Umar Reacts

Umar Reacts 🎬 Daily Viral Reactions
🇵🇰 Pakistani Content
😂 Funny | 🏏 Cricket | 🔥 Trending
Follow for daily entertainment!

ماشااللہ : بڑھاپے میں ماضی کے مشہور اداکار ہمایوں قریشی کو ایک اور سعادت حاصل ۔۔۔ جوشیلے عاشق رسولؐ بن گئے ۔۔۔۔ چند روز ...
01/10/2026

ماشااللہ : بڑھاپے میں ماضی کے مشہور اداکار ہمایوں قریشی کو ایک اور سعادت حاصل ۔۔۔ جوشیلے عاشق رسولؐ بن گئے ۔۔۔۔ چند روز قبل کچھ مداح قریشی صاحب سے ملنے ان کے گھر پہنچے سلام دعا اور حال احوال ہوا تو ایک مداح انکی تعریف کرنے لگا انکی پرانی یادیں تازہ ہونے لگیں ، قریشی صاحب ہر بات پر سر جھکائے اللہ ،اللہ ۔ اور لا الہ الا اللہ کا ورد کرتے رہے ۔ لیکن جب مداح نے انکے لیے دعا کی کہ اللہ کریم اپنے محبوب حضرت محمد ؐ کے صدقے انہیں صحت والی زندگی عطا کرے تو لفظ محمدؐ مداح کی زبان پر آتے ہی ہمایوں قریشی کے جسم میں جیسے کرنٹ بھر گیا ، زور سے بولے ، ہائے میں قربان ، پھر انہوں نے اپنی وہیل چیئر سے اٹھنے کی کوشش کی ۔ اور "سبحان اللہ میں قربان" کا ورد کرنے لگے ۔۔۔۔۔ بے شک ایسی زندگی اتنی محبتیں ایسا بڑھاپا اور ایسے شب و روز کم ہی کسی کو نصیب ہوتے ہیں کہ ہر سانس کے ساتھ اللہ اور اسکے رسولؐ اور کلمہ کا ورد زبان سے جاری رہے ۔۔۔ اللہ کریم ہمارے پیارے اور محبوب لیجنڈ ہمایوں قریشی کو صحت کاملہ اور شفائے عاجلہ عطا کرے آمین ثم آمین
Umar Reacts ✅

اللہ کسی کو بھی برے دن نہ دکھائے : لاہور میں والٹن کے علاقے میں بیچ سڑک کھڑی رہنے والی ایک نوجوان عورت کی سچی کہانی ۔۔۔۔...
01/10/2026

اللہ کسی کو بھی برے دن نہ دکھائے : لاہور میں والٹن کے علاقے میں بیچ سڑک کھڑی رہنے والی ایک نوجوان عورت کی سچی کہانی ۔۔۔۔۔ یہ خاتون شک اور چہرے مہرے سے پڑھی لکھی اور اچھے خاندان کی لگتی ہے مگر اس وقت اس کا ذہنی توازن خراب ہے ۔ سارا دن پلاس ہاتھ میں پکڑے سڑک پر پھرتی ہے راہگیروں کو تنگ کرتی ہے پلاس سے انکے سامان کو یا جسم کو نقصان پہنچانے کی کوشش کرتی ہے اور جب دل کرے ٹریفک کی مخالف سمت رخ کرکے کھڑی ہو جاتی ہے ۔۔۔۔۔ سوال یہ پیدا ہوتا ہے کہ خاتون کے ورثاء کہاں ہیں اگر یہ لاوارث ہے تو حکومتی ادارے اس کےو ارث کیوں نہیں بن رہے ، اس سے پہلے کہ خاتون کے ساتھ یا راہگیروں کے ساتھ کوئی ناخوشگوار واقعہ پیش آئے ، آئیے ہم سب ملکر اس پوسٹ کو وائرل کردیں تاکہ خاتون کے ورثاء کا پتہ چل جائے یا کوئی سرکاری یا نجی ادارہ اسے اپنی تحویل میں لے ۔

