Bhimber 24 hours news

11/08/2025

11/08/2025

میڈیا سوشل سائنس کے تناظر میں ۔۔۔۔۔۔
تحریر : محمد عثمان

میڈیا سوشل سائنس کے تناظر میں کسی بھی شہر یا سوسائٹی میں ہونے والی سماجی، سیاسی، ثقافتی اور معاشی تبدیلیوں کا گہرا مطالعہ کرتا ہے تاکہ ان کے مثبت یا منفی اثرات کو سمجھ کر عوام تک پہنچایا جا سکے، جبکہ صحافت اس وسیع فیلڈ کا صرف ایک چھوٹا ٹول ہے جو خبروں کی جمع آوری اور ترسیل تک محدود رہتا ہے۔ پاکستان میں آئین کے آرٹیکل 19 کے تحت ہر شہری کو اظہارِ رائے کی آزادی حاصل ہے، اور اسی کے ساتھ میڈیا کو یہ قانونی حق بھی حاصل ہے کہ وہ عوامی مفاد میں حکومت، سیاسی رہنماؤں، سرکاری اداروں، پالیسی سازوں، اور دیگر اسٹیک ہولڈرز سے سوال کرے اور ان کے اقدامات پر جواب طلب کرے، تاہم یہ حق آئین اور متعلقہ قوانین، جیسے PEMRA Ordinance 2002 اور Press Council of Pakistan Ordinance 2002، کے دائرہ کار میں رہ کر استعمال کیا جاتا ہے۔ مثال کے طور پر، اگر کسی شہر میں صنعتی ترقی کے باعث روزگار بڑھ رہا ہے مگر ماحولیاتی آلودگی بھی بڑھ رہی ہے، تو صحافی محض یہ خبر دے گا کہ "صنعتی یونٹس میں اضافہ اور آلودگی میں اضافہ" جبکہ میڈیا اسپیشلسٹ پورا پس منظر فراہم کرے گا۔
ماحولیاتی اثرات کے اعداد و شمار، حکومتی پالیسیوں کا تجزیہ، اور ممکنہ حل تجویز کرے گا۔ میڈیا اسپیشلسٹ کا دائرہ کار صحافی سے کہیں وسیع ہے وہ میڈیا پروڈکشن سے لے کر میڈیا ایتھکس، پالیسی سازی، قانون سازی، اور ہر میڈیا پلیٹ فارم (پرنٹ، الیکٹرانک، ڈیجیٹل) کے لیے مواد تخلیق کرنے تک ماہر ہوتا ہے۔ ڈیجیٹل میڈیا میں اس کی ایک اہم ذمہ داری مس انفارمیشن (غلط معلومات) کو پہچاننا، اس کا تجزیہ کرنا، اور عوام کو اس کے ممکنہ سماجی، سیاسی اور معاشی اثرات سے آگاہ کرنا ہے، تاکہ معلومات کے بہاؤ میں شفافیت اور درستگی برقرار رکھی جا سکے۔ یہی وجہ ہے کہ صحافت کو اکثر میڈیا اسپیشلسٹ کی ضرورت پڑتی ہے، کیونکہ وہ نہ صرف کمیونکیشن ڈیزائن کرنے کا تخلیقی ہنر جانتا ہے بلکہ پیچیدہ معلومات کو عوام کے لیے قابلِ فہم اور مؤثر انداز میں پیش کرنے کی صلاحیت رکھتا ہے۔ یوں کہا جا سکتا ہے کہ صحافت فوری خبر دیتی ہے، جبکہ میڈیا اس خبر کو ایک بڑے فریم ورک میں ڈال کر اس کے اثرات، پس منظر، اور مستقبل کے امکانات تک پہنچاتا ہے بالکل جیسے ایک قطرہ (صحافت) سمندر (میڈیا) کا حصہ ہے، مگر سمندر کا دائرہ کہیں وسیع اور گہرا ہے۔

11/08/2025

برسالی میں قومی شجر کاری مہم کا افتتاح، ڈپٹی کمشنر بھمبر کا ماحولیاتی تحفظ پر زور
برسالی میں قومی شجر کاری مہم کا باقاعدہ آغاز کر دیا گیا۔ افتتاحی تقریب کے مہمانِ خصوصی ڈپٹی کمشنر بھمبر، چوہدری حق نواز نے پودا لگا کر مہم کا افتتاح کیا۔ اس موقع پر ڈسٹرکٹ فاریسٹ آفیسر بھمبر ثمر اقبال، چیئرمین بھمبر ڈویلپمنٹ فورم افتخار ساجد عظیمی، چوہدری عتیق الرحمن اور چیئرمین چوہدری محمد بشیر عابد نے بھی پودے لگا کر شجر کاری مہم میں حصہ لیا۔تقریب کے دوران طلباء و طالبات نے پھول پیش کر کے معزز مہمانوں کا پرتپاک استقبال کیا۔ تقریب میں علاقے کی سیاسی، سماجی اور کاروباری شخصیات کے علاوہ عمائدین علاقہ کی بڑی تعداد موجود تھی۔
تقریب سے خطاب کرتے ہوئے ڈپٹی کمشنر بھمبر چوہدری حق نواز نے کہا کہ بدلتے موسمی حالات، بڑھتی ہوئی گرمی اور ماحولیاتی آلودگی جیسے مسائل سے بچنے کے لیے شجر کاری وقت کی سب سے اہم ضرورت ہے۔ انہوں نے کہا کہ ایک درخت لگانا صدقۂ جاریہ کے مترادف ہے اور ہر شہری کو اس کارِ خیر میں بڑھ چڑھ کر حصہ لینا چاہیے۔ ڈپٹی کمشنر نے مزید کہا کہ حکومت اور ضلعی انتظامیہ ماحولیاتی تحفظ کے لیے بھرپور اقدامات کر رہی ہے، تاہم عوام کی شمولیت کے بغیر یہ کوششیں ادھوری ہیں۔ انہوں نے نوجوانوں اور طلبہ سے اپیل کی کہ وہ زیادہ سے زیادہ پودے لگائیں اور ان کی دیکھ بھال کو اپنی ذمہ داری سمجھیں۔شرکاء نے بھی اس موقع پر اس عزم کا اظہار کیا کہ پودے لگانے اور ان کی حفاظت کو عوامی مہم کی صورت میں فروغ دیا جائے گا تاکہ آنے والی نسلوں کو صاف، سرسبز اور صحت مند ماحول فراہم کیا جا سکے۔

