HDnews

24/01/2026

23/01/2026

ٹریفک وارڈن پولیس سوات
مورخہ 23 جنوری 2026

*سیاحتی مقامات وادی کالام اور ملم جبہ میں شدید برف باری کے دوران ٹریفک وارڈنز پولیس عوام کی خدمت میں مصروف*

ڈسٹرکٹ پولیس آفیسر سوات محمد عمر خان اور ایس پی ٹریفک وارڈن پرویز خان کی خصوصی ہدایات پر ٹریفک پولیس سیکٹر مدین اور سیکٹر چارباغ کے سیاحتی مقامات میں ٹریفک کی روانی برقرار رکھنے اور مسافروں کے محفوظ سفر کو یقینی بنانے کے لیے اضافی نفری تعینات کی گئی ہے۔

شدید سردی اور مسلسل برف باری کے باوجود ٹریفک پولیس گاڑیوں کو ٹائر چین لگانے، مسافروں کی مدد کرنے اور ٹریفک کی بلا تعطل روانی برقرار رکھنے میں بھرپور انداز میں مصروفِ عمل ہیں۔

ہم سب کی ذمہ داری ہے کہ پولیس کے ساتھ تعاون کریں اور ہدایات پر عمل کریں۔

شعبہ تعلقات عامہ
ٹریفک وارڈن پولیس سوات

23/01/2026

ریسکیو 1122 سوات: برف ہٹانے کا کام جاری

سوات: ڈسٹرکٹ ایمرجنسی آفیسر رفیع اللّٰہ مروت کی ہدایات پر ریسکیو 1122 سوات کی ٹیم گبین جبہ میں سنو ٹریکٹرز کے ذریعے برف ہٹانے اور روڈ کلیئرنس کا کام جاری رکھے ہوئے ہے۔ برف باری کے باعث روڈ بند ہونے سے مقامی آمدورفت متاثر ہو رہی تھی، جسے بروقت کارروائی کے ذریعے بحفاظت کھولا جا رہا ہے۔

ریسکیو ٹیم عوام سے درخواست کرتی ہے کہ وہ برف باری اور پھسلن کے دوران احتیاط کریں، سڑکوں پر غیر ضروری سفر سے گریز کریں اور ریسکیو 1122 کی ہدایات پر عمل کریں۔

ڈسٹرکٹ ایمرجنسی آفیسر رفیع اللّٰہ مروت نے کہا کہ ریسکیو ٹیم برف ہٹانے کے کام کو مکمل ہونے تک جاری رکھے گی تاکہ عوام کی حفاظت یقینی بنائی جا سکے۔

ترجمان ریسکیو1122 سوات

20/01/2026

ٹریفک وارڈن پولیس سوات
20 جنوری 2026ء

وادی کالام میں شدید برف باری کے باوجود ٹریفک پولیس کا مثالی کردار

کالام میں شدید برف باری اور سرد موسم کے باوجود ٹریفک پولیس کے بہادر اور جانثار جوان دن رات عوامی خدمت میں مصروف ہیں۔ مشکل موسمی حالات میں بھی ٹریفک کی روانی برقرار رکھنے، سڑکوں پر پھنسے مسافروں کی مدد اور شہریوں و سیاحوں کی محفوظ آمدورفت کو یقینی بنانے کیلئے ٹریفک پولیس بھرپور اقدامات کر رہی ہے۔جن کی ویڈیوز بھی سوشل میڈیا پر وائرل ہوئی۔

19/01/2026

سوات: ٹریفک پولیس کا عوامی خدمت کا عملی مظاہرہ
ٹریفک پولیس کے اہلکار عوام کے ساتھ مل کر سڑکوں پر بنے گڑھوں کو بھر رہے ہیں۔ اس اقدام کا مقصد ٹریفک حادثات کی روک تھام، شہریوں کو محفوظ سفر کی سہولت فراہم کرنا اور سڑکوں کی بہتری کو یقینی بنانا ہے۔
ٹریفک پولیس ہمیشہ عوام کی خدمت اور تحفظ کیلئے کوشاں ہے۔ 🚓🤝

07/01/2026

ایس پی ٹریفک وارڈن پرویز خان کی خصوصی ہدایت پر ڈی ایس پیز ٹریفک وارڈن ، TMA حکام کی نگرانی و دیگر ٹریفک پولیس نفری کے ہمراہ سیکٹر سٹی کے مختلف بازاروں میں غیر قانونی تجاوزات قائم کرنے ،غلط جگہ اور نوپارکنگ زون میں گاڑیاں پارک کرنے والوں کے خلاف ہونے والے کارروائی کے دوران متعدد افراد کے خلاف کاروائی عمل میں لائی گئی، کریک ڈاﺅن کے دوران ٹریفک قوانین کی خلاف ورزی کرنے اور نو پارکنگ زون میں گاڑیاں پارک کرنے والوں کے خلاف کاروائی کرکے ان پر جرمانے بھی عائد کئے گئے، ایس پی ٹریفک وارڈن پرویز خان نے کہا ہے کہ ٹریفک پولیس کی جانب سے تجاوزات مافیا کے خلاف کاروائیاں اسی طرح جاری رہے گی انہوں نے کہا کہ ٹریفک کی روانی میں خلل پیدا کرنے ، تجاوزات قائم کرکے لوگوں کا پیدل چلنا محال کرنے اور ٹریفک قوانین کی خلاف ورزی کرنے والوں کیساتھ کسی صورت میں کوئی رعایت نہیں کی جائیگی۔

06/10/2025