Hamara Bahawalpur

01/08/2026

27/06/2026

🚨 صرف 24 گھنٹوں میں دنیا کے 11 ممالک اور خطوں میں زلزلے ریکارڈ
عالمی میڈیا رپورٹس کے مطابق گزشتہ 24 گھنٹوں کے دوران دنیا کے مختلف حصوں میں زلزلوں کے جھٹکے محسوس کیے گئے، جن میں وینزویلا، جاپان، امریکہ، پاپوا نیو گنی، صومالیہ، فلپائن، میکسیکو، پیرو، انڈونیشیا، فجی اور پاکستان کے بعض علاقے شامل ہیں۔
🌍 ماہرین کے مطابق دنیا میں روزانہ مختلف شدت کے متعدد زلزلے آتے ہیں، تاہم مختلف ممالک میں مختصر وقت کے دوران ان کی رپورٹنگ نے عوام کی توجہ اپنی جانب مبذول کر لی ہے۔
⚠️ شہریوں سے اپیل ہے کہ زلزلے کی صورت میں گھبرانے کے بجائے حفاظتی تدابیر اختیار کریں، غیر مصدقہ خبروں سے گریز کریں اور صرف سرکاری و مستند ذرائع سے معلومات حاصل کریں۔

26/06/2026

✈️ ملتان انٹرنیشنل ایئرپورٹ کی رونق اپنی جگہ، مگر ایک سوال اپنی جگہ قائم ہے!
کیا بہاول پور ایئرپورٹ سے باقاعدہ کمرشل پروازوں کی بحالی ممکن ہے؟
بہاول پور ایک تاریخی، تعلیمی، سیاحتی اور زرعی اہمیت کا حامل شہر ہے۔ یہاں سے ملکی و بین الاقوامی پروازوں کی بحالی نہ صرف شہریوں کے لیے سفری سہولت کا باعث بنے گی بلکہ تجارت، سرمایہ کاری، سیاحت اور مقامی معیشت کو بھی نئی رفتار دے سکتی ہے۔
اگر بہاول پور ایئرپورٹ کو دوبارہ فعال بنایا جائے تو: ✈️ عوام کو بہتر سفری سہولیات میسر آئیں گی۔ 📈 کاروباری سرگرمیوں میں اضافہ ہوگا۔ 🏛️ سیاحت کو فروغ ملے گا۔ 🌍 بیرونِ ملک مقیم بہاولپوریوں کے لیے سفر مزید آسان ہو جائے گا۔ 💼 سرمایہ کاری اور روزگار کے نئے مواقع پیدا ہوں گے۔
آپ کی رائے میں بہاول پور ایئرپورٹ سے باقاعدہ کمرشل پروازوں کی بحالی کے لیے کن عملی اقدامات کی ضرورت ہے؟
اپنی قیمتی رائے کمنٹس میں ضرور شیئر کریں۔
ہمارا بہاولپور

26/06/2026

الحمدللہ 🤲
عشرۂ محرم الحرام خیرو عافیت سے اختتام پذیر ہوا۔
اس موقع پر ضلعی انتظامیہ، قانون نافذ کرنے والے اداروں، پاک فوج، رینجرز، ریسکیو 1122، سول ڈیفنس، ویسٹ مینجمنٹ، محکمہ صحت، انجمن تاجران، سول سوسائٹی، میڈیا نمائندگان، رضاکاروں اور تمام شہریوں کو خراجِ تحسین پیش کرتے ہیں، جنہوں نے شدید گرمی کے باوجود اپنی ذمہ داریاں نہایت احسن انداز میں انجام دیں۔
اللہ تعالیٰ تمام خدمت گزاروں کو جزائے خیر عطا فرمائے، ہمارے وطنِ عزیز پاکستان کو ہمیشہ امن و سلامتی کا گہوارہ بنائے، اور ہمیں باہمی اتحاد، بھائی چارے اور مذہبی ہم آہنگی کے ساتھ زندگی گزارنے کی توفیق عطا فرمائے۔
آمین یا رب العالمین 🤲🌹

26/06/2026

🖤 10 محرم الحرام – یومِ عاشورہ
آج کا دن ہمیں حضرت امام حسینؑ اور شہدائے کربلا کی عظیم قربانی، صبر، حق اور استقامت کی یاد دلاتا ہے۔
کربلا کا پیغام یہ ہے کہ حق کے لیے ڈٹ جانا ہی اصل کامیابی ہے۔
اللہ تعالیٰ ہمیں امام حسینؑ کی تعلیمات پر عمل کرنے اور اتحاد، محبت و احترام کو فروغ دینے کی توفیق عطا فرمائے۔
🕯️ یومِ عاشورہ 📅 10 محرم الحرام 1448ھ
Hamara Bahawalpur آپ تک بہاولپور کی ہر اہم خبر
🖤🕯️

25/06/2026

چشتیاں میں تیز رفتاری کے باعث دو موٹر سائیکلوں میں تصادم، نوجوان شدید زخمی گورنمنٹ گرلز ہائی سکول چوک نزد میلاد چوک میں دو موٹر سائیکلوں کے درمیان تیز رفتاری کے باعث تصادم تصادم کے نتیجے میں 20 سالہ نوجوان شہزیب ولد محمد امین شدید زخمی ہو گیا۔ ریسکیو 1122 کو اطلاع ملتے ہی ٹیم موقع پر پہنچ گئی اور زخمی کو ابتدائی طبی امداد فراہم کی۔
ریسکیو اہلکاروں نے زخمی کی دائیں ٹانگ کی ٹبیا اور فبولا ہڈی کے فریکچر پر سپلنٹنگ کی، ضروری ادویات اور طبی امداد دینے کے بعد اسے مزید علاج کے لیے ٹی ایچ کیو ہسپتال چشتیاں منتقل کر دیا۔ حادثے کی وجہ دونوں موٹر سائیکلوں کی تیز رفتاری بتائی گئی ہے۔

25/06/2026

🚌🚫 اہم اطلاع | گرین بس سروس 9 اور 10 محرم کو معطل
📢 بہاولپور کے شہریوں کی توجہ کے لیے اہم اعلان!
🕋 محرم الحرام کے جلوسوں، مجالسِ عزا اور سیکیورٹی انتظامات کے باعث بعض راستوں کی بندش کے پیش نظر گرین بس سروس 9 اور 10 محرم الحرام کو معطل رہے گی۔
⚠️ شہریوں سے گزارش ہے کہ اپنی سفری منصوبہ بندی پہلے سے کر لیں اور متبادل ذرائع آمدورفت اختیار کریں۔
✅ ٹریفک ہدایات پر عمل کریں
✅ بند راستوں سے گریز کریں
✅ سیکیورٹی اداروں سے مکمل تعاون کریں
✅ سفر سے قبل روٹس کی معلومات حاصل کریں
🤝 آپ کا تعاون امن، نظم و ضبط اور عزاداری کے پرامن انعقاد میں اہم کردار ادا کرے گا۔
📍 ہمارا بہاولپور #بہاولپور