http://www.allaboutattock.come/

All About Attock, Attock (2025)

05/09/2025

پاکستان پیٹرولیم لمیٹڈنے پنجاب کے ضلع اٹک میں واقع ڈھوک سلطان-03 کنویں میں تیل اور گیس کے نئے ذخائر دریافت کئے ہیں۔

پی پی ایل کے مطابق ڈھوک سلطان بلاک میں ہونے والی تاریخی دریافت نہ صرف پی پی ایل اور اس کے شراکت دار گورنمنٹ ہولڈنگز پرائیویٹ لمیٹڈ کے لیے ایک اہم سنگ میل ہے بلکہ پوٹھوہار خطے میں قدرتی طور پر فریکچرڈ کاربونیٹ میں تیل کی دوسری گہری دریافت ہے۔

بیان میں مزید کہا گیا کہ یہ دریافت ارضیاتی، جیو طبیعاتی اور ریزروائر انجینئرنگ ڈیٹا کے تجزیوں اور انضمام کا نتیجہ ہے جس سے کنویں کے ڈیزائن کو بہتر بنا کر کھدائی کی دشواریوں پر قابو پایا گیا ہے۔

پی پی ایل نے آپریٹر کی حیثیت سے 75 فیصد اور جی ایچ پی ایل 25 فیصد کاروباری شراکت کے ساتھ 18 جنوری 2025 کو ڈھوک سلطان03 کی کھدائی کا آغاز کیا تھا اور 5،815 میٹر کی گہرائی تک کھدائی کی گئی۔

ایم ڈی اور سی ای او پی پی ایل عمران عباسی نے کہا کہ یہ دریافت پی پی ایل کی مہارت، استقامت اور توانائی کے تحفظ کے عزم کا ثبوت ہے جو ادارے کی جدید تکنیکی صلاحیت کا اظہار ہے۔ اس دریافت سے درآمدی توانائی پر ملک کے انحصار میں کمی اور قیمتی زرمبادلہ کی بچت ممکن ہوسکے گی۔

05/09/2025

ڈیم مخالف لوگ سب سے بڑے مجرم ہیں۔۔
۔۔۔
🌧️🌦️ * #سیلاب* 🌧️🌦️
کہنے کو صرف ایک خبر ہے کہ فلا ں فلا ں گاؤں زیر آب آ گئے
مگر کبھی سوچا ہے ایک سیلابی ریلا کتنے خواب ساتھ بہا لے جاتا ہے
پتہ ہے جب گاؤں میں کہتے ہیں سیلابی ریلا گزرنے والا ہے ،گاؤں خالی کرو
مائیں سب سے پہلے بچوں کی اسناد اٹھاتی ہیں
ہائے میرے بیٹے بیٹی کی 16۔14 سال کی محنت ہے یہ
غریب لوگ روتے ہوے گھر چھوڑتے ہیں
اماں جی اس لکڑی کے صندو ق کو بار بار دیکھتی ہیں ۔جہاں وہ بیٹی کا جہیز جمع کر رہی تھی
کوئی اچھا مہنگا کپڑ ا، خاندان میں شادی ہونے پہ لڑکے کی ماں دیتی۔اماں جی بیٹی کے لئےرکھ لیتی
کوئی اچھا برتن جو اس نےخود نہیں استعمال کیا ہوتا بیٹی کے لئےرکھ دیتی
وہ اپنی شادی کےسال بعد ہی اپنی اکلو تی سونےکی انگو ٹھی اتار کےبیٹی کےلئے رکھ دیتی ہے
وہ صندو ق چھوڑ کے نہیں جاسکتی
پھر اسکی نظر چھت والے پنکھے کی طرف جاتی تو اسے یاد آتا اسے جہیز میں ایک اسٹینڈ والا پنکھا ملا تھا
مگر پہلے بیٹے کی پیدائیش پہ ملنے والے مبارک باد کے پیسوں سے یہ چھت والا پنکھا لیا تھا کیسے چھوڑ کے جا سکتی ہوںصحن میں رکھا دانوں والا بڑا بھڑولہ کیسے چھوڑ کے جاؤں؟
جس میں رکھےگند م کے دانے اس نے اپنے بچوں شوہر کے ساتھ سخت گرمی میں زمیندا ر کی زمینوں سے دو ماہ انکی فصل کاٹ کے کمائے تھے
یہ گند م سال بھر اسکے بچوں کا پیٹ بھر سکتی تھی ۔اسکو کیسے چھوڑ دےسب کہہ رہے ہیں گھر میں جو جو بھی جانور ہیں انکو کھول دیں اگر انکی زندگی ہوئی وہ تیر کے اپنی جان بچا لیں گے
اماں سوچ رہی ہے کہ کیسے جانے دوں یہ گائے جو ہمارے گھر کا چولھا گرم رکھے ہوئے ہے
غر بت کی وجہ سے سارا دودھ بیچ دیتی کہ بچوں کی فیس کے پیسے تو آتے ہیں پھر گھر کے کچے کمرے کیسے چھوڑ کے جائے جن کو اپنے ہاتھوں سے مٹی کا لیپ لگاتی اماں ہر سال
بہت مشکل ہے گھر چھوڑنا
اور مجھے سوچ کے دکھ بھی ہوتا ہے اور افسوس بھی کے ہما رے حکمران رب کو کیا منہ دکھائیں گے....

