26/09/2025
گاؤں ڈھنڈار تحصیل خدوخیل ضلع بونیر سے افسوسناک خبر
انتہائی افسوس اور دُکھ کے ساتھ یہ المناک خبر شیئر کر رہا ہوں کہ وصال ولد انور سکنہ ڈھنڈار، تحصیل خدوخیل ضلع بونیر آج ہم سب کو غمگین کر کے اپنے خالقِ حقیقی سے جا ملے۔ وصال کی عمر صرف 12 سال تھی، ایک معصوم بچہ جو زندگی کے حسین خواب دیکھنے اور کھیلنے کودنے کے دنوں میں تھا۔
چند دن سے وصال کو بواسیر کا عارضہ تھا جس کے علاج کے لیے اُنہیں شاہ منصور میڈیکل کمپلیکس، صوابی لے جایا گیا۔ ڈاکٹروں نے آپریشن تجویز کیا اور امید تھی کہ یہ ایک عام سا آپریشن ہوگا۔ مگر اللہ کو کچھ اور ہی منظور تھا۔ آپریشن مکمل ہونے کے بعد وصال کی حالت اچانک بگڑ گئی اور وہ جانبر نہ ہو سکے۔یہ خبر نہ صرف اہلِ خانہ بلکہ پورے علاقے کے لیے صدمۂ عظیم ہے۔ ایک پھول جیسے بچے کا یوں اچانک بچھڑ جانا والدین کے لیے ناقابلِ بیان دکھ ہے۔
ہم سب اللہ تعالیٰ کے فیصلے پر راضی ہیں۔ دعا ہے کہ اللہ پاک وصال کے معصوم روح کو جنت الفردوس میں اعلیٰ مقام عطا فرمائے، والدین کو صبرِ جمیل اور اس بڑے امتحان کو برداشت کرنے کی ہمت دے۔
إِنَّا لِلّهِ وَإِنَّا إِلَيْهِ رَاجِعُونَ۔
((آفاق ٹی وی بشکریہ))
