S'bang ka Marawi

03/11/2025

Sa mahabang panahon, kilala ang Butig bilang bayan na minsang nasadlak sa kaguluhan. Ngunit sa likod ng mga sugat ng nakaraan, unti-unting umuusbong ang mga kwento ng muling pagbangon, pagkakaisa, at pag-asa ng mga mamamayan.
Panoorin ang “𝙇𝙖𝙠𝙗𝙖𝙮 𝘽𝙪𝙩𝙞𝙜”, isang dokumentaryong sumasalamin sa tunay na mukha ng bayan—ang mga taong patuloy na nagsisikap itaguyod ang kapayapaan at kaunlaran sa kabila ng mga hamon ng kasaysayan.
—----------------------------------------------------------------
As part of our continuing efforts to amplify Bangsamoro voices and uphold the right to self-governance through informed storytelling, this story was produced under the Story Grants and Mentorship of the 1st Journalism Training for S'bang Ka Mindanao by Probe Media Foundation, Inc. and Probe, with support from IMS (International Media Support) and funding from the European Union and the Danish Ministry of Foreign Affairs.

25/10/2025

17/10/2025

Bilang bahagi ng paggunita sa Marawi Liberation, pakinggan ang salaysay ng isang internally displaced person (IDP) mula sa Marawi City—isang tinig na patuloy na nananawagan para sa ganap na pagbangon at pagkakaroon ng permanenteng tirahan.

✍️Janisah M. H.Ali, S'bang Ka Marawi Patroller

17/10/2025

𝟴 𝗧𝗮𝗼𝗻 𝗻𝗴 𝗣𝗮𝗴𝗹𝗮𝘆𝗮, 𝗠𝗮𝗿𝗮𝘄𝗶 𝗖𝗶𝘁𝘆 𝗣𝗮𝘁𝘂𝗹𝗼𝘆 𝗽𝗮 𝗿𝗶𝗻 𝗮𝗻𝗴 𝗣𝗮𝗴𝗯𝗮𝗻𝗴𝗼𝗻 🌅🕊

Ngayong Oktubre 17, 2025, ginugunita natin ang ika-walong anibersaryo ng paglaya ng Marawi City mula sa kamay ng terorismo.

Noong 2017, matapos ang halos limang buwang labanan, idineklara ni dating Pangulong Rodrigo Roa Duterte ang ganap na kalayaan ng lungsod—isang makasaysayang araw ng tapang, sakripisyo, at pag-asa.

Sa paggunita ngayon, taas-noong inaalala natin ang mga bayani ng Marawi—mga sundalo, pulis, at sibilyang nag-alay ng buhay—at ang mga pamilyang nawalan ng tahanan at kabuhayan.

Ang paggunita sa ika-walong anibersaryo ay hindi lang pag-alala sa nakaraan, ito ay simbolo ng patuloy na paghingi ng hustisya ng mga IDPs upang tuluyan na nilang makamit ang kanilang mga karapatan at makabalik ng muli sa kanilang mga tahanan.

✍️Fayzah Inshirah Cosna A. Ala, S'bang Ka Marawi Patroller

03/10/2025

𝗜𝘀𝗮𝗻𝗴 𝗵𝗮𝗸𝗯𝗮𝗻𝗴 𝗽𝗮𝘀𝘂𝗹𝗼𝗻𝗴 𝗽𝗮𝗿𝗮 𝘀𝗮 𝗸𝗮𝗽𝗮𝘆𝗮𝗽𝗮𝗮𝗻 𝗮𝘁 𝘁𝘂𝗹𝗼𝘆-𝘁𝘂𝗹𝗼𝘆 𝗻𝗮 𝗽𝗮𝗴𝗯𝗮𝗯𝗮𝗵𝗮𝗴𝗶 𝗻𝗴 𝗶𝗺𝗽𝗼𝗿𝗺𝗮𝘀𝘆𝗼𝗻!🎙

Pormal nang naipamahagi at na-install ng IDEALS, Inc. Inc. ang kumpletong Community Media Equipment sa anim (6) na shelter areas ng Bakwit Village, Boganga, Pagalamatan, Hadiya Village, PRRD Mipantao Gadongan at Norsalam Village noong October 1-2, 2025.