Umar Reacts ✅۔

روٹی بندہ کھا جاندی اے : چند روز قبل پیش آیا ایسا واقعہ کہ موقع پر موجود لوگ توبہ توبہ کرنے لگے ۔۔۔۔ یہ اپنے پنجاب کے ای...
30/09/2026

روٹی بندہ کھا جاندی اے : چند روز قبل پیش آیا ایسا واقعہ کہ موقع پر موجود لوگ توبہ توبہ کرنے لگے ۔۔۔۔ یہ اپنے پنجاب کے ایک شہر کا واقعہ ہے ، ایک ہوٹل میں ایک باریش شخص داخل ہوا ، محتاط نظروں سے ادھر ادھر مختلف ٹیبلز پر پھرتا رہا اور پھر دبے قدموں باہر نکلنے کی کوشش کی تو ویٹرز اور مالک ہوٹل نے اسے دھر لیا ۔ یہ شخص قسمیں کھاتا رہا میں چور نہیں ہوں خدا کے واسطے مجھے چھوڑ دو مگر ان لوگوں نے اسے نہیں چھوڑا اور اسکی تلاشی لی تو اسکی جیب سے فقط ایک روٹی برآمد ہو گئی ، اس برآمدگی پر بھی وہ شخص ہاتھ جوڑ کر کہتا رہا میں چور نہیں ہوٹل مالک شاید کوئی رحمدل انسان تھا اس نے ماجرا پوچھا ، تو مبینہ چور کا کہنا تھا میرے بچے بھوکے ہیں مگر میں بیروزگار ہوں ، بچے روٹی مانگ رہے تھے میں نے سوچا مجھے بھیک یا صدقہ خیرات کون دے گا ، اور پھر زندگی بچانے کے لیے تو اللہ نے بھی رعایت رکھی ہے ۔ اب میں اللہ سے کیا کہوں تیری دھرتی پر میری زندگی اتنی مشکل کیوں ہے ؟ اصل واقعہ جان کر ہوٹل مالک نے اپنا سر پیٹ لیا ۔ ہاتھ جوڑ کر چور سے معافی مانگی اسے ہوٹل میں لے گیا ، بچوں کے لیے کھانا بھی پیک کروا دیا اور اس شخص کی منت کی کہ جب تک روزگار کا بندوبست نہ ہو بچوں کے لیے اس ہوٹل سے کھانا لے جایا کرو ۔۔۔۔۔۔۔ اللہ کریم ہمارے حالات پر رحم فرمائے ، بھوک انسان سے بہت کچھ کرواتی ہے ، اللہ اس شخص اور اسکے بچوں کا حامی و ناصر ہو اور اللہ کریم نیک دل انسانوں کا بھی بھلا فرمائے بے شک آتے میں نمک بھر ایسے لوگوں کی موجودگی سے ہی یہ دنیا آباد ہے ۔
Umar Reacts ✅

ماشااللہ : ایک شہیید کی بہن نے اپنے بھائی اور پاکستان کا نام سربلند کردیا ۔۔۔ ہنزہ سے تعلق رکھنے والی منیشا علی نے مکسڈ ...
30/09/2026

