https://www.youtube.com/channel/UCL5HP_aqCL_VMaaClD3eA_g, https://x.com/AmrozNewstv?t=PiQ3vmc8ZJISP6Gx7-cvBQ&s=09, https

Amroz News, Bahawalpur (2025)

14/08/2025

حرمِ شریف کی مقدس فضاؤں میں فخر سے لہراتا سبز ہلالی پرچم

12/08/2025

*بھادوں کی حیرت انگیز معلومات*

16 اگست سے شروع ہونے والا پنجابی مہینہ بھادوں اور اُسکی دلچسپ روایات
بھادوں پنجابی اور نانک شاہی کیلنڈر کا چھٹا مہینا ہے جو ساؤن کے بعد آتا ہے اور آٹھویں انگریزی مہینے اگست کی 16 تاریخ سے ستمبر کی 15 تاریخ تک رہتا ہے اور اس مہینے کے 31 دن شمار کیے جاتے ہیں۔

بھارتی اور پاکستانی پنجاب میں ساؤن اور بھادوں بارشوں کے مہینے ہیں جس میں مُون سُون کی بارشیں ہاڑ یعنی جون اور جولائی کی شدید گرمی کے بعد گرمی کا زور توڑ دیتی ہیں اسی لیے بھادوں کو پنجاب میں اچھے موسم والا مہینہ جسکی گرمی برداشت کے قابل ہوتی ہے تصور کیا جاتا ہے۔
بابا گُرو نانک جو سکھوں کے سب سے بڑے گُرو ہیں اپنی کتاب گُرو گرنتھ صاحب میں لکھتے ہیں کہ "بھادوں بارش کا مہینہ انتہائی خوبصورت مہینہ ہے اور ساؤن اور بھادوں رحمت والے مہینے ہیں جس میں بادل نیچے اُترتا ہے اور تیز بارش برساتا ہے جس سے پانی اور زمین شہد سے بھر جاتے ہیں اورخالق زمین پر گھومتا ہے”۔
روایات میں ہے کہ پنجابی کے 12 مہینوں کے نام گیاراں بھائیوں (ویساکھ، جیٹھ، ہاڑ، ساون، اسو، کتک، مگھر، پوہ، ماگھ، پھگن، جیت اور 1 بہن (بھادوں) کے نام پر رکھے گئے یعنی سال کے سارے مہینوں میں بھادوں گیاراں بھائیوں کی اکلوتی اور انتہائی لاڈلی بہن ہے۔

مزید روایات میں ہے کہ بھادوں جہاں انتہائی لاڈی اور میٹھی ہے وہاں منہ زور، نکی چڑی، تیکھی اور چُبھنے والی بھی ہے اسی لیے اس مہینے کی گرمی اگر تیز ہوجائے تو انسان پسینے سے شرابور ہوجاتا ہے، اس مہینے میں ہوا اگر چلتی ہو تو انتہائی سہانہ موسم ہوتا ہے اور ہوا اگر بند ہو جائے تو سانس بھی بند ہو جاتی ہے۔
کہتے ہیں بھادوں اگر برسے تو زمین پر رہنے والی مخلوق چرند، برند، حشرات سبھی اپنے گھروں سے باہر نکلتے ہیں اور اس دلفریب موسم کے مزے لُوٹتے ہیں اور بھادوں اگر خُشک ہو جائے تو یہ ہر چیز کو خشک کرکے رکھ دیتی ہے اس لیے اس موسم میں رب کائنات سے رحمت کی دُعائیں مانگنی چاہیے تاکہ اس موسم کی سختی سے بچا جا سکے۔
بھادوں کے متعلق کہا جاتا ہے کہ یہ جیٹھ اور ہاڑ کی شدید گرمی کو ختم کرنے کے بعد جب خُود ختم ہوتی ہے تو اپنے وجود کو کھونے کے ساتھ یہ زمین پر بہار کو جنم دیتی ہے اور موسم کو زمین والوں کے لیے انتہائی خوشگوار بنا دیتی ہے۔

پنجابی اور نانک شاہی کلینڈر کا آغاز 1469 میں بابا گُرو نانک کی پیدائش کے دن سے کیا جاتا ہے اور اس آرٹیکل میں اس مہینے اور کیلینڈر کا ذکر آپ کی معلومات میں اضافے کے لیے کیا جارہا ہے۔

