamoro Autonomy Act (BAA) No. 35, as amended by BAA No. 88, otherwise known as the "Bangsamoro Electoral Code of 2023". https://www.comelec.gov.ph/index.html?r=2025BARMMPE/Resolutions/res11203

Bangsamoro Transition Authority. (2023, March 8). Bangsamoro Autonomy Act No. 35: Bangsamoro Electoral Code of 2023 (Art. VII). Official Gazette of the Bangsamoro Autonomous Region in Muslim Mindanao. https://officialgazette.bangsamoro.gov.ph/2023/05/04/bangsamoro-autonomy-act-no-35/

08/09/2026

𝗠𝗴𝗮 𝗯𝗮𝗿𝗮𝗻𝗴𝗮𝘆 𝗰𝗮𝗽𝘁𝗮𝗶𝗻 𝗮𝘁 𝗶𝗯𝗮 𝗽𝗮𝗻𝗴 𝗹𝗼𝗰𝗮𝗹 𝗼𝗳𝗳𝗶𝗰𝗶𝗮𝗹𝘀, 𝗵𝗶𝗻𝗱𝗶 𝗻𝗮 𝗽𝗮𝗽𝗮𝘆𝗮𝗴𝗮𝗻𝗴 𝗺𝗮𝗻𝗮𝘁𝗶𝗹𝗶 𝘀𝗮 𝗹𝗼𝗼𝗯 𝗻𝗴 𝗽𝗿𝗲𝘀𝗶𝗻𝘁𝗼 𝗺𝗮𝘁𝗮𝗽𝗼𝘀 𝗯𝘂𝗺𝗼𝘁𝗼 𝘀𝗮 𝗕𝗣𝗘

Hindi na papayagang manatili o tumambay sa loob ng mga voting center ang mga kapitan ng barangay at iba pang elected officials matapos nilang maipasok ang kanilang mga balota sa gaganaping kauna-unahang Bangsamoro Parliamentary Elections ngayong Setyembre 14.

Ang paalalang ito ay ipinahayag ni Atty. Renault C. Macarambon, ang outgoing provincial election supervisor ng Lanao del Sur, sa kanyang talumpati noong Biyernes sa ginanap na paglagda sa pledge of commitment para sa isang mapayapa at matapat na halalan. Ayon kay Macarambon, napagkasunduan ang naturang alituntunin sa isang coordinating conference kasama ang Philippine National Police (PNP), Philippine Army, Comelec, mga g**o, at iba pang miyembro ng electoral board.

Bagama't sakop ng pagbabawal ang lahat ng mga pulitiko, partikular na binigyang-diin ang mga kapitan ng bawat barangay dahil sa napapansing gawi ng mga ito sa mga nakalipas na halalan na nananatili sa paligid o loob ng mga presinto. Inatasan din ang mga kapulisan na agarang paalisin sa loob ng presinto ang sinumang mapansing lumalabag sa naturang panuntunan.

"Tanging ang Comelec, mga lehitimong watcher, at mga botante lamang ang pinapayagang manatili sa loob ng voting center," diin ni Macarambon.

Nagpaalala rin ang opisyal sa mga election officer na manatiling walang kinikilingan at maging non-partisan upang makaboto nang malaya ang mga mamamayan.

Samantala, inilipat na si Atty. Renault C. Macarambon sa Maguindanao del Norte noong Lunes, Setyembre 7, alinsunod sa direktiba ni Commission on Elections (COMELEC) Chairman George Erwin Garcia.

Bago ang kanyang reassignment, nagsilbi si Macarambon bilang outgoing Provincial Election Supervisor ng COMELEC sa Lanao del Sur, kung saan naging bahagi siya ng paghahanda at koordinasyon para sa nalalapit na Bangsamoro Parliamentary Election.

Sa kanyang bagong assignment, inaasahang tututok si Macarambon sa mga election-related preparations at operasyon ng COMELEC sa Maguindanao del Norte habang papalapit ang araw ng halalan.

Samantala, itinalaga naman si Atty. Mohammad Nabil Mutia bilang kapalit ni Macarambon sa Lanao del Sur. Siya na ang mangunguna sa mga tungkulin ng provincial election supervisor sa lalawigan, kabilang ang pakikipag-ugnayan sa mga election officers, security forces, electoral boards, at iba pang stakeholder upang matiyak ang maayos na paghahanda at pagpapatupad ng halalan.

✍Ulat ni Nosaira Gasmala, S'bang Ka Marawi Reporter

Sanggunian:

Umel, R. V. (2026, September 6). Barangay captains not allowed to stay inside precincts after casting vote. MindaNews. https://mindanews.com/c3-news/2026/09/barangay-captains-not-allowed-to-stay-inside-precincts-after-casting-vote/

08/09/2026

𝗔𝘀𝘀𝗶𝘀𝘁𝗼𝗿𝘀 𝘀𝗮 𝗺𝗴𝗮 𝗽𝗼𝗹𝗹𝗶𝗻𝗴 𝗽𝗹𝗮𝗰𝗲𝘀, 𝗺𝗮𝗵𝗶𝗴𝗽𝗶𝘁 𝗻𝗮 𝗯𝗮𝗯𝗮𝗻𝘁𝗮𝘆𝗮𝗻 𝘀𝗮 𝗕𝗔𝗥𝗠𝗠 𝗣𝗮𝗿𝗹𝗶𝗮𝗺𝗲𝗻𝘁𝗮𝗿𝘆 𝗘𝗹𝗲𝗰𝘁𝗶𝗼𝗻

Mahigpit na babantayan ang papel ng mga assistor sa mga polling place sa nalalapit na kauna-unahang Bangsamoro Autonomous Region in Muslim Mindanao (BARMM) Parliamentary Election sa Setyembre 14, 2026 upang matiyak na ang mga botanteng nangangailangan ng tulong ay makaboto nang malaya at walang panghihimasok.

