25/02/2026
ڈسٹرکٹ انفارمیشن آفیسر عدنان مختار نے ایلیگنس انسٹیٹیوٹ آف انفارمیشن ٹیکنالوجی بھمبر کا دورہ کیا اور کمپیوٹر کورس مکمل کرنے والے طلباء میں سرٹیفکیٹس تقسیم کیے۔ ادارہ آمد پر پرنسپل محمد شجاع الرحمن نے معزز مہمان کا پُرتپاک استقبال کیا۔
اس موقع پر عدنان مختار نے اپنے خطاب میں کہا کہ آج کا دور آئی ٹی اور آرٹیفیشل انٹیلیجنس (AI) کا دور ہے، لہٰذا نوجوان نسل کو چاہیے کہ وہ جدید ٹیکنالوجی کی طرف آئیں اور اس کا مثبت اور تعمیری استعمال کریں کیونکہ یہ وقت کی اہم ضرورت ہے۔
انہوں نے کامیاب طلباء کو مبارکباد پیش کی اور ان کے روشن مستقبل کے لیے نیک تمناؤں کا اظہار کیا۔
ایلیگنس انسٹیٹیوٹ آف انفارمیشن ٹیکنالوجی بھمبر ہمیشہ کی طرح نوجوانوں کو جدید آئی ٹی تعلیم سے آراستہ کرنے کے مشن پر گامزن ہے۔