ماشااللہ : ایک شہیید کی بہن نے اپنے بھائی اور پاکستان کا نام سربلند کردیا ۔۔۔ ہنزہ سے تعلق رکھنے والی منیشا علی نے مکسڈ مارشل آرٹس کا فائنل اپنے نام کرلیا ۔۔۔ افریقی ملک انگولا میں ’آئی ایم ایم ایف ایف‘ کے فائنل تک پاکستان کی منیشا علی کی رسائی کو ٹورنامنٹ کا بڑا اپ سیٹ قرار دیا جا رہا تھا اور کوئی سوچ بھی نہیں سکتا تھا کہ منیشا علی دو مرتبہ کی عالمی چیمپیئن لیونیلا ازابیل بلائیے کو ہرا پائیں گی ۔ انگولا ہی سے تعلق رکھنے والی عالمی چیمپیئن لیونیلا ازابیل بلائیے منیشا علی سے قد میں بھی لمبی تھی۔ فائنل کا مقابلہ شروع ہوا تو توقع کے مطابق لیونیلا ازابیل نے منیشا پر تابر توڑ اٹیکس کیے اور اُن کے کئی طاقتور پنچ منیشا کو لگے بھی۔پہلا راونڈ ختم ہوا تو لیونیلا ازابیل کا پلڑا بھاری تھا اور دوسرے راؤنڈ کی ابتدا میں بھی صورتحال لگ بھگ کچھ ایسی ہی رہی۔ دوسرے راونڈ کے اختتام میں محض 30 سیکنڈ باقی تھے اور پے در پے اٹیکس کے بعد تھکن کا شکار لیونیلا بدستور منیشا پر مکوں کی بارش کر رہی تھیں۔بظاہر لیونیلا مقابلہ جلد ختم کرنے کی کوشش میں تھیں مگر شاید انھیں اندازہ نہیں تھا کہ چند ہی سیکنڈ بعد مقابلے کا غیرمتوقع انجام ہونے والا ہے۔منیشا نے اسی موقع پر حریف کی ایک غلطی کا فائدہ اٹھایا،منیشا نے لیونیلا کو ’سٹینڈنگ گیلوٹین‘ میں جکڑا اور اپنی گرفت مضبوط کر لی۔سٹینڈنگ گیلوٹین اس کھیل میں ایک خطرناک داؤ ہوتا ہے جس میں فائٹر اپنے حریف کے سر اور گردن کو اپنے بازوؤں کے حصار میں جکڑ لیتا ہے جس کے باعث خون کی روانی متاثر ہوتی ہے۔چند سیکنڈ تو لیونیلا اس داؤ سے نکلنے کی کوشش کی مگر منیشیا کی گرفت مضبوط ثابت ہوئی اور جلد ہی وہ بے بس ہو گئیں تو ایمپائر نے منیشا کی جیت کا اعلان کر دیا۔یوں منیشا علی فاتح ٹھہریں، جس کی کوئی بھی توقع نہیں کر رہا تھا۔پاکستان کے زیر انتظام خطے گلگت بلتستان سے تعلق رکھنے والی منیشا علی نے اس فتح کے ساتھ پاکستان کے لیے گولڈ میڈل جیت لیا۔فتح کے فوراً بعد منیشا نے نعرہ تکبیر بلند کیا اور گھٹنوں کے بل بیٹھ گئیں۔ تماشائیوں میں موجود اُن کی جڑواں بہن ملیحہ علی بھی انھیں پکار رہی تھیں۔یہ ورلڈ کپ دنیا کی 15 ٹاپ رینکنگ ٹیموں کی شرکت کے ساتھ ہوا، جس میں امیچر مکسڈ مارشل آرٹس کے نمایاں فائٹرز شریک تھے۔منیشا کا کہنا ہے کہ مقابلے کے دوران اُن کے ذہن میں اپنے بھائی شہزاد کی تصویر آ رہی تھی جس نے انھیں مارشل آرٹ کی ابتدائی ٹریننگ دی تھی۔ منیشا نے بتایا کہ شہزاد عطا آباد جھیل کے واقعے میں لوگوں کو مدد فراہم کرتے ہوئے شہیید ہو گئے تھے۔’جب میری فتح کا اعلان ہوا تو ایسے لگا کہ میں نے اپنے بھائی کے خوابوں کی تعبیر پا لی ہے۔ ہمارا بھائی خود بھی فائٹر تھا اور وہ ہمیں خود فائٹ سکھاتا تھا۔ اس کی خواہش تھی کہ ہم بھی فائٹر بنیں اور اس کے لیے وہ بہت محنت کرتا تھا۔ مگر زندگی نے اس کو مہلت نہ دی۔ جب میری فتح کا اعلان ہوا تو اس وقت مجھے لگا کہ آج میرا بھائی بہت خوش ہو گا۔‘منیشا علی اور انکی بہن ملیحہ علی نے ابتدائی تعلیم اور بیچلرز کی ڈگری ہنزہ ہی سے حاصل کی تھی۔ ’اس کے بعد ہم دونوں بہنیں لاہور منتقل ہوئیں اور لاہور میں ہمیں تربیت کے بہتر مواقع دستیاب ہوئے تھے۔ انکے والد سرکاری ملازم ہیں جبکہ والدہ ہاؤس وائف ہیں۔’ منیشا علی کے بقول ۔۔۔ہمیں اس سارے سفر میں اپنے والدین اور خاندان کی طرف سے بھرپور سپورٹ ملی۔ معاشرے کی جانب سے تھوڑا بہت منفی رویہ بھی ملا ہوا مگر وہ ہم لوگوں نے نظر انداز کر دیا، اگر والدین ساتھ ہوں تو باقی لوگوں کے کہے کی کوئی اہمیت نہیں ہوتی۔‘
Umar Reacts ✅

