Daily Islamic Post

22/01/2025

وضو کے فراٸض
چہرہ دھونا، منہ اور ناک اس میں شامل ہیں۔ 2- کہنیوں تک ہاتھ دھونا۔ 3- سر کا مسح کرنا۔ 4- ٹخنوں تک پاؤں دھونا۔

22/01/2025

سردی کا وضو
گرمیوں کے روضے
اور
جوانی کی توبہ اللہ کو بہت پسند ھے-

16/01/2025

سوال:
وضو میں کل کتنی سنتیں ہیں؟
جواب:
بسم الله الرحمن الرحيم
وضو میں درج ذیل چیزیں سنت ہیں

(۱) نیت کرنا۔ (۲) تسمیہ سے شروع کرنا۔ (۳) دونوں ہاتھ گٹوں تک تین بار دھونا۔ (۴) مسواک کرنا۔ (۵) تین بار منہ بھر کر کلی کرنا، روزہ نہ ہو تو غرارہ بھی کرنا۔ (۶) تین بار ناک میں داہنے ہاتھ سے ناک کے نرم حصے تک پانی چڑھانا اور بائیں ہاتھ سے ناک صاف کرنا۔ (۷) داڑھی کا خلال کرنا۔ (۸) ہاتھ پاوٴں کی انگلیوں کا خلال کرنا۔ (۹) وضو میں دھلنے والے اعضاء کو تین تین بار دھونا یعنی تین بار چہرہ دھونا، تین بار دونوں ہاتھ کہنیوں سمیت دھونا، تین بار دونوں پیر ٹخنوں سمیت دھونا۔ (۱۰) ایک بار پورے سر کا مسح کرنا۔ (۱۱) پھر کان اور گردن کا مسح کرنا، کان اور گردن کے مسح کے لئے نیا پانی لینے کی ضرورت نہیں۔ (۱۲) ترتیب قائم رکھنا۔ (۱۳) پے در پے کرنا یعنی ایک عضو کے سوکھنے سے پہلے دوسرے عضو کو دھو لینا۔ بعض حضرات نے بعض مستحبات کو بھی سنن میں شامل کیا ہے اس لیے تعداد میں اختلاف ہو سکتا ہے۔

22/11/2024

21/11/2024

صبح بخیر

10/11/2024

*🍂 #•`موبائل_فون....,🍃*

*🌺موبائل فون کے بنانے* *والے نے اسے ایک خاص* *مقصد کے تحت بنایا ہے اور وہ مقصد ہے ایک دوسرے سے بات کرنا*،
*اور اس کے ساتھ مختلف فنکشنز اس میں ایڈ کردیئے لیکن جب بھی کال آتی ہے تب سارے فنکشنز بند ہو کر کال کنیکٹ ہوتی ہے*.

*🌸 #غور کرنے کی بات ہے کہ یہ بے جان آلہ اپنے تخلیق کے مقصد کو نہیں بھولا اور ایک ہم ہے کہ ہم نے اپنے* *تخلیق کے مقصد کو سرے سے بھلا دیا*.

*🌺ہونا تو یہ چاہئے کہ جب #اللّٰه کی جانب سے کال آئے تب ہمیں اپنے تمام دنیوی فنکشنز کو منقطع کرکے اللّٰه کی کال کنیکٹ کرنی چاہئے*.

*اللّٰه عزوجل عمل کی توفیق عطا کرے #آمین*

🍃🍃🌸🍃🍃🌸🍃🍃

08/11/2024

*🌹خود کو قرآن مجید میں ڈھونڈیں. انتہائی دلچسپ اور سبق آموز🌹*
ميں قرآن ميں کہاں ہوں ؟
-------
ایک جليل القدر تابعی احنف بن قيس ايک دن بيٹھے ہوئے تھے کہ کسی نے يہ آيت پڑھی...