05/09/2025

قوم بھوکی، مگر گِدھ موٹے اور خوشحال!

05/09/2025

افغانستان میں زلزلے سے متاثرہ عوام کو بین الاقوامی سطح پر جو امداد مل رہی ہے، اس کے مقابلے میں پاکستان کو حالیہ دنوں میں آنے والی قدرتی آفات پر اس کا چوتھائی حصہ بھی نہیں ملا۔
اس سے یہ تاثر تقویت پاتا ہے کہ عالمی برادری کو اب یہ احساس ہو چلا ہے کہ قدرتی آفات کی صورت میں پاکستان کو دی جانے والی امداد اس کے اصل حقداروں تک نہیں پہنچ پاتی۔

اس تناظر میں، قطر کی شہزادی کا افغانستان کے زلزلہ زدہ علاقوں کا دورہ بھی اسی عالمی توجہ کی ایک کڑی ہے۔

05/09/2025

🚫 گلی میں گھر کے آگے تھڑے بنانے کی ممانعت 🚫
📜 قرآن کی روشنی میں
اللہ تعالیٰ ارشاد فرماتا ہے:

> وَلَا تَعْثَوْا فِي ٱلۡأَرۡضِ مُفۡسِدِينَ
"اور زمین میں فساد نہ پھیلاؤ"
(سورۃ البقرۃ: 60)

گلی یا راستے میں تھڑا، سیڑھی یا کوئی بھی رکاوٹ ڈالنا دوسروں کے لیے تکلیف اور فساد کا باعث بنتا ہے۔

اور فرمایا:

> وَٱلَّذِينَ يُؤۡذُونَ ٱلۡمُؤۡمِنِينَ وَٱلۡمُؤۡمِنَـٰتِ بِغَيۡرِ مَا ٱكْتَسَبُواْ فَقَدِ ٱحۡتَمَلُواْ بُهۡتَـٰنٗا وَإِثۡمٗا مُّبِينٗا
"اور جو لوگ ایمان والوں کو بلاوجہ تکلیف دیتے ہیں، انہوں نے بہتان اور کھلے گناہ کا بوجھ اٹھایا"
(سورۃ الاحزاب: 58)

---

📜 حدیث کی روشنی میں

رسول اللہ ﷺ نے فرمایا:

> "راستے سے تکلیف دہ چیز کو ہٹانا صدقہ ہے"
(صحیح بخاری، حدیث: 2472 — صحیح مسلم، حدیث: 1009)

اور فرمایا:

> "ایمان کے ستر سے زیادہ شعبے ہیں... سب سے ادنیٰ شعبہ راستے سے تکلیف دہ چیز ہٹا دینا ہے"
(صحیح مسلم، حدیث: 35)