کمالیہ : ریڑھی پر سامان بیچ کر رزق کمانے والی والی خاتون پر فرعون نما ایس ایچ او کا جوتی سے تش۔دد ۔۔۔۔۔۔۔ دوسری کہانی م...
30/09/2026

کمالیہ : ریڑھی پر سامان بیچ کر رزق کمانے والی والی خاتون پر فرعون نما ایس ایچ او کا جوتی سے تش۔دد ۔۔۔۔۔۔۔ دوسری کہانی مارکیٹ میں لا کر معصوم بننے کی کوشش بے نقاب ۔۔۔۔ سوشل میڈیا پر وائرل اطلاعات کے مطابق معطل شدہ ایس ایچ او کا موقف ہے کہ علاقہ مکینوں کی شکایت پر پولیس موقع پر پہنچی تھی ، شبہ تھا کہ خاتون کے پاس چوری کا سامان موجود ہے ، لیکن خاتون نے مزاحمت کی تو ایس ایچ او عمران غفور نے خاتون کو محض ڈرانے کے لیے جوتا اچھالا جو نادانستہ طور پر خاتون کو جالگا ، دوسری جانب مصدقہ اطلاعات کے مطابق مذکورہ ایس ایچ او کے خلاف حکام بالا نے سخت ترین محکمانہ کارروائی کا آغاز کردیا ہے جبکہ ایس ایچ او کو نوکری سے بھی معطل یا فارغ کردیے جانے کی اطلاعات ہیں ۔
Umar Reacts ✅

اٹک : ایس پی کے ساتھ دو کانسٹیبلوں کی بد۔فعلی کی وائرل خبر ۔۔۔۔ اصل کہانی کچھ اور نکلی۔۔۔ براہ کرم مشکوک اور غیر مصدقہ ا...
30/09/2026

اٹک : ایس پی کے ساتھ دو کانسٹیبلوں کی بد۔فعلی کی وائرل خبر ۔۔۔۔ اصل کہانی کچھ اور نکلی۔۔۔ براہ کرم مشکوک اور غیر مصدقہ اطلاعات شیئر کرنے سے پہلے ایک نہیں ہزار بار سوچ لیا کریں ۔۔۔۔۔۔ یاد رہے کہ پچھلے کچھ روز سے یہ شرمناک جھوٹی خبر سوشل میڈیا پر وائرل ہے جس میں پنجاب پولیس کو بدنام کرنے کی مذموم کوشش کی جارہی ہے ۔ ہم دو روز قبل بھی اس واقعہ کو جھوٹ قرار دے چکے ہیں اب تازہ ترین اطلاعات کے مطابق یہ واقعہ مکمل طور پر جھوٹ کا پلندہ ہے ۔ اس شکل یا نام کا کوئی جوان افسر اٹک میں نہیں ، حقیقت یہ ہے کہ پانچ سال قبل بھکر پولیس نے ایک جعلی پولیس افسر کو گرفتار کیا تھا ۔ یہ اسی ملزم کی باوردی تصویر ہے ۔ اس حوالے سے مزید تفصیلات پہلے کمنٹ میں ملاحظہ کریں ۔