*لَقَدْ أَنزَلْنَا إِلَيْكُمْ كِتَابًا فِيهِ ذِكْرُكُمْ أَفَلَا تَعْقِلُونَ (سورۃ انبياء 10)*
*(ترجمہ) ”ہم نے تمہاری طرف ايسی کتاب نازل کی جس ميں تمہارا تذکرہ ہے، کيا تم نہيں سمجھتے ہو“۔*

وہ چونک پڑے اور کہا کہ ذرا قرآن مجيد تو لاؤ۔ اس ميں، ميں اپنا تذکرہ تلاش کروں، اور ديکھوں کہ ميں کن لوگوں کے ساتھ ہوں، اور کن سے مجھے مشابہت ہے؟

انہوں نے قرآن مجيد کھولا، کچھ لوگوں کے پاس سے ان کا گزر ہوا، جن کی تعريف يہ کی گئی تھی

*كَانُوا قَلِيلًا مِّنَ اللَّيْلِ مَا يَهْجَعُونَ o وَبِالْأَسْحَارِ هُمْ يَسْتَغْفِرُونَ o وَفِي أَمْوَالِهِمْ حَقٌّ لِّلسَّائِلِ وَالْمَحْرُومِ ِ (الذريٰت-17،18،19)*

*(ترجمہ) ”رات کے تھوڑے حصے ميں سوتے تھے، اور اوقات سحر ميں بخشش مانگا کرتے تھے، اور ان کے مال ميں مانگنے والے اور نہ مانگنے والے (دونوں) کا حق ہوتا تھا“۔*

کچھ اور لوگ نظر آئے جن کا حال يہ تھا،

*تَتَجَافَى جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ (السجدہ۔ 16)*

*(ترجمہ) ”ان کے پہلو بچھونوں سے الگ رہتے ہيں (اور) وہ اپنے پروردگار کو خوف اور اُميد سے پکارتے ہيں۔ اور جو (مال) ہم نے ان کو ديا ہے، اس ميں سے خرچ کرتے ہيں“۔*

کچھ اور لوگ نظر آئے جن کا حال يہ تھا،

*وَالَّذِينَ يَبِيتُونَ لِرَبِّهِمْ سُجَّدًا وَقِيَامًا (الفرقان۔ 64)*

*(ترجمہ) ”اور جو اپنے پروردگار کے آگے سجدہ کرکے اور (عجز وادب سے) کھڑے رہ کر راتيں بسر کرتے ہيں“۔*

اور کچھ لوگ نظر آئے جن کا تذکرہ اِن الفاظ ميں ہے،

*الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ (اٰل عمران۔ 134)*

*(ترجمہ) ”جو آسودگی اور تنگی ميں (اپنا مال خدا کي راہ ميں) خرچ کرتے ہيں، اور غصہ کو روکتے اور لوگوں کے قصور معاف کرتے ہيں، اور خدا نيکو کاروں کو دوست رکھتا ہے“۔*

اور کچھ لوگ ملے جن کی حالت يہ تھی،

*وَيُؤْثِرُونَ عَلَى أَنفُسِهِمْ وَلَوْ كَانَ بِهِمْ خَصَاصَةٌ وَمَن يُوقَ شُحَّ نَفْسِهِ فَأُوْلَئِكَ هُمُ الْمُفْلِحُونَ (الحشر۔ 9)*

*(ترجمہ) ”(اور) دوسروں کو اپنی جانوں سے مقدم رکھتے ہيں خواہ ان کو خود احتياج ہی ہو، اور جو شخص حرص نفس سے بچا ليا گيا تو ايسے ہی لوگ مُراد پانے والے ہوتے ہيں“۔*

اور کچھ لوگوں کی زيارت ہوئی جن کے اخلاق يہ تھے،

*وَالَّذِينَ يَجْتَنِبُونَ كَبَائِرَ الْإِثْمِ وَالْفَوَاحِشَ وَإِذَا مَا غَضِبُوا هُمْ يَغْفِرُونَ (الشوريٰ۔ 37)*

*(ترجمہ) ”اور جو بڑے بڑے گناہوں اور بے حيائی کی باتوں سے پرہيز کرتے ہيں، اور جب غصہ آتا ہے تو معاف کر ديتے ہيں“۔*
اور کچھ کا ذکر یوں تھا،

*وَالَّذِينَ اسْتَجَابُوا لِرَبِّهِمْ وَأَقَامُوا الصَّلَاةَ وَأَمْرُهُمْ شُورَى بَيْنَهُمْ وَمِمَّا رَزَقْنَاهُمْ يُنفِقُونَ (الشوريٰ۔ 38)*

*(ترجمہ) ”اور جو اپنے پروردگار کا فرمان قبول کرتے ہيں اور نماز پڑھتے ہيں، اور اپنے کام آپس کے مشورہ سے کرتے ہيں اور جو مال ہم نے ان کو عطا فرمايا ہے اس ميں سے خرچ کرتے ہيں“۔*

وہ يہاں پہنچ کر ٹھٹک کر رہ گئے، اور کہا : اے اللہ ميں اپنے حال سے واقف ہوں، ميں تو ان لوگوں ميں کہیں نظر نہيں آتا!