جب راستے سے رکاوٹ ہٹانا صدقہ ہے، تو راستے میں رکاوٹ ڈالنا ظلم اور گناہ ہے۔

---

⚠️ تھڑے بنانے کے عملی نقصانات

1. راستہ تنگ ہونا — پیدل چلنے والے، موٹر سائیکل اور گاڑیاں مشکل سے گزرتی ہیں۔

2. حادثات کا خطرہ — تنگ گلیوں میں موٹر سائیکل یا رکشہ ٹکرا سکتا ہے۔

3. ایمرجنسی میں رکاوٹ — ایمبولینس یا فائر بریگیڈ بروقت نہیں پہنچ پاتی۔

4. پڑوسیوں میں جھگڑے — جگہ کم ہونے سے تعلقات خراب ہوتے ہیں۔

5. اونچے مکان کا چکر —

ایک شخص مکان اونچا بناتا ہے، چڑھنے کے لیے آگے تھڑا نکالتا ہے۔

اگلا پڑوسی بھی اونچا مکان بناتا ہے اور تھڑا نکالتا ہے۔

وقت کے ساتھ گلی کا فرش نیچے اور مکان اوپر ہوتے جاتے ہیں۔

نتیجہ: بارش کا پانی گلی میں کھڑا رہتا ہے، گھروں میں داخل ہو جاتا ہے۔

آخرکار سب کو اپنے مکان گرا کر دوبارہ بنانے پڑتے ہیں، جو مالی اور ذہنی نقصان کا سبب بنتا ہے۔

6. شرعی گناہ — یہ عمل ظلم ہے، اور نبی ﷺ نے فرمایا:

> "ظلم قیامت کے دن اندھیروں کی صورت میں ہوگا"
(صحیح بخاری، حدیث: 2447 — صحیح مسلم، حدیث: 2582)

---

💡 نتیجہ:
گلی میں گھر کے آگے تھڑے بنانا شریعت میں ممنوع اور دنیاوی نقصان کا باعث ہے۔ یہ نہ صرف دوسروں کے لیے تکلیف دہ ہے بلکہ وقت کے ساتھ سب کو نقصان پہنچاتا ہے۔ بہتر ہے کہ راستے کو صاف اور کشادہ رکھا جائے تاکہ سب کے لیے آسانی ہو، اور اللہ کی رحمت حاصل ہو۔

حل

مکان جتنا مرضی اونچا بنائیں لیکن گیراج اور گیٹ کو گلی کے لیول پر رکھیں اور گیراج سے لون میں جانے کے لیے 3/4سٹیپ بنا دیں ساری زندگی نہ گلی اونچی کرنا پڑے گی نہ مکان
---

04/09/2025

طالب علم / لاپتہ

ضمیر استاد ، محمد شفیق( پنڈ نیازی) کا بھانجا محمد عثمان ولد صوبیدار محمد نسیم ساکن پنڈ نیازی حال محلہ حکیم آباد فاطمہ ٹاؤن ڈھوک فتح اٹک
اے پی ایس اسکول اٹک 9 ویں جماعت کا طالب علم ہے آج تین دن سے 1:30 بجے دن چھٹی کے بعد
سے گھر نہیں پہنچا کسی کے علم میں ہو تو اس نمبر پر رابطہ
کریں شکریہ ۔
03455807118
03455807381
03352740513
03149799489

04/09/2025

الحمد للّٰہ
گورنمنٹ گرلز ہائی سکول کسراں تحصیل پنڈی گھیب ضلع اٹک کی طالبات یسری قاصی اور انعم نعیم نے ایلیمنٹری ونگ کے بیت بازی کے مقابلے میں ڈویژن راولپنڈی میں اول پوزیشن حاصل کر کے اپنے ضلع کا نام روشن کیا