09/08/2025

دنیاامریکی صدر ٹرمپ نے آذربائیجان اور آرمینیا کے درمیان امن معاہدہ کرا دیا
وائٹ ہاؤس میں آذربائیجان کے صدر الہام علیوف اور آرمینیا کے وزریراعظم نیکول پشینیان نے امریکا کے صدر ڈونلڈ ٹرمپ سے ملاقات کی جس میں مکمل جنگ بندی کے معاہدے پر دستخط کیے گئے۔

صدر ٹرمپ نے اس پر گواہ کے طور پر دستخط کیے جس کے بعد آذربائیجان اور آرمینیا نے مکمل جنگ بندی کا معاہدہ کرلیا ہے۔

ٹرمپ کی آذربائیجان کے صدر اور آرمینیا کے وزیر اعظم کے ہمراہ پریس کانفرنس

امریکی صدر ٹرمپ نے آذربائیجان اور آرمینیا کے درمیان امن معاہدہ کرا دیا
فوٹو: رائٹرز
امریکی صدر ٹرمپ نے کہا کہ آذربائیجان اور آرمینیا نے جنگ بندی کے معاہدے پر دستخط کرلیے، دونوں ممالک تجارت اور معیشت کو ترجیح دیں گے۔

صدر ٹرمپ کا کہنا تھا کہ دونوں ممالک بڑی جنگ کی طرف جارہے تھے، میں نے دونوں ممالک سے کہا لڑائی نہیں تجارت کرو، آذربائیجان اور آرمینیا کے لیڈرز نے یقین دہائی کرائی کہ وہ جنگ نہیں لڑیں گے۔

امریکی صدر نے کہا کہ دونوں ممالک سے ٹیکنالوجی معاہدوں میں اےآئی ڈیلز شامل رہیں گی۔آذربائیجان کے ساتھ فوجی تعاون پر عائد پابندیوں کو ہٹا رہے ہیں، میں جنگیں نہیں چاہتا، امن اور تجارت چاہتا ہوں، میں نے پاکستان اور بھارت کے درمیان جنگ بھی رکوائی۔

آج تاریخی دن ہے، امن کےلیے نیا راستہ کھلا ہے: صدر آذربائیجان
آذربائیجان کے صدر الہام علیوف نے کہا کہ آج تاریخی دن ہے، امن کےلیے نیا راستہ کھلا ہے، ہم امریکا کےساتھ اسٹریٹجک پارٹنرشپ کا آغاز کرنےجارہےہیں۔ آذربائیجان اور آرمینیا ذمےداری کے ساتھ آگے بڑھیں گے۔

اس کے علاوہ آرمینیا کے وزریراعظم نیکول پشینیان کا کہنا تھاکہ صدرٹرمپ پوری دنیا میں امن کے لیے کردار ادا کررہےہیں۔

ایک سوال پر صدر ٹرمپ نے کہا کہ روس یوکرین جنگ میں ہر ہفتے 7 ہزار فوجی مارے جارہےہیں، وہ روس اور یوکرین کے صدور سے جلد ملاقات کرنے جارہےہیں۔

آذربائیجان اور آرمینیا کے درمیان کیا تنازع تھا؟

آذربائیجان اور آرمینیا کے درمیان 1980 کی دہائی سے سرحدی علاقے نگورنو کاراباخ پر قبضے کا تنازع چل رہا تھا۔

سویت یونین سے آزادی حاصل کرنے والی دو سابق ریاستوں آذربائیجان اور آرمینیا کے درمیان 6 سالہ جنگ 1994 میں اختتام پزیر ہوئی تھی، جنگ کے نتیجے میں آرمینیا نے نگورنو کاراباخ کے بڑے حصے پر قبضہ کر لیا تھا تاہم 2020 میں آذربائیجان نے دوبارہ کچھ حصہ واپس لے لیا تھا۔

پھر اکتوبر 2023 میں نگورنو کاراباخ میں ایک بار پھر آذربائیجان کی جانب سے آپریشن شروع کیا گیا جس کے باعث نگورنو کاراباخ کے علیحدگی پسند غیر مسلح ہونے پر مجبور ہو گئے اور انہوں نے حکومت تحلیل کرنے اور آذربائیجان کے ساتھ الحاق کرنے کا اعلان کیا تھا۔