پھر انہوں نے ايک دوسرا راستہ ليا، اب ان کو کچھ لوگ نظر آئے، جن کا حال يہ تھا،

*إِنَّهُمْ كَانُوا إِذَا قِيلَ لَهُمْ لَا إِلَهَ إِلَّا اللَّهُ يَسْتَكْبِرُونَ o وَيَقُولُونَ أَئِنَّا لَتَارِكُوا آلِهَتِنَا لِشَاعِرٍ مَّجْنُونٍ (سورہ صافات۔ 35،36)*

*(ترجمہ) ”ان کا يہ حال تھا کہ جب ان سے کہا جاتا تھا کہ خدا کے سوا کوئي معبود نہيں تو غرور کرتے تھے، اور کہتے تھے، کہ بھلا ہم ايک ديوانہ شاعر کے کہنے سے کہيں اپنے معبودوں کو چھوڑ دينے والے ہيں؟*

پھر اُن لوگوں کا سامنا ہوا جن کی حالت يہ تھی،

*وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ وَإِذَا ذُكِرَ الَّذِينَ مِن دُونِهِ إِذَا هُمْ يَسْتَبْشِرُونَ (الزمر۔45)*

*(ترجمہ) ”اور جب تنہا خدا کا ذکر کيا جاتا ہے تو جو لوگ آخرت پر ايمان نہيں رکھتے انکے دل منقبض ہو جاتے ہيں، اور جب اس کے سوا اوروں کا ذکر کيا جاتا ہے تو اُن کے چہرے کھل اُٹھتے ہيں“۔*

کچھ اور لوگوں کے پاس سے گزر ہوا جن سے جب پوچھا گيا،

*مَا سَلَكَكُمْ فِي سَقَرَ o قَالُوا لَمْ نَكُ مِنَ الْمُصَلِّينَ o وَلَمْ نَكُ نُطْعِمُ الْمِسْكِينَ o وَكُنَّا نَخُوضُ مَعَ الْخَائِضِينَ oوَكُنَّا نُكَذِّبُ بِيَوْمِ الدِّينِ o حَتَّى أَتَانَا الْيَقِينُ (المدثر۔ 47-42)*

*(ترجمہ) ”کہ تم دوزخ ميں کيوں پڑے؟ وہ جواب ديں گے کہ ہم نماز نہيں پڑھتے تھے اور نہ فقيروں کو کھانا کھلاتے تھے اور ہم جھوٹ سچ باتيں بنانے والوں کے ساتھ باتيں بنايا کرتے اور روز جزا کو جھوٹ قرار ديتے تھے، يہاں تک کہ ہميں اس يقيني چيز سے سابقہ پيش آگيا“۔*

يہاں بھی پہنچ کر وہ تھوڑی دير کے لئے دم بخود کھڑے رہے۔ پھر کانوں پر ہاتھ رکھ کر کہا: اے اللہ! ان لوگوں سے تيری پناہ! ميں ان لوگوں سے بری ہوں۔

اب وہ قرآن مجيد کے اوراق کو الٹ رہے تھے، اور اپنا تذکرہ تلاش کر رہے تھے، يہاں تک کہ اس آيت پر جا کر ٹھہرے:

*وَآخَرُونَ اعْتَرَفُواْ بِذُنُوبِهِمْ خَلَطُواْ عَمَلاً صَالِحًا وَآخَرَ سَيِّئًا عَسَى اللّهُ أَن يَتُوبَ عَلَيْهِمْ إِنَّ اللّهَ غَفُورٌ رَّحِيمٌ (التوبہ۔ 102)*

*(ترجمہ) ”اور کچھ اور لوگ ہيں جن کو اپنے گناہوں کا (صاف) اقرار ہے، انہوں نے اچھے اور برے عملوں کو ملا جلا ديا تھا قريب ہے کہ خدا ان پرمہربانی سے توجہ فرمائے، بے شک خدا بخشنے والا مہربان ہے“۔*

اس موقع پر اُن کی زبان سے بے ساختہ نکلا، ہاں ہاں! يہ بے شک ميرا حال ہے !!