Umar Reacts ✅

ماشااللہ سرجی : آپ سلامت رہیں ۔۔۔۔۔۔۔۔ ڈی آئی جی آپریشنز لاہور فیصل کامران کا ایک ایسا اقدام کہ آپ انکے لیے دعا کیے بغی...
30/09/2026

ماشااللہ سرجی : آپ سلامت رہیں ۔۔۔۔۔۔۔۔ ڈی آئی جی آپریشنز لاہور فیصل کامران کا ایک ایسا اقدام کہ آپ انکے لیے دعا کیے بغیر نہ رہ سکیں گے ۔۔۔۔۔چند ماہ پہلے خانیوال کا 19 سالہ نوجوان محمد مبشر لاہور میں ایک فیکٹری میں کام کرتا تھا ۔ جب ایک روز خوفناک حادثہ پیش آیا اور کرنٹ لگنے سے مبشر کے دونوں بازو بری طرح زخمی ہوئے جو بعد میں ہسپتال میں کا۔ٹ دئیےگئے ، مقام افسوس کہ اس نازک اور مشکل وقت میں فیکٹری مالکان نے بے رحمی اور سنگدلی کا مظاہرہ کیا اور کسی قسم کی معقول امداد نہ کی ۔ مبشر جب اسپتال سے ڈسچارج ہوا تو ایک روز فیصل کامران ڈی آئی جی آپریشنر کی کھلی کچہری میں پہنچ گیا اور فیکٹری مالکان کی شکایت کی ۔ فیصل کامران صاحب نے فوری طور پر متعلقہ ایس ایچ او سے رابطہ کیا فیکٹری مالکان کو تھانے بلایا گیا اور انہیں گفت و شنید سے قائل کر لیا گیا چنانچہ انہوں نے چند لاکھ روپے کی مالی مدد کر ڈالی ۔ مبشر ان پیسوں کو پاکر خوش ہوا اسے امید بندھی کہ اب وہ مصنوعی بازو لگوا کر دوبارہ کارآمد زندگی گزارنے لگے گا ۔ لیکن مصنوعی اور بے جان بازو ظاہر ہے مبشر کے کسی کام کے نہ تھے وہ بائیونک یا سنسرز والے الیکٹرک بازو لگوانا چاہتا تھا ۔ وہ مختلف اداروں اور پرائیویٹ ہسپتالوں میں گیا لیکن ان خاص بازوؤں کا خرچہ اسکی بساط سے باہر تھا جو 30 سے 50 لاکھ روپے بتایا گیا ، پریشانی میں مبشر دوبارہ ڈی آئی جی صاحب کے پاس پہنچا اور کہا سر : آپ نے میرے ساتھ بہت شفقت کی لیکن ایک مہربانی اور کر دیں لاہور کی کسی مخیر شخصیت یا این جی او سے کہہ کر مجھے سنسرز والا بازو لگوا دیں تاکہ میں اپنے کچھ کام تو خود کر سکوں کم از کھانا کھا سکوں اور پانی تو پی سکوں ۔۔۔۔۔ ظاہر ہے یہ کام ڈی آئی جی آپریشنز کے فرائض میں شامل نہ تھا مگر انہوں نے مبشر کو تسلی دی اور چند دن کا ٹائم مانگا لیکن دل میں وہ تہیہ کر چکے تھے کہ کیا ہوا اگر یہ پولیس سے متعلقہ مسئلہ نہیں ہے ، یہ ایک انسان کا مسئلہ تو ہے اور انسانیت سے بڑھ کر اور کچھ نہیں ۔ اللہ کی کرنی دیکھیں انہی دنوں لاہور پولیس کا ایک ٹرسٹ سے ایم او یو ہوا ۔ بی ایم ٹی یعنی بالی میموریل ٹرسٹ معذوری کا شکار افراد کی بحالی کا کام کرتا ہے ، ڈی آئی جی فیصل کامران نے اس ٹرسٹ کی خاتون عہدیدار سے رابطہ کیا اور ذاتی طور پر درخواست کی کہ سب سے پہلے 19 سالہ مبشر کو معذوری سے نجات دلائی جائے ۔ بھلا ہو ان ٹرسٹ والوں کا انہوں نے بھی انسان دوستی کی مثال قائم کی ، مبشر کو بلایا گیا اسکے درجن بھر ٹیسٹس ہوئے ، ایک بازو اس قابل تھا کہ اسے بائیونک یعنی سنسرز والا بازو لگ سکتا تھا جبکہ دوسرا بازو اس حد تک متاثر تھا کہ اس پر الیکٹرک بازو لگنا ممکن نہ تھا ۔ اللہ کریم نے فیصل کامران اور اس ٹرسٹ کو سرخرو کیا ۔ نوجوان کو ایک بائیونک بازو کامیابی سے لگا دیا گیا ۔ جسکے لیے خصوصی اپیل پر لاہور کی متعدد مخیر شخصیات نے مالی مدد کی تھی ۔ آج الحمد للہ مبشر اپنے ضروری کام خود کر لیتا ہے پانی پی سکتا ہے ، ہاتھ سے کم وزنی سامان اٹھا سکتا ہے ، کھانا کھا سکتا ہے ، مبشر اب پرامید ہے کہ وہ مکمل محتاجی اور معذوری کی زندگی نہیں گزارے گا بلکہ معاشرے کا ایک فعال اور کارآمد شہری بنے گا ۔۔۔۔ دو روز قبل مبشر اس شفقت ہمدردی اور انسان دوستی کا شکریہ ادا کرنے ڈی آئی جی صاحب کے پاس آیا تو انہوں نے اسے پیار دے کر ثابت کیا کہ زندگی وہی جو اوروں کے کام آئے ۔۔۔۔۔ دعا ہے اللہ کریم فیصل کامران صاحب کو انکے اس خوبصورت اقدام کا اجر دے آمین ثم آمین .
( ش۔س۔م)
Umar Reacts ✅

