𝐌𝐨𝐦𝐦𝐲 𝐕𝐚𝐧 𝓡𝓮𝓪𝓵𝓲𝓽𝔂𝓣𝓪𝓵𝓴

27/07/2025

“Huwag naman tayo ang maging dahilan para masira ang binuong pamilya ng kapatid o anak natin.”

27/07/2025

REALITY:

Minsan talaga in-laws (biyenan/bayaw/hipag/bilas) ang nagiging dahilan kaya nagkakaroon ng problema ang ibang mag-asawa. Minsan nag-uugat ito sa sobrang panghihimasok at panghihingi.

27/07/2025

Mas malinaw na siguro ito. 👇

27/07/2025

To be honest, kapag nakakabasa ako ng comments na “too risky to share”, mas nangingibabaw sa akin ‘yung naaawa ako sa iba kaysa sa natatawa. I feel sorry and sad sa ibang nakakaranas ng hindi maganda sa kani-kanilang relasyon sa buhay. Praying for you. 🙏

27/07/2025

Ano sa tingin ninyo?

27/07/2025

Maawa kayo dahil baka mamaya magkasakit na ‘yan sa sobrang pressure, lalong wala kayong aasahan. Kilos kilos na rin kung malakas pa naman.

27/07/2025

Masarap magkaroon ng magulang na hindi nang-oobliga ng anak in the same manner na masarap magkaroon ng anak na kusang nagbibigay sa magulang. ❤️

“Hindi ni’yo kami kailangang bigyan. Kung magbibigay kayo, salamat. Kung hindi naman, okay lang. Ang importante sa amin, gumanda ang buhay ninyo balang araw.”

Parents who say these lines are the type na hindi nang-oobliga ng mga anak. They are the ones who are open-minded in saying na kapag nagsipag-asawa na ang anak nila, kailangan nang mag-focus sa binuo nilang pamilya.

Parents like this, sila ‘yung masarap bigyan dahil hindi nampre-pressure — ‘yung hindi nanunumbat at hindi pinapamukha sa mga anak nila ‘yung mga ginawa nila. Sila rin ‘yung nagtuturo sa lahat ng anak kung paano maging responsable.

Most importantly, sila ‘yung tipo ng mga magulang na grateful sa kung anuman ang ibigay ng kanilang mga anak.

Thank you so much to every parent who has this kind of mindset.

✍️ 𝐌𝐨𝐦𝐦𝐲 𝐕𝐚𝐧 𝓡𝓮𝓪𝓵𝓲𝓽𝔂𝓣𝓪𝓵𝓴

PS:
Hindi porke hindi ganito ang magulang ay hindi na bibigyan. Nasa mga anak pa rin ‘yan.

27/07/2025

REACTION NG ISANG ANAK SA “ANG ASAWA NAPAPALITAN PERO ANG MAGULANG HINDI”

“Nakakatawa lng isipin na ang madalas nagsasabi ng ganyan ay isang asawa dn. Bago sila naging magulang, naging asawa muna sila, imbes na sila ang umalalay para sa magaan at magandang pagsasama ng anak at manugang, sila pa ang todo effort manira sa pagsasama. Parang mas lalo silang naiinis o nagagalit habang nakikita nila na walang epekto ang mga ginagawang paninira at mas lalong tumitibay ang pagsasama ng mag asawa. Ang mas nakakatawa pa, hindi naman sila pinababayaan, lalo na financially pero nakukulangan pa dn at gusto yata buong oras at pagkatao ng anak nakatuon pa dn ang atensyon sa kanila.”

27/07/2025

REACTION NG ISANG MAGULANG SA “ANG ASAWA NAPAPALITAN PERO ANG MAGULANG HINDI”

“Hilig magpasarap pero di matanggap yung responsibilidad na dapat ginagawa pag nagka-anak na. Di naman pinili ng mga anak nila na mabuhay sa mundong 'to, kahit ako na nanay na ako di ako sang-ayon sa ganiyang mindset kasi pinili ko magpakahirap para sa anak ko. Pinili ko magka-anak at hindi pinili ng anak ko na mabuhay sa mundong to, hindi niya utang na loob ang palakihin at pag-aralin ko siya kasi obligasyon ko iyon. If kusa siyang bibigay edi pasasalamat na iyon pero hindi ko siya pinanganak para controlin at gawing retirement plan.”

27/07/2025

BOTTOMLINE:

Consult your spouse kapag may kailangang bigyan o tulungan. Kapag may extra, go but make sure na may limit dahil baka mamaya ma-compromise naman ang budget ng binuong pamilya. Pero kung sapat lang o di kaya ay gipit, sana maunawaan din ng iba.

