My Chakwal

My Chakwal Chakwal News| History | Tourism | Culture
Chakwal Chronicles | By Ibrar Akhtar Janjua
Authentic news ,history ,heritage,travel & untold stories of Chakwal.

Chakwal | Kallar Kahar | Choa Saiden Shah | Talagang | Lawa My Chakwal , Ambassdor Of Chakwal
All About ChakwaL....Pictures, Videos, Information and News of our Beautiful Chakwal....ذرا ہٹ کے
█▓▒░ W E L C O M E TO MY CHAKWAL ░▒▓█ ���
دوستوں ہم نے اس پیج کے ذریعے چکوال کی تصاویر، ویڈیوز اور چکوال کے متعلق معلومات آپ تک پہنچانے کی کوشش کی ہے۔امید ہے آپ کو ہماری کاوش پسند آئے گی۔

02-08-2026 کو موضع تھرپال میں امام بارگاہ کے سامنے کھڑے موٹر سائیکل ھونڈا سی ڈی۔ 70 applied for (بدون نمبر )چوری ہو گیا ...
04/08/2026

02-08-2026 کو موضع تھرپال میں امام بارگاہ کے سامنے کھڑے موٹر سائیکل ھونڈا سی ڈی۔ 70 applied for (بدون نمبر )چوری ہو گیا ہے۔

اگر کوئی اس شخص کو شناخت کر سکتا ہے تو درج ذیل نمبر پر رابطہ کرے۔

شکریہ 03449232914

ڈھوک ٹاہلیاں ڈیم ، چکوال۔۔!!!
04/08/2026

ڈھوک ٹاہلیاں ڈیم ، چکوال۔۔!!!

04/08/2026

Nature at its best …woven by tiny architects, no tools needed.

چکوال میں دو الگ کارروائیوں کے دوران چار ملزمان گرفتار، پولیس پر فائرنگ کرنے والے ملزمان بھی قانون کی گرفت میںچکوال پولی...
04/08/2026

چکوال میں دو الگ کارروائیوں کے دوران چار ملزمان گرفتار، پولیس پر فائرنگ کرنے والے ملزمان بھی قانون کی گرفت میں

چکوال پولیس نے کھائی جنگا روڈ اور ڈھوڈہ چونگی کے قریب دو مختلف کارروائیوں کے دوران مجموعی طور پر چار ملزمان کو گرفتار کر لیا۔

پہلی کارروائی: کھائی جنگا روڈ پر پولیس پارٹی پر فائرنگ

انچارج SSOIU صدر سرکل کی ٹیم مقدمہ نمبر 422/26 تھانہ صدر چکوال میں برآمد شدہ موٹر سائیکل واپس لے کر آ رہی تھی کہ کھائی جنگا روڈ پر موٹر سائیکل سوار دو نامعلوم ملزمان نے پولیس پارٹی پر اچانک فائرنگ کر دی۔

پولیس ترجمان کے مطابق ملزمان اجتماعی زیادتی کے مقدمے میں گرفتار افراد کو چھڑانے کی کوشش کر رہے تھے۔

پولیس نے قانونی تقاضوں کے مطابق جوابی کارروائی کی، اس فائرنگ کے دوران میں دو ملزمان

• محمد شہباز ولد ربنواز، سکنہ کھائی
• نقاش علی ولد انوارالحق، سکنہ کھائی

اپنے ہی ساتھیوں کی فائرنگ سے زخمی ہو گئے۔ دونوں کو طبی امداد کے لیے ڈی ایچ کیو ہسپتال چکوال منتقل کر دیا گیا۔

دوسری کارروائی: ڈھوڈہ چونگی کے قریب پولیس ناکہ پر فائرنگ

تھانہ ڈوہمن پولیس معمول کی ناکہ بندی پر موجود تھی کہ موٹر سائیکل سوار مشتبہ افراد نے پولیس کو دیکھتے ہی اندھا دھند فائرنگ شروع کر دی۔

پولیس نے حقِ حفاظتِ خود اختیاری کے تحت جوابی کارروائی کرتے ہوئے ہوائی فائرنگ کی۔ بعد ازاں سرچ کے دوران دو ملزمان

•محسن علی ولد ربنواز، سکنہ ڈھوک امب، ضلع جہلم
• محمد دین ولد محمد آفتاب، سکنہ ڈھوک قاضیاں، ضلع جہلم