Sa pamamagitan ng mga kagamitang ito, mas magkakaroon pa ng kakayahan ang ating mga IDP community broadcasters na patuloy pa ring maghatid ng mahahalagang impormasyon, magkuwento ng mga karanasan, suliranin at palakasin ang tinig ng kanilang mga komunidad.

Ang proyektong ito ay bahagi ng na suportado ng Brot für die Welt (Bread for the World)—isang hakbang upang masig**o na ang mga kuwento ng pag-asa, kapayapaan, at pagbabago ay maririnig sa bawat tahanan.🕊️📻

📻Abangan ang iba'tibang kwentong maririnig mula sa mga IDPs Community broadcasters at ang kanilang mga inisyatibo sa pagpapanatili ng kapayapaan sa kanilang mga komunidad.

'bangKaMarawi 🎥

03/10/2025

🎙𝟭𝘀𝘁 𝗖𝗼𝗺𝗺𝘂𝗻𝗶𝘁𝘆 𝗠𝗲𝗱𝗶𝗮 𝗧𝗿𝗮𝗶𝗻𝗶𝗻𝗴 𝗽𝗮𝗿𝗮 𝘀𝗮 𝗺𝗴𝗮 𝗜𝗗𝗣 𝗖𝗼𝗺𝗺𝘂𝗻𝗶𝘁𝘆 𝗕𝗿𝗼𝗮𝗱𝗰𝗮𝘀𝘁𝗲𝗿𝘀, 𝗦𝗨𝗠𝗔𝗞𝗦𝗘𝗦!

Muling nagsama-sama sa unang Community Media Training ang mga Trained IDP Community Broadcasters mula sa Boganga, Bakwit Village, Pagalamatan, Hadiya Village, Norsalam Village at PRRD Mipantao Gadongan noong September 29, 2025 sa Raheema Weaving Peace Bridging Opportunities, MSU, Marawi City.

Layunin ng mahalagang pagsasanay na ito na palalimin ang kanilang pag-unawa sa human rights education bilang mga IDPs. Sa pamamagitan nito, masisig**o na ang mga boses ng mga apektadong komunidad ay maririnig at makatutulong sa pagtataguyod ng kapayapaan, community engagement, at pananagutan.

Pinangunahan ni Raheema Weaving Peace Program Coordinator Apasrah Bani ang unang sesyon kung saan tinalakay niya ang kahalagahan ng pagkilala at pagtatanggol sa karapatang pantao ng mga IDPs at iba pang sektor na nasa bingit ng kahinaan.

Para naman sa huling diskusyon, nakasama ng mga IDPs ang mga tagapagsalita mula sa Marawi Compensation Board (MCB). Tinalakay nina Atty. Rofaidah Musa, Atty. Norhamid Arumpac, at Johary B. Lumna ang mahahalagang impormasyon tungkol sa lupa, tirahan, at ang proseso ng kompensasyon para sa mga biktima ng Marawi Siege.

Bukod sa kanilang talakayan, nagkaroon din ng Q&A portion kung saan nagtanong ang mga IDPs tungkol sa mga detalye ng kompensasyon—mula sa requirements, proseso ng aplikasyon, hanggang sa inaasahang timeline ng pagbibigay ng benepisyo. Ang bukas na talakayan ay nagbigay ng kasiguruhan at karagdagang kaalaman sa mga IDPs, na siyang magsisilbing gabay ng mga broadcasters sa pagbabahagi ng tumpak at kapaki-pakinabang na impormasyon sa kani-kanilang komunidad.

Ang proyektong ito ay bahagi ng na suportado ng Brot für die Welt (Bread for the World). Sa pamamagitan nito, mas pinatatag ang tinig ng mga IDP community broadcasters bilang tagapaghatid ng balita at maging boses ng katotohanan.

