https://www.facebook.com/163766183489290/

ANG SINAGTALA-Viga RDHS, Viga Rural Development High Sichool, Viga (2025)

13/10/2025

Narito na ang huling tally ng mga medalya at ranggo ng mga paaralan sa naganap na Municipal Selection Meet.

Kasama na rito ang mga medalya mula sa Athletics.

Muli, binabati namin ang lahat ng kalahok! 🎉🥇🥈🥉

PUBMAT | JM Mariquit

11/10/2025

I
𝗣𝗔𝗚𝗣𝗨𝗣𝗨𝗚𝗔𝗬 𝗦𝗔 𝗠𝗚𝗔 𝗔𝗧𝗟𝗘𝗧𝗔 𝗡𝗚 𝗩𝗜𝗚𝗔 𝗥𝗨𝗥𝗔𝗟!

Narito ang mga atletang VRDHSians na nagkamit ng tagumpay at muling sasabak sa 2025 Palarong Panlalawigan.

Isang pagpupugay sa inyong husay, disiplina, at walang sawang pagsusumikap.

Hangad namin ang inyong panalo sa susunod na laban!

PS: Running Post Please Standby.

PUBMAT | JM Mariquit

11/10/2025

Narito ang inisyal na talaan ng mga medalya at ranggo ng apat na paaralan sa ginanap na Municipal Selection Meet, Oktubre 9-10.

Hindi pa kabilang ang mga medalya sa kategoryang Athletics dahil sa ilang kadahilanan.

Maalab na pagbati sa bawat-isa!

PUBMAT | JM Mariquit

10/10/2025

𝗦𝗜𝗡𝗔𝗚-𝗧𝗔𝗟𝗔𝗞𝗔𝗬𝗔𝗡 𝗦𝗘𝗥𝗬𝗘 ✨

Hey, hey, hey mga ka-𝘚𝘐𝘕𝘈𝘎𝘛𝘈𝘓𝘈𝘬𝘢𝘺𝘢𝘯! ✨

Ngayon ang ikalawang araw ng Municipal Meet 2025 kung saan tuloy-tuloy ang aksyon at sigla ng ating mga manlalaro! 🏃‍♂️🏸

Kasama namin ang ilang atleta at tagapagsanay na nagbahagi ng kanilang karanasan, paghahanda, at inspirasyon sa likod ng bawat tagumpay. 💫

Abangan pa ang mga kwentong puno ng puso at laban! 💥

10/10/2025

𝐓𝐚𝐦𝐛𝐨𝐧𝐠𝐨𝐧 𝐍𝐇𝐒, 𝐝𝐢𝐧𝐨𝐦𝐢𝐧𝐚 𝐚𝐧𝐠 𝐕𝐑𝐃𝐇𝐒 𝐬𝐚 𝐁𝐚𝐝𝐦𝐢𝐧𝐭𝐨𝐧 𝐒𝐢𝐧𝐠𝐥𝐞𝐬 𝐆𝐢𝐫𝐥𝐬 𝐜𝐚𝐭𝐞𝐠𝐨𝐫𝐲

Matagumpay na naiuwi ni Lyka Jing Ocray ng Tambogñon National High School (TNHS) ang gintong medalya matapos niyang talunin si Ayeisha Eunice Marino ng Viga Rural Development High School (VRDHS), na nakamit naman ang pilak, sa Badminton Girls Singles Category sa iskor na, 2-1.

Matindi ang naging palitan ng mga palo sa pagitan ng dalawang manlalaro.

Sa unang set, lumamang si Ocray ng TNHS matapos makapagtala ng 16 puntos, habang 6 puntos lamang ang naitala ni Marino ng VRDHS.

Sa ikalawang set, bumawi si Marino at nakapagtala ng 15 puntos, laban sa 8 puntos ni Ocray, dahilan upang maging dikit ang bakbakan.

Sa huling set ay hindi na sinayang ni Ocray ang pagkakataon sa gintong medalya ng makatala siya ng 15 na puntos, habang 11 naman ang kay Marino.

Sa isang panayam, ibinahagi ni Lyka Jing Ocray ang kanyang damdamin at inspirasyon sa laban.

“Pokus ko talaga nintuyan, dai ako ning pakiaram, gusto ko lang makapanyaw ning maayos, ning daing daya,”aniya.

