17/07/2026
Sa kinasingkasing nga pagpasalamat, nagadayeg kita sa atong Ginoo tungod sa dakong grasya nga gidawat sa Our Lady of Guadalupe Parish, Villanueva, pinaagi sa makasaysayanong pagbisita sa Birhen sa Guadalupe gikan sa Mexico niadtong Hulyo 10, 2026.
Kining talagsaong higayon nahimong dakong panalangin sa atong parokya ug sa tanang mga deboto nga adunay dakong pagtuo ug paghigugma sa Mahal nga Birhen sa Guadalupe. Ang iyang pagbisita nagpadasig sa atong pagtuo, naghatag og paglaum, ug nagpalig-on sa atong panaghiusa isip usa ka Kristohanong komunidad.
Sa Atong Kora Paroko, Rev. Fr. Noel A. Ebana, SSJV, pagpasalamat alang sa iyang maampingong pagpangulo ug espirituhanong paggiya aron mahimong malinawon ug malampuson ang maong panagtigom.
Sa dakong pasalamat, among giila ang atong Main Celebrant, Rev. Fr. Abelardo Cabillan II, SSJV alang sa iyang makahuluganon nga pagpangulo sa Balaang Misa ug sa pagpaambit sa Pulong sa Diyos nga nakadasig sa tanang mitambong. Dako usab ang among pagpasalamat sa tanang mga kaparian nga miduyog ug nakighiusa sa pagsaulog niini nga talagsaong panghitabo. Ang inyong presensya ug pag-ampo usa ka dakong panalangin sa among parokya.
Sa tanang mga religious, parish ministries, choir, volunteers, sponsors, benefactors, mga opisyal sa simbahan ug sa lokal nga panggamhanan, mga deboto, ug sa tanang naningkamot aron mahimong malampuson ang maong kalihokan, daghang salamat sa inyong walay kakapoy nga pag-alagad, pagtinabangay, ug suporta.
Hinaut nga ang gugma ug inahanong pag-amuma sa Mahal nga Birhen sa Guadalupe magpadayon sa pagpanalipod sa atong mga pamilya, sa atong parokya, ug sa tibuok komunidad. Padayon unta kitang motubag sa iyang tawag sa pagtuo, paglaum, ug paghigugma kang Kristo.
Viva La Virgen de Guadalupe! ๐น
Nuestra Madre de Guadalupe, ruega por nosotros!