08/08/2025

گروک اور اوپن اے آئی کے درمیان شطرنج کے مقابلے میں جیت کس کی ہوئی؟

دنیا کی معروف ٹیکنالوجی کمپنیوں کے تیار کردہ آرٹیفیشل انٹیلی جنس ماڈلز کے درمیان ایک منفرد شطرنج ٹورنامنٹ کا انعقاد ہوا جس میں عام استعمال کے لیے بنائے گئے اے آئی سسٹمز آمنے سامنے آئے۔

برطانوی نشریاتی ادارے کے مطابق یہ ایونٹ گوگل کی ملکیت والے پلیٹ فارم ’کیگل‘ پر تین روز تک جاری رہا جس میں اینتھروپِک، گوگل، اوپن اے آئی، ایکس اے آئی اور چینی کمپنیوں ڈیپ سیک اور مون شاٹ اے آئی کے 8 ماڈلز نے حصہ لیا۔

فیصلہ کن مقابلے میں اوپن اے آئی کے او 3 ماڈل نے ایکس اے آئی کے گروک 4 کو شکست دے کر ٹائٹل اپنے نام کیا اور پورے ٹورنامنٹ میں ناقابلِ شکست رہا۔

تیسری پوزیشن گوگل کے جیمینائی ماڈل کے حصے میں آئی جس نے پلے آف میچ میں اوپن اے آئی کے دوسرے ماڈل کو ہرا دیا۔

اگرچہ ان اے آئی ماڈلز نے شطرنج میں خاصی صلاحیت دکھائی، مگر وہ اب بھی اس کھیل کے باریک پہلو سیکھ رہے ہیں۔ ٹورنامنٹ کے سیمی فائنل تک گروک 4 کو فیورٹ قرار دیا جا رہا تھا مگر فائنل میں اس کی کارکردگی اچانک گر گئی اور وہ بار بار بڑی غلطیاں کرتے ہوئے اپنی ملکہ (کوئین) بھی کھو بیٹھا۔

شطرنج کے گرینڈ ماسٹر ہیکارو ناکامورا نے اپنے تبصرے میں کہا کہ گروک نے بہت غلطیاں کیں مگر اوپن اے آئی نے ایسا نہیں کیا۔

شطرنج طویل عرصے سے کمپیوٹرز کی ذہانت ناپنے کا پیمانہ رہی ہے، مگر اس مقابلے کا مقصد عام استعمال کے اے آئی ماڈلز کی حکمتِ عملی اور مسائل حل کرنے کی صلاحیت کو جانچنا تھا۔

08/08/2025

مکان کا کرایہ بڑھانے کا تنازع، برطانوی وزیر کو مستعفی ہونا پڑگیا

مستعفی وزیر روشن آرا علی نے اپنے مکان کا کرایہ 700 پاؤنڈ ماہانہ بڑھایا تھا جس پر انہیں شدید تنقید کا سامنا تھا: برطانوی میڈیا۔ فوٹو فائل
لندن: برطانیہ کی وزیر برائے بے گھر افراد روش آرا علی نے اپنے مکان کا کرایہ بڑھانے پر ہونے والی شدید تنقید کے بعد عہدے سے استعفیٰ دیدیا۔

برطانیہ کے وزیراعظم ہاؤس ٹین ڈاؤننگ اسٹریٹ کی جانب سے جاری بیان میں کہا گیا ہے کہ روشن آرا علی کا استعفیٰ ایک نجی پراپرٹی کے معاملے کے بعد سامنے آیا۔

برطانوی میڈیا رپورٹس کے مطابق مستعفی وزیر روشن آرا علی نے اپنے مکان کا کرایہ 700 پاؤنڈ ماہانہ بڑھایا تھا۔

رپورٹس کے مطابق مکان کا کرایہ بڑھانے پر روشن آرا علی کو شدید تنقید کا سامنا تھا، مستعفی وزیر روشن آرا علی پر فلاحی اداروں اور حزب اختلاف نے شدید تنقید کی تھی۔

بنگلا دیشی نژاد روشن آرا علی نے عہدے سے استعفیٰ دینے کو اپنے لیے مشکل فیصلہ قرار دیتے ہوئے کہا کہ نہیں چاہتی کہ میرے ذاتی معاملات حکومت کے اہم اور پُرعزم کام میں رکاوٹ بنیں، میں نے ہمیشہ قانونی تقاضوں کی مکمل پیروی کی ہے۔

اس حوالے سے برطانوی وزیراعظم سر کیئر اسٹارمر نے اس حوالے سے کہا کہ روشن آرا علی نے بے گھری کے مسئلے پر مؤثر کام کیا، یقین ہے روشن آرا علی اپنی جماعت اور حلقے کی خدمت جاری رکھیں گی۔

