Pak News Network

25/09/2026

*نو تعینات ایس ایس پی ٹریفک محمد سلیمان خان PSP نے ٹریفک پولیس ایبٹ آباد کی کمان سنبھال لی*

نو تعینات ایس ایس پی ٹریفک ایبٹ آباد محمد سلیمان خان PSP نے ٹریفک پولیس ایبٹ آباد کے دفتر پہنچ کر اپنے عہدے کا چارج سنبھال لیا۔

اس موقع پر ٹریفک پولیس کے چاق و چوبند دستے نے نو تعینات ایس ایس پی ٹریفک کو سلامی پیش کی۔
ایس ایس پی ٹریفک محمد سلیمان خان نے ٹریفک پولیس کے افسران و جوانوں سے تعارفی میٹنگ کے دوران انہیں اپنے فرائض منصبی احسن انداز میں، فرض شناسی، نظم و ضبط اور عوامی خدمت کے جذبے کے ساتھ سرانجام دینے کی ہدایات جاری کیں۔

انہوں نے ٹریفک کی روانی برقرار رکھنے، شہریوں کو بہترین سفری سہولیات فراہم کرنے اور ٹریفک قوانین پر مؤثر عملدرآمد یقینی بنانے پر بھی زور دیا۔

25/09/2026

ڈھوڈیال ملکال میں رمضان المبارک میں 2 خواتین کو قتل کرنے کے مقدمہ کے مرکزی ملزم اعزاز علی ولد نذر حسین کو بی بی اے کینسل ہونے پر گرفتار کرلیاگیا۔ دہرے قتل میں نامزد دوسرا ملزم کامران غازی پہلے سے گرفتار ہے اور جیل میں ہے جبکہ دیگر چھ شریک نامزد ملزمان ضمانت پر ہیں۔

ملزم اعزاز نے مورخہ6/03/2026 کو ملکال ڈھوڈیال میں فائرنگ کرکے مسمات (س) کو قتل کر دیا تھا جبکہ ملزم کامران غازی کی فائرنگ سےمسمات ( ا) جانبحق ہوگئ تھی۔جبکہ دیگر شریک ملزمان نے بھی باارادہ قتل فائرنگ کی تھی۔

ملزمان کے خلاف تھانہ شنکیاری میں مورخہ 6/03/2026کو زیر دفعات 302/324/148/149/15AAKPKکے تحت مقدمہ درج ہوا تھا۔

25/09/2026

25/09/2026

تھانہ بگنوتر کی حدودجنگل ہوٹل کے مقام پر ٹوٹا ہائی ایس کو حادثے کی اطلاع موصول ہوئی۔ اطلاع ملتے ہی ریسکیو 1122 کی ٹیم فوری طور پر جائے حادثہ پر پہنچی اور زخمیوں کو ابتدائی طبی امداد فراہم کی۔
ریسکیو اہلکاروں نے تمام زخمیوں کو مزید طبی علاج کے لیے ایوب میڈیکل کمپلیکس ایبٹ آباد منتقل کر دیا۔
زخمیوں میں:
• شہزیب — 14 سال
• رخسار — 12 سال
• رخسانہ — 50 سال
• مریم — 19 سال
• مظہر — 42 سال
• عارف حسین — 36 سال
ریسکیو 1122 کی ٹیم نے بروقت کارروائی کرتے ہوئے زخمیوں کو فوری طبی امداد فراہم کی اور ہسپتال منتقل کیا۔

ترجمان ریسکیو 1122 ایبٹ آباد

25/09/2026

ایس ایس پی ٹریفک سلمان خان نے ایبٹ آباد ٹریفک پولیس کی کمان سنبھال لی۔

ایس ایس پی ٹریفک سلمان خان کی آمد پر چاق و چوبند دستے نے سلامی پیش کی۔ بعد ازاں انہوں نے ڈی ایس پی ٹریفک، انسپکٹر ٹریفک اور آفس اسٹاف کے ساتھ اہم اجلاس منعقد کیا، جس میں ٹریفک کی روانی، عوامی سہولیات، ٹریفک نظم و ضبط اور دیگر امور کا جائزہ لیا گیا۔ اس موقع پر افسران و اہلکاروں کو ٹریفک نظام میں مزید بہتری کے لیے ضروری ہدایات بھی جاری کی گئیں۔