'bangKaMarawi

01/10/2025

𝗧𝗜𝗡𝗚𝗡𝗔𝗡: 𝗕𝗔𝗥𝗠𝗠 𝗘𝗟𝗘𝗖𝗧𝗜𝗢𝗡𝗦, 𝗛𝗜𝗡𝗗𝗜 𝗡𝗔 𝗠𝗔𝗧𝗨𝗧𝗨𝗟𝗢𝗬 𝗦𝗔 𝗢𝗞𝗧𝗨𝗕𝗥𝗘 𝟭𝟯, 𝟮𝟬𝟮𝟱

Hindi na matutuloy sa itinakdang petsa, Oktubre 13, 2025 ang kauna-unahang parliamentary election ng Bangsamoro Autonomous Region in Muslim Mindanao (BARMM). Ito ay matapos ideklara ng Korte Suprema (SC) na unconstitutional ang ilang probisyon ng Bangsamoro Autonomy Act.

Kinatigan ng SC ang petisyon laban sa Bangsamoro Autonomy Act No. 58 at Bangsamoro Autonomy Act No. 77 na naglalayong i-redistribute ang mga parliamentary districts na orihinal na nakalaan para sa probinsya ng Sulu. Ang desisyong ito ng Korte ay epektibong nagpawalang-bisa sa nakatakdang halalan ngayong buwan.

Ayon kay SC spokesperson Atty. Camille Ting, inaatasan ngayon ang Bangsamoro Transition Authority (BTA) na makapagdesisyon at makumpleto ang pag-aayos sa mga parliamentary districts bago sumapit ang Oktubre 30, 2025.

Samantala, inutos naman ng Korte Suprema sa Commission on Elections (COMELEC) na isagawa ang BARMM elections sa loob ng hindi lalampas sa Marso 2026.

Ang pagpapaliban sa halalan ay inaasahang magbibigay-daan sa BTA na makasunod sa Konstitusyon at maayos na maisaayos ang representasyon ng mga distrito bago isagawa ang makasaysayang unang regular na halalan ng rehiyon.

25/09/2025

Ngayong Oktubre 13, 2025, tatlong bahagi ng balota ang iyong pipilihan. Pakinggan at panoorin si 𝙎'𝙗𝙖𝙣𝙜 𝙆𝙖 𝙈𝙖𝙧𝙖𝙬𝙞, 𝘼𝙮𝙚𝙨𝙝𝙖 𝘼. 𝙏𝙖𝙡𝙚 para matutunan ang nilalaman ng balotang gagamitin para sa BARMM Election 2025.

25/09/2025

Bago ang unang parliamentary election sa Bangsamoro Autonomous Region in Muslim Mindanao (BARMM) sa Oktubre 13, inalam ni 𝙎'𝙗𝙖𝙣𝙜 𝙆𝙖 𝙈𝙖𝙧𝙖𝙬𝙞 𝙋𝙖𝙩𝙧𝙤𝙡𝙡𝙚𝙧, J𝙖𝙣𝙞𝙨𝙖𝙝 𝙈. 𝙃.𝘼𝙡𝙞 ang pulso ng mga residente sa Marawi. Panoorin natin at alamin ano-ano kaya ang kanilang pakiramdam at ano ang katangian ng kandidatong nais nilang mahalal?

21/09/2025

"𝗜𝗞𝗨𝗟𝗢𝗡𝗚 𝗡𝗔 𝗜𝗬𝗔𝗡 𝗠𝗚𝗔 𝗞𝗨𝗥𝗔𝗞𝗢𝗧"

Nag-uumapaw sa galit at panawagan ang mga mag-aaral, g**o, at residente ng Marawi City na nagtipon-tipon nitong Setyembre 21, 2025 bilang pakikiisa sa malawakang kilos-protesta laban sa mga anomalyang nangyayari sa pamahalaan.

Hindi lamang ito isang simpleng protesta, kundi isang pagpapaalala na ang nakaw na yaman ng bayan ay direktang sumisira sa kinabukasan ng bawat Pilipino. Ito ay nagpapakita ng direktang epekto ng korapsyon—isang kinabukasan na puno ng pagdurusa para sa mga susunod na henerasyon.

