Ang Iskolar

26/03/2026

‎ 𝗣𝗔𝗠𝗣𝗔𝗔𝗥𝗔𝗟𝗔𝗡 | NONSHS SOLGA, isinagawa
‎
‎Tinuldukan ang isang taonng serbisyo, binuksan ang bagong yugto ng pamumuno.
‎
‎Isinagawa ang State of the Learners Government Address (SOLGA) bilang paglalagom ng mga nagawa at opisyal na paglilipat ng pamumuno ng Supreme Secondary Learner Government (SSLG) para sa taong panuruan 2026–2027 nitong ika-25 ng Marso, sa Negros Occidental National Science High School (NONSHS).
‎
‎Pinangunahan ni SSLG President Neio Destine Tingson ang pag-uulat ng konseho, kung saan ibinahagi ang mga proyekto at inisyatiba na naisakatuparan sa loob ng kanyang panunungkulan.
‎
‎“You are never too new to lead”, saad ni Tingson
‎
‎Matapos ang kanyang talumpati, sinamahan siya ng buong SSLG sa entablado upang magbigay-pugay sa mga mag-aaral bilang pasasalamat sa kanilang suporta.
‎
‎Kasunod nito, nagbigay ng maiikling mensahe ang mga outgoing club presidents para sa kanilang mga susunod na lider bilang simbolo ng pagpapatuloy ng pamumuno sa iba’t ibang organisasyon ng paaralan.
‎
‎Ipinakilala rin ang mga bagong halal na pinuno ng SSLG at mga club, kung saan bawat isa ay nagbahagi ng maikling pahayag para sa susunod na henerasyon ng mga lider sa paaralan.
‎
‎Itinampok din sa programa ang simbolikong pagpasa ng responsibilidad sa bagong SSLG President na si Jhenica Nicole Lazaro, na nagbigay ng kanyang unang mensahe ng pangako at dedikasyon para sa buong institusyon.
‎
‎Ginunita ang isang taong paglilingkod at pagsalubong sa panibagong yugto ng pamumuno sa pagtatapos ng programa.
‎
‎–

‎Balita ni Xyra Lape
Larawan mula kay Janelle Fruponga
‎
‎

18/03/2026

‎𝗥𝗦𝗣𝗖 | Ang Iskolar EIC, Itinanghal na NIR’s Most Outstanding CJ sa RSPC 2026
‎
‎Itinanghal na kauna-unahang Most Outstanding Campus Journalist of the Philippines ng Negros Island Region si Daniel Enrico P. Chua, Punong Patnugot ng Ang Iskolar matapos masungkit ang unang pwesto sa naganap na Regional Schools Press Conference nitong ika-17 ng Marso, sa Nature's Village Resort, Talisay City.
‎
‎Kinilala ng rehiyon ang natatanging husay ni Chua sa larangan ng pamamahayag, partikular sa kanyang pamumuno, kahusayan sa pagsulat, at dedikasyon sa paghahatid ng makatotohanan at makabuluhang balita.
‎
‎Ipinamalas niya ang kahalagahan ng responsableng pamamahayag at ang papel ng estudyanteng-mamamahayag sa paghubog ng kamalayan ng komunidad.
‎
‎Dinaluhan ang naturang patimpalak ng mga estudyanteng-mamamahayag mula sa iba’t ibang dibisyon sa rehiyon, na nagtagisan ng galing sa iba’t ibang kategorya ng dyurnalismo.
‎
‎Nagpahayag naman ng pasasalamat si Chua sa kanyang tagapagsanay, kapwa mamamahayag, at sa suportang ibinigay ng kanilang paaralan, na nagsilbing inspirasyon sa kanyang tagumpay.
‎
‎Kabilang sa mga pinarangalan ang SDO Dumaguete bilang ikatlong pwesto, samantalang itinanghal ang SDO Tanjay bilang ikalawang pwesto.

-

‎Balita ni Xyra Lape
Pag-aanyo ni Sean Montevirgen
‎

18/03/2026

𝗥𝗦𝗣𝗖 | TVBS ng The Scholar, Pangkalahatang Kampeon sa RSPC NIR 2026

Itinanghal bilang pangkalahatang kampeon ang TV Broadcasting and Scriptwriting ng The Scholar mula Negros Occidental National Science High School sa Regional Schools Press Conference - Negros Island Region 2026 sa Nature's Village and Villa Resort, Marso 15-17, 2026.

