17/03/2025
بنوں: فتنہ الخوارج کی فائرنگ سے شہید ہونے والے ایف آر پی لوئر ہیڈ کانسٹیبل ارمان خان کی نمازہ جنازہ پولیس لائن بنوں میں سرکاری اعزاز کیساتھ ادا کر دی گئی۔
پولیس کے چاق و چوبند دستے نے شہید کے جسد خاکی کو سلامی پیش کی، پھولوں کی چادر چڑھائی گئی اور شہید کے بلند درجات کیلئے خصوصی دعائیں مانگی گئی۔
نماز جنازہ میں ریجن پولیس آفیسر بنوں عمران شاہد، ڈسٹرکٹ پولیس آفیسر بنوں ضیاء الدین احمد ،اسسٹنٹ کمشنر بنوں ، ایس پی سٹی ، ڈی ایس پی ایف آر پی، دیگر پولیس افسران اور جوانوں کے علاؤہ شہید کے عزیز و اقارب نے شرکت کی۔
اس موقع پر ریجنل پولیس آفیسر بنوں نے شہید کے لواحقین کو حوصلہ دلاتے ہوئے یقین دہانی کرائی کہ شہید کا خون رائیگاں نہیں جائیگا واقعے میں ملوث ملزمان کو بہت جلد بے نقاب کرکے منطقی انجام تک پہنچائیں گے۔
شہید لوئر ہیڈ کانسٹیبل ارمان خان جوڈیشل کمپلیکس اے ٹی سی گارد میں تعینات تھا جس کو آج صبح میرانشاہ روڈ نزد خانہ جعفر شاہ فتنہ الخوارج کے شرپسند موٹر سائیکل سواروں نے ٹارگٹ کلنگ کا نشانہ بنا کر شہید کردیا ۔
ترجمان بنوں ریجن پولیس