Samantala, ipinahayag naman ni Coach Kenneth Usero ang kanyang labis na kagalakan sa tagumpay ni Ocray.

“Tuwang-tuwa ako mula ulo hanggang paa. Nagsimula kami magseryoso sa training — bawas sa pagkain, disiplina sa oras, at tuloy-tuloy sa drills. Hindi man namin inaasahan na mananalo sa lahat, pero alam naming makakapagbigay kami ng magandang laban,”ani Usero.

Sa kanyang determinasyon at dedikasyon, si Lyka Jing Ocray ay tuluyang tutungo sa Larong Panlalawigan, dala ang karangalan ng Tambogñon National High School.

✍️ Denise Loriene Calicdan, Felrose O. Del Rosario, at Gatzlee Samudio

10/10/2025

I 𝐋𝐈𝐇𝐈𝐌 𝐍𝐀 𝐒𝐀𝐊𝐑𝐈𝐏𝐈𝐒𝐘𝐎 𝐒𝐀 𝐁𝐀𝐖𝐀𝐓 𝐏𝐀𝐆𝐒𝐔𝐍𝐆𝐊𝐈𝐓 𝐍𝐆 𝐊𝐀𝐌𝐏𝐄𝐎𝐍𝐀𝐓𝐎

Sa bawat sipa at talbog ng bola, palo ng patpat, hampas ng raketa, hataw ng katawan at sa mga laban na kung saan maaaring maging simula o wakas ng pangarap ng bawat atletang mag-aaral ay binubuhos nila ang talento at galing upang makamit ang tagumpay.

Ngunit sa bawat pagtatapos ng kanilang laban bilang isang atleta ay may naghihintay pang mga aralin na kanilang dapat tapusin. Ito ang realidad sa araw-araw na pinagdaraanan ng mga atletang mag-aaral sa ating bansa, na kahit tapos na sa laban at pagsasanay, may nag-aabang pang mga gawain sa paaralan na hindi nila maaaring takasan.

Kaya naman, pag-unawa at konsiderasyon ang kailangan ng mga atletang mag-aaral upang magawa ang kanilang gawain at matulungan sila upang balansehin ang oras sa pag-aaral at sa isports na kanilang pinili, dagdag pa ang hindi nila dapat pagsamantala sa konsiderasyong ito na ibinibigay ng paaralan.

Ang pagiging atleta ay hindi biro. Hindi lamang gawain sa paaralan ang dapat nilang tapusin dahil sa unti-unting pagdilim ng kalangitan ay may mga pagsasanay pang dapat puntahan. Puno ito ng puspusang pagsasanay, hindi maagang pag-uwi galing paaralan, matitinding laban na mararanasan at uuwing tambak ang mga aktibidad sa paaralan.

Isang sitwasyong humahamon sa kakayahan ng mga mag-aaral na balansehin ang kanilang oras hindi lamang sa pag-aaral kundi maging sa isports. Dagdag pa ang mga responsibilidad sa loob ng bahay na dapat gampanan dahil hindi ito nawawala, palagi itong nandiyan.

Kaya naman mahalaga lamang na napatutupad at nasusunod ng maayos ang Republic Act. 10676 o mas kilala sa tawag na Student-Athletes Protection Act upang matulungan ang mga atleta sa pag-aaral. Layunin nito na protektahan ang mga karapatan at kapakanan ng mga atleta sa ating bansa. Sinisigurado rin ng batas na ito na habang hinahasa ng bawat atleta ang kanilang talento sa isports ay nakukuha pa rin nila ang kaalamang kanilang kinakailangan sa edukasyon.

Isa pa, mahalaga ang papel ng paaralan at g**o sa daang tinatahak ng kanilang mga mag-aaral. Ang kanilang pag-unawa sa bawat klaseng hindi nadadaluhan ng kanilang estudyante dahil lamang kailangang magsanay, para sa medical at mga requirements at laban na pinupuntahan ay isang malaking paghinga para sa kanilang mag-aaral.

Sapagkat kahit papaano ay nababawasan ang kanilang mga alalahanin na dala-dala sa kanilang mga balikat. Ang konsiderasyong kanilang binibigay upang bigyang oras ang kanilang mag-aaral upang pag-aralan ang aralin bago ang pagsusulit at pagbibigay ng positibong motibasyon sa kanila ay nagsisilbing isang malaking tulong at suporta.