Nakuha ni Matt Balmeo ang unang pwesto bilang Best Anchor, Siede James Ibañez bilang ikalawang Best Technical Application, at nakuha ng pangkat ang unang pwesto sa Best Script. Binubuo nina Lourde Maguliman, Matt Balmeo, Siede Ibañez, Eliana Monana, Sahara Gayares, Angelica Tubongbanua, at Justine Suansing ang TV Production sa paggabay ni Gng. Yvonne Aurita, tagapayo.

“Because journalism is never just about competition. It is about courage. The courage to stand firm when the truth is threatened, and the bravery to amplify the voices that need to be heard. Excellence is not measured by accolades, but by integrity, by purpose, and by the impact we create beyond the stage,” saad ni Monana, direktor ng produksyon.

Nagsisilbi ang kompetisyong preskon bilang lugar upang mapaunlad ang kasanayang teknikal, mahikayat ang kritikal na pag-iisip, at magbigay-inspirasyon sa mga batang mamamahayag na tugunan ang mga isyung panlipunan sa paraan ng pantelebisyong pagbabalita.

Iwawagayway nila ang rehiyon sa paparating na National Schools Press Conference na magaganap sa Ormoc City, Leyte, Abril 13-17, 2026.

-

Balita ni Daniel Chua
Larawan mula kay Lourde Maguliman
Pag-aanyo ni Sean Montevirgen

18/03/2026

𝗥𝗦𝗣𝗖 | Manunulat ng Ang Iskolar, Kampeon sa RSPC NIR 2026

Itinanghal sina Xyra Lape at Janelle Thessalonica Fruponga mula Negros Occidental National Science High School bilang kampeon sa Regional Schools Press Conference - Negros Island Region 2026, iginanap sa Nature's Village and Villa Resort, Marso 15-17, 2026.

Nakuha ni Lape ang parangal sa Pagsulat ng Balita at ni Fruponga sa Pagsulat ng Isports, sa gabay ng kanilang tagapayo na si Gng. Gretchen B. Cabungcag.

Naganap ang kompetisyon noong Marso 16 kung saan nakipagtagisan ang bawat kalahok mula sa 22 dibisyon ng NIR, sumunod naman ang pagbibigay ng parangal noong Marso 17 nang natanggap nina Lape at Fruponga ang titulo.

"Honestly, it still hasn’t sunk in that I won because it was very unexpected. Even though I was satisfied with my article, I know I can still do better. I hope journalism in our school will also be given more exposure because we really have great potential. I know we can soar even higher than the skies," saad ni Fruponga.

Nagsisilbi ang kompetisyong preskon bilang lugar upang mapaunlad ang kasanayang teknikal, mahikayat ang kritikal na pag-iisip, at magbigay-inspirasyon sa mga batang mamamahayag na tugunan ang mga isyung panlipunan.

Iwawagayway nila ang rehiyon sa paparating na National Schools Press Conference na magaganap sa Ormoc City, Leyte, Abril 13-17, 2026.

-

Nakuha rin ng ilang kalahok mula NONSHS ang mga sumusunod na parangal sa RSPC.

3rd place
Copy-reading and Headline Writing
Johnrene Baliguat

5th place
Feature Writing
Carmel Gansico

Tagapayo: Gng. Charina Libo-on at Bb. Arielle Alontaga

-

Balita ni Abraham Sia
Larawan mula kay Janelle Fruponga
Pag-aanyo ni Sean Montevirgen

11/03/2026

𝗣𝗘𝗟𝗜𝗞𝗨𝗟𝗔 | NONSHS G12 Humakot ng Parangal sa A-Pop Film Festival

Namayagpag ang Negros Occidental National Science High School Grade 12 matapos humakot ng parangal sa Agustinian Pop Festival Film Competition sa kanilang pelikulang Day 26 Log #3 “I Will-”, kung saan itinanghal bilang “Best Picture,”na ginanap nitong Pebrero 28, 2026 sa Ayala Malls Capitol Central, Lungsod ng Bacolod.

Idinaos sa umaga ang pagpapalabas ng mga kalahok na pelikula sa sinehan ng Ayala Malls habang ginanap naman sa hapon ang awarding ceremony sa Activity Centre kung saan inanunsyo ang mga nagwagi at nakatanggap ang koponan ng sertipiko at cash prize na tatlumpung libong piso.

