20/06/2026
*تھانہ نظام پور پولیس کا مجرم اشتہاری سے مقابلہ*
*پولیس پر فائرنگ، جوابی کارروائی میں اشتہاری زخمی، دو ساتھی اسلحہ سمیت گرفتار،زیر استعمال اسلحہ 03عدد پستول،آئس و چرس بھی برامد*
*تفصیلات:*
ایس ایچ او تھانہ نظام پور اشفاق احمد اپنی ٹیم کے ہمراہ معمول کے گشت پر نمل خوڑ کے علاقے میں موجود تھے کہ مقدمہ نمبر *156بجرم 324,337v * میں مطلوب مجرم اشتہاری اختر علی ولد اقبال ساکن نمل بالااپنے ساتھیوں سمیت سامنے سے آتا دکھائی دیا۔ پولیس پارٹی نے ملزمان کو رکنے کا اشارہ کیا۔
ملزمان نے گرفتاری سے بچنے کے لیے پولیس پارٹی پر فائرنگ شروع کر دی۔ پولیس نے حقِ حفاظتِ خود اختیاری کے تحت جوابی فائرنگ کی جس کے نتیجے میں مجرم اشتہاری فائر لگنے سے زخمی ہو گیا۔
پولیس نے فوری کارروائی کرتے ہوئے زخمی اشتہاری اور اس کے دو ساتھیوں عمر فاروق ولد پرویز خان اور *عامر ولد نورزاد گل ساکنان نمل بالا کو موقع پر ہی حراست میں لے لیا۔ ملزمان کے قبضے سے 03 عدد پستول،متعدد کارتوس،آئس و چرس بھی برآمد کر لی گئی۔
واقعہ کی اطلاع ملتے ہی ایس ڈی پی او اکوڑہ خٹک سرکل عدنان اعظم خان بھاری نفری کے ہمراہ فوری طور پر جائے وقوعہ پر پہنچ گئے۔
زخمی مجرم اشتہاری کو علاج معالجہ کے لیےھسپتال منتقل کر دیا گیا ہے جبکہ دونوں ساتھیوں کو تھانہ نظام پور منتقل کر کے حوالات میں بند کر دیا گیا۔
ملزمان کے خلاف مقدمہ درج کر کے مزید تفتیش کا آغاز کر دیا گیا ہے۔ گرفتار ملزمان سے دیگر وارداتوں کے متعلق بھی تفتیش کی جا رہی ہے۔