Ngunit bukod sa pag-unawa at konsiderasyon na ibinibigay ng mga g**o para habulin at tapusin ang mga gawaing hindi nila napag-aralan, kailangan din ng mga atletang ito na kumilos at gawin ang nararapat nilang gawin. Mahirap man at nakakapagod ngunit parte ito ng kanilang responsibilidad at pag-unlad bilang atleta. Nararapat lamang na hindi nila sayangin ang pagkakataong ibinigay sa kanila at huwag maging abusado.

Sa kabilang banda naman, hindi mapagkakailang narinig na ng mga atletang ito ang mga salitang, "Sasali rin kaya ako sa isports para maging excempted din ako", "Sumali lang naman 'yan diyan para hindi makadalo sa mga leksiyon at makalibre".

Madaling sabihin ang mga salitang iyan ngunit kung sila na ang nasa posisyon, mapagtatanto nilang ang pagsali sa isports ay hindi para makalibre. Sapagkat kung nararanasan din nila ang mga sakripisyong kailangang gawin ng mga mag-aaral na kasali sa mga patimpalak gaya ng isports at pakikipaglaban sa iba't ibang paaralan, malalaman din nila ang paghihirap ng mga atletang ito at ang kaba na nararanasan sa bawat laban.

Hindi lamang pag-aaral ang kanilang ginagawa kundi pagsasanay rin kaya dapat lamang na sila ay maunawaan at hindi paringgan nang paringgan ng kapwa mag-aaral.

Tunay ngang ang pagsali sa mga kompetisyon ay isang malaking hamon sa mga mag-aaral. Lalo na sa kanilang pagkatuto ng mga kaalaman mula sa mga aralin sa loob ng klase. Hindi lamang sa mga atleta kundi pati sa mga mag-aaral na manunulat, lider, at mga indibidwal na lumalahok sa mga patimpalak para sa karangalan ng minamahal na paarlaan.

Ito ay isang sitwasyon na nagpapatunay na ang akademiko, isports at iba pang larangan ay hindi dapat magbanggaan. Ngunit sa bawat konsiderasyon at pag-unawa galing sa g**o't paaralan, at sabayan pa ng paggalaw ng mga atletang mag-aaral ay tiyak nila itong kakayanin.

Sapagkat ating pakatandaan na ang karangalang kanilang nakakamit ay hindi lamang para sa kanila kundi para rin sa buong komunidad at paaralan.

I ✍️ Nathalie Princess T. Olfindo

I Grapiks: Zian Ado

10/10/2025

𝗧𝗲𝗺𝗽𝗼𝗿𝗼𝘀𝗮 𝗺𝘂𝗹𝗶𝗻𝗴 𝗽𝗮𝗽𝗮𝗹𝗼 𝘀𝗮 𝗣𝗿𝗼𝘃'𝗹 𝗠𝗲𝗲𝘁 '𝟮𝟱

Ipinamalas muli ng dating kampeon na si Kiernyl Vien Temporosa na manlalaro ng Viga Rural Development High School (VRDHS) ang lakas at bilis na taglay niya na naging dahilan upang manalo sa katunggali na si Lance Pelagio ng Tambogñon National High School (TNHS) sa Table Tennis Singles B Mens category sa Municipal Meet 2025.

Sa unang laban pumalo agad ng mabilis si Temporosa na nag pahirap kay Pelagio na dumepensa, kung kaya't nanaig si Temporosa sa pagtatapos ng set sa iskor na 11-7.

Pagpasok ng ikalawang set, mas lalong lumakas ang kanyang mga palo at mabilis na galaw ni Temporosa, dahilan para mahirapan si Pelagio na makabawi dahilan upang magtapos ang set sa puntos na 11–2.

Sa ikatlong set, sinubukan ni Pelagio na baguhin ang kaniyang istratehiya, ngunit malakas ang pwersang binibigay ni Temporosa kung kaya't tuluyang naselyuhan ng VRDHS ang panalo sa iskor na 11–4.

Nagtapos ang laro na hindi pinatikim ng panalo ni Temporosa si Pelagio sa kahit isang set.

Ayon sa manlalarong si Temporosa, ang naging paraan niya sa paghahanda ay ang pag training nang maayos.

"Nag-training ako ning maayos, ginawa kong inspiration yung goal ko buda ang plano ko lang sa provincial meet mag panyaw maayos buda mag ugma," ani Temporosa

Ang nasabing laro ay ginanap sa VRDHS ground lobby ngayong Biyernes, ika-10 ng Oktubre, 2025.

