01/07/2026
مالی مشکلات کے شکار شخص سے مشورہ لینا یا دینی رہنمائی حاصل کرنا
قال الشافعي رحمه الله۔۔۔
لا تستشر من ليس في بيته دقيق لأنه مدلّه العقل.
جس کے گھر میں آٹا نہ ہو ۔۔اس سے مشورہ نہ لیا کرو ۔۔۔کیونکہ فقر و فاقہ ( اکثر لوگوں کی) نظر و فکر دونوں کو معطل کر دیتی ہے ۔۔۔
یعنی جس شخص کی بنیادی ضروریات زندگی بآسانی پوری نہ ہوتی ہو۔۔۔اس کی عقل و شعور اس پریشانی میں مشغول رہتی ہے ۔۔۔
اور وہ درست ۔۔۔مشورہ نہیں دے سکتا ۔۔۔
اسی طرح۔۔۔جس معلم اور مدرس کو بنیادی ضروریات پوری کرنے کے لئے ۔۔۔۔معقول تنخواہ نہ ملتی ہو ۔۔۔وہ کھبی بھی درس و تدریس کا حق ادا نہیں کر سکتا ۔۔۔۔
اس طرح تنگدستی کا شکار پیش امام بھی مسجد میں صرف وقت گزاری کرے گا ۔۔۔۔
سلف صالحین حلال مال و دولت کو دین پر عمل کرنے کا مضبوط سہارا خیال کرتے تھے ۔۔۔
عبدان روایت کرتے ہیں۔۔۔۔
میں عبداللہ بن المبارک کے پاس گیا، وہ رو رہے تھے۔ میں نے کہا۔۔۔۔
اے ابا عبدالرحمٰن! آپ کو کیا ہوا؟
فرمایا: “میرا کچھ مال ضائع ہوگیا ہے۔”
میں نے تعجب سے پوچھا: “کیا آپ مال کے ضائع ہونے پر رو رہے ہیں؟”
انہوں نے جواب دیا: “یہ مال ہی تو میرے دین کا سہارا تھا۔
عن عبدان قال: دخلت على عبد الله بن المبارك، وهو يبكي، فقلت له: ما لك، يا أبا عبد الرحمن؟ قال: بضاعة لي ذهبت، قال: فقلت: أو تبكي على المال؟ قال: إنما هو قوام ديني.
قرآن مجید میں بھی اللہ تعالیٰ نے مال و دولت کو قوام الحياة یعنی زندگی کا سہارا قرار دیا ہے ۔۔۔
لہذا اس سہارا کو کسی بھی صورت میں کمزور نہیں ہونے دینا ہے ۔۔۔۔
جتنا یہ سہارا مضبوط ہوگا اتنی ہی زندگی آرام و سکون کے ساتھ گزری گی ۔۔۔۔
سعید اشبالی
