Saanwal Media Network

14/08/2025

ڈسٹرکٹ جیل بھکر میں جشن آزادی کی تقریب
ممبران اسمبلی ،ضلعی انتظامیہ کے آفیسران کی جیل آمدپر جیل انتظامیہ کی طرف سے والہانہ استقبال
پرنٹ میڈیا و الیکٹرانک میڈیا نمائدگان میں شیلڈ تقسیم کیں
تقریب کی میزبانی معروف صحافی و جیل وزیٹرطارق حمید ملک نے کی
رپورٹ:سانول میڈیا نیٹ ورک

14/08/2025

پنجاب اسمبلی میں لائیو سٹاک اور ڈیری ڈویلپمنٹ ڈیپارٹمنٹ کی اسٹینڈنگ کمیٹی کا اجلاس خادم بھکر عامر عنایت شاہانیMPA کی زیر صدارت منعقد ہوا،
اجلاس میں ایڈیشنل سیکریٹری، ڈیپارٹمنٹل کمیٹیز-II، عامر لیاقت چٹھہ، اسپیشل سیکریٹری مویشی و ڈیری ڈویلپمنٹ ڈیپارٹمنٹ اور محکمے کے دیگر افسران نے بھی شرکت کی،
اجلاس میں معزز ممبران اسمبلی نے محکمہ کی بہتری کیلئے اپنی اپنی تجاویز دیں،
اسپیشل سیکریٹری نے محکمے کے افعال اور معیشت میں اس کی اہمیت پر بریفنگ دی،
اجلاس میں بتایا گیا کہ گزشتہ مالی سال میں لائیو اسٹاک کے شعبے میں 24.72 فیصد اضافہ ہوا اور دودھ و گوشت کی پیداوار کے اعداد و شمار پر بھی غور کیا گیا،
اجلاس میں زیرِ بحث اہم چیلنجز میں ڈیری انڈسٹری کا روایتی اور چھوٹے پیمانے پر ہونا، کارپوریٹ فارمنگ کے فروغ کی ضرورت اور دیگر ممالک کے مقابلے میں دودھ کی کم پیداوار شامل تھے،
اجلاس کے اختتام پر محکمے کو ہدایات دی گئیں کہ وہ آئندہ اجلاس میں چھوٹے پیمانے کی یونٹس کو بہتر بنانے کی تجاویز پیش کرے اور برآمدات پر اثر انداز ہونے والے اہم عوامل پر روشنی ڈالے

14/08/2025

بھکر/جشن آزادی:
ڈسٹرکٹ کورٹس بھکر میں ایڈیشنل سیشن جج رانا خلیل احمد پرچم کشائی کررہے ہیں
رپورٹ:چوہدری یٰسین عامر

13/08/2025

معروف بزنس مین ملک یونس رضا حطارکابڑا اعلان
2سوسے زائد ورکرز کی تنخواہوں میں25%اضافہ کرکے مثال قائم کردی
ورکرز خوشی سے جھوم اٹھے
ملازمین کی تنخواہوں میں اضافے کا فیصلہ صرف اور
صرف اللہ تعالیٰ کی خوشنودی حاصل کرنے کے لیے کیا گیا
معروف بزنس مین ملک یونس رضا حطارکی سانول میڈیا سے گفتگو

12/08/2025

پیرسید دریابادشاہ ؒ کا 12واں سالانہ عرس مبارک انتہائی عقیدت واحترام سے منایا گیا
سال 2013میں پیر سید دریابادشاہؒ دنیا سے رحلت فرما گئے تھے
آپ بھکر کی معروف روحانی شخصیت تھے
سالانہ عرس مبارک میں ملک بھر سے مریدین ، متوسلین ،اور عقیدت مندوں نے شرکت کی