04/09/2025

علاقہ نلہ اٹک کا قدیم ترین گاؤں کوٹ سونڈکی
ساون بھادوں کے برساتی موسم میں بھنگ اور گاجر بوٹی سے چھپی ہوئی ہوئی قبروں پر اپنے دور کا عظیم محقق اور جغرافیہ دان راجہ نور محمد نظامی دعائے مغفرت کے لیئے ہاتھ اٹھائے کھڑا تھا بعد از دعا میں نے پوچھا کہ آپ کے تجربے کے مطابق یہ قبور کتنی پرانی ہیں
پرسوچ نظروں سے میری طرف دیکھنے کے بعد کہنے لگے کہ یہ قبریں مغلیہ دور سے پہلے کے فن تعمیر کی عکاس ہیں قبروں پر کوئی کتبہ اور تحریر درج نہیں ہے لیکن پتھروں اور چونے کی مدد سے ایک چوکور چبوترے پر دو بڑی اور چار چھوٹی قبریں ہیں جو دیکھنے میں اپنے دور کی کسی صاحب جاہ وحشمت اور شاہی خاندان کی قبریں تھیں
راجہ نور محمد نظامی صاحب کا تعلق تحصیل حسن ابدال کے ایک چھوٹے مگر تاریخی گاؤں بھوئی گاڑ سے ہے
اور ایک بہت بڑی لائبریری جس میں تقریبا 22سے23ہزار کتابیں اور ہزاروں کی تعداد میں قدیم نوادرات ذاتی کوششوں سے جمع کیئے ہوئے ہیں تاریخ اور آثارقدیمہ پر راجہ صاحب ایک اتھارٹی رکھتے ہیں اور مشاہداتی تجربہ اتنا عمیق ہے کہ کسی چیز کو بغور دیکھ کر اندازے سے بتا سکتے ہیں کہ اس قدیم پتھر، عمارت، برتن کی طبعی عمر کتنی ہے
سب سے پہلے راجہ نور محمد صاحب کا شکریہ کہ میرے جواں سالہ بھتیجے کی ناگہانی موت اور دکھ کی گھڑیوں میں فاتحہ خونی کے لیئے میرے گھر آمد کی اللہ جزائے خیر دے
بعد از دعا درود دن کا کھانا کھانے کے بعد دو موٹر سائیکلوں اور چار افراد یعنی بقلم خود،سید محمود، راجہ نور محمد نظامی اور ان کا پسر راجہ ساریہ ہم نکل پڑے علاقہ گردی کے لیئے
سب سے پہلے تو علاقے کوٹ سونڈکی کی عظیم روحانی شخصیت پیر محبت شاہ کے دربار پر فاتحہ خوانی کی اور ساتھ ملحقہ قبرستان میں خداداد خان عرف دادؤ خان کی قبر پر بھی فاتحہ خوانی کی اور درابار سے ملحقہ سینکڑوں کنال رقبہ جہاں پھلاہی کے سینکڑوں سال قدیم اور قد آور درختوں کا جنگل اور درمیان سے گزرتی ندی ،قدیمی اور وسیع قبرستان ہے کے بارے میں راجہ صاحب نے اپنی راۓ دی کہ اس جگہ کا محل وقوع بتا رہا ہے کہ یہاں قدیم دور میں قافلوں اور لشکروں کا پڑاؤ رہا ہو گا جب گھوڑےاونٹ اور خچر بار برداری کے لیئے استعمال ہوتے تھے تو ہر کوٹ (یعنی چھوٹا قلعہ)یا بڑی آبادی کے قرب جوار میں ایک وسیع قطعہ اراضی جانوروں کے چرنے اور آرام کرنے کے لیئے مختص کیا جاتا تھا اور وہاں پر پانی کا بندوبست بھی کیا جاتا تھا تو یہ تمام لوازمات یہاں پر موجود ہیں تو یہ جگہ لازما پڑاؤ رہی ہوگی اور خداد خان عرف دادؤخان کے زمانے تک پڑاؤ کی ضروریات نہیں رہی تھیں تو یہ رقبہ قبرستان کے لیئے مختص کر دیا گیا ہو گا
یہاں سے آگے ہم کو گ پہنچے کوٹ گاؤں کے سب سے قدیمی قرستان میں جو کہ گاؤں کے مغرب میں بر لب سڑک ہے نام تو قبرستان ہے لیکن اتنا پرانا ہو چکا ہے کہ اب تو قبروں کے کتبے خال خال ہی نظر آتے ہیں ، قبرستان پر ڈھور ڈنگر پھر رہے تھے ایک دو سوزوکیاں قبرستان کو سواری اڈہ بنائے کھڑی تھیں دو تین جگہ گوبر کے ڈھیر بھی قرستان کے اپر ہی بنے تھے اور کہیں کہیں ریت اور کرش کے ڈھیر بھی پڑے ہوئے تھے،اور باقی سارا قرستان جھاڑ جنگاڑ سے اٹا پڑا تھے اور خستہ حال قبریں چیخ چیخ کر کہ رہی تھیں کہ دنیا فانی ہے

