31/05/2026
بھمبر۔ جماعت اسلامی بھمبر کے زیر اہتمام بدل دو نظام عید ملن پارٹی سے خطاب کرتے ہوئے جماعت اسلامی شمالی پنجاب کے امیر ڈاکٹر طارق سلیم امیدوار اسمبلی حلقہ ایل اے 7 انجینئر حافظ راجہ عبد الستار نائب امیر جماعت اسلامی آزاد کشمیر انجینئر خالد خان اور امیر حلقہ چوہدری امجد یوسف نے کہا ظلم کے نظام کو بدلنے کے لیے بڑے پیمانے پر جدوجہد کی ضرورت ہے جہاں جماعت اسلامی لوٹ مار کے نظام کی جگہ عدل و میرٹ کی حکمرانی کی خواہاں ہے وہاں نوجوانوں کو بنو قابل پروگرام کے ذریعے باعزت روزگار کے لیے جدید آئی ٹی کے کورسز کے ذریعے اس قابل بنانے کا پروگرام لانچ کر چکی ہے جس سے بھمبر کے دس ہزار نوجوان ہنر مند بنیں گے اور اپنے خاندان کا سہارا بنیں گے اس لیے ضروری ہے کہ ایسی قیادت جو سب سے پہلے اپنی اور اپنے خاندان کی تجوریوں کو بھرتی ہو سے جان چھڑانی ہو گی اور جماعت اسلامی کی دیانت دار اور ویژنری قیادت کو ووٹ دینا ہو گا جو اقتدار میں نہ ہوتے بھی ہزاروں نوجوانوں کو ان کے گھروں کے قریب باعزت روزگار فراہم کر رہی ہے جس کا مشن ہے کہ کوئی یتیم بچہ تعلیم سے محروم نہ رہے ایسی قیادت کو جب آپ ووٹ دیں گے تو ریاستی خزانے سے کوئی ذاتی بنک بیلنس نہیں بنائے گا حکومتی فنڈز عوام کے لیے ہوں گے اس موقع پر کارکنوں نے اس عزم کا اظہار کیا کہ وہ الیکشن میں حافظ عبالستار کی کامیابی کے لیے دن رات ایک کر دیں گے اور ترازو کی کامیابی سے سنہرے دور کا آغاز کریں گے
