30/07/2025
پريس رليز
تاريخ: 30-07-2025
پريس سيڪريٽري : اجي ڪمار
ڏوڪريءَ ضلع لاڙڪاڻو، ناجيه جماعت تنظيم نجات جو نئون يونٽ قائم، علم، عقيدت ۽ خدمت جي واٽ تي نئون قدم
درگاهه لواري شريف جي روحاني واٽ، علم جي روشني ۽ سماجي سجاڳي کي وڌائڻ لاءِ “ناجيه جماعت تنظيم نجات” طرفان ڏوڪري شهر ۾ نئون يونٽ قائم ڪيو ويو، جنهن جي سلسلي ۾ هڪ ادبي، تعليمي ۽ عقيدتي گڏجاڻي منعقد ڪئي وئي.
گڏجاڻي ۾ جنرل مينيجر مير طارق احمد ٽالپر خاص مهمان طور شرڪت ڪئي.
پنهنجي خطاب دوران مير طارق ٽالپر چيو ته
“ناجيه جماعت تنظيم نجات رڳو نالو ناهي، هيءَ هڪ فڪر آهي، جيڪو اخلاص، علم، ۽ عقيدي تي ٻڌل آهي. هي تنظيم اُن لوه جهڙي سچائي جي نمائندگي ڪري ٿي، جيڪا درگاهه لواري شريف جي چانڊاڻ مان نڪتل آهي. اسان جي اها واٽ علمي روشني، اخلاقي سجاڳي، ۽ روحاني سچائيءَ سان ڀريل آهي. نوجوانن کي گهرجي ته هو فقط لفظن جا نه، پر عمل جا مسافر ٿين، ۽ پنهنجي فڪر سان خلق خدا جي خدمت ڪن.”
محمد مٺل جوڻيجو به ان گڏجاڻي ۾ شامل رهيو، جنهن نوجوانن کي همٿ ۽ يقين ڏياريو ته وفاداري، اتفاق، ۽ فڪرِ لواري ئي اصل سڃاڻپ آهي.
گڏجاڻي دوران اڪثريتي راءِ سان يونٽ لاءِ هيٺيان عهدا مقرر ڪيا ويا:
صدر : محرم علي جوڻيجو
نائب صدر : جان محمد پيرزادو
جنرل سيڪريٽري : محمد علي جوڻيجو
جوائنٽ سيڪريٽري : قاضي آڪاش
فنانس سيڪريٽري : گلاب راء
انفارمينشن سيڪريٽري : عبدالقدير جوڻيجو
پريس سيڪريٽري : اجي ڪمار
آفيس سيڪريٽري : عبدالرحمان جوڻيجو
چونڊجي آيل عھديدارن کي صدر نجات تنظيم لواري شريف منشاد علي گاڏاھي حلف کڻايو.
پروگرام جي پڄاڻيءَ تي دعا گھري وئي ته هي علمي، اخلاقي ۽ روحاني واٽ قائم و دائم رهي، ۽ تنظيم جي ذميوار ساٿي خلوص، وفاداري ۽ قرباني سان پنهنجو ڪردار ادا ڪن.