میں روکھی سوکھی میں گزارہ کر لونگا ، خدا کے واسطے کوئی پاکستانی بھائی میری مدد کرے اور مجھے واپس اپنے وطن پہنچا دے ۔۔۔ ا...
29/09/2026

میں روکھی سوکھی میں گزارہ کر لونگا ، خدا کے واسطے کوئی پاکستانی بھائی میری مدد کرے اور مجھے واپس اپنے وطن پہنچا دے ۔۔۔ ایک سال سے سعودی عرب میں پھنسے پاکستانی نوجوان کی اپیل ۔۔۔ وقاص نامی نوجوان ایک سال قبل ایجنٹ کو 6 لاکھ روپے دے کر سعودی عرب گیا ۔، ایجنٹ نے پہنچتے ہی کام پر لگانے کا وعدہ کیا تھا لیکن مدینہ پہنچ کر اس نے کام تو کروایا لیکن تنخواہ کی مد میں ایک ریال بھی ادا نہ کیا ۔پھر اس شخص نے بائیک کا کام دلانے کے بہانے ان سے کاغذات پر دستخط کروائے اور انہیں ایک نئے کفیل کے سپرد کردیا یعنی کفالہ بدل دیا گیا 6 ماہ گھر والوں کے خرچے پر گزرے ، جب وقاص نئے کفیل کے پاس پہنچا تو اکیلا نہیں تھا اسکے ساتھ 12 اور پاکستانی نوجوان بھی ہیں، موجودہ کفیل 12 لڑکوں کو ایک ہی کمرے میں رکھے ہوئے ہے اور خود انکی نگرانی کرتا ہے یہ انہیں کاغذات پر دستخط کرنے کو کہتا ہے بصورت دیگر انہیں مطلوب لگانے کی د۔ھمکی دیتا ہے ، اور رہائشی کمرہ خالی کرنے کا مطالبہ کرتا ہے ۔ وقاص سمیت یہ 13 نوجوان انتہائی مشکل میں ہیں ۔ نہ انکے پاس نوکری ہے نا رہائش اور کھانے پینے کا بندوبست ، گھر والوں نے پہلے ہی مشکل سے ادھار لے کر انہیں سعودی عرب بھیجا تھا اب یہ لوگ ایک طرح سے بلیک ۔میل ہورہے ہیں جن حالات سے ایک سال میں گزرے ہیں امید نہیں کہ کفیل کی شرائط مان کر انہیں کچھ حاصل ہو دوسری صورت میں کفیل نے مطلوب لگا دیا تو انہیں گرفتار کرکے جیل میں ڈال دیا جائے گا ۔ جبکہ کفیل انہیں ورک پرمٹ دلانے کے لیے 25 ہزار ریال فی کس طلب کر رہا ہے ۔ اس نوجوان کی اپیل ہے کہ حکومت پاکستان ، سعودی عرب میں پاکستانی سفارتخانہ یا پھر کوئی بااثر شخصیت اس معاملے میں دخل دے ۔ یا تو ان نوجوانوں کو کسی باعزت روزگار پر لگایا جائے ۔ یا پھر وہ سعودی عرب کے ریالوں سے توبہ تائب ہیں اپنے وطن میں روکھی سوکھی کھا کر گزارہ کر لیں گے لیکن خدارا ہم سب پاکستانی نوجوانوں کو واپس پاکستان پہنچانے کی کوئی صورت نکالی جائے ۔۔۔
نوٹ : دیگر تفصیلات اور معلومات کمنٹس میں موجود ہیں ، سعودی عرب میں ایسے حالات سے دوچار پاکستانی اپنے کوائف و معلومات کمنٹس میں شیئر کریں تاکہ انکی مدد کی جاسکے اور جو شخص انکی مدد کرنا چاہے اسے معلومات دستیاب ہوں
Umar Reacts ✅
۔۔

