https://www.facebook.com/682721441589100/

Ang Iskolar, Estrella Road, Barangay XIV, Victorias City (2025)

16/09/2025

𝗣𝗔𝗡𝗢𝗢𝗥𝗜𝗡 | Tingnan ang kahanga-hangang entry ni Neio Destine Tingson mula Negros Occidental National Science High School, sa The Capitol Culture Hub Rolling Your Guiding Competition kaakibat sa Negros Occidental 25th Provincial Tourism Week, Setyembre 16, Lungsod ng Bacolod

-

Record ni Daniel Chua mula sa Facebook Live ng Negros Occidental Tourism Division

15/09/2025

𝗣𝗔𝗡𝗢𝗢𝗥𝗜𝗡 | Tingnan si Charles Raye Benedict Anenion mula Negros Occidental National Science High School matapos bigyan ng parangal bilang pagiging kampeon sa 25th Provincial Tourism Quiz Bee Competition, Setyembre 15, Lungsod ng Bacolod.

-

Record ni Daniel Chua mula sa Facebook Live ng Negros Occidental Tourism Division

15/09/2025

𝗞𝗔𝗥𝗔𝗡𝗚𝗔𝗟𝗔𝗡 | SayHay, Kampeon sa Provincial Tourism Quiz Bee 2025

Itinanghal na kampeon si Charles Raye Benedict Anenion mula Negros Occidental National Science High School matapos makipagtagisan sa Negros Occidental 25th Provincial Tourism Quiz Bee Competition, ngayong araw, Setyembre 15, sa Ayala Malls Capitol Center sa Lungsod ng Bacolod.

Nakipagtagisan sa tamang sagot ang mga kalahaok mula sa iba’t ibang paaralan sa nasabing lalawigan, kung saan naging masusi ang kompetisyon dahilan upang sagutin nang tama ang easy, average, at difficult multiple choice questions.

Kinapapalooban ang mga tanong kaugnay sa kasaysayan, turismo, kultura, at iba pa na siyang matutunghayan sa buong Negros Occidental.

Mahigpit ang naging laban ni Anenion matapos naging tie ang iskor sa kalaban sa average level, ngunit hindi nagpatinag ang pambato ng SayHay at nagawang makuha ang pinakamataas na iskor sa 51 out of 60 na puntos at siyang idineklarang kampeon.

“First and foremost, I would like to acknowledge God, my coach—Miss Bornales, and my family for their guidance. This achievement wouldn’t have been possible without them. It was difficult considering I only had a week to study such a broad topic. Pero fortunately, nakaya ko man and namanage maging champion sa provincial quiz bee,” giit ni Anenion.

Sa tulong gabay ni Gng. Jessica Bornales, tagapagsanay, naging matagumpay ang pagkamit ng kampeonato.

-

Balita ni Daniel Chua
Larawan mula kay Charles Raye Anenion

12/09/2025

𝗟𝗔𝗥𝗔𝗪𝗔𝗡 | Tingnan ang mga eksena sa naganap na Beryllus Princeps Pre-Pageant kaakibat sa pagdiriwang ng National Science Club Month, Setyembre 12.

-

Larawang kuha nina Craig Gayatin at Aisha Nicole

12/09/2025

𝗣𝗔𝗚𝗗𝗜𝗥𝗜𝗪𝗔𝗡𝗚 | BP Pre-Pageant: Kandidata’t kandidato, Nagpasiklab ng Galing sa Entablado

Magkadikit ang laban sa pag-rampa at pagpapakitang-gilas ng mga kandidato't kandidata sa entablado ng Negros Occidental National Science High School matapos magpasiklab sa Pre-pageant ngayong pagbubukas ng Science Month nitong ika-12 ng Setyembre sa covered court ng paaralan.

Dala ang pangalan ng bawat klaster, binuksan ang programa sa isang masiglang production number na sinundan ng pagpapakilala ng mga kalahok mula sa iba’t ibang koponan.

Umigting ang kasiyahan nang ipamalas ng mga kandidato ang kanilang talento sa pagkanta, pagsayaw, at pagbigkas ng madamdaming piyesa, na sinuklian ng hiyawan at palakpakan mula sa mga manonood.