08/08/2025

امریکی ٹیرف میں اضافے کا نتیجہ، بھارتی اسٹاک میں شدید مندی، سرمایہ کاروں کے اربوں روپے ڈوب گئے
امریکی ٹیرف میں اضافے کا نتیجہ، بھارتی اسٹاک میں شدید مندی، سرمایہ کاروں کے اربوں روپے ڈوب گئے
امریکی ٹیکسز اور کم آمدن کی وجہ سے کاروباری ہفتے کے آخری روز بھارتی اسٹاک ایکسچینج میں شدید مندی کا رجحان دیکھا جا رہا ہے۔
امریکی صدر ڈونلڈ ٹرمپ کی جانب سے بھارتی مصنوعات پر 50 فیصد ٹیرف کے اعلان کے بعد سے ممبئی اسٹاک ایکسچینج میں مندی کا رجحان دیکھا جا رہا ہے۔

غیر ملکی میڈیا رپورٹس کے مطابق امریکی ٹیکسز اور کم آمدن کی وجہ سے کاروباری ہفتے کے آخری روز بھارتی اسٹاک ایکسچینج میں شدید مندی کا رجحان دیکھا جا رہا ہے۔

میڈیا رپورٹس کے مطابق کاروبار کے دوران ایک موقع پر نفٹی 50 کو صفر اعشاریہ 6 فیصد کمی کے بعد 24 ہزار 484 پوائنٹس پر دیکھا گیا جبکہ ممبئی اسٹاک مارکیٹ سینسیکس کو بھی صفر اعشاریہ 6 فیصد کمی کے بعد 84 ہزار 140 پوائنٹس پر ٹریڈ کرتا دیکھا گیا۔

ممبئی اسٹاک ایکسچینج میں 16 میں سے 15 سیکٹرز میں صفر اعشاریہ 4 سے لیکر صفر اعشاریہ 7 فیصد تک کمی دیکھی گئی۔

گزشتہ روز بھی نفٹی آئی اسٹاک میں صفر اعشاریہ 9 فیصد جبکہ فارما انڈیکس میں صفر اعشاریہ 7 فیصد کمی ریکارڈ دیکھی گئی تھی۔

امریکی صدر کی جانب سے 50 فیصد ٹیرف کے اعلان کے بعد مارکیٹ میں غیر یقینی صورتحال کے پیش نظر غیر ملکی سرمایہ کاروں نے صرف جمعرات کے روز مارکیٹ سے 50 ارب ڈالر نکال لیے۔

08/08/2025

غزہ پر فوجی کنٹرول کے اسرائیلی منصوبے پر آسٹریلیا اور برطانیہ کا سخت رد عمل سامنے آگیا
غزہ پر فوجی کنٹرول کے متنازع اسرائیلی منصوبے پر برطانیہ اور آسٹریلیا کا سخت ردعمل سامنے آیا ہے۔

آسٹریلوی وزیر خارجہ پینی وونگ نے کہا کہ اسرائیل غزہ پر فوجی کنٹرول کا راستہ اختیار نہ کرے، اسرائیل کا یہ اقدام انسانی بحران کومزید سنگین بنا سکتا ہے۔

آسٹریلوی وزیر خارجہ کا کہنا تھا کہ مستقل طور پر جبری نقل مکانی بین الاقوامی قوانین کی خلاف ورزی ہے، دو ریاستی حل ہی پائیدار امن کا واحد راستہ ہے۔

دوسری جانب برطانوی وزیراعظم سرکیئراسٹارمر نے کہا کہ غزہ میں حملے مزید تیز کرنے کا اسرائیلی فیصلہ غلط ہے لہٰذا اسرائیل اپنےفیصلے پرفوری نظر ثانی کرے۔

برطانوی وزیراعظم کا کہنا تھا کہ اسرائیلی اقدام تنازع کے خاتمے اور یرغمالیوں کی رہائی کو یقینی بنانے میں مددگار نہیں ہوگا اور یہ اقدام غزہ میں مزید خونریزی کا سبب بنے گا۔

حماس کا ردعمل
فلسطین کی مزاحمتی تنظیم حماس نے اسرائیلی وزیراعظم کے بیان کی مذمت کرتے ہوئے اسے غزہ جنگ بندی مذاکرات پر شب خون کے مترادف قرار دیا تھا۔