بند کرو فون : میں کسی حبیب جالب اور اسکی بیٹی کو نہیں جانتا ۔۔۔۔۔!!! مرحوم انقلابی شاعر کی بیٹی طاہرہ حبیب جالب ایک پران...
29/09/2026

بند کرو فون : میں کسی حبیب جالب اور اسکی بیٹی کو نہیں جانتا ۔۔۔۔۔!!! مرحوم انقلابی شاعر کی بیٹی طاہرہ حبیب جالب ایک پرانے شکوے اور نئے درد کے ساتھ میدان میں آگئیں ۔۔۔۔۔ آج اپلوڈ ہونے والی ایک ویڈیو میں طاہرہ حبیب جالب نے اعلانیہ کہا ہے کہ میرے سامنے کوئی سونے کا ڈھیر بھی لگا دے تو پی ٹی آئی یا عمران خان کو کبھی سپورٹ نہیں کرونگی ، نہ ووٹ دونگی اور شمولیت کا تو سوال ہی پیدا نہیں ہوتا۔۔۔ بقول طاہرہ حبیب جالب ۔۔۔۔ اسکی ایک خاص وجہ ہے میرے والد کو ایک مرض لاحق تھا وہ مرض تھا غریبوں کا درد ۔ وہی مرض میری والدہ میں بھی تھا ، وہ ہمارے گھر کے سامنے جھگیوں میں رہنے والے غریبوں کا بہت احساس کرتی تھیں اکثر انکے لیے کھانا ، صاف پانی اور کپڑے بھجواتی رہتیں ، یہ کام اللہ نے خود میرے ہاتھوں سے کروایا ، ان جھگیوں میں کینسر کی مریضہ ایک عورت رہتی تھی ایک بار والدہ کے دل میں خیال آیا کہ شوکت خانم ایک زبردست پراجیکٹ ہے وہاں بلا امتیاز مریضوں کا علاج ہوتا ہے کیوں نہ ہم کوشش کریں اور عمران خان کو کہہ کر اس ہسپتال میں جھگی والی خاتون کا علاج کروائیں ، والدہ کی ہدایت پر میں نے کئی دن کی کوشش سے عمران خان کا نمبر ڈھونڈا ، کال کی تو انکے سیکرٹری نے فون اٹھایا ، میں نے تعارف کروایا کہ حبیب جالب کی بیٹی بول رہی ہوں ، سیکرٹری نے خان صاحب کو بتایا تو وہ اس زور سے چیخے کہ میں نے صاف سنا ۔۔۔ " بند کرو فون ۔ میں کسی جالب اور اسکی بیٹی کو نہیں جانتا "۔۔ وہ دن اور آج کا دن ، میرا مزاج نہیں کہ نفرت کا لفظ استعمال کروں لیکن میرا یہ عزم ہے کہ زندگی بھر پیپلز پارٹی کے ساتھ رہوں گی ۔۔۔۔ یہ واقعہ مجھے آج یاد آیا ہے کہ میرے علاقے کا ایک قبرستان تحریک انصاف کے روپوش لیڈر بلال قیصر کے قبضے میں ہے ، واللہ اعلم انکی اپنی جگہ ہے یا اس پر ان کا قبضہ ہے ۔