Pasok sa Top 3 sina Nell Gabrielle Roa at Maegan Soberano mula sa koponan ng Quantum Enigma (QE), at Seigh Shelly Benedicto mula sa Atomos Vincit Omnia (AVO). Kabilang din sa mga pinarangalan sina Matt Gabriel Balmeo mula sa Quantum Enigma (QE), gayundin sina Kian Andrew Camatura at John Benedict Gansico mula sa Vivus Gaea (VG).

Magtatanghal muli ng kanya-kanyang talento ang mga nasabing kandidato’t kandidata sa BP Coronation Day upang alamin kung sino ang magwawagi sa “Best in Talent.”

Bilang pagtatapos, naghandog ang Beryllus Princeps Science Club ng isang bidyo tampok ang mga nagdaang kaganapan bilang pagbabalik-tanaw sa kasaysayan ng programa at nagtanghal din ng isang awitin si Bb. Rheianne Mabaquiao, isa sa mga hurado na dati ring mag-aaral ng nasabing paaralan.

-

Balita nina Lorraine Bedra at Trixie Zamoras
Larawang kuha ni Aisha Junsay

12/09/2025

𝗣𝗔𝗚𝗗𝗜𝗥𝗜𝗪𝗔𝗡𝗚 ‎| National Science Club Month sa NONSHS, Pinasinayaan
‎
‎Inumpisahang pinasinayaan ang pagdiriwang ng National Science Club Month na may temang “SPATIALYZE: Surveying Societies, Sensing Solutions” ngayong Setyembre 12 sa Negros Occidental National Science High School.
‎
‎Pormal na binuksan ni G. John Rey Ganne Dolorosa, PhD, punongg**o ang selebrasyon, kasunod nito ang pagpapakilala ng mga Klaster, Cluster Advisers, at Cluster Leaders.
‎
‎Nagpalakasan ng kani-kanilang hiyaw at nagtagisan ng galing ang apat na klaster na Atomos Vincit Omnia, Quantum Enigma, Vivus Gaea, at Universitas Beta Vitae sa pagsisimula ng NSCM.
‎
‎Pinalawak ng Beryllus Princeps Science Club ang nasabing programa sa paghahandong ng iba’t ibang paligsahang maka-agham kagaya ng Spatial Splash, Scientist in Training, Bingography, Map Your Words, at Synaptic Grid.

Layunin ng mga nabanggit ay tulungang maging pamilyar ang mga mag-aaral sa mga ideyang may kaugnay sa tema.
‎
‎Tampok sa panghapon na programa ang pre-pageant kung saan ipinamalas ng mga kandidato at kandidata ng bawat klaster ang kanilang natatanging talento bilang bahagi ng selebrasyon.
‎
‎-

‎Balita ni Xyra Lape
Larawang kuha ni Aisha Junsay

12/09/2025

𝗡𝗚𝗔𝗬𝗢𝗡 | Makulay at masigabong na sinalubong ng mga mag-aaral at kaguruan ng Negros Occidental National Science High School ang caravan bilang pagbubukas ng National Science Club Month na may temang “SPATIALYZE: Surveying Societies, Sensing Solutions,” Setyembre 12, Victorias City Public Plaza.

Pinangunahan ng Beryllus Princeps Science Club ang nasabing pagdiriwang kung saan kinabibilangan ng iba’t ibang cluster.

-

11/09/2025

𝗧𝗜𝗡𝗚𝗡𝗔𝗡 | Nakiisa ang mga mag-aaral at kaguruan ng Negros Occidental National Science High School sa Nationwide Simultaneous Earthquake Drill para sa taong panuruan 2025-2026, Setyembre 11.

Nakatuon ang nasabing aktibidad sa kahandaan at pagiging alerto tuwing may hindi inaasahang lindol na siyang pinangunahan ng NONSHS - Senior Plus Red Cross Youth.

-

Kuha ni Daniel Chua

11/09/2025

𝗣𝗔𝗠𝗣𝗔𝗔𝗥𝗔𝗟𝗔𝗡 | Ang Iskolar Q1 Newsletter, Ipinamahagi

Namahagi ng kauna-unahang newsletter para sa taong panuruan 2025-2026 ang Ang Iskolar, pampaaralang pampahayagan ng Negros Occidental National Science Hugh School, Setyembre 11.

Kinapapalooban ang nasabing newsletter ng mga kaganapan mula sa unang araw ng unang markahan.

Tampok ang ipinamalas na husay ng mga kasapi pagdating sa pamamahayag lalo na sa larangang balita, opinyon, lathalain, balitang pampalakasan, at iba pa.