حماس نے ایک بیان میں واضح کیا کہ وہ اسرائیل کو کسی صورت غزہ پر مکمل کنٹرول کرنے کی اجازت نہیں دیں گے۔

واضح رہے اسرائیلی سکیورٹی کابینہ نے وزیراعظم نیتن یاہو کی غزہ پر عسکری قبضے کی تجویز کی منظوری دے دی تھی۔

08/08/2025

بھارت نے امریکا کے سامنے گھٹنے ٹیک دیے، روس سے تیل کی خریداری کم کرنے پر تیار ہوگیا
امریکی صدر ڈونلڈ ٹرمپ کی دھمکیوں اور ٹیرف اقدامات کے بعد بھارت گھٹنے ٹیکنے پر مجبور ہوگیا۔

برطانوی خبر رساں ادارے رائٹرز کے مطابق امریکی ٹیرف اقدامات کے بعد بھارت نے روس سے تیل کی خریداری کم کرنے پر آمادگی ظاہر کردی۔

غیر ملکی خبر رساں ایجنسی کے مطابق بھارت نے امریکاکو روس سے تیل کی خریداری میں کمی کا اشارہ بھی دے دیا۔

یاد رہےکہ چند روز قبل امریکی صدر نے بھارت کو روس سے تیل کی خریداری جاری رکھنے کی صورت میں اضافی ٹیرف لگانے کی دھمکی دی تھی جس کے بعد بھارت کی جانب سے روس سے تیل کی خریداری میں کمی نہ کرنے پر امریکا نے بھارت پر اضافی 25 فیصد ٹیرف عائد کردیا تھا۔

امریکا کی جانب سے بھارت پر اضافی 25 فیصد ٹیرف کے بعد اب بھارت پر مجموعی امریکی ٹیرف 50 فیصد ہوگیا ہے۔

بھارت پر ٹیرف عائد کرنےکے بعد امریکی صدر نے بھارت سے تجارت پر مذاکرات کرنے سے بھی صاف انکار کردیا ہے۔

امریکی صدر سے اوول آفس میں صحافی نے سوال کیا کہ ' کیا وہ بھارت سے ٹیرف کے معاملے پر بات چیت کریں گے'؟

امریکی صدر نے صحافی کے سوال کا جواب دیتے ہوئےکہا کہ 'جب تک ٹیرف کا تنازع حل نہیں ہو جاتا بھارت کے ساتھ کسی قسم کے تجارتی مذاکرات نہیں ہوں گے'۔

08/08/2025

غزہ پر مکمل قبضے کے اسرائیلی منصوبے کی مذمت، جرمنی کا اسرائیل کو اسلحہ بیچنے سے انکار
غزہ پر مکمل قبضے کے اسرائیلی منصوبے کی مذمت کرتے ہوئے جرمنی نے اسرائیل کو غزہ میں استعمال ہونے والا اسلحہ برآمد کرنے سے انکار کر دیا۔

جرمن چانسلر نے کہا کہ یہ سمجھنا مشکل ہے کہ اسرائیلی فوجی کارروائی کس طرح اپنےمقاصد حاصل کرے گی، لہٰذا جرمن حکومت اگلے نوٹس تک غزہ کی پٹی میں استعمال ہونے والے فوجی ساز و سامان کی برآمد کی اجازت نہیں دے گی۔

دوسری جانب اسرائیلی منصوبے کی دنیا بھر سے شدید مذمت بھی سامنے آرہی ہے، ڈنمارک نے اسرائیل سے غزہ پر قبضے کا منصوبہ فوری واپس لینے کا مطالبہ کرتے ہوئے کہا ہے کہ اسرائیل کا غزہ پر قبضے اور فوجی کارروائیاں بڑھانے کا فیصلہ غلط ہے۔

سعودی عرب نے بھی غزہ پر قبضے کی اسرائیلی کوشش کی مذمت کی جبکہ اقوام متحدہ نے اسرائیل سے غزہ پر قبضے کا منصوبہ فوری روکنے کا مطالبہ کیا۔

برطانوی وزیراعظم کیئر اسٹارمر نے اسرائیل سے فیصلے پر فوری نظر ثانی کا مطالبہ کرتے ہوئے کہا کہ مجوزہ اقدام سے غزہ میں خونریزی بڑھے گی۔

ترکیے نے عالمی برادری سے اسرائیلی منصوبہ روکنے کے لیے دباو ڈالنے کا مطالبہ کیا جبکہ آسٹریلیا نے بھی کی اسرائیل کو غزہ پر فوجی قبضے سے باز رہنے کی تاکیدکی۔