✍️ Elton Jhon Tellerva

10/10/2025

𝗩𝗥𝗗𝗛𝗦 𝗗𝗼𝘂𝗯𝗹𝗲𝘀, 𝗣𝗶𝗻𝗮𝗯𝗮𝗴𝘀𝗮𝗸 𝗮𝗻𝗴 𝗦𝗝𝗡𝗛𝗦 𝘀𝗮 𝗠𝘂𝗻𝗶𝗰𝗶𝗽𝗮𝗹 𝗠𝗲𝗲𝘁 ‘𝟮𝟱

Nasungkit nina Natalie Jane Rojo at Franchesca Tilo ng Viga Rural Development High School (VRDHS) ang gintong medalya sa Badminton Girls Doubles Category matapos talunin ang pambato ng San Jose National High School (SJNHS) na sina Jamaica Marapo at Krizza Mae Olesco, sa labanang ginanap sa Multi-Purpose Hall ng VRDHS nitong ika-10 ng Oktubre 2025.

Matindi ang naging bakbakan sa pagitan ng dalawang koponan. Sa unang set, nakapagtala ng 15 puntos sina Rojo at Tilo, habang 9 puntos naman ang nakuha ng koponan ng SJNHS.

Sa ikalawang set, muling nanaig ang VRDHS matapos makuha ang 15–12 na iskor, dahilan upang masungkit nila ang ang kampeonato.

Sa panayam kay Natalie Jane Rojo, ibinahagi niya ang kanyang damdamin sa pagkapanalo.

“Na-proud sa sadili. More training at iseryoso ang training,” ani Rojo.

✍️ Denise Loriene Calicdan & Felrose O. Del Rosario

10/10/2025

VRDHS, naghari sa Men's Volleyball Finals

Tinanghal na kampeon ang Viga Rural Development High School (VRDHS) matapos ang matinding bakbakan sa men's volleyball championship ng taunang Municipal Meet, 3-0 kontra Tambongon National High School (TNHS).

Agad na nagpakita ng dominant start ang Viga Rural, sa likod ng kanilang mahusay na setter play, nagawa nilang gumawa ng sunud-sunod na quick attacks at service aces, dahilan upang matambakan ang TNHS sa puntos na 25-16.

Lalong nag-apoy ang aksyon sa ikalawang set matapos ang dikit na laban ng dalawang koponan dahilan upang magkaroon ng deadlock sa iskor na 15-15, subalit matapos makuha ang momentum sa likod ng matitinding quick kills tuluyan nang nanaig ang bangis ng Viga Rural Development upang isantabi ang TNHS sa iskor na 25-21 at mabilis na naitabla ang set count

Matapos maitali ang laro lalong humigpit ang depensa ng VRDHS na pilit na ginigiba ang TNHS, sinubukan pang humabol ng rally ang Tambongon subalit tuluyan na silang pinatahimik ng Viga sa puntos na 25-20.

Ayon kay James Arrojo ang team captain ng VRDHS, "Para saakin ang aming naging kalakasan ay ang karanasan sa paglalaro, dahil karamihan sa kalaban ay mga baguhan pa lamang at hindi pa masyadong alam ang mechanics ng laro, ngunit kahit karamihan ay mga baguhan, sila ay may potensyal na makipagsabayan saamin at makapuntos, marami din silang ginawang strategies upang mapanalo ang laban."

Dagdag pa niya, nakulangan sila sa first ball hindi dahil sa hindi sila marunong kung hindi ay dahil malakas ang kanilang mga kalaban na talagang nagpahirap sa kanila.

Hindi naman matatawaran ang ipinakitang husay ng TNHS. Sa kabila ng pagkatalo, ipinakita ng mga manlalaro ang kanilang determinasyon, na nagbigay ng matinding hamon sa mga kampeon hanggang sa huling sandali.

Ayon kay Ken Tating ang Team Captain ng Tambongon, "Mii na lang namo inalay gabos sa libero namo yung service, gabos na lang kami nagtarabang-tabangan para maka-points and besides tig-enjoy na lang namo yung game. Mai na namo kaipohan manggana kasi tig enjoy namo yung game ta last na namo 'to".