اپنے ہی ساتھیوں کی فائرنگ سے زخمی حالت میں ملے، جنہیں گرفتار کر لیا گیا۔

ابتدائی تفتیش کے مطابق گرفتار ملزمان ڈکیتی کے مقدمے میں مطلوب تھے۔

پولیس کے مطابق فرار ہونے والے نامعلوم ساتھیوں کی گرفتاری کے لیے علاقے میں سرچ آپریشن جاری ہے۔

ترجمان چکوال پولیس

جتنے چکوال سے مندرہ کے درمیان “پاک شیرازی ہوٹل “ ہیں اُن سے زیادہ چکوال میں “بسم اللہ ہوٹل” ہیں۔ جھاٹلہ جسوال اسٹاپ، اع...
03/08/2026

جتنے چکوال سے مندرہ کے درمیان “پاک شیرازی ہوٹل “ ہیں اُن سے زیادہ چکوال میں “بسم اللہ ہوٹل” ہیں۔
جھاٹلہ جسوال اسٹاپ، اعجاز آباد چوآ سیدن شاہ روڈ چکوال

03/08/2026

تلہ گنگ روڈ اور ملحقہ دیہات کے تمام راستے مکمل طور پر کھول کر کلئیر کر دیے گئے ہیں۔ آپ کے علاقے میں جہاں کل راستے بند تھے اب کیا صورتحال ہے؟

03/08/2026

Chakwal | Bhone-Kariyala By Pass| Punjab

چکوال کے سوشل میڈیا کی غیر ذمہ دارانہ رپورٹنگ اور غیر ضروعی سنسنی خیزی۔۔۔!!!ابرار اختر جنجوعہکل صبح مجھے ایک جنازے میں ش...
03/08/2026

چکوال کے سوشل میڈیا کی غیر ذمہ دارانہ رپورٹنگ اور غیر ضروعی سنسنی خیزی۔۔۔!!!

ابرار اختر جنجوعہ

کل صبح مجھے ایک جنازے میں شرکت کے لیے چکوال سے باہر جانا پڑا۔ جہاں گیا وہاں انٹرنیٹ کی سہولت بھی میسر نہیں تھی۔ واپسی پر بھی کافی دیر ہو گئی، پھر چند ضروری کاموں کی وجہ سے موبائل زیادہ چیک نہ کر سکا۔
اسی دوران ایک دو دوستوں کی کال آئی۔ انہوں نے پوچھا کہ کیا چکوال کی تمام سڑکیں بند کر دی گئی ہیں؟ میں نے انہیں بتایا کہ نہیں، صرف تلہ گنگ روڈ ون فائیو چوک سے نکہ کہوٹ تک بند کی گئی ہے جس کی اطلاع مجھے صبح ہی مل چکی تھی۔ پنڈی بائی پاس پر لمبی قطار میں کھڑے ٹرالر دیکھ کر اندازہ ہو گیا تھا کہ چونکہ مشیٰ کے پروگرام کے باعث لوگوں کی آمدورفت متوقع ہے اس لیے بڑی گاڑیوں کی نقل و حرکت محدود کی گئی ہوگی۔
گھر پہنچا تو مہمان آ گئے، مصروفیت رہی، چند معمول کی پوسٹس کیں اور پھر موبائل ایک طرف رکھ دیا۔
شام کو دوبارہ دوستوں کی کالز اور واٹس ایپ پیغامات موصول ہوئے جو راستوں کی بندش کے حوالے سے پریشان تھے اور ایک کوتاہی مجھ سے بھی ہوئی کہ اس بارے میں کوئی پوسٹ شئیر نہیں کی ورنہ صورتحال سے بہتر طور پر آگاہی ہو جاتی۔ ان دوستوں کے میسجز میں مختلف سوشل میڈیا پوسٹس اور اسکرین شاٹس شیئر کیے گئے تھے جن میں دعویٰ کیا جا رہا تھا کہ "چکوال کے تمام داخلی و خارجی راستے کنٹینرز لگا کر بند کر دیے گئے ہیں۔ موٹروے بلکسر انٹرچینج، اخوت کالج پل، اوڈھروال چوک، ون فائیو چوک، سرگودھا بائی پاس بھی بند ہیں”
کچھ نے تو پنڈی روڈ ڈھڈیال والا راستہ بھی کنٹینر لگا کر بند کرنے کی خبر بھی چلائی ہوئی تھی جبکہ حقیقت اس کے بالکل برعکس تھی۔
میں خود ڈھڈیال سے پنڈی روڈ کے راستے چکوال آیا تھا اور تمام راستے کھلے ہوئے تھے۔ پنڈی روڈ، جہلم روڈ، چوآ سیدن شاہ روڈ، بھون روڈ جیسی مرکزی شاہراہیں معمول کے مطابق کھلی تھیں۔ صرف تلہ گنگ روڈ ون فائیو چوک سے نکہ کہوٹ تلہ گنگ تک بند کی گئی تھی۔
افسوس کی بات یہ ہے کہ واٹس ایپ گروپس میں صرف ایک مخصوص روڈ کی بندش کی خبر کو بعض سوشل میڈیا پیجز اور مختلف لوگوں نے انفرادی طور پر پوسٹیں شیئر کر کے اسے پورے چکوال پر لاگو کر دیا اور ایسی سنسنی پھیلائی کہ باہر سے آنے والے لوگ شدید پریشانی میں مبتلا ہو گئے۔
اگر ذمہ داری کا مظاہرہ کیا جاتا تو عوام کو یہ بھی بتایا جا سکتا تھا کہ