Nakatanggap ng kopya ang lahat ng baitang at seksyon mula ika-pito hanggang ika-12, ang principal/administration office, faculty, silid-aklatan, at maging ang mga manggagawa sa loob ng paaralan.

Namahagi rin ng online copy ang nasabing publikasyon sa official page ng Ang Iskolar, upang maka-access lahat ng mga gustong bumasa dihital.

Sa pangunguna ni Daniel Enrico Chua, Punong Patnugot, Gng.Gretchen Cabungcag, Punong Tagapayo, Gng. Lorna Villaester, Tagapayo at sa suporta ni G. John Rey Ganne Dolorosa, PhD, Punongg**o, naging matagumpay ang paglikha ng pampahayagan.

-

Balita at larawan mula kay Daniel Chua

09/09/2025

𝗥𝗘𝗛𝗜𝗬𝗢𝗡 | Nonscians Namayagpag sa PSO at NSCM 2025

Nagpakitang-gilas ang ilang mag-aaral ng Negros Occidental National Science High School sa National Science Club Month (NSCM) 2025 na may temang “SPATIALYZE: Surveying Societies, Sensing Solutions” na ginanap sa Pavia National High School nitong Setyembre 6–7.

Pasok ang Negros Occidental National Science High School (NONSHS) sa National Round ng Philippine Society of Youth Science Clubs (PSYSC) Science Olympiad (PSO) matapos masungkit nina Carl Dean Discutido, Sherah Haziel Tapang, at Abraham Abner Lou Sia, sa gabay ng kanilang tagapayo na si Bb. Madonna Decena, ang Top 20 Qualifiers. Bukod dito, nakamit din nila ang ikatlong puwesto sa Regional Round ng PSO.

Nahalal naman sina Beryllus Princeps Science Club (BPSC) President Ace Vincent Morales bilang Associate for Internal Affairs at BPSC Vice President Trisha Andrea Dino bilang Associate for External Affairs sa PSYSC Regional Council Region VI for Science Leaders.

Bumida rin sina Reiner Dominic Mabaquaio at Faith Victoria Guiza sa Math, Science, at Kapaligiran (MSKA) Engineering Challenge sa gabay ni G. Tonepher Caballero, kung saan ipinamalas nila ang husay sa paglutas ng mga suliraning pangkapaligiran.

Lumahok sa I Teach Science Seminar (ITSS) ang mga g**o ng NONSHS na sina Bb. Madonna Decena, G. Tonepher Caballero, at Bb. Darleen Joy Dimaano.

Tampok sa NSCM SUMMIT Workshop ang mga subcamp na nagbigay-daan upang makihalubilo ang mga kalahok at makipagpalitan ng ideya sa kapwa mag-aaral.

Kabilang sa mga aktibidad ang paggawa ng cheers at yells, mga ice breaker at sayawan, at mga pangkatang gawain na nakatuon sa agham at kapaligiran. May mga nakahanda ring video presentations hinggil sa adbokasiya laban sa climate change at mga makabagong solusyon sa kalamidad.

Nagbigay rin ng talumpati si Engr. Jebie Balagosa, Ph.D., tungkol sa Geomatics na nagdagdag ng kaalaman at inspirasyon sa mga kalahok.

Ipinamalas ng mga Nonscians ang kanilang talino, obserbasyon, at pakikipag-ugnayan sa iba’t ibang gawain ng workshop. Lumahok dito ang 17 mag-aaral ng NONSHS kabilang sina Carl Dean Discutido, Sherah Haziel Tapang, Abraham Abner Lou Sia, Ylassa Marie Lauren, Carl Patrick Tizon, Ace Vincent Morales, Trisha Andrea Dino, Gian Philip Doromal, Reiner Dominic Mabaquiao, Faith Victoria Guiza, Alhea Angel Saribano, Abriel Dave Paderog, Charles Raye Benedict Anenion, Julliane Mae Asuelo, Ziph Eiram Pava, Jhenica Nicole Lazaro, at Ell Yorac.

-

Balita ni Abraham Sia
Larawan mula kay Alhea Saribano

Ang Iskolar

16/09/2025

15/09/2025

15/09/2025

12/09/2025

12/09/2025

12/09/2025

12/09/2025

11/09/2025

11/09/2025

09/09/2025

Address

Website

Alerts

Shortcuts

Share

Category