میں نظامی صاحب کو لیئے وسیع و عریض رقبے پر پھیلےقرستان میں بچ جانے والی والی ان پختہ قبور پر لے گیا جن کو دیکھ راجہ صاحب نے آگاہ کیا کہ ان قبور کو فن تعمیر سلاطین دہلی کے مسلم دور حکومت کا ہے جو مغلوں سے پہلے ہندوستان کے حکمران تھے
تاریخ سر زمین اٹک میں لکھا ہے کہ کوٹ (یعنی چھوٹا قلعہ )کوعلاول خان نے آباد کیا کیا تھا تاہم تاریخ یہ بتانے سے قاصر ہے کہ کس سن عیسوی میں اس گاؤں کی بنیاد رکھی گئی نظامی صاحب نے اپنا خیال پیش کیا کہ ممکنہ طور پر یہ قبور علاول خان اور اُن کے خاندان کی ہو سکتی ہیں

ہماری اگلی منزل ٹھہری خانوں والی مسجد جو کہ خدادا خان عرف دادؤ خان نے اپنی عالیشان بیٹھک کے ملحق تعمیر کروائی تھی جو آج بھی اپنے منقش لکڑی کے دروازے پکی اینٹوں کے فرش اور پتھر کی بنی موٹی دیوروں سے عظمت رفتہ کی داستان سنا رہی تھی
اس بعد ہم نے کوٹ گاؤں کی سب سے بڑی جامع مسجد کا دورہ کیا اور مسجد امام کی وساطت سے مسجد کے خادم کو بلا کر مسجد کھلوائی اور مسجد کے وسیع حال کی شمالی دیوار میں بنے دروازے سے مایہ ناز عالم اور پانچ کتابوں کے مصنف قاضی نورالحق صاحب کی قبر پر فاتحہ خوانی کی جو اپنے وقت میں پیر مہر علی شاہ صاحب کے ساتھ تحریک ختم نبوت کے بہت بڑے مجاہد تھے
نظامی صاحب ہر وقت قدیم نوادرات کی کھوج میں رہتے ہیں مسجد سے نکلتے ہی ساتھ میں موجود شوکت لوہار کی دوکان پر رک نظامی صاحب نے پوچھا کہ کہ کیا آپ لوگوں کے پاس کوئی قدیمی چیز پڑی ہوئی ہے
تو دوکاندار کہنے لگا کہ نہیں ہم تو درانتی ترنگل وغیرہ بناتے ہیں
پاس میں ہی بیٹھے اختر نامی شخص کہنے لگا کہ میرے گھر میں ایک بہت بڑی پتھر کی سل پڑی ہوئی ہے اور اس کے اوپر کچھ لکھا ہوا ہے نظامی صاحب اس کے ساتھ چلے گئے اور واپس خالی ہاتھ آئے یکم چہرے کی بشاشت کسی کامیابی کی نوید سنا رہی تھی وہ موبائل سے اس پتھر پر کندہ تحریر کی تصویر لے کر آئے تھے
کہانی کچھ یوں تھی کہ جب پنجاب پر سکھوں کا قبضہ ہوا تو باہتر کے کٹھڑ سردار فتح خان نے سکھوں کا بھر پور ساتھ دیا اور بدلے میں چار موضع جاگیر ٹھیکے پر حاصل کر لی جس میں باہتر بھگوی،کوٹ سعد اللہ،اور لنڈی کے موضع جات شامل تھے