خیال رہےکہ اسرائیلی سکیورٹی کابینہ نے وزیراعظم نیتن یاہو کی غزہ پر عسکری قبضے کی تجویز کی منظوری دے دی۔

اسرائیلی وزیراعظم نیتن یاہو نے امریکی میڈیاکو انٹرویو دیتے ہوئےکہا تھا کہ وہ اپنی سلامتی کے لیے غزہ کے تمام علاقوں کا کنٹرول سنبھالنا چاہتے ہیں۔

اسرائیلی وزیراعظم کا کہنا تھا کہ غزہ پر حکمرانی نہیں چاہتے اور غزہ کو سویلین حکومت کے حوالے کریں گے۔

08/08/2025

فیلڈ مارشل عاصم منیر سے ممکنہ ملاقات کے ڈر سے مودی امریکی صدر سے نہیں ملے، امریکی جریدے کا دعویٰ

واشنگٹن: امریکی جریدے بلومبرگ کی جانب سے دعویٰ کیا گیا ہے کہ بھارتی وزیر اعظم نریندر مودی نے فیلڈ مارشل عاصم منیر سے ممکنہ ملاقات کے ڈر سے امریکی صدر سے ملنے سے گریز کیا۔

جریدے کے مطابق مودی نے 17 جون کو امریکی صدر کی کھانے کی دعوت قبول کرنے سے انکار کیا، مودی کو خدشہ تھا کہ امریکی صدر فیلڈ مارشل عاصم منیر سے ملاقات نہ کرادیں۔

امریکی جریدے نے دعویٰ کیا کہ 17جون کو امریکی صدر اورمودی کی 45 منٹ طویل ٹیلی فونک گفتگو ہوئی تھی، یہ گفتگو ہی امریکا اور بھارت کے تعلقات کے درمیان ٹرننگ پوائنٹ بنی۔

اس تناؤ بھری گفتگو کے بعد ہی امریکا اور بھارت کے تعلقات میں تلخی آنا شروع ہوئی اور تناؤ کی جھلک اس وقت بھی سامنے آئی جب ٹرمپ نے بھارتی معیشت کومردہ کہا۔

بعد ازاں امریکی صدر ٹرمپ نے بھارتی مصنوعات پر 50 فیصد ٹیرف بھی عائد کیا۔

08/08/2025

ایک روز ایک عالم دین ایک بڑھیا کے پاس سے گزرے۔
انہوں نے دیکھا کہ وہ خاموشی سے چرخہ کات رہی ہے۔
عالم نے اُس سے سوال کیا،
"بڑھیا! کیا تمام عمر صرف چرخہ ہی کاتا ہے، یا خدا کو بھی کبھی پہچانا؟"

بڑھیا نے مسکرا کر کہا،
"بیٹا، خدا کی پہچان تو میں نے اسی چرخے میں کر لی ہے۔"

عالم کو حیرت ہوئی۔ پوچھا،
"اچھا یہ بتاؤ، کیا تمہارے نزدیک خدا واقعی ہر وقت موجود ہے؟"

بڑھیا نے بغیر رکے چرخہ چلاتے ہوئے جواب دیا،
"ہاں، ہر گھڑی، ہر لمحہ، دن ہو یا رات، میرا رب موجود ہے۔"

عالم نے پھر سوال کیا،
"اس بات کی دلیل کیا ہے؟"

بڑھیا نے چرخہ ایک لمحے کو روک دیا اور کہا،
"یہی میرا چرخہ اُس کی موجودگی کی سب سے بڑی دلیل ہے۔"

عالم حیران ہوا۔
"کیسے؟ صرف چرخے سے تم نے یہ کیسے سمجھا؟"

بڑھیا نے نرمی سے وضاحت کی،
"جب تک میں اپنے ہاتھ سے اسے چلاتی رہتی ہوں، یہ مسلسل گھومتا رہتا ہے۔
لیکن جیسے ہی میں ہاتھ روک دیتی ہوں، یہ بھی رک جاتا ہے۔
اگر ایک چھوٹے سے لکڑی کے چرخے کو چلانے والا چاہیے،
تو کیا زمین، آسمان، چاند، سورج جیسے عظیم نظام بغیر کسی چلانے والے کے خود بخود چل سکتے ہیں؟"