Ang siste kasi, kapag may demands ang bawat side at hindi napagbigyan, dyan nagsisimula ang hindi pagkakaunawaan. Remember, kapag pamilyado na ang isang tao, kailangan nating maintindihan na pamilya niya na ang uunahin niya.

MGA PWEDENG GAWIN KAPAG ANG PAMILYA NG ASAWA MO AY LAGING MAY PROBLEMA SA PERA:

1. Magbigay kung ano lang ang kaya ninyong ibigay mag-asawa. Alalahanin ninyo na may sarili rin kayong pamilya kaya dapat needs muna ng binuong pamilya bago sila.

2. I-explain kung bakit hindi ninyo kayang magbigay lalo na kung sapat lang ang pera ninyo. Huwag padadala sa panggi-guilt-trip at pang-oobliga.

3. Hindi kailangang laging magbigay dahil kailangan ding mag-ipon para sa sariling pamilya.

4. Kung kailangang i-realtalk, i-realtalk. Minsan kasi namimihasa na ang iba kapag palaging pinagbibigyan.

5. Laging isipin ang bukas. Kapag bigay ka lang nang bigay, baka kayo naman ang maubusan niyan. Mahirap maghagilap ng taong lalapitan kapag nagkagipitan.

6. Hayaan niyo kung isipin na madamot o makasarili kayo. Ang importante hindi niyo mapapabayaan ang mga anak ninyo.

7. Kausapin ang asawa. Minsan kailangan din silang i-remind na binuong pamilya muna bago ang kinagisnang pamilya. May mga asawa kasi na hindi iniisip ang mararamdaman ng asawa o ng mga anak. May mga asawa rin na madaling mabola at masyadong maawain.

Kung nasa ganitong sitwasyon ka at nahihirapan, always remember na nasa inyong mag-asawa ang solusyon. Pwedeng magbigay basta may limit. Hindi rin masamang tumanggi lalo na kung kayo na ang kakapusin sa kabibigay. Tandaan, mahirap maubusan kaya hinay-hinay lang.

✍️ 𝐌𝐨𝐦𝐦𝐲 𝐕𝐚𝐧 𝓡𝓮𝓪𝓵𝓲𝓽𝔂𝓣𝓪𝓵𝓴

PS:
Ang mga magulang na sobrang tanda na at may sakit ay kailangang tulungan lalo na kung walang ibang aasahan. Period.

27/07/2025

Kung hindi kayang magbigay sa magulang, huwag na ring dumagdag sa sakit ng ulo nila. ✨

27/07/2025

Ganun talaga kapag hindi napagbibigyan. 🤦‍♀️

“Madam0t ka”
“Mak@sarili ka”
“Swap@ng ka”

Ito ang madalas na maririnig mo kapag naglagay ka ng limit at boundaries sa pagtulong o pagbibigay. Kadalasan, nagmumula ito sa mga taong mahilig “umasa” o hindi naman kaya ay sa mga ayaw magbanat ng buto.

Truth be told, hindi tayo obligasyon ng ibang tao dahil lahat tayo ay may kanya-kanyang pasanin sa buhay.

Kung mapagbibigyan tayo, maraming salamat pero kung hindi naman, better luck next time. Hindi natin kailangang mag-asal ampalaya.

Tungkol naman sa pagtulong sa pamilya kahit may sariling pamilya na, tanggapin man natin o hindi, binuong pamilya na ang priority PERO hindi nangangahulugan na kakalimutan at pababayaan na ang mga magulang.

Ang mga magulang na may sakit, matanda na, at wala nang kapasidad magtrabaho ay nararapat lamang na tulungan ng mga anak. Hindi rin naman ibig sabihin na kapag walang sakit ay hindi na bibigyan. Nasa anak ‘yan kung kusa siyang magbibigay. Mas magaan din sa pakiramdam ng isang anak magbigay kapag hindi siya inoobliga.

Masyadong malawak ang saklaw ng usaping ito pero ito lang ang masasabi ko: HINDI KADAMUTAN O PAGIGING MAKASARILI ANG PAGLALAGAY NG BOUNDARIES O LIMIT. Paraan ito para maturuan ang bawat isa kung paano maging responsable at huwag masanay sa hingi at asa.

✍️ 𝐌𝐨𝐦𝐦𝐲 𝐕𝐚𝐧 𝓡𝓮𝓪𝓵𝓲𝓽𝔂𝓣𝓪𝓵𝓴

PS:
You can throw any hurtful words towards anyone creating boundaries, but that won’t eliminate the fact na hindi rin talaga magandang maging tamad at palaasa.