یہاں پر فتح خان نے ایک عالیشان اور وسیع و عریض محل بنوایا تھا جو کہ کنجور کے پتھروں کو تراش کر بلاک کی شکل دے کر چیڑ کے شہتیر اور بالا پھٹی کی چھت سے مکمل کیا تھا 1880 میں فتح خان اور1894میں دادؤخان کی وفات ہو گئی اور دادؤ خان لاولد فوت ہوا تو اس کی تمام جائیداد کے وارث اس بھتیجے بنے جو کہ باہتر میں رہائش پذیر تھے اور یوں مناسب دیکھ بھال نہ ہونے کی وجہ سے وہ عظیم الشان عمارت ملبے کا ڈھیر بنی اور کوئی والی وارث نہ ہونے کی وجہ سے زمانے کی دست برد کا شکار ہو گئی اور اس پتھر کی تختی پر اس کے بانی فتح خان اور تکمیل دادؤخان کے ہاتھوں ہوئی کے الفاظ فارسی زبان میں کندہ ہیں اس عالیشان عمارت کی کچھ تصاؤیر میرے پاس محفوظ میں جو میں پوسٹ کے ساتھ لگا دوں گا
نظامی صاحب زندگی میں پہلی دفعہ کوٹ سونڈکی میں آئے تھے میری بھی چھٹی کم تھی اور میں اپنے علاقے کی قدیم تاریخ کی کھوج میں کافی دلچسپی رکھتا تھا تو میں نے راجہ صاحب کو لنڈی کا قدیم چشمہ وزٹ کروایا اور پھر ہم چل پڑے گڑھی بابا کے مزار پر
گڑھی کو جانے والے کچے اور ہچکولے کھاتے راست پر ایک کلو میٹر کے سفر کے بعد دربار پر پہنچے اور وہاں گھوم پھر کر راجہ صاحب نے بتایا کہ اس مقام پر آج سے تین ہزار قبل گڑھی تعمیر کی گئے تھی گڑھی کا مطلب بھی چھوٹا قلعہ ہوتا ہے اور یہ مقام پر ایک ندی اور ایک برساتی نالے کا ملاپ ہوتا ہے اور ان کے سنگم پر یہ گڑھی واقع تھی
قدیم رویات کی روشنی میں اس گڑھی کے جنوبی جانب مسلم دورمیں ایک شہر نور پور کے نام سے آباد تھا جو کہ یہاں کے قدیم قبیلے گوجروں کا تھا جو نامعلوم وجوہات کی بنا پر اجڑناشروع ہوا اور آہستہ آہستہ آبادی کم ہوتی گئی اور اس ہی وجہ سے اس کا نام لنڈی مشہور ہو گیا اور چند گھروں پر مشتمل یہ آبادی آج بھی اپنی بقا کی جنگ لڑ رہی ہے اور ان کا ایکڑوں کے حساب سے چھوڑا ہوا قبرستان یہاں پر موجود ہے
تحریر
زمرد علوی کوٹ سونڈکی

03/09/2025

وزیراعلیٰ پنجاب مریم نواز شریف کی ہدایت پر پنجاب کے تمام جنگلات کی کٹائی اور لکڑی کی نیلامی پر پابندی عائد۔۔۔
حکم نامہ تو جاری ہو گیا اب اللہ کرے اس پر عمل درآمد بھی ہو جائے

03/09/2025

تلاش گمشدہ
حضرو کے گائوں ڈھوک رحموں کے یہ بزرگ غلام مرتضی لاپتہ ہو گئے ہیں اگر کسی نے دیکھا ہو یا کسی کو اسکے بارےمیں کوئی علم ہو تو اس نمبر پر اطلاع دے
03040884643

