Isaraehayat

03/06/2026

03/06/2026

آسٹریلیا میں لاپتہ چھ بہنوں کا اکلوتا بھائی، ماں کا واحد سہارا، گزشتہ 13 سال سے آسٹریلیا میں لاپتہ ہے۔ آسٹریلیا جانے کے بعد بنیامین کا اپنی ماں اور خاندان سے رابطہ منقطع ہو گیا۔ والد اپنے بیٹے کی ایک جھلک اور ایک فون کال کی امید لیے دنیا سے رخصت ہو گئے، جبکہ ماں آج بھی ہر روز اسی انتظار میں ہے۔ ان کی صرف ایک گزارش ہے بنیامین! جہاں بھی ہو، صرف ایک بار رابطہ کر لو، مجھے صرف تمہاری خیریت جاننی ہے۔

03/06/2026

وفاقی حکومت نے کفایت شعاری مہم کے تحت نئے کاروباری اوقاتِ کار کا اعلان کر دیا ہے۔ اس حوالے سے کیبنٹ ڈویژن نے باقاعدہ نوٹیفکیشن جاری کر دیا۔

نوٹیفکیشن کے مطابق دکانیں، مارکیٹیں، شاپنگ مالز، گروسری اور کریانہ اسٹورز رات 9 بجے تک کھلے رہ سکیں گے۔ شادی ہالز، مارکیز اور دیگر کمرشل سرگرمیوں کو رات 10 بجے تک جاری رکھنے کی اجازت ہوگی۔

ریستوران، کیفے، کیٹرنگ سروسز، ہوٹلز اور سبزی و پھل فروش رات 11 بجے تک کاروبار کر سکیں گے۔ تاہم ٹیک اوے اور ہوم ڈیلیوری سروسز ان اوقاتِ کار سے مستثنیٰ ہوں گی۔

فارمیسیز، میڈیکل اسٹورز، میڈیکل کلینکس، اسپتال، بیکریز، تندور، دودھ اور دہی کی دکانوں کو بھی استثنیٰ حاصل ہوگا۔

مزید برآں پیٹرول پمپس، الیکٹرک وہیکل چارجنگ اسٹیشنز، جمنازیم، کھیلوں کی سہولیات، پیڈل کورٹس، آئی ٹی کمپنیاں اور کال سینٹرز بھی ان پابندیوں سے مستثنیٰ قرار دیے گئے ہیں۔