*تو ہم کن لوگوں میں سے ہیں..؟؟؟*
سوچئے گا !!🍁✮⃝
انسانوں کی حقیقت، قرآن کی زبان سے پڑھنے کا شکریہ......
ہو سکے تو سب کو بھیجیے گا... تاکہ ہم میں سے ہر کوئی اپنا حال اور اپنی پہچان قرآن مجید سے جان سکے..
جزاک اللہ خیرا کثیرا و احسن الجزاء فی الدارین...

11/10/2024

*90 فی صد جادو جنات و دیگر بیماریوں کا علاج آپ خود کر سکتے ھیں وہ بھی بغیر کچھ خرچ کیے*
""""""""""""""""""""""""""""""""""""
صرف چند اذکار پڑھنے ھیں👇
روزانہ نماز فجر کے بعد نماز کے بعد کے اذکار پڑھنے کے بعد مزید
1)۔ سورہ کہف کی پہلی دس آیات اور اگر آخری دس بھی پڑھ لے تو مزید بہتر ھوگا۔
2)۔ سورہ البقرہ کی آخری دو آیات۔
3)۔ لا إله إلا الله وحده لا شريك له له الملك وله الحمد وهو على كل شيء قدير (١٠٠ مرتبہ)
4)۔ آية الكرسي
5)۔ تسبیح فاطمہ رضی اللہ عنہا یعنی
سبحان اللہ 33 مرتبہ
الحمدللہ 33 مرتبہ
اللہ اکبر 33 مرتبہ
لَا إله إلا الله وحده لاشريك له له الملك وله الحمد وهو على كل شيء قدير
6)۔ قل یعنی سورہ اخلاص، سورہ فلق، سورہ الناس 11 ، 11 مرتبہ پڑھے تو زیادہ بہتر ، کم از کم تین تین مرتبہ پڑھ لے۔
7)۔ بسم الله الذي لا يضر مع اسمه شيء في الأرض ولا في السماء وهو السميع العليم 3 مرتبہ۔
8)۔ استغفار: استغفر الله ربي من كل ذنب و اتوب اليه 100 مرتبہ،
9)۔ درود ابراہیمی
10)۔ صبح و شام کے ازکار،
11)۔نمازوں کی پابندی، فرض رکعات کے
ساتھ سنن و نوافل بھی معنی و مفہوم پر توجہ رکھتے ھوئے۔ تہجد و اشراق بھی۔
12)۔ صدقہ و خیرات حسب استطاعت ۔ 13۔ رشتے داروں اور قرابت داروں سے اچھا سلوک۔
13)۔ گھر میں داخل ہوتے وقت، باتھ روم میں جانے سے پہلے اور کوئی بھی چیز کھانے یا پینے سے پہلے بسم اللہ ضرور پڑھیں ، (شادی شدہ ازدواجی تعلق سے پہلے مسنون دعا یا کم از کم بسم اللہ ضرور پڑھیں)۔
14)۔ دکھاوے سے بچیں۔ یہ نہ سوچیں کہ لوگ کیا کہیں گے، لوگ آپ کو نظر بد، حسد، حسرت سے دیکھ کر بیماری اور پریشانیوں کا سبب بنیں گے۔ سادگی اختیار کریں یہی سنت نبوی ھے۔
دوسروں کو دیکھ کر
*ماشاء الله* کہیں اور اگر دوسرے آپ کو آپ کے بچوں یا کسی چیز کو دیکھ کر ماشاء اللہ کہنے کی بجائے کچھ اور کہیں تو بلا جھجک ان کو یاد کروائیں کہ *ماشاء اللہ* کہیں۔
*یاد رکھیں دنیا و آخرت دونوں بہتر کرنی ھیں تو عبادت صرف اللہ کی اور طریقہ سیدنا محمدﷺکا ۔ نماز، مسنون اذکار اور قرآن مجید سمجھ کر پڑھیں۔*

04/10/2024

✨ *اَللَّهُمَّ صَلٍِّ عَلٰی مُحَمَّدٍ وَّ عَلٰی آلِ مُحَمَّدٍ كَمَا صَلَّيْتَ عَلٰی اِبْرَاهِيْمَ وَ عَلَٰی آلِ اِبْرَاهِيْمَ اِنَّكَ حَمِيْدٌ مَّجِيْد*✨

✨ *اَللَّهُمَّ بَارِكْ عَلٰی مُحَمَّدٍ وَّ عَلٰی آلِ مَحَمَّدٍ كَمَا بَارَكْتَ عَلٰی اِبْراهِيْمَ وَ عَلٰی آلِ اِبْراهِيْمَ اِنَّكَ حَمِيْدٌ مَّجِيْد*✨