Nagtapos ang laban sa isang nakakabinging sigawan mula sa mga manonood at manlalaro matapos itanghal na kampeon ang VRDHS na siyang kakatawan sa Palarong Panlalawigan 2025.

✍🏻 Alexandra Matienzo at Diana Trinidad
📷 CJ Tulipat

10/10/2025

VRDHS, wagi sa mainit na laban kontra Tambogñon NHS sa 5x5 Men's Basketball Championship

Umigting ang sigla at tensyon sa hardcourt nang maungusan ng Viga Rural Development High School (VRDHS) ang Tambogñon National High School (TNHS) sa kanilang kampeonatong laban ng 5x5 Men's Basketball, na ginanap sa Viga Municipal Plaza, nitong hapon.

Sumandal sa balanseng paghanay ng mga manlalaro ang koponan VRDHS upang mapamahalaan ang kakaibang stamina ng Tambogñon NHS at matala ang 88–66 iskor matapos ang kapanapanabik na sagupaan.

Sa dikitang pagtutuos, nagningning ang dating manlalaro ng Tambogñon NHS na si Keith James Vallespin na ngayo'y nasa panig na ng VRDHS matapos ninyang pamahalaan ang VRDHS sa huling kwarter at palubuhin ang agwat ng iskor sa kalaban.

“Yung teamwork namo, yung disiplina, yung pagsunod sa coach, yun ang nagpanalo sa amin.” saad ni Vallespin sa kung ano ang naging susi ng kanilang pagkapanalo.

Sa unang kwarter, nagpakitang-gilas agad ang VRDHS sa pamamagitan ng mabilis na opensa at matibay na depensa, kaya’t nagtapos ito sa 18–14 pabor sa kanila.

Sa ikalawang kwarter, bumawi ang TNHS sa pangunguna ni Gomer Jr. S. Tenoria, na nagtulak sa kanilang koponan upang makalamang sa 33–38.

Pagpasok ng ikatlong kwarter, muling bumangon ang VRDHS at nakuha ang kalamangan sa 58–51.

Maraming free throws ang itinala ng VRDHS upang mapalawak ng nito ang kalamangan sa huling bahagi ng laro kontra sa naghihingalong kalaban.

Sa ikaapat na kwarter, tuluyan nang kumawala ang VRDHS sa pangunguna nina Keith James Vallespin, hanggang sa maitala ang malaking lamang na 88–66 na siyang tumapos sa takbo ng Tambogñon NHS.

Sa panig ng Tambogñon NHS, nagpahayag si Gomer Jr. S. Tenoria ng determinasyon sa mga susunod na laban.

Ayon sa kanya, “Magta-training kami para ma-improve pa ang laro.”

Sa panig naman ng VRDHS, ibinahagi ni Keith James Vallespin, “Maogma kami ta nakaloog kami sa palarong panlalawigan.”

“Salamat sa coach namo na si Sir Joel na nagtabang saamo para i-training kami ning husto,” dagdag pa ni Vallespin, bilang pasasalamat sa kanilang tagapanguna.

Sa kabuuan, kapwa ipinamalas ng VRDHS at TNHS ang mataas na antas ng kasanayan, determinasyon, at sportsmanship sa kabuuan ng laro.

Muling naibalik ng VRDHS Basketball Team ang tropeyo na nakuha sakanila ng Tambogñon NHS noong nakaraang Municipal Meet at nakatakda silang lalaban para sa darating na Palarong Panlalawigan ngayon 2025.

✍🏻 Geraldine Toledo
📷 Margaux Lopez

10/10/2025

Mananayaw ng VRDHS, aarangkada sa Pov'l Meet '25

Mapanakaw tingin na sayaw ang ipinakita ng Viga Rural Development High School (VRDHS) na dahilan upang masungkit ang kampeonato sa larong Dance Sports na ginanap sa Rizal Elementary School, kanina.

Sa kategoryang Latin American, nagpakitang gilas ang iba't ibang paaralan ngunit mas nanaig ang sayaw ng taga VRDHS na sina Railey Ed Boragay at Ivannah Andrei Timajo na nakakuha ng 1 gold at 2 silver, na sinundan naman ng San Jose National High School (SJNHS) na sina Carl Marx Tura at Alexa Clare Sarcillo na nakakuha ng 1 gold, 1 silver at 1 bronze, at ang panghuli naman ay ang taga Tambognon National High School (TNHS) na sina Karl Joshua Vallespin at Ronalyn Gregorio na nakakuha ng 1 gold at 2 bronze.