لیکن یہ لوگ کسی غریب کو اس قبرستان میں دفن بھی نہیں ہونے دیتے ، پچھلے روز میرے پاس ایک غریب شخص آیا جو اسی علاقے کا رہائشی تھا اس نے منت سماجت کی کہ بلال قیصر کو کہیں بے شک مجھ سے پیسے لے لے لیکن مجھے اپنے بچے کی قبر کے لیے جگہ دے دے ۔۔۔ مگر بلال قیصر لاہور میں موجود ہونے اور کاروبار کرنے کے باوجود کسی غریب سے نہیں ملتا ۔۔۔ وزیراعلیٰ مریم نواز سے گزارش کرتی ہوں کہ مجھے غریبوں کے درد کے اس مرض سے نجات دلائیں اپنا اثر رسوخ استعمال کریں اور بلال قیصر کے قبضے سے یہ قبرستان واگزار کروائیں تاکہ امیری غریبی کے فرق کے بغیر یہاں لوگ دفن ہو سکیں ۔۔
Umar Reacts✅

فیصل آباد پولیس کا شاندار کارنامہ : بیرون ملک سے آئے محسن نقوی کو انصاف فراہم کردیا ۔۔۔ محسن نقوی 40 سال بیرون ملک کام ک...
24/09/2026

فیصل آباد پولیس کا شاندار کارنامہ : بیرون ملک سے آئے محسن نقوی کو انصاف فراہم کردیا ۔۔۔ محسن نقوی 40 سال بیرون ملک کام کرنے کے بعد اپنے شہر فیصل آباد آئے ہوئے تھے ، انکا ارادہ اب مستقل یہیں رہنے کا تھا ، چند روز قبل چوروں نے انکے گھر کا صفایا کردیا ، کروڑوں روپے مالیت کی نقدی اور زیورات چوری کر لیے ، محسن نقوی کو وطن واپسی کے فیصلے پر شرمندگی ہوئی لیکن وہ فوری طور پر پولیس کے پاس پہنچے ، ایس ایچ او تھانہ صدر نے انکی بات سنی فوری ایکشن لیا گیا اور مختلف شواہد ثبوتوں اور جدید ٹیکنالوجی کی مدد سے 48 گھنٹے کے اندر ملزمان کو گرفتار کر لیا گیا ، چور ابھی صرف چند ہزار روپے ہی خرچ پائے تھے باقی تمام رقم اور زیورات محسن نقوی کے حوالے کردیے گئے ہیں ۔ ایک خصوصی ویڈیو میں محسن صاحب نے فیصل آباد پولیس اور خاص طور پر ایس ایچ او علی صاحب کا شکریہ ادا کیا جنہوں نے اسکی عمر بھر کی پونجی انہیں واپس دلا دی ۔
Umar Reacts ✅

Address

Multan
Allu Multan
60000

Website

,

Alerts

Be the first to know and let us send you an email when Umar Reacts posts news and promotions. Your email address will not be used for any other purpose, and you can unsubscribe at any time.

Shortcuts

Share

Category