موٹروے سے آنے والے مسافر نیلہ دلہہ انٹرچینج سے اتر کر لطیفال اور ڈھڈیال کے راستے چکوال پہنچ سکتے تھے۔

دوسرا متبادل راستہ کلر کہار انٹرچینج سے بھون روڈ کے ذریعے چکوال آنے کا تھا۔

اسلام آباد جانے والوں کے لیے بھی یہی دونوں راستے مکمل طور پر کھلے تھے۔

چکوال مندرہ جی ٹی روڈ بھی معمول کے مطابق کھلی رہی اور وہاں کسی قسم کی بندش نہیں تھی۔

بدقسمتی سے ہمارے ہاں سوشل میڈیا کا ایک بڑا مسئلہ یہ ہے کہ بہت سے لوگ بغیر تحقیق، بغیر تصدیق اور بغیر زمینی حقائق معلوم کیے صرف واٹس ایپ پر موصول ہونے والی خبر کو اٹھاتے ہیں، اسے فوٹو شاپ یا کسی AI ٹول سے مزید جاذبِ نظر بناتے ہیں اور پھر درجنوں گروپس میں شیئر کر دیتے ہیں۔ شاید انہیں اندازہ ہی نہیں ہوتا کہ اس غیر ذمہ دارانہ طرزِ عمل سے کتنے لوگ غیر ضروری پریشانی اور ذہنی اذیت کا شکار ہوتے ہیں۔
دوسری جانب انتظامیہ کی حکمت عملی بھی سوالات کو جنم دیتی ہے۔ اگر کسی وجہ سے روڈ بند کرنا ناگزیر تھا تو کم از کم ایک دن پہلے باضابطہ اطلاع جاری کی جانی چاہیے تھی تاکہ مال بردار گاڑیوں، مسافر بسوں اور عام شہریوں کو متبادل راستوں کے بارے میں آگاہی مل جاتی اور وہ غیر ضروری انتظار اور مشکلات سے بچ سکتے۔
امید ہے کہ آئندہ ایسی صورتحال میں انتظامیہ بہتر منصوبہ بندی، بروقت اطلاع اور مؤثر حکمت عملی اختیار کرے گی جبکہ سوشل میڈیا سے وابستہ افراد بھی خبر نشر کرنے سے پہلے اس کی تصدیق کو اپنی ذمہ داری سمجھیں گے۔ درست معلومات پھیلانا ہی صحافت اور سماجی ذمہ داری کا بنیادی تقاضا ہے۔

اپ ڈیٹ۔۔یہ بچہ راولپنڈی سے مل گیا ہے اور گھر پہنچ چکا ہے تمام دوستوں کا بے حد شکریہ جنہوں نے پوسٹ شئیر کی۔
02/08/2026

اپ ڈیٹ۔۔

یہ بچہ راولپنڈی سے مل گیا ہے اور گھر پہنچ چکا ہے تمام دوستوں کا بے حد شکریہ جنہوں نے پوسٹ شئیر کی۔

02/08/2026

Dhok Talian Dam , Chakwal…!!!

Address

Chakwal

Telephone

+923005474840

Website

, ,

Alerts

Be the first to know and let us send you an email when My Chakwal posts news and promotions. Your email address will not be used for any other purpose, and you can unsubscribe at any time.

Shortcuts

Share

Category