01/08/2026
تھانہ مانگل کی حدود میرا بن تریڈا میں ٹرانسفارمر چوری،
قلندرآباد: تھانہ مانگل کی حدود میرا بن تریڈا میں نامعلوم چور رات کی تاریکی میں بجلی کے ٹرانسفارمر کو کھول کر اس کے اندر موجود قیمتی سامان چوری کرکے فرار ہوگئے، جس کے باعث علاقے میں بجلی کی فراہمی معطل ہوگئی۔
اہلِ علاقہ کے مطابق چور انتہائی مہارت سے ٹرانسفارمر کے قیمتی پرزے اور دیگر سامان نکال کر لے گئے۔ واقعے کے بعد شہریوں میں شدید تشویش پائی جاتی ہے اور انہوں نے بڑھتی ہوئی چوری کی وارداتوں پر تحفظات کا اظہار کیا ہے۔
مقامی افراد نے مطالبہ کیا ہے کہ پولیس فوری طور پر واقعے کی مکمل تحقیقات کرے، ملوث ملزمان کو گرفتار کرکے قانون کے کٹہرے میں لائے اور علاقے میں رات کے وقت پولیس گشت کو مزید مؤثر بنایا جائے تاکہ آئندہ ایسے واقعات کی روک تھام ممکن ہو سکے۔
علاقہ مکینوں نے متعلقہ واپڈا حکام سے بھی مطالبہ کیا ہے کہ متاثرہ ٹرانسفارمر کو جلد از جلد بحال کیا جائے تاکہ عوام کو بجلی کی طویل بندش اور مشکلات سے نجات مل سکے۔ اس سے پہلے بھی مختلف علاقوں میں ٹرانسفارمر چوری کے واقعات رپورٹ ہوتے رہے ہیں، جس کے باعث بجلی کی فراہمی متاثر ہونے اور شہریوں میں تشویش بڑھنے کے واقعات سامنے آئے ہیں۔
#قلندرآباد #