Ito ay panawagan para sa pananagutan. Panawagan para sa hustisya. At panawagan para sa pagkakaisa sa pagtindig laban sa mga magnanakaw sa gobyerno na patuloy na nanamantala sa kaban ng bayan.

📸 Ruffa Mae Siarza
✍️ Janisah M. H.Ali, S'bang Ka Marawi Patroller

21/09/2025

𝗣𝗮𝗴-𝗮𝗹𝗮𝗹𝗮 𝘀𝗮 𝗕𝗮𝘁𝗮𝘀 𝗠𝗶𝗹𝗶𝘁𝗮𝗿: 𝗠𝗴𝗮 𝗘𝘀𝘁𝘂𝗱𝘆𝗮𝗻𝘁𝗲 𝗻𝗴 𝗠𝗦𝗨-𝗠𝗮𝗿𝗮𝘄𝗶, 𝗟𝘂𝗺𝗮𝗵𝗼𝗸 𝘀𝗮 𝗡𝗮𝘁𝗶𝗼𝗻𝘄𝗶𝗱𝗲 𝗻𝗮 "𝗧𝗿𝗶𝗹𝗹𝗶𝗼𝗻 𝗣𝗲𝘀𝗼 𝗠𝗮𝗿𝗰𝗵" 𝗟𝗮𝗯𝗮𝗻 𝘀𝗮 𝗞𝗮𝘁𝗶𝘄𝗮𝗹𝗶𝗮𝗻

Kaisa ang mga mag-aaral ng Mindanao State University, Main Campus Marawi City at iba pang lokal na grupo sa nationwide na pagkilos ngayong Setyembre 21, 2025. Sa paggunita sa ika-53 anibersaryo ng proklamasyon ng Martial Law, nagmartsa sila para manawagan ng pananagutan sa gobyerno, kabilang na ang pagkontra sa malawakang korapsyon na sumisira sa kaban ng bayan.

Ang isinagawang kilos-protesta sa loob ng unibersidad ay bahagi ng pagsuporta at pahayag ng kanilang galit sa nangyayaring corruption sa mga flood control projects at iba pang anomalya sa gobyerno na nagpapahirap sa mga Pilipino.

Bukod sa isyu ng korapsyon, idiniin din ng mga raliyista ang pangangailangan ng hustisya para sa mga biktima ng digmaan sa Marawi. Muli nilang ipinaalala ang mga internally displaced persons (IDPs) na hanggang ngayon ay hindi pa rin nakakabalik sa kanilang mga tahanan at patuloy na naghihintay ng accountability at tulong mula sa pamahalaan.

Mahigit 30 organisasyon mula sa MSU-Marawi ang nakilahok sa rally. Sa pamamagitan ng kanilang pagkilos, ipinakita nila na ang panawagan para sa kapayapaan ay hindi lang nangangahulugan ng paghinto ng karahasan, kundi pati na rin ng paglaban sa katiwalian at kawalang-katarungan na ugat ng mga problema sa lipunan.

✍️ Fayzah Inshirah Cosna A. Ala, S'bang Ka Marawi Patroller

17/09/2025

Interim Chief Minister Abdulraof Macacua said the Supreme Court’s issuance of a Temporary Restraining Order (TRO) on the implementation of Bangsamoro Autonomy Act (BAA) 77 or the redistricting law that distributed the seven parliamentary district seats originally intended for Sulu to the other Bangsamoro areas, does not invalidate the law.

“The TRO merely halts its enforcement pending the final resolution of the petitions,” Macacua said, adding that the law “remains a valid enactment of the Bangsamoro Transition Authority Parliament, which enjoys the presumption of regularity, until such time that the Court renders its final judgment.”

Macacua said the Bangsamoro Government will file its comment within the prescribed period, confident that it would be able to “present our position and uphold the mandate entrusted to us under the Bangsamoro Organic Law.”

via MindaNews https://ift.tt/ma0r5Oy