12/08/2025

چیف آفیسر میونسیپل کمیٹی کلورکوٹ سہیل انور خان نیازی نے بتایا ہےکہ پنجاب حکومت کے احکامات پر کلورکوٹ شہر میں بیوٹیفیکیشن منصوبوں کا آغاز – 21 اگست کو کروڑوں روپے کا ٹینڈر جاری ہوگا
پنجاب حکومت کی جانب سے شہر کی خوبصورتی اور بنیادی سہولیات کی بہتری کے لیے بڑے پیمانے پر ترقیاتی منصوبوں کا اعلان کر دیا گیا ہے۔ بیوٹیفیکیشن فنڈز کے تحت 21 اگست کو کروڑوں روپے مالیت کا ٹینڈر جاری ہوگا۔
منصوبوں میں شامل کام:
کلورکوٹ ریلوے پھاٹک سے پپلاں موڑ تک دونوں اطراف جدید ٹف ٹائل کی تنصیب۔
کلورکوٹ لاڑی کے اندر مکمل ٹف ٹائل کا کام۔
ریلوے پھاٹک سے بھکر موڑ تک موجود لائیٹس کو ہٹا کر یہ لائیٹس بھکر موڑ سےٹی ایچ کیو ہسپتال کلورکوٹ تک لگائی جائیں گی، جبکہ ان کی جگہ جدید ڈیزائن کی نئی لائٹس نصب ہوں گی۔
اسلام آباد ہوٹل سے وہاب پلازہ تک کارپٹ روڈ کی تعمیر، ساتھ ہی گرین بیلٹ کی دوبارہ تزئین و آرائش۔
جمیل چلڈرن پارک کی بیرونی دیوار کو نئے ڈیزائن کے ساتھ تعمیر کرنا
ریلوے پھاٹک سے بھکر موڑ کے درمیان مسافر خانوں کی تعمیر۔
ان منصوبوں کا مقصد شہر کو جدید، خوبصورت اور سہولیات سے آراستہ بنانا ہے

10/08/2025

09/08/2025

پنجاب کا قابلِ فخر تعلیمی ادارہ*
📚 پنجاب کی تعلیم دوست عوام کے لیے خوشخبری!
اسکالرشپ حاصل کرنے والے طلبہ کی سب سے زیادہ تعداد ۔
یہ اس بات کا ثبوت ہے کہ ہمارا ادارہ نہ صرف معیاری تعلیم فراہم کرتا ہے بلکہ مستحق طلبہ کے لیے روشن مستقبل کی راہیں بھی ہموار کرتا ہے۔
طلباء، والدین، اور تعلیم دوست طبقات کے لیے یہ لمحہ فخر اور خوشی کا ہے کہ علم و تحقیق کے میدان میں Al-Hamd College of Nursing & Health Sciences, Bhakkar ایک نمایاں اور قابلِ اعتماد ادارے کے طور پر ابھرا ہے۔
🎓 PEEF
اسکالرشپ پروگرام کے تحت، کالج کو حال ہی میںBS Nursing
پروگرام
اور 2 سالہ
نرسنگ ڈپلومہ پروگرام کے لیے 3.6 ملین روپے کی اسکالرشپس موصول ہوئیں، جو مستحق طلبہ میں تقسیم کی جا چکی ہیں۔
یہ اسکالرشپس ان طلبہ کے لیے ایک روشن امید ہیں جو تعلیمی اخراجات برداشت کرنے سے قاصر ہوتے ہیں لیکن طبی شعبے میں اعلیٰ مقام حاصل کرنے کا جذبہ رکھتے ہ
درجنوں فارغ التحصیل طلبہ اندرون و بیرون ملک خدمات سرانجام دے رہے ہیں
ہر سال 30 سے زائد طلبہ کو
fully funded
اسکالرشپ پر داخلہ دیا جاتا ہے۔
#نرسنگ #اسکالرشپ