Sa ilalim ng mga panuntunan para sa BARMM Parliamentary Election, maaaring magkaroon ng assistor ang isang botanteng nangangailangan ng tulong sa pagboto, kabilang ang mga botanteng may kapansanan o hindi marunong bumasa at sumulat. Gayunpaman, may mga itinakdang kondisyon kung sino ang maaaring maging assistor at kung paano dapat isagawa ang pag-assist.

Mahalagang tandaan na ang isang assistor, maliban sa miyembro ng Electoral Board (EB), ay 𝗵𝗶𝗻𝗱𝗶 𝗺𝗮𝗮𝗮𝗿𝗶𝗻𝗴 𝘂𝗺𝗮𝗹𝗮𝗹𝗮𝘆 𝘀𝗮 𝗵𝗶𝗴𝗶𝘁 𝘀𝗮 𝘁𝗮𝘁𝗹𝗼𝗻𝗴 (𝟯) 𝗯𝗼𝘁𝗮𝗻𝘁𝗲. Layunin ng limitasyong ito na maiwasan ang sitwasyon kung saan iisang tao ang paulit-ulit na humahawak o gumagabay sa maraming botante, na maaaring magdulot ng pagdududa sa kalayaan at pagiging lihim ng kanilang pagboto.

Dapat ding manggaling mismo sa botante ang pahintulot para sa isang tao na tumulong sa kanya. Kung kinakailangan, maaaring tumulong ang isang kwalipikadong kamag-anak o taong pinagkakatiwalaan ng botante, alinsunod sa mga itinakdang panuntunan.

Hindi rin nangangahulugan ang pagiging assistor na maaari niyang piliin kung sino ang iboboto ng botante. Ang tungkulin niya ay tumulong lamang sa aktuwal na proseso ng pagboto batay sa malinaw na instruksyon ng botante. Kailangang mapanatili ang secrecy of the ballot at hindi dapat ibunyag ng assistor kung paano bumoto ang tinulungan niyang botante.

Dahil dito, dapat maging mapagmatyag ang mga election observer, watchers at media workers sa mga sitwasyong maaaring magpahiwatig ng panghihimasok sa desisyon ng botante. Kabilang dito ang paulit-ulit na pag-assist ng isang tao sa maraming botante, pagdidikta kung sino ang dapat iboto, o anumang kilos na maaaring makompromiso ang pagiging lihim ng balota.

Mahalaga ring maitala nang maayos ang anumang insidente na may kaugnayan sa pag-assist. Sa halip na makialam mismo sa proseso, dapat sundin ng mga observer at watchers ang tamang mekanismo ng pag-uulat at paghahain ng reklamo sa Electoral Board o sa kinauukulang election authorities.

Sa unang parliamentary election ng BARMM, ang wastong pag-assist ay mahalagang bahagi ng pagtiyak na walang botanteng maiiwan dahil lamang sa kanyang pisikal na kalagayan o kakayahang bumasa at sumulat. Kasabay nito, ang mahigpit na pagsunod sa mga panuntunan ay kinakailangan upang maprotektahan ang bawat botante laban sa pamimilit, manipulasyon at hindi awtorisadong impluwensiya.

✍ Ulat ni Norhana Naik, S'bang Ka Marawi Reporter

Sanggunian:

Commission on Elections. (2026, March 6). Resolution No. 11203: The 2026 implementing rules and regulations of the Bangsamoro Autonomy Act (BAA) No. 35, as amended by BAA No. 88, otherwise known as the "Bangsamoro Electoral Code of 2023". https://www.comelec.gov.ph/index.html?r=2025BARMMPE/Resolutions/res11203

Bangsamoro Transition Authority. (2023, March 8). Bangsamoro Autonomy Act No. 35: Bangsamoro Electoral Code of 2023 (Art. VII). Official Gazette of the Bangsamoro Autonomous Region in Muslim Mindanao. https://officialgazette.bangsamoro.gov.ph/2023/05/04/bangsamoro-autonomy-act-no-35/

Address

Telephone

+639202514207

Website

facebook.com

Alerts

Be the first to know and let us send you an email when S'bang ka Marawi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to S'bang ka Marawi:

Want your business to be the top-listed Media Company?

Country:

City:

S'bang ka Marawi

11/09/2026

11/09/2026

11/09/2026

10/09/2026

10/09/2026

09/09/2026

09/09/2026

09/09/2026

08/09/2026

08/09/2026

Address

Telephone

Website

Alerts

Contact The Business

Shortcuts

Share

Listing takedown request