Nasungkit ni Daniel Enrico Chua ang parangal bilang Best Director, patunay ng kaniyang mahusay na pakikitungo sa produksyon.

Samantala, naiuwi ni Sahara Gayares ang Best Actress sa kaniyang natatanging pagganap sa pelikula.

Bukod dito ay nakuha rin ng koponan ang Best Poster at Most Shared Award na patunay ng kanilang malawak na suporta at kahusayan.

Nagkamit din ng tagumpay ang NONSHS-Grade 11 matapos masungkit ang Top Grosser Award para sa kanilang pelikulang Masskara.

Sa gabay ni G. Joshua Lorenz Estilo ay naipamalas ng mga mag aaral ang kanilang dedikasyon, pagkakaisa, at kahusayan sa sinematograpiya.

Nagpaabot ng pasasalamat ang Production Team na CineVenteséis sa patuloy na suporta ng paaralan na naging bahagi ng kanilang tagumpay.

–

Balita ni Abraham Sia
Larawan mula kay Daniel Chua

06/03/2026

𝗣𝗔𝗠𝗣𝗔𝗛𝗔𝗬𝗔𝗚𝗔𝗡‎ | Resilient Voices Journalism Workshop, Idinaos
‎
‎Idinaos ang Resilient Voices Journalism Workshop na may temang “Fortifying Journalist Through a Fearless Responsible Media” nitong ikalima ng Marso, sa Negros Occidental National Science High School – Covered Court.
‎
‎Dinaluhan ng mahigit 150 na estudyanteng-mamamahayag at gurong tagapagsanay mula sa iba’t ibang mataas at mababang paaralan sa lungsod ng Victorias ang nasabing workshop.
‎
‎Nagsilbing Resource Speaker sina Ms. Jessa G. Tan sa Pagsulat ng Editoryal at Pagsulat ng Lathalain, G. Nelson A. Gonzales sa Editoryal Kartuning, at Dr. Yasmin Pascual-Dormido sa Pagsulat ng Balita, at Copyreading at Pag-uulo ng Balita.
‎
‎Layunin ng workshop na higit pang palawakin ang kaalaman at kasanayan ng mga mag-aaral sa pagsulat ng dyornalistikong sulatin gayundin ang paglinang sa kritikal na pag-iisip, pagiging responsable sa paghahatid ng impormasyon, at pagpapahalaga sa katotohanan sa larangan ng pamamahayag.
‎
‎Nabigyan ng pagkakataon ang mga kalahok na matutuhan ang mahahalagang prinsipyo at teknik sa pagsulat ng iba’t ibang anyo ng sulating pangkampus sa pamamagitan ng iba’t ibang sesyon at talakayan.
‎
‎Pinangunahan ng The Scholar at Ang Iskolar ang nasabing gawain bilang bahagi ng kanilang inisyatibo na palakasin ang kakayahan ng mga estudyanteng-mamamahayag sa lungsod.
‎
‎Hinikayat ang mga mag-aaral na gamitin ang kanilang natutuhan upang maging matapang, mapanuri, at responsableng mamamahayag na magsusulong ng katotohanan at makabuluhang impormasyon sa kani-kanilang mga paaralan at komunidad sa pagtatapos ng programa.

-

Balita ni Xyra Lape
‎Larawang kuha ni Craig Gayatin

04/03/2026

25/02/2026

𝑪𝒉𝒂𝒏𝒈𝒆 𝒐𝒇 𝒑𝒍𝒂𝒏𝒔, 𝒏𝒐𝒕 𝒐𝒇 𝒈𝒂𝒎𝒆☝🏼.

The 𝗦𝗰𝗵𝗼𝗼𝗹-𝗕𝗮𝘀𝗲𝗱 𝗝𝗼𝘂𝗿𝗻𝗮𝗹𝗶𝘀𝗺 𝗪𝗼𝗿𝗸𝘀𝗵𝗼𝗽 will now take place on 𝗠𝗮𝗿𝗰𝗵 5-6 due to unforeseen circumstances. With the new dates come another chance to be part of the experience 🌟.

Dates may shift, but our pens will never dull ✒️. 𝑺𝒕𝒂𝒚 𝒌𝒆𝒆𝒏—the paper only feeds on ink thickened with integrity 📰.