03/09/2025

حویلیاں کے شہری نے نئی مثال قائم کر دی
بھائی کے قاتل کو معاف کرتا ہوں مگر ایک شرط ہے۔۔
کہ جرگے میں آئے ہوئے تمام لوگ بھی جس جس سے ناراض ہیں یا ان کا کسی سے لین دین،زمین، رشتہ یا کوئی اور تنازعہ ہے وہ بھی سب کو اللہ کی رضا کے معاف کردیں۔۔۔معاف کرنا حضور نبی کریم صلی اللہ علیہ و آلہ و سلم کی سنت ہے آپ صلی اللہ علیہ و سلم نے اپنے چچا کے قاتل وحشی کو معاف کر دیا تھا ۔۔۔۔
سید اظہر حسین شاہ نے فتنے کے اس دور میں نبی کریم صلی اللہ علیہ و آلہ و سلم کی سنت کو پھر سے زندہ کیا اللہ اجر عظیم عطا فرمائے ۔۔۔۔
لالچ اورنفسا نفسی کے اس پرفتن دور میں جسطرح کے جذبات کا اظہار شاہ صاحب نے کیا ان کے الفاظ سونے سے پرونے والے ہیں شرط میں مانگا بھی تو وہ جس سے معاشرے میں نفرتیں عداوتیں دوریاں ناراضگییاں ختم کرنے کے لیے بھائی چارہ۔۔۔۔
سلام ہے ایسے شخص پر جو بھائی کا خون معاف بھی کر رہا تو لوگوں کی بھلائی کی شرط پر معاشرے میں امن پیار اور محبت کے لئے۔۔۔اللہ کریم معاف کرنے والوں کو اپنا دوست رکھتا ہے ۔

03/09/2025

وادی اٹک یا اٹک ویلی کیوں نہیں ؟

اس دفعہ کا مون سون واقعی مختلف تھا۔
اب اندازہ ہورہا ہے۔۔

اٹک کے اطراف میں آجکل ایسے مناظر دیکھنے کو مل رہے ہیں جو پہلے اس واضح کبھی نہیں ہوۓ تھے۔

اٹک کے چاروں طرف پہاڑ انتہائی خوبصورت اور واضح ہیں۔

دو وجوہات ہو سکتی ہیں
1) ڈھائی ماہ سے جاری بارشوں کی وجہ سے فضاء بہت زیادہ صاف شفاف ہو چکی ہے

2) انھی بارشوں کی وجہ سے پہاڑوں پر سبزہ میں غیر معمولی اضافہ ہوا اور نیلگوں آسمان کے پس منظر میں سبز رنگ کے پہاڑ زیادہ واضح ہورہے۔

اگر آپ تین میلہ سے اڈے کی طرف آئیں تو 1122 کا دفتر کراس کریں تو بالکل سامنے فتح جنگ والے پہاڑ ایسے نظر آتے جیسے فیصل مسجد والی روڈ پر میناروں کے پیچھے مارگلہ حالانکہ یہاں فاصلہ بہت زیادہ ہے۔

چلے جائیے تو ریلوے پل پر احتیاطً مغرب کی طرف نگاہ کریں تو آپ کو پہاڑی سلسلہ کی بیشتر چوٹیاں بلک واضح نظر آئیں گی۔

اسی طرح شمال میں بھی جبکہ مشرق کی طرف پہاڑ تو موجود ہیں لیکن واضح نہیں جبکہ اونچائی بھی کم ہے۔

سوال یہ کہ اٹک کو وادی کیوں نہیں کہا جاتا یا اب کہنا شروع کردیا چاہیے ؟

اٹک کی حالیہ خوبصورتی کو کور کرنے اور زیادہ سے زیادہ اجاگر کرنے کے فوٹو گرافرز، ویڈیو اور کانٹینٹ کرئیٹرز کو آگے بڑھنا ہوگا تاکہ یہ احساس جگایا جا سکے کہ اٹک کی اس خوبصورت کا تحفظ ہم نے کرنا ہے۔

ایک اور چیز، اٹک والو نکلو اور اردگرد کے علاقوں میں سیاحت کے لئے جاؤ، صرف اٹک تحصیل میں ہی سیاحت کے لئے بہت کچھ ہے۔

یہ تصویر آج صبح کی ہے، نیو ہٹیاں روڈ سے لی گئی ہے۔
محمد ضیاءالدین

All About Attock

05/09/2025

05/09/2025

05/09/2025

05/09/2025

05/09/2025

04/09/2025

04/09/2025

04/09/2025

03/09/2025

03/09/2025

03/09/2025

03/09/2025

Address

Telephone

Website

Alerts

Contact The Business

Shortcuts

Share

Category