پھر وہ بولی،
"جس طرح میرے چرخے کو میرا ہاتھ درکار ہے،
ویسے ہی اس کائنات کے ہر ذرے کو ایک رب کی قدرت درکار ہے۔
اگر وہ رب پل بھر کو بھی یہ نظام چھوڑ دے،
تو سب کچھ رک جائے، ختم ہو جائے۔
مگر ہم نے آج تک سورج کو اپنی رفتار سے ہٹتے،
یا چاند کو اپنے مدار سے نکلتے نہیں دیکھا۔
اسی لیے جان لیا کہ وہ رب ہر لمحہ موجود ہے،
اور یہ سب کچھ اُسی کے حکم سے چل رہا ہے۔"

عالم نے ایک اور سوال کیا،
"اچھا، یہ بتاؤ، جو آسمان و زمین کا نظام چلا رہا ہے،
کیا وہ ایک ہے یا دو؟"

بڑھیا نے سادہ مگر گہری بات کہی،
"یقیناً وہ ایک ہی ہے، اور اس کی دلیل بھی میرا چرخہ ہے۔"

عالم نے مزید وضاحت چاہی۔
بڑھیا نے کہا،
"میں جب اپنی مرضی سے چرخے کو ایک ہی سمت میں گھماتی ہوں،
تو یہ میرے حکم کے مطابق چلتا ہے۔
اگر کوئی اور ہاتھ بھی اس میں دخل دیتا،
تو یا تو رفتار بدل جاتی،
یا چرخہ رک جاتا، یا ٹوٹ جاتا۔
لیکن چونکہ ایسا کچھ نہیں ہوتا،
تو ثابت ہوا کہ اسے چلانے والی صرف میں ہوں۔

اسی طرح اگر اس کائنات کو چلانے والے دو رب ہوتے،
تو کبھی دن رات کا نظام بگڑ جاتا،
کبھی ستارے اپنی جگہ سے ہٹ جاتے،
کبھی زمین کی گردش میں فرق آ جاتا۔
مگر چونکہ سب کچھ اپنے وقت پر، اپنے انداز میں جاری ہے،
تو سمجھ لو کہ رب صرف ایک ہے، اور وہی ہر شے پر قادر ہے۔"

عالم خاموش ہو گیا۔
اس بڑھیا کی سادہ سی بات میں ایسا علم، ایسا یقین،
اور ایسی بصیرت تھی،
جو شاید سینکڑوں کتابیں بھی نہ سکھا سکیں۔
محمداظہرشیخ

08/08/2025

*"ہر انتظار کا ایک مقصد ہوتا ہے۔ خدا دیر نہیں کرتا، وہ تیاری کر رہا ہوتا ہے۔*
*ہر وہ دن جب تمہیں لگتا ہے کہ کچھ نہیں بدل رہا، وہ دن ہے جب وہ تمہارے اندر کچھ زیادہ گہرا کام کر رہا ہوتا ہے۔*
*عمل پر بھروسا رکھو، کیونکہ جو کچھ وہ تعمیر کر رہا ہے، وہ ابدی ہے۔"*🌻☄️💫

یہ جملے انسان کے صبر، ایمان اور خدا پر بھروسے کو تقویت دیتے ہیں۔

*1. "ہر انتظار کا ایک مقصد ہوتا ہے"*
اس کا مطلب ہے کہ زندگی میں جو تاخیر یا انتظار ہمیں محسوس ہوتا ہے، وہ بے وجہ نہیں ہوتا۔ ہر تاخیر کے پیچھے ایک خاص حکمت اور مقصد ہوتا ہے جو ہمیں فوراً سمجھ نہیں آتا۔

*2. "خدا دیر نہیں کرتا، وہ تیاری کر رہا ہوتا ہے"*
اس کا مطلب یہ ہے کہ اللہ تعالیٰ ہماری دعاؤں کو فوراً پورا نہ کرے تو اس کا مطلب یہ نہیں کہ وہ سن نہیں رہا۔ بلکہ وہ بہتر وقت، بہتر حالات، اور بہتر نتائج کے لیے ہمیں اور ہمارے حالات کو تیار کر رہا ہوتا ہے۔

*3. "ہر وہ دن جب تمہیں لگتا ہے کہ کچھ نہیں بدل رہا..."*
یہ احساس اکثر انسان کو مایوس کر دیتا ہے، لیکن درحقیقت وہی وقت اللہ کی جانب سے ہمارے دل، دماغ اور روح میں گہرے درجے کی تبدیلیوں کا وقت ہوتا ہے، جو ہمیں بہتر انسان بناتی ہے۔

