03/09/2026
نتھیاگلی مکشپوری ٹاپ پر لاپتہ ہونے والے 5 افراد پر مشتمل سیاح فیملی کو ریسکیو ٹیموں نے بحفاظت ریسکیو کر لیا ۔۔۔۔۔۔۔
ایبٹ آباد نتھیاگلی مکشپوری ٹاپ کے مقام پر 5 افراد پر مشتمل فیملی کے لاپتہ ہونے کی اطلاع پر ریسکیو 1122 کی سرچ اینڈ ریسکیو ٹیموں نے فوری طور پر سرچ اینڈ ریسکیو آپریشن شروع کیا۔
ابتدائی اطلاعات کے مطابق لاپتہ ہونے والے افراد میں تین خواتین اور دو مرد شامل تھے۔ تمام افراد کا تعلق پشاور سے بتایا گیا ہے۔
لاپتہ افراد کی تفصیلات درج ذیل ہیں:
محمد عثمان — عمر 29 سال
فرید رضوان — عمر 45 سال
شبانہ رفیق — عمر 40 سال
سنیلہ عثمان — عمر 27 سال
سعدیہ فرید — عمر 34 سال
تمام افراد کا تعلق پشاور سے ہے
ریسکیو ٹیموں نے مسلسل سرچ اینڈ ریسکیو آپریشن کرتے ہوئے تمام افراد کو بحفاظت تلاش کر لیا۔ ریسکیو اہلکاروں کی جانب سے تمام افراد کو محفوظ مقام پر منتقل کرنے کا عمل شروع کر دیا گیا ہے۔
ریسکیو 1122 کی بروقت کارروائی، پیشہ ورانہ مہارت اور مؤثر سرچ آپریشن کے باعث پانچوں افراد کو بحفاظت ریسکیو کر لیا گیا۔ ریسکیو ٹیمیں شہریوں اور سیاحوں کی حفاظت کے لیے اپنی ذمہ داریاں بھرپور انداز میں انجام دے رہی ہیں۔
ترجمان ریسکیو 1122 ایبٹ آباد