25/09/2026

ذرائع کا کہنا ہے کہ سکیورٹی خدشات کے باعث سول سیکرٹریٹ خالی کردیا گیا ہے اور سیکرٹریٹ کےتمام ملازمین کو چھٹی دے گئی ہے۔

پشاور پولیس کے مطابق شہر بھر میں سرکاری عمارتوں، دفاتر اور تنصیبات کی سیکیورٹی بڑھادی ہے جب کہ پولیس لائنز میں عام لوگوں کا داخلہ بند کردیا گیا

25/09/2026

مانسہرہ: گزشتہ روز اکبر خان روڈ سے نالے میں بہہ جانے والی(خاتون اور بچی) میں سے دوسری لاش بھی جاری سرچ اینڈ ریسکیو آپریشن کے دوران بھیرکنڈ ڈولی کے مقام سے برآمد کر لی گئی۔
ریسکیو 1122 کی ٹیم نے بچی کی لاش کو ریکور کر کے ضروری کارروائی کے بعد ریسکیو 1122 کی ایمبولینس کے ذریعے کنگ عبداللہ ہسپتال مانسہرہ منتقل کر دیا۔
ترجمان:
ریسکیو 1122 مانسہرہ

25/09/2026

غازیکوٹ کے رہائشی ندیم نامی شخص کو قتل کرنے والا ساجد شاہ ولد شریف شاہ نامی ملزم گرفتار ، آلہ قتل پستول برآمد

تفصیلات کے مطابق مورخہ 22/09/2026 کو نوید انجم ولد زرداد خان سکنہ غازیکوٹ نے پولیس کو رپورٹ کرائ کہ میرا بھائ پراپرٹی کا کام کرتا ہے جو ہم پنجاب مارٹ بالمقابل چئیرمین ہوٹل غازیکوٹ میں موجود تھے کہ ساجد شاہ ولد شریف شاہ سکنہ پارس حال گڑھی حبیب اللہ مانسہرہ آیا اور میرے بھائ ندیم کو پلاٹ دکھانے کا کہہ کرکسی موسوسہ ڈومالاں ہڑیالہ کی طرف لے گیا اور کچھ دیر بعد فائرنگ کی آواز آئ جو کہ ہم موقع پر پہنچے اور دیکھا کہ بھائ ندیم خون میں لت پت تھا جبکہ ساجد شاہ بمسلح اسلحہ آتشین فائرنگ کرتا ہوا موقع سے بھاگ گیا۔میرا بھائ زخموں کی تاب نہ لاتے ہوئے موقع پر ہی جانبحق ہوگیا۔
پولیس نے مقتول کے بھائ کی مدعیت میں قتل کی دفعات کے تحت مقدمہ درج کرکے تفتیش کا آغاز کیا اور ملزم کی تلاش و پتہ براری شروع کی۔دوران تفتیش و پتہ براری ملزم ساجد شاہ کو گرفتار کرلیا گیا جس سے آلہ قتل پستول برآمد کرکے مزید تفتیش کا آغاز کر دیا گیا ہے۔

25/09/2026

ہریپور تھانہ صدر پولیس کی کاروائی ، کاگ کے رہائشی کے گھر سے 02 اے سی ،02 سٹیبلائزرز، مائیکرو اون اور دیگر اشیاء چوری کرنے والے ملزمان نجیب خان ولد سرور خان سکنہ کاگ حال چونگی نمبر3 کھلابٹ ،اعزاز خان ولد محمد سلیم خان سکنہ کاگ حال ڈانہ کالونی اور موسی خان ولد علی خان سکنہ کاگ کو گرفتار کرکے چوری ہونے والی تمام اشیاء برآمد کرلی۔ ملزمان کے خلاف 380 پی پی سی کے مقدمہ درج رجسٹر ۔ملزمان سے مذید تفتیش جاری ہے ۔