18/07/2025
LOOK: PAGTAAS SANG LEBEL SANG TUBIG SA AGANAN RIVER KAG DAM SA BANWA SANG SAN MIGUEL
Ginapanugyanan sang lokal nga pamunu-an sang San Miguel ang mga Pumuluyo nga naga istar malapit sang Dam kag Aganan river nga mag aligmat bangod sa pagtaas sang tubig dala sang pag-ulan dulot sang Habagat kag Bagyong Crising.
Yari ang post sa official page ni Boning Salapantan:
⚠️ Ano ang Dapat Himuon:
1. Magpamati kag magmonitor sang opisyal nga mga pahibalo ukon alert level halin sa lokal nga gobyerno ukon MDRRMO.
2. Magpreparar sang emergency go-bag – may unod nga importante nga dokumento, pagkaon, inumon nga tubig, bulong, flashlight, kag extra nga bayo.
3. Likawan ang pagtabok sa suba ukon pagkadto sa mga lugar nga delikado sa baha kag landslide.
4. Sundon gilayon ang mando sa evacuation kon ini ginahatag sang mga awtoridad.
5. Buligi kag i-check ang mga kasilingan kag himata nga yara sa mga delikado nga lugar.
6. I-report ang mga insidente pareho sang mabaskug nga pagbaha, pagdahili sang duta, ukon iban pa nga emerhensya paagi sa pag-message sa aton MDRRMO.
📩 Palihog mag-message sa sini nga page ukon sa MDRRMO San Miguel kon may mga insidente, reklamo, ukon kinahanglan nga bulig bangud sa mabaskug nga ulan ukon pagbaha.
Maghalong kita tanan kag padayon nga magpamati sa opisyal nga mga pahibalo.