11/08/2025

جشن آزادی پاکستان کو تحصیل سماہنی میں بھرپور انداز میں منانے کے حوالہ سے ایس ڈی ایم میاں حسام ساجد کی زیرصدارت اجلاس میں حتمی شکل دی گئی۔

11/08/2025

جشن آزادی پاکستان۔۔۔
ہائی سکول ڈب کا اعزاز
یومِ آزادی کی مناسبت سے تحصیل سطح کے مقابلہ جات منعقدہ پائلٹ ہائی سکول سماہنی میں ہائی سکول ڈب کے ہونہار طلباء ابو طلحہ نے تقریر اور دلاور خان نے ترانہ میں اوّل پوزیشن حاصل کر لی، اس کامیابی پر سینیئر صدر معلم طارق محمود چوہدری ، سینیئر سائنس مدرس طارق پرویز ص، سینیئر مدرس عامر اقبال سکاؤٹس لیڈر م عرفان صدیق اور دیگر اساتذہ و والدین کی کاوش کو سراہا گیا۔جملہ سٹاف کو مبارکباد دی گئی۔ جنہوں نے بچوں کو بہترین انداز میں تیار کیا اور ضلعی سطح کے مقابلہ جات کیلیئے کوالیفائی کر لیا ۔

11/08/2025

تمام نومنتحب خواتین آفیسرز کو بذریعہ پبلک سروس کمیشن سلیکشن پر مبارکباد

11/08/2025

نیوز الرٹ
موسم گرما کی تعطیلات کے بعد کل 12 اگست2025 سے تعلیمی سرگرمیاں بحال ہورہی ہیں والدین سے گزارش ہے کہ بچوں کی حاضری یقینی بنائیں

11/08/2025

حویلی فاروڈ کہوٹہ آزاد کشمیر
بانی ضلع حویلی چوہدری محمد عزیز (مرحوم) کے صاحبزادے چوہدری محسن عزیز نائب صدر پاکستان مسلم لیگ ن آزاد کشمیر و امیدوار اسمبلی LA-17 سے ہمراہ چوہدری ثاقب رضا ایڈووکیٹ،چوہدری محسن آصف ایڈووکیٹ،سیکرٹری انفارمیشن یوتھ وِنگ ضلع بھمبر چوہدری علی سبحانی،راجہ عجائب اعظم خان ایڈووکیٹ،چوہدری شاہزیب آصف، چوہدری زیدان علی ملاقات کر رہے ہیں

11/08/2025

پی ڈبلیو ڈی ورکر ایسوسی ایشن کی ہڑتال سے بھمبر شہر میں پانی کا بحران پیدا ہونے کا خدشہ معلوم ہوا ہے پی ڈبلیو ڈی کے ملازمین نے پورے آزاد کشمیر میں احتجاج شروع کر دیا ہے اگلے مرحلے پر وہ کام چھوڑ ہڑتال کرنے کا بھی ارادہ رکھتے ہیں اگر ایسا ہوا تو بھمبر شہر میں پانی کا نظام سب سے زیادہ متاثر ہو گا بھمبر کے شہریوں نے اگر پانی کے استعمال میں کمی نہ لائی تو پانی کا بڑا بحران پیدا ہو سکتا ہے اس لیے پانی کا کم سے کم استعمال کریں

11/08/2025

بچہ ورثا کے حوالے کر دیا ہے۔

11/08/2025

آج رات بارہ بجے تک مطالبات پورے نہ ہوئے تو کل سے ایمرجنسی بند ھو گی
بھمبر میں PWD ملازمین کا کام چھوڑ ہڑتال، مطالبات کی منظوری تک احتجاج جاری رکھنے کا اعلان
پی ڈبلیو ڈی ورکرز یونین آزادکشمیر کی کال پر بھمبر میں محکمہ تعمیرات عامہ (PWD) کے ملازمین نے اپنے مطالبات کے حق میں مکمل کام چھوڑ ہڑتال کر دی۔ احتجاجی ملازمین نے مظاہرے کے دوران شدید نعرے بازی کی اور حکومت سے مطالبات کی فوری منظوری کا مطالبہ کیا اس موقع پر ملازمین نے کہا کہ حکومت جو کمیٹی بنائی تھی اس میں جو مطالبات تھے وہ سارے کمیٹی نے مانے تھے لیکن اس پر حکومت نے عمل درامد نہیں کیا اج رات 12 بجے تک مطالبات پورے نہ ہوئے تو کل مکمل ایمرجنسی کسی کو پانی نہیں ملے گا اس موقع پر خالد پرویز بٹ ،انیس کشمیری ،محمد علی اختر،افتحار ساجد عظمی نے PWD کے احتجاج میں شرکت کی اور گورنمنٹ سے سے مطالبہ کیا کہ ملازمین کے مطالبات پورے کیے جاے