01/06/2026
باجوڑ: نامعلوم افراد کی فائرنگ کے خلاف خار تاجر برادری کا احتجاج
باجوڑ کے خار بازار میں نامعلوم افراد کی فائرنگ کے واقعے کے خلاف تاجر برادری نے مین چوک خار میں احتجاجی مظاہرہ کیا۔ احتجاج کی قیادت صدر واجد علی شاہ واجد علی شاہ، جنرل سیکرٹری سجاد کاروان سجاد کاروان اور دیگر تاجر رہنماؤں نے کی۔
مظاہرین نے پولیس اور قانون نافذ کرنے والے اداروں سے مطالبہ کیا کہ خار بازار میں تاجروں اور عام شہریوں کو مکمل تحفظ فراہم کیا جائے اور امن و امان کی صورتحال بہتر بنانے کے لیے فوری اور مؤثر اقدامات اٹھائے جائیں۔
احتجاج کے دوران مظاہرین نے خار بازار چوک بند رکھا، جس کے باعث آمدورفت متاثر ہوئی۔ تاجر رہنماؤں کا کہنا تھا کہ اگر شہریوں اور تاجروں کے تحفظ کو یقینی نہ بنایا گیا تو احتجاج کا دائرہ مزید وسیع کیا جا سکتا ہے۔
