16/07/2026
βΉοΈBALITANG CASTI | Mahigit 300 Residente ng Brgy. San Nicolas, Nakinabang sa Libreng Medical Mission ng "Tsek Up Na!" ni Sen. Risa Hontiveros
π Mahigit 300 residente ng Barangay San Nicolas ang nakinabang sa isinagawang "Tsek Up Na!" Medical Mission na inisyatiba ng tanggapan ni Senador Risa Hontiveros noong Hulyo 15.
Naghatid ang medical mission ng iba't ibang libreng serbisyong pangkalusugan kabilang ang blood test, urinalysis, uric acid test, electrocardiogram (ECG), konsultasyon at pagsusuri ng mga doktor, gayundin ang isang buwang suplay ng pangunahing gamot para sa mga pasyenteng nangangailangan.
Pinangunahan ng apat na doktor at mga bihasang medical staff ang programa na nagsimula alas-6:00 ng umaga at nagtapos alas-2:00 ng hapon. Tumulong din sa maayos na pagsasagawa ng aktibidad ang Young Ones, isang samahan ng mga boluntaryong mag-aaral sa kolehiyo mula sa Olongapo City na patuloy na hinihikayat ang kabataan na makibahagi sa mga gawaing pangkomunidad.
Ayon kay Conrad Hipolito, Political Officer ni Senador Risa Hontiveros para sa Zambales, layunin ng programang "Tsek Up Na!" na maihatid ang serbisyong medikal sa mga malalayong komunidad sa lalawigan upang mas maraming ZambaleΓ±o ang magkaroon ng pagkakataong makatanggap ng libreng serbisyong pangkalusugan.
Nagpahayag naman ng taos-pusong pasasalamat ang Sangguniang Barangay ng San Nicolas, sa pangunguna ni Punong Barangay Yam S. Dadural, sa medical team at kay Senador Risa Hontiveros sa pagdadala ng programang nagbigay ng malaking tulong sa mga residente ng barangay.
Larawan: Kagawad Jay Czar La Torre
Ulat: Sylmar Calata Hora
