Kashmir Plus News

22/07/2026

الیکشن کمیشن کا آزادکشمیر میں انتخابات 3 مراحل میں کروانے کا اعلان۔27 جولائی میرپور ڈویژن،2اگست مظفرآباد مہاجرین مقیم پاکستان،10 اگست پونچھ ڈویژن

22/07/2026

22/07/2026

قلعہ چھپڑ میں مسلم لیگ (ن) کی پوزیشن مزید مستحکم، ترقیاتی منصوبے عوام کے اعتماد کی دلیل قرار
برنالہ: ممبر ضلع کونسل راجہ محمد نوید نے کہا ہے کہ سابق وزیر داخلہ کرنل (ر) وقار احمد نور کی قیادت میں قلعہ چھپڑ میں ریکارڈ ترقیاتی کام مکمل کیے گئے، جن کی بدولت مسلم لیگ (ن) عوام کی پہلی پسند بن چکی ہے۔
انہوں نے کہا کہ قلعہ چھپڑ میں سڑکوں کے جال، پلوں اور رابطہ سڑکوں کی تعمیر، بجلی و پانی کے منصوبوں، تعلیم و صحت کے شعبوں میں بہتری اور دیگر عوامی فلاحی اقدامات نے علاقے کی تقدیر بدل دی ہے۔ یہی وجہ ہے کہ عوام کارکردگی کی بنیاد پر ایک بار پھر مسلم لیگ (ن) کے ساتھ کھڑے ہیں۔
راجہ محمد نوید نے کہا کہ ترقیاتی منصوبے کسی دعوے کے نہیں بلکہ عملی خدمت کے آئینہ دار ہیں، اور قلعہ چھپڑ کے عوام نے ہمیشہ خدمت کی سیاست کو ترجیح دی ہے۔ انہوں نے اظہارِ یقین کیا کہ آئندہ انتخابات میں یونین کونسل قلعہ چھپڑ سے مسلم لیگ (ن) بھاری اکثریت سے کامیابی حاصل کرے گی اور عوام کا اعتماد ایک بار پھر کرنل (ر) وقار احمد نور کی قیادت پر ثابت ہوگا۔
انہوں نے مزید کہا کہ مسلم لیگ (ن) کا منشور عوامی خدمت، ترقی اور خوشحالی ہے، جبکہ قلعہ چھپڑ میں مکمل ہونے والے ترقیاتی منصوبے اس عزم کا واضح ثبوت ہیں۔ انشاء اللہ عوام کی بھرپور حمایت سے مسلم لیگ (ن) کامیابی کی نئی تاریخ رقم کرے گی۔