Sa kategoryang Modern Standard, muling nanguna ang mananayaw ng VRDHS na sina Francis Henry Del Barrio at Sandra Tugano na nakakuha ng 3 gold, na sinundan naman ng TNHS na sina Jefferson Bonifacio at Michelle Mae Manlangit na nakakuha ng 3 silver, at ang panghuli naman ay ang taga SJNHS na sina John Andrew Ogalesco at Angel Ann Tumaque na nakakuha ng 3 bronze.

Samantala, idineklara namang winner by default ang mananayaw ng VRDHS na sina Jedah Rhea T. Peña at John Philip Potenciano na nakakuha ng 6 gold.

Narito ang pangkalahatang resulta ng nasabing paligsahan:

LATIN AMERICAN

Samba
🥇San Jose NHS
🥈VRDHS
🥉Tambongon NHS

Chachacha
🥇Tambongon NHS
🥈VRDHS
🥉San Jose NHS

Jive
🥇VRDHS
🥈San Jose NHS
🥉Tambongon NHS

MODERN STANDARD

Slow Waltz
🥇VRDHS
🥈Tambongon NHS
🥉San Jose NHS

Tango
🥇VRDHS
🥈Tambongon NHS
🥉San Jose NHS

Viennese Waltz
🥇VRDHS
🥈Tambongon NHS
🥉San Jose NHS

10 DANCES
Samba
🥇VRDHS

Chachacha
🥇VRDHS

Jive
🥇VRDHS

Slow Waltz
🥇VRDHS

Tango
🥇VRDHS

Viennese Waltz
🥇VRDHS

Pangkalahatang Resulta:
🥇VRDHS
🥈Tambongon NHS
🥉San Jose NHS

✍️: Jesmarth Omayan
📷: Prince Edee Tomes

10/10/2025

I 𝘽𝙤𝙨𝙚𝙤, 𝙖𝙖𝙧𝙖𝙣𝙜𝙠𝙖𝙙𝙖 𝙨𝙖 𝙋𝙤𝙫'𝙡 𝙈𝙚𝙚𝙩 '25

Muling nasungkit ng Viga Rural Development High School (VRDHS) ang trono sa table tennis single A men’s category matapos talunin ni Justine Boseo ang pambato ng Tambogñon National High School (TNHS) na si TJ Tolin sa standing na 3-0.

Sa unang set nanguna agad ang pambato ng Viga RDHS na si Boseo sa pamamagitan ng malalakas na serve at nakakapanabik na palitan ng bola. Pinapuntos lang ni Boseo ng kaunti ang katungali na si TJ Tolin at tuloyang tinapos ang unang set sa iskor na 11-5.

Sa ikalawang set muling nagpakita ng dedikasyon ang pambato ng VRDHS na si Boseo at maipanalo ang ikalawang laban. Sa kalagitnaan ng laro mapangahas na sinubok ni Tolin na habulin ang iskor ng VRDHS, ngunit hindi nagpatinag si Boseo at binigyan ng isang malakas na palo si Tolin upang tuluyang maipanalo ang laro sa iskor na 11-6.

Sa ikatlong set walang kahirap hirap na tinalo ni Boseo ang katunggali matapos ang sunod-sunod na service error ni Tolin, tinapos ni Boseo ang laro sa iskor na 11-6.

Ayon kay Boseo pinaghandaan niya ang laro sa pamamagitan ng mabusising pageensayo tuwing walang klase

“Pinag handaan ko ito at nag-training kapag walang pasok, naging inspirasyon ko ang goal kong maka rating sa pambansa at maging malakas tulad nila, ang plano ko sa provincial meet ay paghandaan at mag improve upang makamit ko ang gintong medalya,” ani Boseo.

Ang nasabing laro ay ginanap sa VRDHS lobby ngayong ikalawang araw ng Municipal meet, Biyernes ika-10 ng Oktubre 2025.

✍️ Elton Jhon Tellerva
📷 Elton Jhon Tellerva

ANG SINAGTALA-Viga RDHS

13/10/2025

11/10/2025

11/10/2025

10/10/2025

10/10/2025

10/10/2025

10/10/2025

10/10/2025

10/10/2025

10/10/2025

10/10/2025

10/10/2025

Address

Website

Alerts

Shortcuts

Share

Category