02/08/2025
سنڌ ميمڻ اتحاد ضلعي ڄامشوري لاء نون عهديدارن جو اعلان ڪري ڇڏيو،سنڌ ميمڻ اتحاد جي سربراه شرجيل انعام ميمڻ ۽ مرڪزي سيڪريٽري جنرل سجاد امداد ميمڻ جي منظوري سان نون عهديدارن جو اعلان ڪيو ويو. جاري ڪيل نوٽيفيڪيشن موجب ضلعي ڄامشوري لاء صدر ايڊوڪيٽ نويد ميمڻ کي مقرر ڪيو ويو، عاشق حسين ميمڻ کي جنرل سيڪريٽري ۽ گل محمد ميمڻ کي انفارميشن سيڪريٽري مقرر ڪيو ويو آهي. آصف علي ميمڻ کي سينيئر نائب صدر، فياض ميمڻ کي نائب صدر ۽ سليم ميمڻ کي ڊپٽي جنرل سيڪريٽري مقرر ڪيو ويو آهي، ان سلسلي ۾ نئين مقرر ٿيل صدر ايڊوڪيٽ نويد ميمڻ چيو تہ سنڌ ميمڻ اتحاد کي ضلعي ڄامشوري اندر مضبوط بڻائڻ لاء جاکوڙينداسين، جلد ضلعي اندر سنڌ ميمڻ اتحاد جو ڪنويشن گهرائي ميمڻ برادري جي ماڻهن سان ملاقات ڪري مسئلن جي حل لاء ڪوششون وٺنداسين، سنڌ ميمڻ اتحاد ضلعي ڄامشوري جي سمورن تعلقن ۾ عهديدارن جي چونڊ جلد ڪندو جنهن ۾ چئني تعلقن مان عهديدار کنيا ويندا. هن ضلعي اندر سموري ميمڻ برادري کي متحد ٿيڻ جي اپيل ڪندي چيو تہ سموري ميمڻ برادري هڪ پليٽ فارم تي متحد ٿئي جيئن برادري جا مسئلا حل ٿي سگهن.