08/08/2025

چھتیس تحصیل داروں کو اسسٹنٹ کمشنر کے عہدے پر ترقی دے دی گئی، نوٹیفکیشن جاری
طاہر عزیز، سعید نواز، حافظ اقبال، محمد ارشد، محمد نوید، کلیم اللہ، عثمان علی، ہمایوں خالد، سرفراز، کاظم حسین ترقی پانے والوں میں شامل
وسیم حسن، جاوید اقبال، ریاض خان، عابد اقبال، نوید اقبال بخاری، محمد عظیم، محمد شفیق، شاہد اقبال، الیاس قریشی، آصف محمود بھی ترقی پا گئے
عدنان اشرف، غلام عباس، فہیم ارشد، شاہد ممتاز، مظہر اقبال، فیصل ندیم حق نواز، عمر سلطان، محمد یاسین، عابد حسین بھی ترقی پانے والوں میں شامل
عارف اقبال، اعجاز احمد، کسور عباس، محمد حنیف، خاور حیات اور محمد رمضان کے اسسٹنٹ کمشنر بننے کا نوٹیفکیشن جاری کر دیا گیا
سپریٹنڈنٹ محمد فاروق، نوید احمد سندھو اور محمد یونس بھٹی کی 17 ویں گریڈ میں سپریٹنڈنٹ کے عہدے پر ترقی کر دی گئی، نوٹیفکیشن جاری
پرائیویٹ سیکرٹریز محمد مقصود، عامر اسلم، ندیم سرور، وحید احمد، عابد جمال، شاہد حسن، محمد مصطفیٰ، سجاد علی اور عتیق احمد کی گریڈ 17 میں ترقی کا نوٹیفکیشن جاری

08/08/2025

ڈپٹی کمشنر محمد اشرف کی خصوصی ہدایت پر ایڈیشنل ڈپٹی کمشنر جنرل ڈاکٹر ارشد وٹو نے گورنمنٹ گرلز کالج حیدرآباد تھل کی زیر تعمیر عمارت کا دورہ کیا۔اس موقع پر ڈی ڈی ڈویلپمنٹ حفیظ الرحمن اولکھ اور ایس ڈی ای او بلڈنگز بھی انکے ہمراہ تھے اے ڈی سی جی نے جاری تعمیراتی کام کی رفتار اور معیار کا جائزہ لیا اور متعلقہ افسران کو یہ بات زور دے کر کہی کہ جاری تعمیراتی کام کو معیاری انداز میں جلد از جلد مکمل کیا جائے اور اس سلسلہ میں قطعی طور پر سست روی کا مظاہرہ نہ کیا جائے

08/08/2025

ویب ڈیسک:پنجاب اسمبلی قائمہ کمیٹی برائے مقامی حکومت نے لوکل گورنمنٹ بل 2025ء منظور کر لیا۔
چیئرمین کمیٹی پیر اشرف رسول نے کہا کہ اب بل اسمبلی سے منظور ہو گا، حکومت پنجاب اس سال دسمبر میں بلدیاتی انتخابات کروانے کی خواہاں ہے۔
بل کے تحت پنجاب میں نیا بلدیاتی نظام متعارف ہو گا اور نئی حلقہ بندیاں ہوں گی، حلقہ بندیوں میں ڈسٹرکٹ انتظامیہ الیکشن کمیشن کو مدد فراہم کرے گی۔
انہوں نے کہا کہ یونین کونسل میں سے وارڈ سسٹم ختم ہو جائے گا، ایک یونین کونسل سے 9 ممبر کا انتخاب ہو گا، منتخب ہونے والے ممبرز کو ایک ماہ میں سیاسی جماعت میں شامل ہونا ہو گا، 9 منتخب ممبرز اپنا چیئرمین اور وائس چیئرمین خود چنیں گے، 9 منتخب ممبرز ریزرو سیٹوں کے ممبرز بھی چنیں گے۔
بل میں تبدیلی کی گئی ہے، چیئرمین ضلعی کمیٹی عوامی نمائندے ہوں گے، ڈی سی بھی شریک چیئرمین ہوں گے،ترمیم پنجاب اسمبلی کی قائمہ کمیٹی برائے لوکل گورنمنٹ کی متفقہ تجویز پر کی گئی۔
آبادی کے تناسب سے بڑی مقامی حکومت کا ہیڈ 6 ماہ کیلئے ضلعی کمیٹیوں کا چیئرمین ہو گا، 6 ماہ بعد آبادی کے حساب سے دوسری مقامی حکومت کا ہیڈ ضلعی کمیٹیوں کا چیئرمین ہو گا۔
مرحلہ وار 6 ماہ کیلئے ہر مقامی حکومت کا ہیڈ ضلعی کمیٹیوں کا چیئرمین ہو گا، کسی مقامی حکومت کا ہیڈ نہ ہونے کی صورت میں اگلے ضلع کو مدنظر رکھا جائے گا، بل منظوری کے لئے اسمبلی اجلاس میں پیش کیا جائے گا، بل کی حتمی منظوری گورنر پنجاب دیں گے