*4. "عمل پر بھروسا رکھو..."*
زندگی میں جو عمل، جو مشکلات یا انتظار کا دور ہم جھیلتے ہیں، ان سب کا مقصد وقتی نہیں بلکہ دائمی (ابدیت سے جُڑا) ہوتا ہے۔ اللہ جو کچھ ہماری زندگی میں بنا رہا ہے، وہ صرف دنیا کے لیے نہیں بلکہ آخرت کے لیے بھی ہے۔

🌿 *1. ہر انتظار کا مقصد ہوتا ہے:*

انسان اکثر جلدی نتائج چاہتا ہے۔ جب دعائیں فوراً قبول نہ ہوں، یا خواب وقت پر پورے نہ ہوں، تو ہم مایوس ہو جاتے ہیں۔ لیکن اللہ تعالیٰ ہر کام وقت پر اور حکمت سے کرتا ہے۔

*> قرآنی حوالہ:*
*“اللہ کا وعدہ سچا ہے، لیکن اکثر لوگ نہیں جانتے” (سورۃ الروم: 6)*

ہم جو سمجھتے ہیں کہ تاخیر ہے، وہ درحقیقت اللہ کی تربیت اور تیاری کا وقت ہوتا ہے۔

🛠️ *2. خدا دیر نہیں کرتا، وہ تیاری کر رہا ہوتا ہے:*

اللہ تعالیٰ کبھی دیر نہیں کرتا۔
بلکہ:
وہ ہماری روحانی مضبوطی کے لیے کام کر رہا ہوتا ہے۔

ہمارے ایمان کو بڑھا رہا ہوتا ہے۔

اور ہمیں زیادہ بہتر چیزوں کے لیے تیار کر رہا ہوتا ہے۔
کبھی وہ ہمیں کسی بڑی آزمائش سے بچا رہا ہوتا ہے، کبھی ہمارے صبر کو آزما کر ہمیں اجر کے قابل بنا رہا ہوتا ہے۔

💫 *3. جب کچھ بھی نہیں بدل رہا، تب وہ اندر کچھ گہرا بدل رہا ہوتا ہے:*

زندگی میں کبھی ایسا لگتا ہے کہ ہر چیز رک گئی ہے۔ لیکن دراصل:

اللہ ہمارے دل میں سکون، یقین، اور فہم ڈال رہا ہوتا ہے۔

وہ ہماری روح کو صاف کر رہا ہوتا ہے۔
ہمیں دنیا کی چیزوں سے ہٹا کر اپنے قریب لا رہا ہوتا ہے۔

یہی وہ وقت ہوتا ہے جب شخصیت، برداشت، اور روحانیت کی داخلی تعمیر ہو رہی ہوتی ہے۔

🌌 *4. عمل پر بھروسہ رکھو، کیونکہ وہ جو بنا رہا ہے، وہ ابدی ہے:*
اللہ جو کام کر رہا ہے، وہ صرف دنیاوی فائدے کے لیے نہیں، بلکہ ہماری آخرت کی کامیابی کے لیے بھی ہوتا ہے۔
دنیا کی کامیابیاں عارضی ہیں، لیکن اللہ جو کچھ ہمارے حق میں بنا رہا ہے:
وہ ہمیں مضبوط ایمان والا انسان بناتا ہے۔
وہ ہمیں ہمیشہ کی خوشی اور سکون کی راہ پر ڈال دیتا ہے۔

📌 نتیجہ:

یہ پیغام ہمیں صبر، توکل، اور شکرگزاری سکھاتا ہے۔
جب زندگی میں کچھ بھی سمجھ نہ آئے، تو دل میں یہ یقین رکھنا چاہیے:

*> ["اللہ کام کر رہا ہے، میں بس اس کے وقت کا انتظار کر رہا ہوں۔"]*

یہی یقین، یہی انتظار، اور یہی محبت ہمیں اللہ کے قریب کر دیتی ہے — اور یہی قرب سب سے بڑی کامیابی ہے۔
محمداظہرشیخ

Amroz News

14/08/2025

12/08/2025

09/08/2025

08/08/2025

08/08/2025

08/08/2025

08/08/2025

08/08/2025

08/08/2025

08/08/2025

08/08/2025

08/08/2025

Address

Telephone

Website

Alerts

Contact The Business

Shortcuts

Share

Category