𝑺𝒆𝒆 𝒚𝒐𝒖 𝒔𝒐𝒐𝒏!

25/02/2026

𝐅𝐄𝐀𝐓𝐔𝐑𝐄 || EDSA, Mamamayang Umaalsa

Pebrero, nang lumiyab ang tinig ng bansa na hindi magpapadaig sa isang makapangyarihang diktador.

Pinasiklab ng tawag sa radyo ng isang pari ang natatagong hinaing ng bawat mamamayan. Ang tawag na ito ay naging kolektibong tinig ng mga radyong gumanap sa paglaganap ng impormasyon. Iisa lamang ang kanilang hiling — pumunta sa Epifanio delos Santos Avenue upang protektahan ang mga sundalong matapang na lumaban.

Ating gunitain ang makasaysayang rebolusyon ng ating bansa. Ang pagpapatalsik ng isang diktador. Tandaan ang tunay na kapangyarihan ay nasa pagkakaisa ng mamamayan. Ang EDSA ay hindi para sa iilan kundi para sa karamihan.

✍️Isinulat ni Dave Manilo J. Iglesia, Ang Iskolar
💻Layout by Theo Condevillamar, The Scholar

20/02/2026

𝗣𝗔𝗠𝗣𝗔𝗛𝗔𝗬𝗔𝗚𝗔𝗡 | Ikalawang Isyu

Tunghayan ang mga istorya’t mga balita sa loob at labas ng paaralan mula sa mga kabataang mamahayag na ang tanging adhikain ay maghatid ng makatotohanan anumang sulok ng kwento.

Hatid sa inyo ng Ang Iskolar, Pampaaralang Pampahayagan ng Negros Occidental National Science High School.

Ikalawang Isyu sa Taong Panuruan 2025-2026.

BISITAHIN: https://surl.li/epddcb
-

20/02/2026

𝗥𝗘𝗦𝗨𝗟𝗧𝗔 | DSPC ‘26

Panulat. Boses. Kamera.

Hindi nagpatinag ang pampaaralang pampahayagan ng Ang Iskolar matapos nakipagtagisan ang mga mamamahayag sa indibidwal at pangkatang kategorya sa katatapos lamang na Division Schools Press Conference 2026 sa Victorias Elementary School, Pebrero 19-20.

Tingnan ang resulta sa mga larawan.

-

Pag-aanyo ni Sean Montevirgen

17/02/2026

𝑺𝒉𝒂𝒓𝒑𝒆𝒏 𝒚𝒐𝒖𝒓 𝒘𝒐𝒓𝒅𝒔 𝒂𝒏𝒅 𝒅𝒂𝒓𝒆 𝒕𝒐 𝒘𝒓𝒊𝒕𝒆 𝒘𝒊𝒕𝒉 𝒊𝒏𝒕𝒆𝒈𝒓𝒊𝒕𝒚 ✒️.

Join us for our 𝙎𝙘𝙝𝙤𝙤𝙡-𝘽𝙖𝙨𝙚𝙙 𝙅𝙤𝙪𝙧𝙣𝙖𝙡𝙞𝙨𝙢 𝙒𝙤𝙧𝙠𝙨𝙝𝙤𝙥 on February 26–27, open to both publication and non-publication members. Whether you’re a seasoned campus journalist or someone who aspires to step into the field, this workshop will ground you in the fundamentals of journalism.

Non-publication members 𝙢𝙖𝙮 𝙧𝙚𝙜𝙞𝙨𝙩𝙚𝙧 𝙪𝙣𝙩𝙞𝙡 𝙁𝙚𝙗𝙧𝙪𝙖𝙧𝙮 24 😉—don’t miss your chance to master the art of delivering news 🗞, and discover 𝒕𝒉𝒆 𝒑𝒐𝒘𝒆𝒓 𝒚𝒐𝒖𝒓 𝒘𝒐𝒓𝒅𝒔 𝒉𝒐𝒍𝒅 𝒘𝒉𝒆𝒏 𝒈𝒖𝒊𝒅𝒆𝒅 𝒃𝒚 𝒕𝒓𝒖𝒕𝒉 ✍️🏼.

👉 For those interested, please click the link to sign up:

https://docs.google.com/forms/d/e/1FAIpQLSe-ovG3gi_i21GfJ_folQ6eb0Ya-5zogVKssD_ytOnWB7LoVw/viewform?usp=publish-editor&authuser=0